سبع علامات بتؤكد لك انك في علاقة سامة

رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/MKKOMJ3C77WMB1
حجز الاستشارات : kawtharsanad.com/
ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
تعرفي ازاي انك في علاقة سامة
العلاقة السامة مش شرط تكون علاقة مع نرجسي وبس أي شخصية سامة تدخلي معاها في علاقة فالعلاقة دي طبعا حتكون سامة واحيانا في بعض الشخصيات السامة بتنشط سميتهم في العلاقات الخاصة فقط يعني بيكونوا مع الناس بشكل عام محترمين جدا ويتشافوا مثاليين زي النرجسي الخفي كدة ولكن لو دخلوا في علاقة خاصة بتنشط سميتهم لاسباب كتير ممكن نقولها في حلقة لوحدها ،المهم انتي ازاي تعرفي انك في علاقة سامة ؟ ايه بقى علامات العلاقة السامة دي ؟
١- اول حاجة بتبان منها العلاقة انها سامة هي المناقشات العقيمة : النقاش العقيم هو مفتاح العلاقة السامة ازاي الكلام دة ؟
١) اذا النقاش حصل بسبب موضوع عقيم ومفيش له حلول او تافه وملوش لازمة فدة مؤشر سيء يعني نظام فين المقص وهو اللي مخبيه وطبعا مش أي حد بيسأل عن حاجة بيبقى متهم انه مخبيها لا هو انتي حتلاحظي ان فيه كام حاجة كدة يكون هو الوحيد اللي بيستخدمهم وتلاقيهم كل شوية يضيعوا ويتسببوا في جدال وخناق مع النرجسي او الشخص السام
٢) واذا النقاش انتهى بخروج احد الطرفين من الغرفة بدون ماتخلص المحادثة خصوصا لو كان اللي خرج دة مش تحت ضغط يعني السام هو اللي خرج فدة نوع من انواع التلاعب خصوصا لو كان الجدال بدأ يتجه في الاتجاه الصحيح ناحية الحل ودة حاجة هو مش عايزها طبعا
٣) اذا النقاش استمر ساعات وايام واسابيع وشهور فدة علامة سيئة لانه اتحول لجدال مش نقاش
٤) اذا حصل زعيق وصراخ بسبب ان احد الطرفين فقد السيطرة او مفتقد للمنطقية في كلامه او عايز يرهب الطرف الاخر ويسكته
٥) اذا النقاش دخل في سكة انتي عملتي كذا من كام سنة يعني بدأنا نقلب في اللي فات (خصوصا اذا تم الاعتذار عنه بشكل صحي ) ودي طريقة من طرق النرجسي انه يحسسك بالذنب من ناحية ويذلك ويخوفك من ناحية تانية واحيانا بيكون طريقة قلب الترابيزة لو انتيب تعاتبيه على حاجة عملها فيكي .
٦- التهديد بالترك او الطلاق في كل مناقشة تحصل بينكم
٢- المشاعر السلبية : الشخص السام بيكون مليء بالمشاعر السلبية سواء تجاه الشريك او تجاه العالم اجمع والمشاعر السلبية دي بتملا أي مكان بيكون الشخص دة موجود فيه ، لما بيكون واحد من الاتنين كاره التاني ومش طايق تفوقه عليه وكاره نجاحه وحاسس انه بينافسه على كل حاجة في الحياة ودة شعور النرجسي غالبا تجاه ضحيته الشعور دة بيوصل للضحية وبيربكها من ماتفهم فيه ايه دة بيملا العلاقة خوف وترقب وبعد فترة الضحية بتتمنى لو يختفي الشخص السام من حياتها وبرضه المشاعر دي بتوصله وكل دة بيزود جدا من سمية العلاقة
