Рет қаралды 6,984
Семейде орталық базардың саудагерлері үш күннен бері жұмысқа шыққан жоқ. Өйткені базар ішінде орналасқан «Ақшың» сауда орталығының басшысы ешкімге ескертпестен халық жүретін жолды жауып тастаған. Соның кесірінен табысымыздан айырылдық деген көпшілік үш күннен бері саудамыз мардымды жүрмей тұр деп ашулы. Елу шақты саудагердің бұл мәселесі тіпті облыс әкімдігіне дейін жеткен.
Қаладағы орталық базардың аумағында орналасқан «Ақшың» сауда орталығы осы уақытқа дейін тыныш жұмыс істеп келген. Алайда, бірер күн бұрын кәсіп иесі ауласына дүңгіршек қойып, «Мереке» базарына өтетін өткелді жауып тастапты. Бұл көрші отырған саудагерлердің ашуын тудырған. Айтуларынша, аялдамадан түскен халықтың базар аралауға кіретін ең қысқа жолы бөгелгелі саудамыз жүрмей қалды дейді.
Бірақ «Ақшың» сауда орталығының әкімшілігі жолды жауып, қалаған дүниемізді қоюға толық қақымыз бар дейді. Себебі, жер телімін 2040 жылға дейін жалға алдық деп бейқам отыр. Тіпті қолдарында тиісті құжаттары да бар екенін алға тартты. Тек мұны көрші базардың саудагерлеріне түсіндіре алмай қойдық дейді. Бірақ, саудагерлердің шуы облыс әкімінің құлағына жеткен соң, жолды бүгіннен қалдырмай ашып беруге уәде етті.
ЕРЛАН ЖАҚЫПОВ, «Ақшың» сауда орталығының әкімшілік директоры:
- «Мереке» базарының кәсіпкерлерінің жаңағы түсініспеушілігіне байланысты + өзіміздің заңды жерімізге салынып жатқан дүңгіршектің алынып тастауын өтінуіне байланысты, біздің «Ақшың» коорпорациясының басшысы Құрманбаев Марат Сержанұлы облыс әкімінің тапсырмасы бойынша бүгінгі күнде осы жерді тура жаңағы кәсіпкерлердің сұрап отырғанындай қылып ашуға шешім қабылдады.
Енді жақын күндері саудагерлерге кедергі келтіріп тұрған дүңгіршектерді алып тастамақ. Бірақ «Ақшың» сауда орталығының әкімшілігі уақытша ғана ымыраға келгенін айтады. Соған қарағанда бұл саудагерлер арасындағы жанжалдың соңы емес сияқты.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал