اسباب تغير لون المياه في احواض اسماك الزينة

ازيكم درسنا في العلوم و احنا صغيرين ان خواص الماء انه عديم اللون و الطعم و الرائحة و اي تغير في الخواص دي معناها ان الماء دا غير صافي
و بالنسبة لأسماكنا كمان الموضوع دا هيبقي كمان مزعج و مضر احيانا لو لون او ريحة الميه مش صافيه
زي ما اتكلمنا في الحلقات الي قبل كده ان احنا حرفيا مش بس بنربي سمك لا احنا كمان بنربي ميه علشان دي البيئة الي بيعيش فيها السمك مش هطول عليكم كتير و ندخل في الموضوع علطول
لو الميه عندك في الحوض لقيت لونها أصفر او بني فدا بيكون لعدة أسباب:
الميه بقالها مده كبيرة متغيرتش و اللون دا نتيجة للفضلات و تراكمها في الحوض و ان الفلتر عندك خلاص محتاج يتغسل كويس او بسبب الاخشاب او الصخور في الحوض و لو حافظت علي التغيير الدوري للمية كل أسبوع علي الاقل فمش هتعاني من اللون دا
طيب لو المية لونها ابيض فدا معناه ايه الميه مش صافية وفيها شواءب و ممكن مبقاش شايف السمك من كتر الضبابية
الموضوع دا بيسمي بالإنفجار البكتيري و دا بيكون بسبب ان عدد البكتريا النافعة في الحوض عندك قليل جدا بالنسبة لعدد الاسماك و الامونيا في الحوض يعني بمعني اصح عدم أكتمال الدورة البيولوجيه طيب و الحل ايه بقي الحل ان تغير المية برضوا بنسبة 25% و لو في اسماك يبقي حاول تزود عدد الايام بميه مركونة لمدة 48 ساعة و كمان لازم تستعمل بكتيريا نافعة جاهزة و الحمد لله دلوقت بقت متوفرة بسهوله و بسعر كويس
طيب ولو الميه عندي لونها أخضر؟
اللون الاخضر للميه دا بيكون بسبب الطحالب و الطحالب ليها اسباب كتير اولا قله تغيير الميه ثانيا عدد ساعات الاضائة الزيادة عن اللزوم و ثالث حاجة هي مكان الحوض ايوه لو الحوض متعرض لأشعة شمس مباشرة فدا هيخلي الطحالب تنموا في الميه
طيب و العلاج ايه اولا تغيير الميه الاسبوعي و تقلقيل عدد ساعات الاضائة من 6 ل8 ساعات يوميا و لو الحوض بتاعك متعرض لأشعة الشمس المباشرة يبقي لازم تنقله من مكانة
طيب لو المية لونها أزرق ؟؟
لا لو المية لونها ازرق يبقي حد من العيال عندك دلق فيها الوان او زهرة بتاعة الهدوم و ساعتها السمك هيبقي ميت
و بالمناسبة دا كان ردي علي حد من الهواة المبتدأين كان بعتلي علي الصفحة و بيقلي السمك عندي مات و الميه لونها أزرق غامق ؟؟
بعد كام سؤال و كام صورة اكتشفنا ان ابنه حب يخلي الميه لونها ازرق فحط فيها الوان ميه 
الخلاصة علشان تحافظ علي الميه عندك نقية و شفافة لازم تحافظ علي 3 حاجات تغيير ميه أسبوعي دورة بيولوجيه سليمة و فلترة ممتازة و ساعتها الميه عندك هتفضل دايما صافية
متنسوش تتابعوانا علي صفحة الفيس بوك
/ samakxmaya
وتعملوا فلو لينا في الانيستجرام
/ samakxmaya
و شير لكل أصدقائكم لتصل المعلومة للجميع

[@mohamed_nadjib_fares]

جزاك الله كل خير

[@user-ov2zk2dd6y]

واخيرا نزلت متابعك من الاردن

[@soloking7466]

يا فرج الله .. اخيرا

[@aboahmedism]

برافو عليك

[@mustaphaettiani2218]

حفظك الله تحياتى لك

[@amirmazzika6061]

بارك الله فى حضرتك

[@mohamedsoliman1064]

ألف حمد لله على سلامتك وحشتنا يا استاذ أسامة أخيرا فيديو كل سنة وانت طيب

[@samakxmaya]

وحضرتك طيب أنا كل مبيتاح ليا أعمل فيديو بعمل علطول و أنا موجود دايما على رسائل الصفحة

[@serag25111970]

شكرا جزيلا لك على هذه المعلومات الرائعة والمفيدة .......

