Satria Pasundan_Sajak Sunda

Pinunjul ka 1 Nulis jeung Maca Sajak Sunda; Pa Otto Iskandar Dinata dina acara Gema Pasunda Mieling Basa Indung #sajak #sajaksunda
SATRIA PASUNDAN
DZAKIYAH BAHIYAH FAKHIRAH
Salira sinatria pinilih di mandala purwa
Nu ajeg manggul catur
pertentang ngahudang dangiang
Ngahurun tunggul jeung bangkarak
Demi Bangsa
Keur kuring,
Salira dangiang Sunda
Nu nuturusan sélér Pasundan
Kakoncara sabuana nusantara
Nangtung di manggung ngaweuhan Mundinglaya
Keur kuring,
Andika Laskar peteng nyerek ngabongohan
Ngerem ngabekem Sang Jalak Harupat
Di basisir kulon Mauk tuluy nandasa
Jasad ngalumburuk luhureun keusik
Durjana!
Mujitiba!
Enya atawa aya satukangeunna
Atra andika nu niruk tenggekna
Najan ilang tapak lacakna
Moal mareumkeun seuneu
Sakumna dada-dada Sunda
Deudeuh,
Sukma nu ngangkleung
Kiwari kuring nangkeup saban nyawa nu tiheula
Sinatria-sinatria Pasundan
Jungjunan,
Merdeka!