اسبرانزا A620 | مزيج الفخامه و السعر الافضل 🇨🇳 تفاصيل كامله مميزات و عيوب . SPRANZA A620 .

Рет қаралды 4,177

5 ай бұрын

من #سوق_السيارات هنتكلم عن سلسله اسبرانزا في فيديو اسبرانزا a620 تفاصيل كامله مميزات و عيوب ودا من #سينما_السيارات قناتك المفضله عن #سيارات_مستعمله ومتنساش تتابع فيديوهات #بيجو #دايو #فيات #لادا #فورد #سيتروين وغيرهم .
في كل شله او عليه بتلاقي حد شيك كدا في نفسه واهله صارفين عليه اهو دا بالظبت ال حصل مع عيله شيري لما طلعت اسبرانزا a620
العربيه ال كانت بتحكها في عربيات تانيه من زي مرسيدس وبي ام وانا هنا اقصد في التصميم مش حاجه تانيه يعني ولكن خليني اقولك ان تصميمها الجامد دا وصلها في الاخر انها تبقي شبه العربيات الكوري
لكن دا مينكرش ابدا ان التصميم كان من رأيي ممتاز جدا و ساهم بشكل كبير في مبيعات العربيه وقت صدورها
فال a620 اتميزت بتصميمها المختلف ودا مع كشافات اماميه كبيره بينهم شبك بارز بخطوط طوليه وفي المنتصف لوجو اسبرانزا . وطبعا في الاسفل كشافات شبوره
اما الجنبين اتسمو بالبساطه مع خط بسيط اسفل الاوكر بطول العربيه مع صدادات فيبر اما الجزئ الخلفي فهيبام الفخامه و الشياكه ودا معشافات الاستوب الجميله ال بتدي فخامه للعربيه بحجمها الكبير علي شكل مثلث مسحوب
دا مع اكصدام عريض وطبعا مينفعش انسي الجنوط و ال بتدي العربيه شكل مختلف وبتكمل جمالها
تصميم ال a620 جه مع مواصفات وابعاد متناسقه مع الوزن عشان تديها اتزان اقوي مع السرعات
فالعربيه كانت بتيجي بطول ٤ متر ٧٧
وعرض متر ٨١
وارتفاع متر ٤٤ سم
وارتفاعها عن الارض ١٢ سم
وقاعده عجلات بتوصل ل ٢ متر و ٧ سم
بحجم جنط ١٦ بوصه
وتانك بنزين بسعه ٦٥ لتر
ومعدل التسارع من صفر ل ١٠٠ في ١٠ ثواني
مع معدل استهلاك بنزين ٦.٧ ل ٩ لتر لكل ١٠٠ ك
دا مع وزن ١٤٠٠ ك
واخر حاجه سعه الشنطه الخلفيه ٦٢٠ لتر
دا مع تجهيزات اساسيه واضافيه وخليني اقولك ان التجهيزات دي ميزت العربيه بشكل كبير جدا في وقت نزلها فالتجهيزات الاساسيه كانت بتتمثل في تكييف وباور وسنتر لوك وازاز كهربا وساوند سيستم اما التجهيزات الاضافيه فكانت متعدده واهمها واميزها هي الشاشات ال كانت بتيجي علي الكراسي دا طبعا مع شاشه التابلوة ال lcd وانظمه التحكم اتجاه لمبات الكشافات الاماميه و الكراسي مع تبطينها بالجلد دا بالاضافه لفتحه السقف و ٢ ايرباج و مرايات كهربا اما بقي معدلات الامان فكانت برده بتمثل اصافه قويه للعربيه ودا لانها نزلت ب abs و ebd ال هو توزيع قوه الفرامل
تجهيزات العربيه و مواصفاتها جت مع موتور انجكشن ٢٠٠٠ cc بقوه ١٢٤ هورس باور دا مع فتيس ستيب ترونيك اوتوماتيك ٤ سرعات ومانول ٥ سرعات و الفتيس و الموتور كانو من انتاج ميتسوبيشي اما الشاسيه كان من جينرال موتورز
ظهرت اسبرانزا a620 في مصر سنه ٢٠٠٤ واستمرت ل ٢٠١٢ وخليني اقولك ان مبيعاتها وقت نزولها كانت قويه لكن مستمرتس علي نفس المستوي ودا بسبب مميزات و عيوب ظهرت مع العربيه
