SEMANDO SON - Compilatoriu de música moza n'asturianu (Álbum Oficial)

'Semando Son' (2023 Musicasturiana.com) ye’l primer compilatoriu de música moza n’asturianu 🛒 CD a la venta en musicasturiana.com/producto/v... y en toles plataformes dixitales orcd.co/semando-son 📢 MÚSICA ASTURIANA en Spotify: bit.ly/PlaylistsMusicaAsturiana
SEMANDO SON (2023)
Alicia Villanueva y Luis Álvarez Pola (tonada)
01. Al pasar por el puertu 00:00
02. Carretera d'Asturies 03:44
03. Para castañes, Tremañes 07:55
Loína (folk de cámara)
04. Trípticu I. Carru'l país 12:34
05. Multihalling 17:41
06. Trípticu II. Aguadores 20:45
Algaire (música tradicional renovada)
07. Ensin nome 26:11
08. El mio camín 29:00
09. Coral y Maera (Versión Camaretá) 33:33
Llevólu'l Sumiciu (electrónica de raigañu)
10. En to ventana 38:22
11. La molinera 41:04
12. Olga 44:58
Esti discu editáu por musicasturiana.com inclúi tres cantares inéditos de caún de los grupos que tocó na primer edición del Semando Fest el pasáu febreru: Alicia Villanueva y Luis Álvarez Pola, dos de los nomes nuevos de la tonada asturiana; Loína, tríu acústicu de folk atlánticu; Algaire, banda de música tradicional fusionada; y Llevólu’l Sumiciu, dúu qu’amesta música electrónica y asturiana.
Axúntense asina 12 temes d’estilos estremaos pa reflexar la diversidá sonora de la música’l país. La característica común ente tolos artistes ye que los sos componentes tienen menos de 35 años; d’esta manera, la iniciativa trata de puxar pol relevu xeneracional na música asturiana y promocionar a les nueves formaciones d’esta escena.
L’album grabóse’l pasáu xunetu nos Tutu Estudios de Corvera baxo la producción Sergio Rodríguez, el diseñu y maquetación ye obra de la ilustradora xixonesa Cecilia Diaz y la producción executiva ye de Xicu Ariza, responsable de musicasturiana.com.
El trabayu destaca tamién porque ufre los primeros temes grabaos d’Alicia Villanueva, Luis Álvarez Pola y de Loína, formaciones qu’enxamás pasaren pel estudiu de grabación; y porque recueye cantares que nun taben nun publicaos d’Algaire y Llevólu’l Sumiciu.
Tamién ye un discu que supón tou un viaxe pela música asturiana: entama per una interpretación de l’asturianada “Al Pasar El Puertu” -que grabó va 100 años La Busdonga- y acaba con sampleos electrónicos de vieyos y nuevos cantares de la música asturiana. Asina ye como pasáu, presente y futuru d’esta escena van de la mano nun álbum que tamién homenaxea a otros artistes al incorporar delles versiones -dende Desakato a Antoñita Moreno, pasando per Mapi Quintana y la banda sueca Hedningarna-, y nel que pueden sentise cantares nes dos tradicionales autóctones d’Asturies. Amás ye un reflexu de la progresiva incorporación de la muyer como intérprete y compositora porque, anque tovía los escenarios siguen siendo mayoritariamente masculinos, esti discu fai por avanzar hacia la igualdá.
En definitiva, Semando Son ye una amuesa del dinamismu, la calidá y la variedá qu’hai anguaño nes bandes que faen música en llingua asturiana.
📌 SUSCRÍBITE en KZbin: bit.ly/CanalMusicasturiana
📢 Más Música Asturiana en Spotify: bit.ly/PlaylistsMusicaAsturiana
💙💛 SÍGUINOS EN:
www.musicasturiana.com
/ musicasturiana
/ musicasturiana
/ musicasturiana
open.spotify.com/user/musicas...

[@llibelulalibelula3322]

❤❤❤❤❤❤