، لما بتكون العلاقة الحميمة بدون مشاعر ولا احساس بالقرب الروحي الى جانب القرب الجسدي … لما احد الطرفين يكون عنده شعور بعدم الامان في حال مشاركة مشاعره واحساسيه مع الطرف الاخر لان المشاركة دي حتستخدم ضده لاحقا ، طبعا المشي على قشر بيض والترقب والخوف كدة دي مشاعر سلبية سيئة جدا ،، لو احد الطرفين حس انه مرتاح اكتر وحر اكتر طول ما الطرف التاني مش موجود في المكان فكل دة بيقول ان العلاقة سامة
٣- لما العلاقة يتخللها من وقت للتاني اتهامات بالخيانة بدون ادلة لاحد الطرفين او اتهامات بانه مستغل سواء جنسيا او ماديا ، مجرد تبادل الاتهامات دي بتدل على الإحساس بعدم الأمان في العلاقة سواء واحد بيتهم التاني او الاتنين بيتهموا بعض وطبعا في حالة النرجسي فهو بيتهم من باب الاسقاط وانتي أحيانا تتهميه لانك حاسة ان فيه حاجة غلط بيعملها برة او انه عايزك تشكي فيه وبيعمل تصرفات تشكك فيه وفي الحالتين دي علاقة سامة
٤- لما يكون احد الاطراف مش متعاون ابدا ولا بيقدم اي مساعدة للتاني ورامي كل مسئولياته على التاني ، وساخر ومنتقد باستمرار وعلطول ينفجر غضبا ومفيش لطف ولا حنية ولا تعاطف ، وبيكون مندفع ومتوتر ومستاء معظم الوقت
٥- التواصل السيء : التواصل السيء معناه انك تتكلمي في موضوع وهو ميسمعش او لو سمع يرد بالدخول في موضوع غيره تماما ولا كأنك كنتي بتتكلمي اصلا ،او يقطع كلامك ويمشي من ادامك باي حجة او حتى يسيبك بتتكلمي ويمشي ، او انه في وسط خناقة تنهاري وتبكي وهو يستمر في الصراخ ولا كأن حد ادامه منهار ، ولما تحاولي تقفلي الحوار وهو يرفض ويفضل مستمر فيه ، ولو انتقدتيه ينتقدك عشان يحطك في وضع المدافع ، طبعا كل اساليب التلاعب عبارة عن تواصل سيء ( الجاس لايتينج والبليم شيفتينج ، وقلب الترابيزة ….) ، التواجد في نفس الغرفة لساعات طويلة من غير ولا كلمة ولا جملة حوار وكل واحد ماسك حاجة شاغلاه ، دة تواصل سيء ، التواصل السيء علامة من علامات العلاقات السامة
٦- الخيال المفرط زي ان واحد منهم يتخيل ان التاني مات ويبدأ يحسب حساباته المادية على اساس الخيال دة ، ويحس بالراحة واسعادة ويعيش الموقف وهو سعيد ومبسوط ،
٧- التلاعب : كل أساليب التلاعب اللي احنا عارفينها عن النرجسي اكيد علامات للعلاقة السامة ، الوعود اللي عمرها مابتتنفذ والمستقبل الزائف ، وطبعا الصمت العقابي واستغلالك مادية وعزلك عن الناس وزرعه في دماغك انك مستحيل تقدري تعيشي من غيره ، او انك مستحيل أصلا ان حد كان يحبك وانه انقذك من العنوسة
دي كلها علامات العلاقة السامة اذا لقيتيها في حياتك مع شريكك فدة معناه انه شخص سام اكيد مش شرط نرجسي لكن تقدري تتأكدي اذا هو نرجسي ولا لأ عن طريق اختبار التلاتين سؤال ،
0:00-0:31 المقدمة
0:31-1:12 هدف الحلقة
1:12-4:25 المناقشات #1
4:25-6:04 المشاعر السلبية #2
6:04-7:07 أتهامات بالخيانة #3
7:07-7:31 عدم التعاون #4
7:31-9:28 التواصل السيئ #5
9:28-9:44 الخيال المفرط #6
9:44-10:22 التلاعب #7
10:22-10:48 الخاتمة
#صحةـنفسية #القوة #الاكتئاب #النرجسي #النرجسية

