Рет қаралды 1,750
من #سينما_السيارات فيديو جديد لاسبرانزا a11 او اسبرانزا شيري a11 كواحده من #سيارات_مستعمله في #سوق_السيارات بالتفاصيل الكامله مميزات و عيوب دا بعد كلامنا عن #فيات #لادا #دايو #فورد وكلامنا برده عن السيارات الصينيه
مع بدايه اصدارات الشركات الصينيه وتتابع اصداراتها في تصنيع السيارات ظهرت شركه شيري بتصنيع اول سياراتها سبرانزا a11 او زي م بنقول في مصر سبرانزا شيري a11 وتعددت الاسماء عليها زي فلوين و ويندكلود و الاسماء دي كانت بتختلف من بلد للتانيه
لكن خليني اقولك ان في حاجه اهم كتير من الاسماء وكانت في ان الشركه اصلا مهدده بعدم تصنيع الموديل دا و كان مخالف لقوانين الحكومه الصينينه بسبب بقي ضرايب موصافات المهم ان كان في اسباب مختلفه خلت الحكومه الصينيه متوافقش علي انتاح ال a 11 وال كانت تعتبر اول سياره ل شيري
و برغم دا ومشاكل التراخيص مع الحكومه الصينيه الا ان دي كان واحده من نقط التحول وبدايه النجاح لصناعه السيارات الصينيه بشكل عام
سبرانزا a11 انتشرت بشكل كبير في الاسواق العالميه وكان ليها مردود قوي للشركه الصينيه وابتدي انتاحها في الفتره م بين 1999 ل 2006 واتقدمت في بعض الدول منها مصر في 2008 و استمر انتاجها لفتره طويله
سبرانزا a11 تعتبر نسخه من سيات توليدو دا مع الاعتماد علي منصه فولكس فاجن a2
و اشهر موديلاتها في مصر و الاكثر انتشارا كانت الموديلات م بين 2005 و 2011
ال a 11 نزلت ب ٣ نسخ مانويل و ال ٣ بنفس موتور ال ١٦٠٠ cc والموتور دا كان ومازال نقطه فارقه في اعاده البيع وهفهمك السبب بالتفصيل
اهتمام الشركات الصينيه بالتصميم ادي ان ال a 11 تظهر بشكل عصري ومميز في وقت اصدارها فهتلاقي العربيه بتنزل بشبك امامي كبير وكشافات اماميه عريضه مع انسيابيه الجنبين وصدادات فيبر اما الجزئ الخلفي فكانت بكشافت استوب كبيره ومتصله و كعاده العربيات الصينيه في الاقتباس خاصه اقتباس التصميم فتصميم ال a11 كان مقتبس من سيات توليدو فهتلاقي الشكل متقارب بشكل كبير بين العربيتين
اما التصميم الداخلي فالعرليه اتميزت بالاتساع و الراحه في مكان كل راكب دا مع تابلوه كبير واضح فيه كل حاجه من الزراير و اماكن التحكم ومع المساحات الداخليه كان في تجهيزات اساسيه زي ساوند سيستم و سنتر لوك وتكييف اما وسائل الامان كانت بتيجي ب ٢ ايرباج و abs
ودي تعتبر طفره للفئه السعريه دي بالنسبه لعربيه اقتصاديه
زي م كان في تشابه بين ال a11 و التوليدو في التصميم نفس النظام حصل مع الفولكس فاجن فهتلاقي سبرانزا a11 بتتشابه في ال مع الفولكس فاجن جولف في الاجزاء الميكانيكيه و اجزاء ميكانيكيه تانيه مع الفورد عشان كدا بتقبل قطع غيار بديله من الجولف و عربيات تانيه بنفس المواصفات و الاجزاء الميكانيكيه
ومع اختلاف موديلات سبرازا a11 فكل الموديلات و الاصدارات كانت يتنزل بموتور واحد ال هو ١٦٠٠ cc ٩٢ هورس باور لكن كان فيه مشاكل والمشاكل دي بتظهر مع الوقت دا مع نوعين فتيس واحد مانويل و التاني اوتوماتيك
مع بدايه انتشار السيارات الصينيه وتعدد اصداراها زادت مبيعاتها خاصه في بدايه اصدار كل عربيه ودا ال استفادت منه اسبرانزا a11 في السوق المحلي سواء في مصر او بلاد تانيه ودا بسبب سعرها الرخيص خاصه بالمواصفات ال نزلت بيها مع مميزات تانيه
فتاني ميزه بعد السعر كانت الاقتصاديه فالعربيه اقتصاديه بشكل كبير في استهلاك البنزين بمعدل من ٧ ل ١١ لتر لكل ١٠٠ ك والاستهلاك دا بيتحدد طبعا علي حسب اسلوبك في السواقه او الوزن لو شايل حاجه في عربياك ولا حاجه او لو في اعطال سواء في الميكانيكا او العفشه .
