სებ-ის საბჭოს წევრობის ახალი კანდიდატები

სებ-ის საბჭოს წევრობის ახალი კანდიდატები - ვინ შეარჩიეს „ოცნებაში“?

Рет қаралды 1,262

Күн бұрын

ეროვნული ბანკის საბჭოს მომავალი წევრები ქართულმა ოცნებამ უკვე შეარჩია. ვახტანგ ბურკიაშვილი, ოთარ შამუგია, ლევან ძნელაძე, ნინო ჯელაძე - ოთხი კანდიდატი მიხეილ ყაველაშვილმა პარლამენტს უკვე წარუდგინა. მას შემდეგ, რაც "ოცნების" ერთპარტიული პარლამენტი საბჭოს წევრებს დაამტკიცებს, ეროვნულ ბანკში ვაკანტური არც ერთი თანამდებობა აღარ იქნება. საინტერესოა, ვინ არიან წარდგენილი პირები. ვახტანგ ბურკიაშვილი ეროვნული ბანკის მოქმედი აღმასრულებელი დირექტორია. მისი სახელი 2016 წელს ფიგურირებს "ქართული ოცნების" შემწირველთა სიაში. მან პარტიას 50 000 ლარი შესწირა. ასევე იყო ბიძინა ივანიშვილის დაფუძნებული "საზოგადოება 2030-ის" ანალიტიკოსი და 2018 წელს ფლობდა ტიფლის დეველოპმენტ კონსორციუმს. ასევე იყო მეწილე კომპანიებში საკი - პეტროლიუმი, მიო + და აი იუ ეს გრუპის. ამ მომენტისთვის, მის სახელზე არც ერთი კომპანია აღარ იძებნება. მეორე კანდიდატი ოთარ შამუგიაa. ის ოცნების ხელისუფლების დროს ჯერ გარემოს დაცვის და სოფლის მეურნეობის მინისტრის მოადგილე, შემდეგ კი მინისტრი იყო. 2007 წლიდან სოფლის მეურნეობის სამინისტროში სხვადასხვა პოზიციაზე მუშაობდა. CV-ის მიხედვით, ფლობს მხოლოდ ქართულ და რუსულ ენებს. მესამე კანდიდატის ლევან ძნელაძის საჯარო სამსახური პარლამენტის საფინანსო-საბიუჯეტო კომიტეტის აპარატის უფროსის პოსტზე 1995 წელს იწყება. ამის შემდეგ, ფინანსთა მინისტრის პირველი მოადგილის თანამდებობას იკავებდა 2000 წლამდე. ძნელაძემ კარიერა ეროვნულ ბანკში კი 2020 წლიდან გააგრძელა. რაც შეეხება ნინო ჯელაძეს. მას სამი სხვადასხვა სპეციალობა აქვს. სამივე თბილისის სახელმწიფო უნივერსიტეტში მიღებული. არის ეკონომისტი, იურისტი და უცხო ენების სპეციალისტი. 2003-2021 წლებში იყო პროკრედიტ ბანკსა და პროკრედიტ ჰოლდინგში სხვადასხვა პოზიციაზე. 2024 წლიდან დღემდე ის ეროვნული ბანკის მოქმედი თანამშრომელია, კერძოდ, საზედამხედველო პოლიტიკის დეპარტამენტის უფროსი. რატომ შეარჩია ოცნებამ ეს ოთხი კანდიდატი და როგორ აისახება მათი დანიშვნა სებ-ის ისედაც კითხვის ნიშნის ქვეშ არსებულ დამოუკიდებლობაზე.
სტუმარი: რომან გოცირიძე - ეროვნული ბანკის ყოფილი პრეზიდენტი, პოლიტიკოსი;