Schulkreis Goldau - Üsi Schuel

Der erste Schulsong des Schulkreis Goldau aus dem Jahre 2014 als Videoclip mit bewegten Bildern aus dem offiziellen Leitbild.
Üsi Schuel
Text & Musik: Padi Bernhard
Rächne, läse, schriibe und im Turne umespiide
Fründe träffe, Heft vergässe, i de Pause Öpfel ässe
Mit de Rigibahn uf üsi Rigi ufefahre
Uf em Velo mit em Helm im Dorf go umefahre
De Abwart seid: Hey, lies das uf!
S’hed e Güselchübel - das weisch doch scho
Du und ich und jede hie sind all e Teil devo
Mier sind üsi Schuel
Und üsi Schuel isch guet
Sie macht üs fit, sie git üs Chraft
und sie macht üs Muet
Das isch üsi Schuel
Hie fahd alles a
Hie wirdi grösser, wirdi stärcher
hie wird au ich mini Spure hinderla
Schneebäll rühre, Hose flicke und es Mail go umeschicke
Tschutte, singe, Vorträg mache, alles luuter kuhli Sache
Mit em Bus uf Arth chli im See go umeschwimme
Lache, tanze, wärche, neihe, d‘Finke nid vergässe
De Lehrer seid: So, pass jetzt uf!
Mier wend doch alli wiitercho
Du und ich und jede hie sind all e Teil devo
Refrain
Rapteil: Musig, Turne, TG, Mathe, Dütsch und Mensch und Umwält
Ethik, Schrift und Zeichnä, Schuelmäss, Änglisch und Französisch
Schuelreis, Lager, Skitag, Schwimmä, Sporttag, Radtest, Fasnacht
Latärneumzug, Wiehnachtssinge - das git’s alles hie
Refrain