تالت ميزه التجهيزات ووسائل الامان و ال كلمتك عنها بالتفصيل لكن لازم تعرف ان دي كانت ميزه كبيره مع ال a11 ودا لانهم منزلوش في عربيات تانيه من نفس الفئه وكانو بيمثلو ميزه كبيره للعربيه دي واهم حاجه في التجهيزات كانت التكييف تكييفها قوي علي عكس التوقعات خاصه ان الموتور مش قوي لكن ممكن يحتاج صيانه من وقت للتاني
رابع ميزه المساحه الداخليه و مساحات التخزين
المساحه الداخليه كبيره ومناسبه جدا انها تكون عائليه وممكن تستوعب ل ٥ افراد اما مساحات التخزين ف اسبرانزا a11 بتتميز بشنطه خلفيه واسعه وتشيل معاك في سفر او شغل
خامس ميزة تجربه القياده. فالعربيه ممتعه بشكل كبير في السواقه ودا بسبب الاتزان مع السرعات العاليه و البودي رول
سادس ميزه التصميم
تصميمها عصري وحديث والتصميم دا ايطالي من شركه سيات وانا من رأيي شايف انه من اهم مزايا ال a11
سابع ميزه قطع غيارها وال سعرها يعتبر رخيص بالاضافه الا انها بتقيل قطع غيار بديله
تامن ميزه نظام التعليق
فهتلاقي عفشتها قويه و متينه وتتحمل معاك بشكل كبير لكن طبعا لازم تصينها وتشيك عليها من وقت للتاني
الميزه الاخيره بقي اعاده بيعها والحقيقه دي ممكن تبقي عيب برده لان بسبب سعرها الرخيص لو حالتها كويسه ممكن تتباع بسهوله و العكس يعني لو حالتها سيئه وفيها مشلكل وارد اوي تركن معاك
مع انتشار الاسبرانزا a11 بسرعه وتحقيقها مكاسب قويه لشركه شيري الا ان الانتشار دا مستمرش لفتره طويله بسبب عيوب ظهرت مع العربيه اولها الموتور الموتور بتاعها سيئ جدا ومش عملي وبيظهر فيه اعطال كتير فلو هتجيبها هاتها بموتور جولف لانه طبعا قوي واعتمادي بشكل كبير
تاني عيب العفشه عفشتها نشفه ومش مريحه ولو في نقر ومطبات هتحس بيها بشكل كبير
تالت عيب العزل فبرغم متعه القياده وثباتها مع السرعات العاليه الا انك بعد ال ١٠٠ تقريبا هتسمع صوت الموتور بشكل واضح جدا وبصوت عالي
رابع عيب قطع الغيار فبرغم انها رخيصه الا انها مش متوفره بشكل كبير لكن وزي مقتلتلك بتقبل قطع غيار بديله خاصه من الجولف ودا في الاجزاء الميكانيكيه
خامس عيب الفتيس فتيس الاسبرانزا a11 وانا هنا بتكلم عن الاوتوماتيك سيئ وممكن تونجه اعطال كبيره من وقت للتاني اما المانوي اعتمادي بشكل اكبر
اما اخر عيب وبرغم اني قلتلك في المميزات انها ميزه الا انها ممكن تبقي عيب كبير بالذات في وقتنا دا ومع عدم استقرار الاسعار و العيب دا هو اعاده