[@aishaabdullah6466]

اللهم ارنا في النرجسيين اللي في حياتنا عجائب قدرتك فإنهم لا يعجزونك

[@user-ux5or3ej8i]

اللهم امين

[@RaniaNasreldien]

اللهم اميين يارب العالمين

[@user-vb1kp5tz5p]

امين يارب ربنا ياخدهم

[@gehanmansour5282]

النرجسي هو دايما بيقلب الطربيزة عليكي حتى لو مكنتيش غلطانه ودايما يعيب في عرضك لما يشتد الحوار مع انه هو الغلطان..ولما تطنشيه يبدأ يضايقك متخرجيش متعمليش انتى مقلتيش انك خارجه برا وحاجات كتيره..

[@azzanawar3230]

ياالله فعلا علاقة سامه لمده عشر ين سنه شفطت دمى وروحى ولولا فضل الله على لكنت من الهالكين 😂 لقد من الله،اذا ارسل إلى العلم والمعرفة والثقافة والمعلومات والحمدلله رب العالمين 😂😂😂😂

[@EmanSadiq-ul4bz]

حسبي الله ونعم الوكيل 😢كل العلامات السامه عايشتها انتي بتخلي ايدك على الجرح لا حول ولا قوه الا بالله وأفوض أمري إلى الله ان الله بصير بالعباد

[@SaharTaim]

بالاخص لما يكون موضوع بخص الاولاد اونفسي او بيتي اواي موضوع مهم بغير الكلام ل سؤال تافهه ما الو دخل بالنقاش والمشكلة بكون علىشكل سؤال لازم اجاوبه وبجاوبه ولو حاولت ارجع للنقاش مابجاوب بوديكي البحر وبترجعي عطشانه

[@omarmahmood5217]

بتقدري تختصري كل هالعلامات بعلامة واحدة انك اول ما بدخل النرجسي بتحسي بضيق وقلق وتوتر وتكوني قاعدة على اعصابك ومش ماخدة راحتك ولما يطلع من الدار كانو جبل وانزاح عن قلبك . انا هيك بحضور زوجي واهلو . لهيك قسما بالله لما بقعد معهم بتعب مش بس نفسيا كمان جسميا بحس حالي كاني كنت اشتغل اشي متعب جدا

[@omaralaa6278]

اللهم انى فوضت امرى وامر ولادى إلى الله ❤️🤲امين يارب العالمين 🤲🤲❤🌹

[@newsarhassan2764]

منهم لله الاهل الي مش بيخلوا البنت تعرف كويس الراجل الي هتتجوزوه

[@mareya4722]

صدقتي والله العظيم الأهل هم السبب في ضلمنا

[@user-cq1pe2en3l]

حسبي الله ونعم الوكيل فيهم يارب اقتص لنا ف الآخره وارزقهم ف الدنيا علشان تاخدهم أخذ عزيز مقتدر ويارب بارك ف أولادنا واشفيهم واشفينا من الامراض اللي سببها لنا النرجسي عاجلا غير آجل اللهم آمين 🙏💔💔💔💔😢😢😢

[@omaralaa6278]

😅😅 مظبوط يا حبيبتى طول عمره دى أفعال المختل 😂😂

[@Umhamoo0d]

لو ابني المراهق ماسكه عليه غلط ..يروح يفتح مواضيع واغلاط ارتكبتيها معاه في الطفوله وقت النقاش ..وفيه صفات عدم تعاطف واستغلال مادي وحساس للرفض والنقد

[@user-yf8nq5zu8t]

انا طلعت كل العلامات عندي ف علاقتي بزوجي النرجسي😢😢😢😢😢😢 اللهم اجرني في مصيبتي واخلفني خيرا منها عاجلا يارب

[@omaralaa6278]

😢😢 حسبنا الله ونعم الوكيل فيهم كلهم المختلين

[@omaralaa6278]

اكنك كنتى معنا حبيبتى اختى الغاليه ياليتنى تعلمت وأدركت وفهمت من زمان الحمدلله نعمه وفضل من الله أن ربنا بعثكم لينا لإنقاذنا حبييتى 🌹❤️♥️🌹❤️👩‍❤️‍👩💕💞💪💪💪🌺🙏🙏🙏🙏

[@user-zg6if4hn9i]

❤❤❤حبيبتي جزاك الله كل خير وأفوض أمري إلى الله أن الله بصير بالعباد

[@ADAM-nm8pp]

سبحان الله كلامك صحيح ١٠٠٪؜ كأنك تتكلمي عني مع أمي بس خلاص التعافي خفف وطئة الصدمة الحمدلله

[@omniamosaber2048]

❤❤❤ سبحان الله وبحمده سبحان الله العظيم ❤❤❤

[@reemmohamed2228]

فعلا كنتي معانا مش راضي علي اي شي اتهامات بالخيانه وقلب الترابيزه

[@nohabadawy2417]