فلو هنتكلم عن المميزات فأول ميزه من رأيي التصميم
تصميم العربيه افضل حاجه فيها لانها وبالتصميم دا بتنافس عربيات اعلي منها في السعر وممكن تنافس موديلات السنه كمان دا مع الاهتمام بيها دا مع تصميمها الداخلي الفخم جدا سواء في التابلوه او الكراسي والابواب
تاني ميزه الثبات ثبات العربيه ممتاز جدا علي الطريق ودا بيرجع لوزنها ال بيوصل ل ١٤٠٠ ك
تالت ميزه التجهيزات ووسائل الامان ودا ال بيظهر مع موديلات العربيه ووضحتك بالتفصيل التجهيزات الاساسيه و الاضافيه ووسائل الامان ولازم تعرف ان التجهيزات دي مش موجوده في عربيات كتير اعلي منها في السعر او احدث في الموديل عشان كدا بتاخد الاسبرانزا الافضليه فالجزئيه دي.
رابع ميزه المساحات سواء المساحات الداخليه او مساحات التخزين
فبسبب المساحات العربيه عائليه بأمتياز وهتوفر راحه كبيره للركاب خاصه مع المسافات الطويله اما مساحات التخزين الخلفيه فبتوصل ٦٢٠ لتر يعني ممتازه جدا وهتستوعب معاك .
اخر ميزه السعر
سعر العربيه مقبول جدا وكويس ودا بالمقارنه بأمكانياتها ال مش موجوده في عربيات كتير من نفس الفئه السعريه .
زي م قولتبك مبيعات العربيه ابتدت بكيرف عالي و الكيرق دا للاسف نزل ودا بسبب عيوي لازم اقولك عليها
اول عيب الموتور الموتور ٢٠٠٠ cc ودا بالنسبه لعربيه اقتصاديه بتستهدف فئه اقتصاديه مش مناسب تماما لانه غالي وكمان بسيبب ارتفاع تكاليف العربيه سواء في البنزين او التراخيص ضيف بقي عيب كمان مع الموتور وهو ارتفاع درجات الحراره ليه
تاني عيب الدينامو دينامو العربيه بيحتاج لصيانه دوريه من وقت للتاني عشان يشتغل معاك بشكل سليم والعيب دا موجود حتي لو العربيه زيرو .
تالت عيب نظام التعليق
عفشه العربيه تعتبر كويسه لكن في مشكله في المساعدين المساعدين الخلفيه فيها مشاكل وضعيفه لكن المشكله دي ممكن تتحل بتغييرها بساعدين اطول .
رابع عيب الخامات
فبرغم التحهيزات الممتازه ال مع العربيه الا ان الخامات ال مصنوعه منها مش اعتماديه وبتفتقد للجوده .
خامس عيب الفرامل فراملها ضعيفه وممكن تحتاج تغيير اسرع مع الاستهلاك الكتير
اما اخر عيب اعاده بيعها فنتيجه للعيوب مع انها تحت بند عربيه صيني مبيعاتها انخفضت بشكل كبير في وقت من الاوقات لكن في الظروف و الغلا ال احنا فيه حاليا من رأيي لو حاله العربيه كويسه و معروضه بسعر مقبول فتقدر تبيعها بشكل اسهل .
في ظروف الغلا و الاسعار المبالغ فيها جدا في وقتنا دا هل سعر ال a620 كافي انه يخليني اشتري العربيه
عايز اقولك ان العربيه ممتازه سواء في الامكانيات او التجهيزات لكن عيوبها للاسف متعدده ولو ايف انك قادر تتعامل مع العيوب دي سواء الحراره بتعديل اجزاء التبريد مثلا او العفشه او غيرها من العيوب فأنا بقولك هات العربيه لانها في حاله التعامل مع عيويها هتبقي قيمه كبيره مقابل سعرها
دا كان فيديو اسبرانزا a620 متنساش اللايك و السبسكرايب
سلام ي وحش