[@ahmedfouad998]

اخيرا نزلت حلقه جديده ❤ سؤال بس هو فالدورة البيولوجيه بحط اكل كام مرة وقد ايه خلال الشهر والمفروض فلتر الهانج بيتنضف كل قد ايه

[@samakxmaya]

الاكل بتحطة مرة واحدة في البداية و الفلتر و الاضائة يفضلوا شغالين لحد ما تتم الدورة البيولوجيه و الفلتر ميتغسلش لحد ما تتم الدورة

[@ahmedfouad998]

طيب طب سؤال اخير هو الحوض ٣١ لتر وحاطط هانج اكوا سبيد ٣٥٠ لتر اسيبه لوحده ولا ايه رايك ازود معاه فلتر سفنج ؟

[@samakxmaya]

لا هو لوحده كفاية جدا

[@ahmedfouad998]

تمام متشكر ليك جدا

[@dodyahmed88233]

@@samakxmaya لو سمحت انا غير ماسه كل يوم لمرض بعض سمكات بس المايه بقيت فيها ضباب اعالج ده ازاي

[@MaKar-eb7sz]

شكرا للمعلومة انا عندي هيك الحوض بدلت المي من اربعين يوم تقريبا ورجعت اصفرت، يعني لازم اغلي الخشبة؟ طيب وبالنسبة للماء حاليا يجب تغييره؟

[@moamen_tamer3772]

كل سنه وحضرتك طيب

[@samakxmaya]

وإنت طيب و بصحة و سلام

[@abdullahammar6594]

اتمنى الرد باقرب وقت

[@user-et3qb5hz4f]

طيب انا لسه حط مياه انبرح وتغيرت انهارده الحوض جديد

[@DjemilAtto-vf6sh]

السلام عليكم اخي الكريم انا عندي حوض جديد حطتلو الماء في ثلاثة ايام فقط رجع اصفر اغير ماء الحوض كامل او نصف الماء فقط ارجو الرد وجزاك الله كل خير

[@user-tg6op2rh3t]

تغيير اسبوع المويه اغير المويه بعد ما تكمل الدوري بولوجيا ولا بالاول راح احط اسمك بعدين اغير المويه شكرا والله يسعدك

[@samakxmaya]

تغيير الميه بشكل دوري كل اسبوع قبل نزول السمك و بعده

[@husaamhusaam9462]

شو سبب الحجار بطلع عليها بني

[@user-eg1ig2po1t]

المياه الحوض خظره كثير شوالعلاج

[@mahmoudali7292]

والله انت وحشتنا جدا ٠٠٠٠

[@FR3ON1st]

حضرتك انا جبت الحوض جديد. اول يوم كان كويس تاني يوم عكر وفي رواسب في المياه عامله ذي خيط كده واتعكرت المياه تاني يوم

[@samakxmaya]

دا الطبيعي علشان لسة متكونش البكتيريا غير ٢٥ ٪ من ميه الحوض بميه نضيفه كل ٣ أيام و بعد شهر هتلاقي الحوض بقى رايق

[@ibtisamalhmdany9762]

ممكن لو سمحت دورة البايولوجية اعملها قبل مشتري السمك وله لازم السمك يكون موجود لعمل دورة بايولوجية ؟

[@samakxmaya]

لا الدورة البيولوجيه بتتعمل دايما قبل ما تجيب السمك هتلاقي عندي أول حلقة في القناة شارح فيها الدورة البيولوجيه باستفاضة

[@II.Ali.Xbox.II47]

المي الي اضيفه بل حوض بعد تغير ٢٥ بل ميه من حوض اكدر اضيف علي ماده مزيل كلور لو اخلي مركون ٤٨ ساعه اي الفضل

[@samakxmaya]

الركن هو أفضل و اامن و أرخص شيئ

[@nasrnasef2973]

هو ممكن اغير مياة الحوض بالمياة المعدنية

[@samakxmaya]

ممكن بس تكلفة عالية بس تكون نسبة الاملاح فيها قليلة

[@user-en7nu7pf3q]

ولا جزء منها.. علماً بأن الحوض والسمك جديد

[@ahmedal-wazzan2011]

اسامة الحوض الكامرى المزروع الى وارك كام سم 60 ولا 80؟

[@samakxmaya]

٥٠

[@hossamrefaat6477]

معلش بعيدا عن الموضوع ما تقوللى مكونات حوض الامريكى اللى وراك علشان عايز اعمل حوض امريكى نموذجى ومحتاج خبرتك وشكرا مقدما

[@samakxmaya]

ابعتلي على رسائل الصفحة و نظبط دا سوا

[@user-en7nu7pf3q]

هل الأحواض الدائرية لسمك الزينة لها دورة بيولوجية ومتى أغير الماء و كاملة

[@samakxmaya]

اي حوض أسماك محتاج لدورة بيولوجيه ولو تقدر البلورة الكروية فدي غير صالحة لأسماك الزينة أصلا

[@abdullahammar6594]

راسلتك على الماسنجر

[@hazemzimo2058]

يعني قبل ما احط السمك في الحوض لازم بردو المياه تتغير بانتظام،حتي والحوض فاضي؟

[@samakxmaya]