استاذتى اضيف الى القائمه السوداء ليس فقط انه غير متعاون وانه بيلقي كل المسؤليه على الشريك بل سلب كل الصلاحيات من الشريك والانفعال الجنونى إذا فكر اواقترح هذا الشريك ان يتولى بعض الامور الاسريه والغيره والغل والحقد والانهامات الحقيره لدرجه انه يثور ويتصل بالناس لتتدخل حتى اخاف واربط هذه الثوره الغبيه المسعوره بالا اطالب باى صوره المشاركه لان معناها لديه ان يكون لى وجود وصوت وفعل وبالتالى سحب السجاده من تحت قدميه

[@EmanSadiq-ul4bz]

فعلا حبيبتي كلامك مضبوط لا يقبل يآدي التزاماته ومن تريدين انتي تعمليها يقلب الدنيا لان دائما يريد نحتاجه وتحت رحمته لكني حاليا انا قمت اي شي احتاجه للبيت اقوم بنفسي بشرائه او اتصل بالكهربائي اذا في عطل واتصل بتكسي ياخذني انا أو البنات لاي مكان ومنطلب منه يوصلنه بسيارته ونحاول نحجم سيطرته علينا وحسبنا الله ونعم الوكيل 🙏🙏🙏

[@user-ol8zx1dn8q]

فعلا هذا احسن تصرف..اللي عندها زوج هالشكل..لازم تعتمد على حالها..وتحرجه قدام الناس اذا ما جابلها او شرالها..لازم تكون ذكية..ويا ريت يا ريت يا ريت..لو كانت عندها دخل مادي منفصل.. انا اخذ راتبي لمدة ١٠ سنوات متواصلة..مع محاولاتي المستميتة من منعه..بس ما قدرت..لانه الكرت كان معاه..كرت البنك..ما كنت اعرف انه ممكن اروح البنك الغي البطاقة اللي معاه..علشان ما يوصله الحساب..يا بنات الحلال العلم ثم العلم ثم العلم...لازم تتعلموا..تعرفوا حقوقكم..وهذا ما رح يصير وانتو ساكتات وراضيات بالبيوت..على الاقل استشيروا صاحباتكم اللي بيخافوا الله..بينوروكم.. شو احكيلكم كمان....تصوروا اخذ فلوس ورثتي من ابوي الله يرحمه..وحكالي رح يرجعهم...طبعا الحين بيقول انه ما اخذ مني ولا شي..ما عندي اي اثبات..شو رأيكم.. علشان هيك بنقول الوحدة فينا لازم تكون قوية وفهمانة..وتلعب فيه بالبيضة والحجر😢​@@EmanSadiq-ul4bz

[@EmanSadiq-ul4bz]

@@user-ol8zx1dn8q حبيبتي اللهم يعوضك بحق حبيبه المصطفى المهم والحمدالله انت حاليا تنورتي وفهمتي وماخذه حذرك والعوض على الله بالفات والغافل له الله ورب العالمين يسمع ويرى وانشالله ينتقم من هذوله الظلمه بالدنيا والاخره 🙏🙏🙏

[@rosakariben3546]

عندي تسأل بعد الحلقه هل أنا كنت الطرف السام فلعلاقة أنا كنت دايما برحل لكن للاسف برجع لغاية ماقدر ربنا ورحلت نهائيا كمان أنا كنت بتخيل انه يموت حتى كنت بدعي ربنا لكن ده من اللي عملو فيا

[@omaralaa6278]

جزاكى الله خير ا اختى ومعلمتى الغاليه وعليكم السلام ورحمة الله في امان الله وحفظه 🌹🌹🌹🙏🙏🙏💞💕👩‍❤️‍👩

[@user-cl1lu8zz1x]

يارب إن زوجي فيه كل صفات النرجسي وترني وسبب لي أزمة نفسية تزوجت في سن كبيرة بعد طلاق أول من زوج مدمن مخدرات تورطت مع نرجسي قدمت له كل شيء حلو خوفا من تركي أكلت ولبست وشربت أنا عاملة وهو بطال مفتقدة حوار كلام حلو صمت طيلة ست سنوات ولا فارقة معه إحساني ليه يتهمني في شرفي بالرغم أنه تزوجني وأنا بكر ومطلقة كل شيء يخبيه عليا مرض او وفاة أحد أقاربه أو زواج أخ أو أخت ولا يجيب عن أسئلتي يفتعل المشاكل فقط من أجل سبي وسب عائلتي في حين حنين وعطوف مع أبناءه من طليقته ويخاف يجرح مشاعرهم عندما يفشلون في دراستهم يخاصمني أنا وإذا فتعلوا مشاكل يخاصمني أنا بالرغم أنهم لايعيشون معي فهل يكون نرجسي حنون فقط مع أخواته وأبناءه

[@user-bk4sb1ec1i]

زادك الله من فضله ومتعك بالصحه والعافيه

[@user-sv6ut3vh9i]

جزاك الله خيرا استاذة كوثر❤

[@user-jn5qj3td6f]

جزاك الله خير الجزاء وبارك فيك ونفع بك.

