SELCE - Da mi se vratit

Jedan lijepi video i pjesma vezano uz Selce (Primorsko-goranska županija)
O lipo moje Selce
Autor: Vilim Lončarić
„O lipo moje Selce,
kako si malo,
samo jedna šačica te j'.
Ča j' kadi ča tiše,
od tvoje bonace,
teplije, svitije,
ča j' tvoje sunašce?
O lipo moje Selce,
kako si malo,
samo jedna šačica te j'.
Kućice na rivi,
visoki gu ganki,
a zad nih se giblju i ziblju,
cimprežići tanki.
Kad još zore ni,
lantirni dok lampaju,
zvezdice male,
z neba in kontraju.
Va stenčice mići,
tlapću i šapću valići,
na školj nan ženice veslaju.
O lipo moje Selce,
kako si malo,
samo jedna šačica te j'.
I kadi još,
kot po naših klančići,
tako lipo,
brudit od arbunići diši?
O lipo moje Selce,
kako si malo,
samo jedna šačica te j'.„