اسباب تاخر تشغيل الدراجة الجزأ الثاني

* رابط صفحة ال Instagram {ميكانيك الدراجات}
/ iraqi_motor_c
* رابط مجموعتنا على ال facebook { كن فنيا بعقلك }
www.facebook.c...
* رابط صفحة القناة على الfacebook { ميكانيك الدراجات }
www.facebook.c...
--------------------------------------------------------------------
ملاحظة / هنا بعض الاسئلة و قد تكون بعض الاجوبة ليست تامة او بها خطأ .
⇝⇝⇝⇝⇜⇜⇜⇜
نبدأ بعون الله تعالى
1- كيف اعرف الدراجة تحتاج تجفيت ( كايمة ) او لا ( اي و يكمن العطل في السلندر او يسمى البوشة و البستن )
ج / تعرف ذالك عن طريق الفحص و ذالك بوضع رجلك على الهندر و أنزاله ببطئ اذا لاحظت أنه ينزل بسرعة دون مقاومة فالمحرك عاطل يحتاج تجفيت وايضا تستطيع فعل ذالك من جهة مروحة التبريد تقوم بتدويرها فأذا لم تجد مقاومة فالدراجة تحتاج تجفيت و في القناة فيديو توضيحي .
2- صوت في الأطار الخلفي ( العجلة الخلفية ) للدراجة .
ج / لها عدة أسباب منها :
1_ مكان أتصال الأطار الخلفي بالمحرك المسمى بلأكسل يوضع فيه زيت يسمى سي أو يل ممكن لا يوجد زيت فضيفلهة هذا الدهن راح يفيد في تخفيض الصوت و في القناة فيديوهات توضيحية .
2_ ممكن بسبب البولبرنكات الموجودة في نفس المكان ممكن تالفات يعني ( خلص عمرهن الافتراضي ) لذالك هن يطلعن أصوات و ايضا في القناة فيديو توضيحي .
3- كيف اجعل الاشاراة تشتغل رباعي .
ج /من خلال ربط اسلاك الاشارة معا و ربط مفتاح بينهما لغرض التحويل بين الأشارة الرباعية و الوضع العادي و في القناة فيديو توضيحي .
4- الدراجة تشتغل اذا كانت باردة و بعد ان ترتفع حرارة المحرك تنطفئ او بالعكس .
ج /عمل ثلاث امور ان شاء الله راح تفيدك :
1_ اذا كان البلك { بوجي و هو المسؤول عن اعطاء الشرارة للمحرك كي يحدث الاحتراق } قديم قم بتبديله و ضع جديد اصلي و حتى لو كان جديد لكن ليس اصلي قم بتبديله بآخر اصلي .
2_ اتأكد من وصول الدهن للمحرك و ذالك عن طريق تنظيف مضخة الدهن موجود فيديو في القناة عن هذا الامر .
3_ اخلط للدراجة دهن مع البانزين بكميات قليلة بمقدار 5 cc كما موجود في سرنج زرق الابر الطبية تضيفه مع كل تفويلة بالتمام للبنزين و ترج الدراجة ليمتزج .
5- دراجة أوتوماتيك سرعتها ممتازة لكن عزمها ضعيف اي عند صعود تل او جسر لا تقوى على الصعود .
ج / بالنسبة للعزم فهذا شيء طبيعي لأنة الدراجات ذوات المحرك الأوتوماتيكي هكذا يكون عزمهن ضعيف و قد يكون لديك خلل في الكلج الخاص بالاطار الخلفي به فحمات احتكاكية ممكن تالفات أما الدراجات ذوات المحرك الذي أنت تعطية النمرة ( الكير العادي ) فيكون عزمهن قوي وأقوى ما يكون في النمرة ألأولى ( التبديلة الأولى )
يبقى السؤال هل الدراجات الأوتوماتيك مصممة لصعود التلال المنحدرة جدا الجواب لا