[@tymaaalhariri9649]

جزاك الله خيرا أ. كوثر ❤❤ بحبك

[@saharhassan3187]

حلقه بها معلومات مهمه ،،شكرا الك دكتوره

[@hatemmorsy3562]

الحياة معهم حرب باردة وموت بالبطي اا٠هم أيضا اذا لم يتزوجوا يقال عنهم عانس مثلنا مثلهم ٠الله المستعان ٠احسنتي استاذة جزاك الله خيرا 🎉

[@omarmahmood5217]

يعطيكي الف عافية استاذة كوثر . الله يعلم قديش اني بحبك . انا من الناس الي قليل ما اعلق يمكن ما بتعرفيني بس الك مكانة كبيرة بقلبي . وقد ما بسمع لدكاترة واستشاريين عن النرجسيين بتضلي انتي الوحيدة المرجع الاساسي الي .

[@omaralaa6278]

وعليكم السلام ورحمة الله وبركاتة هلا بيكى حبيبتى يارب يحفظك ويبارك فيكى ويخليكى لينا يارب 🤲🌹❤

[@reemmohamed2228]

ايوه فعلا علي طول اتهامات الخيانه علي طول من غير ميحصل حاجه

[@cdmcdm4337]

كل ماقلتيه يا أستاذة كوثر أنا أعيشه لمدة واحد وعشرون سنة وأنا لا أدري حتى العامين الماضيين حسيت نفسي أني مع علاقة سامة لأني كلما ابتعدت في عطلة أو أشغال اخرى تتحسن نفسيتي كثيرا وكأنني كنت مسحورة من طرفه وحاليا مازلت معه ولكني عاملة روتين لوحدي بعيد عنه من غير ما احسسه مع هواتي التي اتفنن بها والحمدلله

[@sara-ev7uy]

كلام صح يا دكتورة 😢

[@user-xf6fk8xh9b]

اللهم جبر ونصر واجر❤

[@bahiaya9350]

أنا متتبعة من الجزائر أريد التواصل معك من فضلك

[@user-hz6pk1uu5l]

بدأ يغلط فيه وخاصه قدام الاطفال انا رافضه الغلط والأسلوب القذر اهلي مش بيصدقوا أمامهم شيخ الأزهر وانا الاظالمه لكن ربي اعلم بحالي حسبي الله ونعم الوكيل اتصرف اذاي علشان الاهانه دي والمقص والسكينه ضاعوا فعلا شكيت فيه حرامي بالشكه😂😂😂

[@Dado.dado-dodi71]

صوريه او سجليلو صوت او مكالمة يكون دليل ضده

[@user-hz6pk1uu5l]

@@Dado.dado-dodi71 نصيحه تمام تسلمي

[@HILDAGAHWICH-yh9si]

هو ممكن يكون ينسى غراض وين حاطط ويعمل مشكلة او انو عن قصد يعمل هيك لانو حتى امام الضيوف كمان بصير هيك وبعدين بيطلع انو هو حاطط في هاد المكان ويقول انو نسيت

[@EmanSadiq-ul4bz]

احبك ❤❤❤❤❤

[@emansamaha5127]

والله الموت احن من الزوج السام كل التفصيل والنقاط بلميلى معاكى من اول القناه وفهمت. واتعملت وعملت التشافى ورضات ليه الصمت بصمت بس حالين بدا الحرب بالاولاد عملت كل حاجه قلب اولادى عليه وكلامه باء كلمهم وبيتباهاء باسترجعهم وحبهم ليه ده الموت اللى على تريكه اليهود بظبط حاسه بالضعف والقهره مليش غرهم وده اخر لعبه معاه عيزه يغور عنى بس ازاى مشى عرفه

[@saidabejaoui4440]

كلهم... كلهم ..كلهم 😢😢😢😢

[@MegaDuR1]

