Рет қаралды 3,768
Семейде вакцина паспортын қолдан жасап сатқан екі медицина қызметкері ұсталды. Олар құжатты 15 мың теңгеге сатқан. Қазіргі таңда жалған паспорт сатып алған 30-ға жуық адам анықталған. Ішкі істер министрлігі, тергеу нәтижесінде жалған паспорт сатып алған басқа адамдар да анықталуы мүмкін дейді. Енді екпе алғысы келмегендердің базаға енгізілген мәліметтері жойылады.
Сондай-ақ ПТР анықтамасын жасап сатқан Өскемен қаласының 34 жастағы азаматы ұсталды. Ол клиенттеріне тест тапсыртпастан 15 мыңға жалған нәтиже дайындап беріп отырған. Пайданың осындай көзін тапқан азамат енді 2 жылға бас бостандығынан айырылуы мүмкін. Жалпы жыл басынан полицейлер 53 жалған паспорт пен 57 ПТР тест жасаған фактіні анықтаған.
ШҰҒЫЛА ТҰРЛЫБЕК, ҚР Ішкі істер министрлігінің ресми өкілі:
- Әлеуметтік желілер мен мессенджерлерде жалған вакцинация паспорты мен ПТР анықтамаларын сату туралы 68 хабарландыру анықталды. Олар туралы ақпарат бұғаттау үшін уәкілетті органға жіберіледі. Жалған құжат дайындағаны үшін 4 жылға дейін бас бостандығынан айыру, ал оны сатып алғандарға 40 тәулікке дейін қамауға алу қылмыстық жауапкершілігі көзделгенін естеріңізге сала кетейін.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#вакцинация_паспорты #жалған_құжат