"Санат" Токтогул Сатылганов.Асылбек Маратов...

«Санат»
Аргымакты «жаман» деп,
Бууданды кайдан табасың?
Агайынды «жаман» деп,
Тууганды кайдан табасың?
Ак саманды «жаман» деп,
Чөптү кайдан табасың?
Аз дүйнөнү «жаман» деп,
Көптү кайдан табасың?
Жарма чайды «жаман» деп,
Этти кайдан табасың?
Акындарды «жаман» деп?
Кепти кайдан табасың?
Агарган карда көп жүрсөң,
Көзүң бир күн карыгат,
Агайындан чет жүрсөң,
Көңүлүң бир күн тарыгат.
Тууганына батпаган,
Душманына жалынат.
Болбос жаман арамза
Болумсуз ишке малынат.
Кийинкисин ойлобой,
Кишинин көөнүн калтырат
Жакынына жакпаган.
Жат кишиге жагынат.
Ханды кудай урарда
Калкына жаман кас болот.
Байды кудай урарда
Дөөлөтүнө мас болот.
Кышты кудай урарда
Күн жылымдап жаз болот.
Эрди кудай урарда
Элүүндө жаш болот.
Жалпы жылдыз чогулса,
Жарым шоола айдай жок,
Тогуз улак бириксе,
Баасы жалгыз тайдай жок.
Карандай чайды көп ичсең,
Бир кесим казы майдай жок.
Өңкөй бөздүн сапаты
Бир кийимдик шайдай жок,
Бычак берсең, кындап бер,
Кындап берсең, чындап бер,
Берекесиз байлардан
Бейпил менен күн кетер.
Жумуш кылсаң, мууда кыл,
Иштеп кетпе илдекер,
Кара санап бирди алсаң,
Колуңуздан миң кетер.
Чечилишип сырдашсаң,
Көкүрөктөн муң кетер.
Баарың болсо бир ооздуу,
Душманың кантип былк этер?
Булут кетсе асмандан,
Күн ачылып жылт этер,
Ажалың жетип, күн бүтсө,
Кайран башың шылк этер.
Ак бараңдын кундагын,
Аталбасаң сунбагын,
Эрмин десең душмандан
Эки көзүң жумбагын.
Өтүп кеткен иш үчүн
Өкүнүп балаң урбагын.
Көпкөн жигит көп сүйлөйт.
Чечен жигит эп сүйлөйт,
Билбестерге жыйында
Бир сүйлөөгө кеп тийбейт,
Жөн жүрбөгөн жигиттер
Көрүнгөндөн тепки жейт.
Ким көрүнгөн кекенип
«Ушунуку өттү» дейт,
Көз карашың бузулса,
Көргөн адам «көптү» дейт.
Сүт табакты жибитет,
Айран тамса иритет.
Пайдасы жок кеп айтып,
Маңыз сөздү чиритет.
Күлө сүйлөп үйүңө
Күндө кирген күл ичет.
Эки дүлөй кошулса,
Бир - бирине күлүшөт.
Жинди менен жоолошпо,
Суу куйбагын толбоско,
Акмак болуп кетесиң,
Ачууланба болбоско.
Үгүт айтып чарчаба,
Айткан акыл конбоско.
Жолдош болсоң куу менен,
Өмүр өтөр доо менен.
Жыкмайынча качпагын,
Беттешип калсаң жоо менен,
Суктанбагын сулууга,
Уят айтпа улууга.
Тамаша айтсаң билбеске,
Тар жерде катуу сындырат,
Жамандардын адаты -
Жалган сөздү чын кылат.
Көптү көргөн адамдар
Көңүлүңдү тындырат.
Бекерчиден безе кач,
Ушакчыдан көчө кач!
Кызыктырып кыйыкты,
Кыйын жерге жибербе,
Билбестерди коркутуп,
Алдоо менен имербе,
Жаңшап турган Токоңдун -
Насияты силерге.
Жаның менен акыл айт
Жакшы айтканың билерге.
Колуңдан келбес жумушту
Оюң менен бүтүрбө,
Алыстан келер коноктун
Кабарын укпай күтүнбө.
Айталбаган сөз үчүн
Оозуңду бекер ачпагын,
Мактаганга март болуп
Оокатыңды чачпагын.
Колдон келер иш болсо,
Коркуп бекер качпагын.
Мурунку жаман ишиңди
Кийинки жерге таштагын.
Жолдош болбо коркокко,
Жүк артпагын торпокко,
Иш кылдырба чоркокко.
Күлүк минсең күүлөнүп,
Эки жагың каранба, -
Көйрөң атка коносуң
Көрүп калган адамга.
Сурап ичкен тамагың -
Суу ичкен менен барабар,
«Сук» атанып айлыңа
Суук болбо, жаш балдар!
Күлүк менен жарышпа,
Билимдүү менен алышпа.
Кейбир кылат өзүңдү
Кеп салбагын маңызга.
Көңүл калар кеп айтпа
Оору менен картаңга,
Жанын сатат кээ адам
Жарым чөйчөк талканга.
Бузук менен муңдашпа,
Уятсыз менен ымдашпа,
Болбос ишке кийликпе,
Момундук жөнү бир башка…
Алың менен күч керек
Азык оокат тыңдашка.
Акылсызга сөз айтып,
Акмак менен сырдашпа.
Аялыңды жек көрүп,
Жамандыкты ырбатпа.
Өнөрүң болсо, өргө чап,
Кор кылбай, асыл жанды бак.
Эрдин көркү - эл менен,
Эмгегиң менен элге жак!