يضيع بطاقته البنكية يومياً فوق ٥ مرات وبس يسالني ما فهمت محد يستخدمها الا هو ويا ويل احد يلمس اشيائه مع هذا دائم السؤال عن مكانها ويضيع جواله وهو ببطنه يضيع مفتاح البيت والسيارة هذي الاشياء يضيعهم باستمرار ويغضب غضب متفجر بضياع اشياء ما يستخدمها الا هو، كنت ادور معاه بعدها صرت اقول انت بس تضيع اشيائك

[@user-zr7hy7bb7t]

حسبنا الله ونعم الوكيل فيهم..اللهم رب جبرائيل وميكائيل واسرافيل فاطر السموات والارض عالم الغيب والشهادة انت تحكم بين عبادك فيما كانوا فيه يختلفون اهدني لما اختلف عليه من الحق بأذنك انك تهدي من تشاء الي صراط المستقيم..ياااااااارب رحمتك يارب

[@omaralaa6278]

👏👏👏👏👏👍👍👌👌👌برافوا برافوا برافوا ماشاء الله تبارك الله هذا هو المختل بي عينه وشحمه ولحمه 😂😂😂

[@A-ko6mm]

نفسي اقعد معاكي ام مع بنتها😢😢

[@omarmahmood5217]

قبل ما اعرف زوجي ما كنت اعرف انه في ناس ممكن تأذي لحب الاذى

[@razawmahamd7317]

فعلا كلها لقيتها مع زوجى وزيادة

[@AMIRA-MANSOUR-]

وين ممكن أحصل الثلاثين سؤال اللي أشارت لهم أ. كوثر

[@wonderingwhy7095]

أستاذة كوثر؛ لماذا يحارب النرجسي الإيمان و ينقم على الأديان؟

[@ilinesafwane4386]

ام یترک احد الا واتهمنی بخیانته معه حتی آخوه الله یرحمه وابن الجیران وغیرهم

[@user-dm1oi5od8h]

لما سالته ليش بتخبي المقص وبتسألناعنو...انبكم

[@user-lt9qo9ro2h]

شكرآ.🌹./🇪🇬 🧕

[@dalal_iida2216]

السلام عليكم ورحمة الله وبركاته.. حبيبتي برجاء التحدث عن النرجسي بعد تشويه السمعة للضحية.. ماذا بعد ذلك.. هيعمل ايه.. هيتصرف اذاي. وماذا تفعل الضحية انا سمعت فيديوهات من حضرتك بتقولي فيها اني لا اعطيها اي اهتمام.. برجاء الافادة كل الحب والتقدير لشخصكم الكريم ❤

[@rodinamari5586]

واكنك عايشه معانا كله بتفاصيله بيحصل اعوذ بالله منهم شياطين فعلا

[@user-nx8ed1yx5n]

كأن حضرتك بتوصفى حياتى معاه بالمللى 😢

[@Rayaloola]

استاذة كوثر ارجو جاوبيني فانا في امس الحاجة لجواب النرجسي لي عندي خفي ممكن متوسط لا اظن خبيث كل مرة يهدد على شيء وينفذه ليبقيني تحت السيطرة طردني مرة ثم طلقني مرة وضربني مرة علما كل مرة يهدد على كل منها ثم ينفذ وبين الحدث والاخر عدة شهور والأن بعدما عدت وتحسن سلوكو قليلا هددني انو يحرقني على سبب تافه جدا وصرت اخاف هل فعلا ممكن ينفذ هذ التهديد وماذا علي ان افعل؟

[@shaimaasayed6655]

واللي يلاقيهم كلهم وفي اقرب الناس يعمل ايه

[@hayatelbahjaoui4148]

لما يقول لي انتي السبب دفعتيني للفساد وأنا ليس لديا اي دليل بأنه فاسد ماذا يريد أن يقول

[@nadaelshehawy5776]

ممكن يكون بيخونك او بيزني و بيمهدلك

[@hayatelbahjaoui4148]

@@nadaelshehawy5776 لاكن لما تهمته بالخيانة قال ماخنتك أمام اولاده

[@nadaelshehawy5776]

@@hayatelbahjaoui4148 كذاب طبعا الكذب يجري بدمهم

[@Lecercledelumiere]

هل يمكن ان اكون انا النرجسية و زوجي هو الضحية؟ اشك في نفسي كثيرا، و كلما اريد الاصلاح و ااتواصل، اشعر اني انا الخاطئة. حسب كلام زوجي انا المسؤولة عن سوء التواصل بينناو عن مشاكلنا. تعبت من الشك في.نفسي. حين اقول له هيا نذهب عند مختص يرفض و يقول هو سليم و انا علي الذهاب وحدي.