لذالك تجد نوع خاص من الدراجات تسمى جبلية ذات محرك أنت تعطية تبديلات الگير ( محرك الكير العادي ) .
6- اذا كان البلك راخي هل يؤثر .
ج / نعم يأثر على الضغط اربطه جيدا لكن ليس بقوة عالية شد معقول .
7- الكلجات ( الخرز ) يأتي عددهن 6 او اكثر هل يمكن تقليص عددهن الى 3 مع التوزيع بشكل متناسق .
ج/ العملية كلها تعتمد على قوة الطرد المركزي فعند تقليل الخرز الى ثلاث أو أربع تزداد سرعة نهوض الدراجة في اول تحرك لها اي سرعة اقلاع عالية .
لكن أيضا تعتمد على المحرك وقوته قد تنجح و قد لا تنجح و في القناة فيديو توضيحي عن زيادة السرعة .
8-الدراجة الجديدة مثلا سرعتها 60 تمشي 50 و تقفل السرعة لماذا .
ج / الدراجات الجدد يجي بيهن قفال سرعة
على الكلجات الامامية زيل القفال و تزيد السرعة لكن انت افتح الكلجات اذا وجدت قفال
خليي أفضل ألك حتى لا يتعب المحرك و خليك حدك اذا تريد سرعة 50 لا تزيد أفضل للمحرك و في القناة فيديو توضيحي .
9- هل السلندر( البوشة ) التجاري جيد ام لا .
ج / يعني نوعا ما جيد لكن شهرين او اكثر او اقل و لازم تبدلة لأن يتلف ،
يوجد أفضل الي هو يسمونة مكصوص رايمر يعني سلندر اصلي مستخرجينة من دراجة و مصلحينة بطريقة القص لكن غالي ممكن يكلفك فقط القص بحدود 15 دولار ، أما التجاري ممكن تحصلة ب 10 دولار او اقل ،
بينما المقصوص او مال تفصيخ اصلي تحصلة كامل ب 35 او 40 دولار .
10- السلف فترات يعمل و فترات لا يعمل .
ج/ نظفه جيدا و رجع شد السلف و جرب
و اذا ما يشتغل فممكن فيوز تالف عندك
او المحول الخاص بالسلف يسمونة كتف
او ممكن من الباتري تالف او يفقد شحن .
11- الهندر لا يعمل حاشر ما ينزل و الدراجة لا تعمل .
ج/ يوجد سببان لهاذا أحدهما سهل و الاخر صعب ،
1_ قد يكون السبب تكسر مسننات الهندر من الداخل وهذا سهل فقط قم بفك مكان الهندر بالكامل و جد القطع التالفة و استبدلها ، أذا لم يكن هنالك مشكلة بألهندر أذن ،
2_ عطل داخل المحرك يعني ( تجفيت ) للمحرك
و في القناة شرح للتجفيت و كيف تعرف الدراجة تحتاج تجفيت .
12- الأطار الخلفي لا يتحرك مع ان الدراجة تشتغل وكأنه ملتسق او كابح فرامل .
ج / الاكسل الخلفي يعني مكان ارتباط الأطار بالمحرك هذا المكان به جهتان جهة خارجية و التي بها الأطار
و جهة داخلية و التي بها الكلج يكون في جهة الهندر المهم هذا المكان الاكسل يحتوي في الداخل على بوربرنكات و مسننات تجد هناك العطل ممكن تكسر البوربرنك ،
يجب فتح الكلج في جهة الهندر و من ثم فتح الغطاء الذي وراءه ثم تصلح حسب العطل الموجود او يوجد الخلل في الفحمات التي في داخل الأطار المسؤولة عن الفرملة متكسرة و مسببة انحشار في هذه الحالة تفك الأطار و ترى اذا كانت هناك مشكلة في القناة فيديو توضيحي .
#ميكانيك_الدراجات #ميكانيك

