ဆရာဖြစ်သူ တေးရေး ကိုလေးလွင်ရဲ့ ဘဝအမှတ်တရတွေကို ပြောပြခဲ့သူ အလွမ်းသီးချင်းရေးတဲ့ မောင်ကျော်ဇော

Рет қаралды 1,776

Күн бұрын

ပိုက်ဆံမပါဘဲ တက္ကဆီ တားစီးတဲ့၊ ပလေးဘွိုင်းသန်းနိုင်က ဆရာနဲ့တပည့်ကို အခန်းထဲ ထည့်ပိတ်ထားခဲ့ပြီး တစ်စီးရီးစာ သီချင်းရေးခိုင်းခဲ့တဲ့ တေးရေး ကိုလေးလွင်အကြောင်း ပြောပြသူ အလွမ်းသီချင်းရေးတဲ့ မောင်ကျော်ဇော
-----------------------
တေးရေး ကိုလေးလွင် ဟာ မြန်မာနိုင်ငံရဲ့အတော်ဆုံးတေးရေးတွေထဲမှာ တစ်ဦးအပါအဝင်ဖြစ်ခဲ့ပါတယ်။ တေးရေး ကိုလေးလွင်ရဲ့တပည့်ရင်းဖြစ်ခဲ့သူကတော့ အလွမ်းသီချင်းရေးတဲ့ မောင်ကျော်ဇောပါပဲ။ ကိုလေးလွင် ဟာ မြန်မာသံစဉ်သီချင်း။ စတီရီယိုသီချင်း၊ ကော်ပီသီချင်း အားလုံးကို ပိုင်ပိုင်နိုင်နိုင်ရေးသားပြီး သီချင်းကောင်းများစွာကို မြန်မာဂီတလောကအတွက် ချန်ထားရစ်ခဲ့သူဖြစ်ပါတယ်။ တစ်နေ့မှာတော့ တေးရေး ကိုလေးလွင်ဟာ တပည့်ဖြစ်တဲ့ အလွမ်းသီချင်းရေးတဲ့မောင်ကျော်ဇောနဲ့အတူ ပိုက်ဆံမရှိလို့ လက်ဖက်ရည်တစ်ခွက်ကို နှစ်ယောက် ခွဲသောက်၊ ပိုက်ဆံမရှိဘဲ တက္ကဆီ တားစီးပြီး ပလေးဘွိုင်း သန်းနိုင်ရဲ့အိမ်ကို သွားခဲ့ပါတယ်။ တက္ကဆီခ မပါလို့ ပလေးဘွိုင်း သန်းနိုင်ဆီကနေ တက္ကဆီခတောင်းဖို့ ပလေးဘွိုင်း သန်းနိုင်ရဲ့အိမ်ထဲဆီ တေးရေး ကိုလေးလွင်က ဝင်သွားချိန်မှာ ပလေးဘွိုင်း သန်းနိုင်က သူ့ကို သီချင်းတွေ မရေးပေးသေးလို့ ကိုလေးလွင်ကို စိတ်ဆိုးနေခဲ့ပါတယ်။ တက္ကဆီမောင်းတဲ့လူကလည်း တက္ကဆီခရဖို့အတွက် အချိန်အတော်ကြာအောင် စောင့်လိုက်ရတဲ့အထိ ဖြစ်သွားခဲ့ပါတယ်။ အဲဒါပြီးတာနဲ့ ပလေးဘွိုင်းသန်းနိုင်က တေးရေး ကိုလေးလွင်နဲ့ အလွမ်းသီချင်းရေးတဲ့ မောင်ကျော်ဇော်တို့ ဆရာတပည့်နှစ်ယောက် အခန်းထဲမှာ သော့ပိတ်ထားခဲ့ပြီး တစ်နေ့တည်းမှာ စီးရီးတစ်ခုစာ သီချင်းအပြီးရေးပေးဖို့ ကိုလေးလွင်ကို အလုပ်အပ်သွားခဲ့ပါတယ်။ ကိုလေးလွင်က အရက်သောက်လိုက်၊ အိပ်လိုက် လုပ်ပြီးမှ သီချင်းကို ဘယ်လိုစတင်ရေးသားသလဲဆိုတာ သူ့ရဲ့တပည့်ဖြစ်ခဲ့သူ အလွမ်းသီချင်းရေးတဲ့ မောင်ကျော်ဇောက အခုလို ဆွေးဆွေးမြေ့မြေ့ ပြောပြခဲ့ပါတယ်။
#MercuryVariety #MV #MercuryExclusiveInterview #ExclusiveInterview #MercuryCelebrityInterview #CelebrityInterview #အလွမ်းသီချင်းရေးတဲ့မောင်ကျော်ဇော #တေးရေး #Celebrity #မြန်မာသံ #တေးသံရှင် #စတီရီယို #တေးစီးရီး #ကိုလေးလွင် #KoLayLwin #Singer #အဆိုတော် #ပလေးဘွိုင်းသန်းနိုင် #ဆရာတပည့် #Yangon #Myanmar