Семейдегі алапат өртке байланысты министрлер мен әкімдер тергелетін болады

Абай облысындағы алапат өртке байланысты министрлер мен әкімдерден де жауап алынады. Олардың арасында Шығыс Қазақстан облысын 9 жылдай басқарып келе жатқан Даниал Ахметов пен Абай облысының әкімі Нұрлан Ұранхаев та бар. Одан бөлек, Экология министрі Зүлфия Сүлейменова мен Төтенше жағдайлар экс-министрі Юрий Ильин де тергеледі. Бұл туралы бүгін Бас прокурордың орынбасары Жандос Өмірәлиев мәлімдеді. Оның айтуынша, ісіне салғырт қараған лауазымды тұлғалардың барлығы қылмыстық жауапкершілікке тартылады.
ЖАНДОС ӨМІРӘЛИЕВ, ҚР Бас прокурорының орынбасары:
- Семей орманы» резерватындағы өртке байланысты қылмыстық кодекстің 292-бабы үшінші бөлігі бойынша қылмыстық іс қозғалды. Қазір тергеу тобы өрт болып жатқан жерде жұмысын бастады. Сондай-ақ, тілсіз жаудың қоршаған ортаға тигізген зияны мен 14 азаматтың қызмет барысында қаза болуына байланысты лауазымды тұлғалардың "жұмысына немқұрайлылықпен қарау бабы" бойынша да қосымша іс қозғадық.
Сондай-ақ, Жандос Өмірәлиев кеше денесі табылған тракторшы Сергей Архипов орман өртінен қаза тапқан жоқ. Сол себепті, оның отбасына мемлекеттен көмек көрсетілмейді деп мәлімдеді. Бірақ оның туыстарына көмек беру мәселесін жергілікті әкімдік қарастырады. Кәсіпкерлер мен облыс әкімдігі көмек береміз десе, бұл заңға қайшы емес дейді құзырлы орган өкілі. Ал кеше алапат өрт кезінде қайтыс болған тағы екі орманшының денесі жер қойнына тапсырылды. Марқұмдар орман шаруашылығында жүргізуші болған 59 жастағы Амангелді Дүйсембаев пен 30 жастағы инспектор Алексей Губаев. Айта кетсек, төтенше жағдай қызметкерлері Абай облысындағы орман өртін жеті күннен бері сөндіре алмай жатыр. Мамандар 40 мың гектар аумақ әлі де жанып жатқанын айтады. Өртті сөндіру жұмыстары Поднебесный, Шүлбі, Жерновка, Қаштақ ауылдарының маңында 4 бағытта жалғасып жатыр. Қызыл жалынды ауыздықтау үшін 6 мың тонна су төгілген.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
Біздің сайт: www.31.kz и www.informburo.kz
Біздің WhatsApp [phone]
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

[@КурметТолегенов-т6ф]

Жауап алынады, бірақ ештеңе болмайды

[@АйгеримСегизбаева-т4в]

Нуранхаевтын кызы Шет Елде Гучи Прадо кымбат шопингтер жасап жур жане алеуметтик желиге мактана жариялап жур ал Абаи облысында адам олип Халык Орт сондирип жатыр Нурлан Уранхаевты тергеу керек.

[@гулханым-н5к]

❤дұрыс! Жауап берсін

[@АмирКунчигаров-к5л]

Дұрыс

[@ТайманСейткулиев-я3х]

Торегали не

[@algabasrustam555]

Атып тастамайма акимдерди министрлерди.