Рет қаралды 2,138
ན་ནིང་རྟ་རྒྱུག་གི་ཐོག་ནས།
རྒྱ་ཞྭ་ལེབ་མོ་གོན་པའི།
ཕྱོར་སོ་གསེར་གྱིས་ཤན་པའི།
འབྲོག་མོ་སྙིང་རྗེ་ཞིག་མཐོང་བྱུང་།
ད་ལྟ་རྒྱུས་གོམས་མེད་ཀྱང་།
སྣང་བརྙན་དྲན་པ་ལ་འཁོར་ཡོང་།
ཁོ་མོའི་རྒྱ་ཞྭའི་ཟུར་གྱི།
མེ་ཏོག་ལྗང་སེར་གློ་དམར།
ད་རུང་ངའི་སེམས་ནང་ན་སྐྱེས་འདུག།
ད་རུང་ངའི་སེམས་ནང་ན་སྐྱེས་འདུག།
ཁྲི་འདུའི་ཁྲོམ་ཆེན་གྱི་དབུས་ནས།
ལུས་ཀྱི་འཁྲི་ཤིང་ལྡེམ་པའི།
ལན་བུའི་གཡུ་རྒྱན་མཛེས་པའི།
འབྲོག་མོ་སྙིང་རྗེ་ཞིག་མཐོང་བྱུང་།
ཚིག་གསུམ་ཞུས་པ་མེད་ཀྱང་།
གོམ་ཆུང་སེམས་ནང་ལ་བླངས་བྱུང་།
དཀར་གསལ་ཟླ་བའི་ཞལ་གྱི།
གཅེས་པའི་དགོད་འཛུམ་རེ་རེ།
ད་རུང་ངའི་མིག་ལམ་ལ་ཤར་ཡོང་།
ད་རུང་ངའི་མིག་ལམ་ལ་ཤར་ཡོང་།
ནམ་མཁའ་གཅིག་གི་ནི་འོག་ན།
ས་གཞི་གཅིག་གི་སྟེང་ན།
མཉམ་དུ་གནས་ཡོད་བསམ་ན།
བློ་འགྱོད་ཆེན་པོ་ཞིག་མི་འདུག
ངེད་གཉིས་ཞེ་འགྲོགས་མིན་ཀྱང་།
ལོ་ཟླ་གྲངས་མེད་ལ་དྲན་བྱུང་།
ལུས་བདེ་སེམས་སྐྱིད་ངང་ནས།
ཁོ་མོས་སྐྱིད་ཅིག་མཐོང་བར།
སྐྱབས་འཇུག་ངས་སྙིང་ཁོང་ནས་ཞུའོ།
སྐྱབས་འཇུག་ངས་སྙིང་ཁོང་ནས་ཞུའོ།
སྐྱབས་འཇུག་ངས་སྙིང་ཁོང་ནས་ཞུའོ།
སྐྱབས་འཇུག་ངས་སྙིང་ཁོང་ནས་ཞུའོ།
#tibetansong #tibetanmusic #tibetansong2022