[@ABDulrehman-ys9gn]

والله يعمي ماكو كلمة توفي شرحك المرتب

[@user-bv3ji8gb3q]

اقدم واحسن مصلح عاشت ايدك متابعك صارلي 3سنين

[@Iraqi-1-Man]

تسلم اخوي 😘

[@HusseinAli-uh6tb]

عاشت ايدك وبارك الله بيك

[@Al-bi7xz]

عاشت ايدك ورده شرح مضبوط استمر ربي يوفقك

[@osamahalbasry6959]

احسنت ياصديقي القديم وبارك الله بيك يامبدع

[@Iraqi-1-Man]

عزيزي اخوي اهلا وسهلا بيك تسلم .

[@wahedwahed3030]

عاشت ايدك استاذ مبدع دائما وابدا

[@user-zv6wg5tz4x]

تحياتي الحضرتك

[@user-mc3lz7zj4u]

احسن واحد يشرح

[@asedalkhalas3221]

بارك الله بيك ياطيب

[@user-zv6wg5tz4x]

استمر مبدع

[@alihonor5038]

نصيحة مني الك. لاتخلي مقدمة طويلة لأنه النت عدنا حشا السامع زبالة. وهذا بحد ذاته ممل من بداية الفديو. مع العلم شرحك جيد وعاشت ايدك

[@user-kn9sr4yr6t]

حبيبي شرحك كلش حلو وموفق بس حبيت اوضح شغلة انت ذكرته عن موضوع ضغط في دقيقه 5:29والجبن ماكو ضغط داخل لمكينه يكوم جبن لان ماكو مكينه ديزل تخلى من فتحه تهوئ في الاعلى لي هيه وضيفته تبيرد وتقليل ضغط وشكرا

[@Iraqi-1-Man]

نعم اخي صحيح شكرا الك هاي الحالة موجودة بمكائن الصغيرة ال 60

[@user-ee9yu5jl9n]

إخوي رحمه على والديك عندي دراجه إيراني 4 كير تتأخر بالتشقيل كلش هواي وبدلت بلك جديد ونفس شيء و الكابريتر جديد بس اله اخنكه يله تشتقل

[@diwanitech3175]

ارسلي كتاب تصليح او افكار عن الدراجات نارية يااستاذ

[@moamenart8732]

بارك الله بيك استاذ عل شرح عندي مشكلتين يحفظك الله الاولى تأخر تشغيل الدراجة صباحا يعني اضرب اكثر من هندر قبل فتح السويج وبعدين افتح سويج وتشتغل طبيعي يعني وقت الباردة اعاني علما اشغلها بس لمن تحمى تشتغل طبيعي ولمن اوقفها بالشمس مباشرة تشتغل بدون هنادر المشكلة الثانية تمشي تقريبا ٤٠ مااكثر مع العلم عمرت المكينة قبل ٥ اشهر واسف عل اطالة وشكرا لك وجزاك الله خير

[@AliAli-db9he]

اخي الكريم عندي دراجة موديل 2021 التانكي مزروف بس الزرف صاير تحت بليته

[@saifraad9850]

اخي سلام عليكم عندي دراجة 60 البلك الكه بيه دهن كلما ابدل حتى لو جديد هسه شادة بس اشغل وارجع الكاه مليان دهن شنو السبب وتاخر في التشغيل

[@user-ph4ls6mh1o]

اخي الغالي تبديل بستم ورنكات يعني تجفيت يحتاج وتحياتي الك

[@saifraad9850]

مشكور حبيبي الغالي

[@user-cc3tx8gg8e]

السلام عليكم ورحمة الله وبركاته شلونك شخبارك طبعا شرحك كلش مفيد جزاك الله خير الجزاء ممكن سؤال الف رحمه الواديك عندي ذبانه ساسوكي جفتتها بستم وبوشه بس اكو شبيها الدهن المحروق يطلع من فتحت الكزوز بس مو هوايه هل هذا شي طبيعي لو اكو مشكله بلكي نورني حسب خبرتك

[@HusseinAli-uh6tb]

استاذ اني عندي دراجة منغولي ام السلة الصبح ماتشتغل ربع ساعة هندر حتى تشتغل وحتى الضحى هم ما تشتغل واول ما تشتغل ماتمشي مابيه شلعة بعدها شوية وتمشي طبيعي.؟ اذا عندك معلومة يرحم والديك.