[@user-yk7kc3zy4t]

تقريباً كل الحاجات دي أنا عيشها واحد وتلاتين سنه بلف حولين نفسي دمرني حرفياً بلف على الدكاتره من الأمراض ال في جسمي لحد وقت قريب فهمت بفضل القناه المحترمة أنه شخصية سامه لدرجة لما كنت بنهار واعيط بحرقه كنت بشوف عنيه بتلمع وما كنتش فهمه حاجه يارب يعيش ال باقي من عمره مريض ومذلول ويكسر نفسه ويدوق الذل أضعاف ال عمله فيا وأشوف حقي وانتقام ربنا منه في الدنيا قبل الآخرة وحسبنا الله ونعم الوكيل ربنا ينتقم منه

[@abderazakzargoi471]

آمين يا رب والله نفس حياتي ان شاء الله ربي ينتقم منهم اشد انتقام ويشربو من كاس المر الي شربوهونا

[@user-vb1kp5tz5p]

​@@abderazakzargoi471وانا كمان دمرنى نفسيا وصحيا حرفيا بموت بسببه ربنا ياخده يارب

[@hendaboayana6075]

حسبنا الله ونعم الوكيل فيهم

[@EmanSadiq-ul4bz]

❤❤❤❤❤❤

[@user-db6ek7yh2l]

❤❤

[@sara-ev7uy]

❤❤❤❤❤

[@user-nx8ed1yx5n]

زوجى كان كل شويه يتخانق معايا على الدبابيس اللى واقعه على الارض وانا هتجنن لدرجه انى كنت بعد الدبابيس اللى بحطها فى الطرحه عشان اتأكد أن مفيش دبوس وقع وفى الاخر بعد مده كبيره طلع هو بياخد الدبابيس من علبه الدبابيس اللى على التسريحه ويرميها على الارض و اول ما ادخل الاوضه يوطى يجيب الدبوس اللى رماه ويتخانق معايا وهو اللى قاللى انه عمل كده. ده غير كل اللى الدكتوره بتقول عليه بيحصل معايا .

[@NM-wu8gh]

🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷❤

[@Nada15161]

بيزوغوا من النقاش ويقطعوا الكلام لما يتحطوا فى كرنر اخطائهم بحجة دخول الحمام فى مدة النقاش خمس ست مرات فى ربع ساعة نقاش تبول لا ارادى باين 😂😂😂😂 حسبنا الله ونعم الوكيل هو ساعات الشخصيات السامة وخصوصا النرجسيين بيخلوا الدنيا تضيق فى وش البنى ادميين بس بعد المعرفة من ڤيديوهاتك وهما بيعملوا التصرفات واافتكر كل الكلام اللى قولتيه بيترجم فى الموقف بالحرف ساعات بتقلب معايا كوميديا گانى بتفرج على مسرحية من كتر ما كلامك منطبق بالظبط هى الكوميديا دى دليل ان دماغى شكرا كده اتجننت 😂😂ولا حاجة ايجابية رغم انها فى اوقات قليلة جدا انما الخنقة اوقات اكتر بكتيىىىىىر

[@user-kx4vg9ne3l]

😂😂😂بيحصل معايا

[@amirammdouhelamaay5152]

😂😂

[@user-hz6pk1uu5l]

@@Nada15161 عارفه الظلم ظلمات يوم القيامه لانه بيتعمد التي النفسي عارفه لومريض هنديه عذر سبحان الله ابتلاء صعب ربنا يعوض الكل يارب

[@user-nx8ed1yx5n]

زوجى كان كل شويه يتخانق معايا على الدبابيس اللى واقعه على الارض وانا هتجنن لدرجه انى كنت بعد الدبابيس اللى بحطها فى الطرحه عشان اتأكد أن مفيش دبوس وقع وفى الاخر بعد مده كبيره طلع هو بياخد الدبابيس من علبه الدبابيس اللى على التسريحه ويرميها على الارض و اول ما ادخل الاوضه يوطى يجيب الدبوس اللى رماه ويتخانق معايا وهو اللى قاللى انه كان بيعمل كده. ده غير كل اللى الدكتوره بتقول عليه بيحصل معايا . والله حضرتك استاذه كبيره ❤