Пікірлер: 21

@user-nr3sc2sg5p 21 күн бұрын

اللهم صلي وسلم وبارك على سيدنا محمد وعلى اله وصحبه وسلم تسليما كثيرا يارب العالمين

@muhamedawad8193 21 күн бұрын

عليه افضل الصلاه و السلام #سينما_السيارات ❤️

@ahmedawd5367 4 ай бұрын

أكثروا من الصلاة على نبيكم ليلة الجمعة ويوم الجمعة 🌷🇵🇸🌷🇵🇸🌷🇵🇸🌷🇵🇸🌷🇵🇸

@muhamedawad8193 4 ай бұрын

صلي الله عليه وسلم ❤️

@ahmedtvs9476 4 ай бұрын

عايزين فيديوهات كتير عن العربيه دي❤

@muhamedawad8193 4 ай бұрын

بأذن الله 👍

@ahmedtvs9476 4 ай бұрын

شكرا❤❤

@muhamedawad8193 4 ай бұрын

#سينما،_السيارات ❤️

@ahmedawd5367 4 ай бұрын

الحمد لله رب العالمين والصلاة والسلام على سيدنا محمد وعلى آله وصحبه وسلم تسليما كثيرا 🌹🌹 ﷽ 📜 كل يوم حديث ان شاء الله ١شعبان ١٤٤٥ هجري الاحد٢٠٢٤/٢/١١ عن أسامة بن زيد، قَال: قُلتُ: يا رسول الله، لمْ أرَكَ تصوم شهْرًا من الشهور ما تصوم مِنْ شعْبان، قال: ((ذلك شهْرٌ يغْفُل الناس عنْه بيْن رجب ورمضان، وهو شهْرٌ تُرْفَع فيه الأعْمال إلى ربِّ العالمين، فأحبّ أنْ يرْفعَ عملي وأنا صائمٌ)). رواه الترمذي والنسائي ✍ﺳَـﻨَﺮﺣـَﻞ ﻭَﻳـَﺒـْﻘﻰ الأَﺛـﺮ✍

@muhamedawad8193 4 ай бұрын

اللهم صلي وسلم علي سيدنا محمد ❤️ لا حول ولا قوة الا بالله

@user-mo5ii1si3t 2 ай бұрын

ارتفاع حراره دينامو مساعدين فرامل ضعيفه

@manelwan5809 23 күн бұрын

لز سمحت لو معروض عليا واحدة ماشية ٧٠ كيلو بس بس وموديل ٢٠٠٨ وسعرها ٢٨٠ الف كويسة ولا غالية؟ وشكرا

@muhamedawad8193 21 күн бұрын

السعر ينزل شويه و اكشف عليها كويس من الخبطات #سينما_السيارات ❤️

@user-lv7tn6xy7o 3 ай бұрын

لو سمحت العربية دى استعمالها كويس وعملية

@muhamedawad8193 3 ай бұрын

بالتأكيد اعتماديه لكن فيها مشكله بسيطه في الدينمو ضعيف الي حد ما و بيتعرض لاعطال من وقت للتاني وبرده لازم تفحصها بأستمرار سواء كهربا او ميكانيكا عشان تتجنب اي مشاكل #سينما_السيارات ❤️ #سينما

@ahmedbadwy4051 2 ай бұрын

طيب الدنمو دا ميركبش مكانو حاجه احسن