[@БактыбекАлыкулов-м7ч]

Кайран Током, акыйкаты гений инсан болгон экен.Айткандары азыр да актуалдуу.

[@ишенбекКачкынбеков]

Асылбек байке өнөрүңузго даңк! Төкмөлүктун бийик ашууларын багынта бериңиз! Ар убакта оору сыркоодон оолак болуп, биз окшогон кыргыз жаштарынын көрөңгөсүно көрк кошуп жүрө бериңиз,биз сиз менен сыймыктанабыз! Ушунунуздан жазбаныз сизге алкыш !

[@aziyatakbaeva3274]

Кандай Гана акы́л создор,а́яба́й туура айтыптыр.Ойлоп корсон чынле .,..,.А́йталбаган со у́чун оозу́нду Бекер ачпагын

[@БерметАсанова-ш5б]

Жараткан Аллах колдосун жаман создордон сактасын оомин 🤲 онорун оркундой берсин менин суйуктуу акыным

[@Tchaikovsky1877]

Миленько 🥰

[@jenichjenich6131]

Ийгилик коштосун аман бол

[@Nur-76]

Залкарлардын ырларын ушинтип ырдап, эске салып турсаңар. Биз бала чакта бир эле радиону укчубуз (Кыргыз радиосун). Ошол аркылуу тарбияланып, көкүрөккө сиңирип, таасирленип жашаганбыз. Мындай санат-терме, насыят ырларынын мааниси терең, азыр да актуалдуу, ошон үчүн дайыма ырдалып туруш керек деп эсептейм. Рахмат!

[@Janarbek312]

👍👍👍👍

[@МахабатНеукулова]

😊З😮😅зэххзщх

[@КимЧенЫн-ж9ж]

Молодец досум Аске Токтогулдун Арзыматты очургон ырын жуктосон жакшы болот эле

[@МелисЖусубалиев-ъ2м]

Аске чыгармачылык ийгилик

[@ЭмилбековКубанычбек]

Ханды кудай ураарда оз элине кас болот Байды кудай ураарда доолотуно мас болот Кышты кудай ураарда кун жылымдап жаз болот Эрди кудай ураарда 50сундо жаш болот

[@ЫрсалатКадыркулова]

😊 Йй1

[@bakytchytyrbaev37]

Мыкты аткарыпсың, Асылбек, рахмат! Обону текстин ээрчип, маани өзгөргөндө, кошо өзгөрсө кандай болмок деп ойлоп койдум...

[@Баку-у9ц]

Керемет соз, керемет обон. Абдан сонун.

[@ilgizkudaibergenov6153]

Бар бол асылбек

[@ЖыргалЖолон]

Класс

[@ФерузаАбазова-д4ж]

🔥🔥🔥Баракелде Үнүңүзгө береке😍

[@asylbekakyn]

Чооң рахмат бар болуңуздар...

[@alex_mahoun7958]

Мыкты акынсын байкебай

[@Tabyldy_]

Болгонун болгондой айтыган ❤❤❤❤❤❤❤

[@Журсун-й4н]

Токтогул атандын эмгегин кайрадан элге тартуулап.жакшы маанай тартуулап жатасын.Токтогулдай залкар бол.Талантын озгочо. бапестеп багып ал.

[@aiskakojomkulova8400]

💋💋💋👍👍👍❤️

[@АльбинаТолонбаева-г1к]

Сонун❤

[@СейтекМусаев-ч7х]

👍маладес

[@ALI1K_____100k.]

👍👍👍👍👍👍👍👍👍👍

[@Bektursun_KGZ]

Жакшы 🙂

[@mumtaz4435]

👏👏👏👏

[@ruslanabdyldaev7375]

Алымкул Үсөнбаев акындын обону го. Токтогул акындын обону башкача элего.

[@Раяна-ф3н]

Тексттин берип койгулачы

[@benstambekov8572]

Комуз черткенди үйрөткөн курсуңуз барбы?

[@faridaaidarbekova6139]

Үнүңө береке👏👏👏

[@AidanaSmanalieva]

СУРОО. Токтогул Сатылганов композитор катары кайсы кууну чыгарган?

[@АсалханБаймурзаева]

Мен да ошону издеп аткам адабияттан😄

[@ИсаМирланбекуулу]

Кайран Токон

[@aiskakojomkulova8400]

Залкар акынчик

[@РулькаСвиная]

0:16 2:54 3:26 4:01

[@РулькаСвиная]

0:16

[@РулькаСвиная]

2:54

[@РулькаСвиная]

3:26

[@РулькаСвиная]

4:01

[@РулькаСвиная]

3:06

[@hanzohattori9025]

Ай баракелде, азамат, жакшы аткарыптыр!