[@user-pw8mc5de1g]

سلام عليكم اخي. دراجه نكره سلف ونكره هندر بس مشكله ما تشتغل بسرعه بس وكت صبح ع رغم الجو حار مو بارد شنو سبب

[@user-em9lc3ox2c]

عندي دراجه من نطيه بانزين تختنك وتطفي شنو سبب بدلت بلك ونضفت كابريته نفس حاله

[@user-dr5fd1mt6y]

بدون زحمه شكد حجم قايش مال دراجه ماكس عدله

[@user-cn1eu1ym9k]

بلازحمه عندك معلومه على دراجه ديليم سرعه ٨٠ بدون هندر سلف

[@user-hi1xg1tm1z]

عاشت ايدك عل شرح بس ممكن اترد😘 عليه عندي بانده ٤٠٠ تذب دهن وبنزين من الكابرته وبدلت الدهن طلع وياه بنزين😔💔

[@Iraqi-1-Man]

عزيزي الدراجة كاعد طوف الكابريتر مالتهة اما عندك المصاص تالف او الكابريتر و صخ بالقناة فيديوهات عن هذا الموضوع .

[@user-hi1xg1tm1z]

@@Iraqi-1-Man مشكور منك حبيبي ما قصرت بس شنو المصاص ادري ضوجتك وياي❤😘

[@Iraqi-1-Man]

@@user-hi1xg1tm1z اخوي يصير متصل بالتانكي و يستلم من صوندة رئيسية البنزين و تطلع من عندة صوندات ثنين يرحن للكابريتر هم بالقناة فيديو عنة .

[@Ali-xu9rd]

اذا امكن تبديل كتف الإشارة دراجة ابريو60 و وين صاير بالضبط

[@Iraqi-1-Man]

بالمقدمة تفتح الكفر الامامي و تلكا موجود بالقناة فيديو عن الموضوع .

[@user-yh7pt1im6j]

اول مشاهدة

[@Kw053]

قبل لاشوف الفيديو خلي انطيكم نصيحة اني عندي دراجه ساسوكي خفاش 60 سرعته فا تتاخر بالتشغيل نظفت كابريتر وبدلت ابلك ونفس المشكلة فا جفتت بيدي بوش وبستم ورنكات ونظفت الماكنية علمود الجدحة تقوى والحمدالله نص هندر تشتغل لو بعز البرد ❄🍃 هم تشتغل عن تجربة احجيلك

[@Iraqi-1-Man]

شكرا للنصيحة نعم اخي ضمن الفيديو توضيح عن هذا الموضوع .

[@user-jf5ce4fg2h]

سلام عليكم اشلون اراسلك. عندي دراجه سكنس فحل نزول جوتر نضيف... نوزل.... الشوته...... الناريه. نارها حمره..... كلشي نضيف... يفتر المحرك بس مايشتغل. ليش يرحم والديك

[@user-rx4ej8vt4y]

السلام عليكم شلون شلون عرف العطل بالفلاوين والعصافير والسنتر

[@37xi]

السلام عليكم عندي دراجة شغلتهة ما تشتغل ضلت اذب بانزين شنو السبب

[@user-vr4is9po1u]

مرحبا اخي عندي دراجه أكزز تقفل سرعتها ٦٠ مع العلم الكلجات والتورباين ستوني غيرتهن والصالنصه هم بدلتها شنو السبب

[@Iraqi-1-Man]

عزيزي مرات يجي قفل سرعة على الكلجات موجود بالقنة فيديو عن هذا الموضوع .

[@user-zk6pj3oh8h]

حبيبي الدراجه60 عندي من اتركه نص ساعه تقريبا واجي اشغله تتاخر عندي بل شتغيل ومن تشتغل وطفيه ورجع اشغله تشتغل نكره سلف ممكن اترد

[@user-bh2en5rg2m]

مرحبا🤗🤗مشترك 🌹🌹جديد❤️🙅‍♂️

[@af1.0]

كابتن ارجو الرد . دراجتي كاطعه نار بدلت ملف وعقل واجت نار بس اشيل الجطل من الباتري تطفه الدراجه

[@Iraqi-1-Man]

عزيزي اساس المشكلة بكتف الشحن بدلة و راح تشتغل الدراجة طبيعي و بالقناة فيديو عن الكتف .