بالظبط لحد ما الدورة البيولوجيه تكتمل

[@Scorpion_heart]

السلام عليكم لو سمحت عندي سؤال اليوم نظفت حوض السمك، وبالفرشاة أزلت بقايا الطعام فأصبح لون الماء باهت ايش ممكن تكون المشكلة؟

[@samakxmaya]

دا بسبب اتظيف الحوض بالفرشاه دي بعض العوالق و بتروح بعدها بمده بسيطة أو ثاني يوم

[@abdullahghlal426]

لو دورة بيليوجيه اكتملت وبتغير مي بانتظام كل اسبوعين 15بلميه مش هيحصل اي مشكله

[@samakxmaya]

بالظبط إن شاء الله ميحصلش أي مشكله

[@sultanzmany905]

اعمل ايه لما اسافر اسبوع في حوض السمك

[@samakxmaya]

أكل السمك أكله كويسة و غير المية قبل السفر بيومين و سافر و انت متطمن إن شاء الله

[@mmssnnhhhhnnssmm6959]

ليش عندي سمك الكوبي اسماك الولوده تطلع الافراخ ميتى

[@samakxmaya]

سوء في التغذيه أو في جودة المياه

[@skeler3380]

الصوت ما واضح

[@ahmedsedik1708]

حضرتك انا لسة شاري الحوض ومليتة النهاردة منغير سمك خالص مليتة وشغلت الفلتر وفي فالمياة فقعات كتيرة جدا وعكارة وضبابية اعمل اية خايف اشتري يموت

[@samakxmaya]

لا إستني أسبوع كده و هتلاقي مية الحوض راقت تماما و بقت صافيه و بعدها هات سمكة واحدة و سبها أسبوع لو عاشت يبقي زود سمك معاشتش إستني كمان أسبوع و كرر المحاولة

[@abirkhamri8282]

ما معنى ميا مركونة

[@samakxmaya]

مياه تترك في وعاء لمده يومين

[@hedamohamed3058]

ارجوك اية العمل عندى حوض 30/50 بقالة شهرين عندى غيرت ماية الحوض كلها كذا مرة والسمك بيموت كتير. أما يعوم ع وش الماية أو يركن تحت ومعملتش دورة بيولوجية واعملها ازاى دلوقتى عندى السمك ديالى وزعانفة سودا وسمك تانى اشتريتة ولقيت ديلو وزعانفة متاكلة وممزقة بسيط غيرت الماية كلهاوحطيت جرعات الأدوية كلها انور نور الحوض واحط علاج تانى كل قد اية

[@samakxmaya]

طيب هتلاقي في بلي ليست عندي في القناة إسمها نصائح للمبتدئين عبارة عن ٤ حلقات صغيرين اتفرجي عليهم هتعرفي كل حاجة من الصفر لحد ما الحوض عندك يبقي مستقر

[@samakxmaya]

و لو في أي أسئلة ممكن تبعتي على رسائل الصفحة

[@hosynmamar4764]

شكرآ جدآ عالمعلومات لاكن بعد اذنك عندي سؤآل المي عندي فيها ريحة مع اني عندي فلتر خارجي وفلترين اسفنج والسمك اللي بالحوض كوبي بس ومحافظ على التغيير الأسبوعي بمي مركون

[@samakxmaya]

أغسل الفلتر الخارجي كويس و ضع بيه فحم كربوني نشط

[@AhmedTarek-pc9fv]

ممكن اكلم حضرتك

[@Altamemi670]

صوت الفيديو ردئ جدا

[@user-et3qb5hz4f]

😢😢😢😢

[@Tito_mix]

السلام عليكم طيب حضرتك انا لون الميه مصفر حاجه بسيطه وانا لسه بعمل الدوره البيلوجيه والدوره شغاله دلوقتي بقالها ١٤ يوم والميه بتبداء تصفر مع اني مفيش سمك اغير ميه برضو ولا اعمل ايه؟؟

[@samakxmaya]

في اخشاب في الحوض أو أي حاجة ممكن تغير لون الميه ؟

[@Tito_mix]

كان في حتت خشبه وشلتها ع طول

[@Tito_mix]

كده بقالو ٥ تيام الميه مصفره

[@Tito_mix]

شلتها بقالها ٥ تيام والميه لسه مصفره

[@Tito_mix]

نوع الاكل اللي استتخدمته اثناء الدوره JBL

[@yosffa7875]

ههههه ابناء وضع لون ازرق يحب اوزرق مثلي

[@nanochic3891]

اغير الماي بشكل دوري و دايما مو صافي 😒

[@samakxmaya]

أتأكد من اكتمال الدورة البيولوجيه و إضافة بكتيريا نافعة جاهزة أو استخدام فلتر اسفنجي مستعمل من صديق عنده حوض مستقر علشان تنشط البكتريا في الحوض