[@-walid4194]

سوال اخوي هسه انه بالصيف وتااخر الصبح بالتشغيل هنا شستثني من الاعطال وعليمن اركز

[@Iraqi-1-Man]

تركز على اما على الاغلب الكهربائيات البلك و الكويل او ضعف ضغط البستن او اكو مشكلة بالكابريتر ممكن يحتاج تنظيف

[@-walid4194]

@@Iraqi-1-Man شكراً ياورد

[@iq127]

شتنصحني اخذ دراجه من الرمه ما اعرف يا نوع اخذ

[@Iraqi-1-Man]

اخوي اذا دراجات ال60 اخذ ياماها ٩ زروف او منغولي و اذا دراجات ال١٠٠ و فوك فلافضل الايراني او تاخذ ياماها ماكس او فراشة .

[@iq127]

@@Iraqi-1-Man رحم الله والديك ما قصرت

[@user-lx6xy9tj8z]

اخي الدراجه الناريه تبعي يتاخر بالتشغيل والبستم ضغط

[@user-qe6vl9dp2t]

حبيبي عندي دراجه بيهه صوت واحد يكلي من لكير واحد يكلي من لقايش

[@alaakazem77]

زين اكو معالجة بدون فتح المحرك او البستم

[@Iraqi-1-Man]

بالنسبة للمحرك لازم تفتح و الا شلون تعالج التلف اما البلك فمجرد تفتحة و تبدلة .

[@Ali-mr1gh]

عندي دراجة60 تشلع كلبي بدايةالتشغيل لكن بس تحمة تشتغل نكرة شنو السبب رجاء

[@user-xv5qu7iy9t]

لكيت الخلل لو بعدك

[@2t2]

السلام عليكم اخي العزيز عندي دراجه يوماها منغولي مااعرف شنو مشكلتهاا من ادوس بانزين اول مامشي بيها تمشي بس تمشي بطيئ يعني تقرين تمشي ٥% ادوس بانزين وتجعر وتمشي بطيئ ماتمشي حيل اذا ممكن حل لمشكلتي اخوي العزيز

[@mujtaba653]

حبي وينك شو مختفي ليش تترك القناة

[@Iraqi-1-Man]

ممنون اخوي 😘 ان شاءالله ما اتركهة بس تعرف مشاغل الحياة و القناة ما تكدر تعتمد عليهة بعيشتك .

[@mujtaba653]

@@Iraqi-1-Man اي وربي حجيك صدك المشاغل تلهي الواحد انته استمر حتلو فديو كل شهر 😍😍غالي وغالي

[@user-hn4pq1iw5g]

اخوي اكدر احصل دراجة 100الف سرعة ستين

[@Iraqi-1-Man]

اهلا وسهلا اخوي نعم ممكن تحصل اذا بحثت في كروبات الفيس بوك او على السوق المفتوح لكن الدراجة تكون بحالة سيئة نوعا ما يعني تكدر دكول بالكَوة تمشي .

[@user-hn4pq1iw5g]

@@Iraqi-1-Man مشكور خوية اللة يوفقك

[@7usain.z960]

حبيبي الدراجه عندي من اتركه نصف ساعه تقريبا واجي اشغله تتاخر اله ابقه ادير سلف وانطي بانزين ومن تشتغل واطفيه وارجع اشغله تشتغل نكره وحده وين المشكله فدوه اروحلك مليت منه ولعبت روحي من دراجه لان اروح لدوام ومن اطلع ابقه اشغل تتاخر تقريبا خمس دوسات سلف يله تشتغل وحته هندر مادير اله تشتغل سلف بعدين تضل هندر تشتغل بسرعه

[@user-zk6pj3oh8h]

ها اسويت ع دراجاتك حالين لكيت حل؟

[@mazm7703]

عاشت ايدك ع الشرح

[@37xi]

السلام عليكم عندي دراجة شغلتهة ما تشتغل ضلت اذب بانزين شنو السبب

[@37xi]

ثنينهن ما سويتهن 🤣🤣