SEVEN WEEKS AFTER BUDDHAS ENLIGHTENMENT( IN TIBETAN) སྟོན་པ་སངས་རྒྱས་པའི་རྗེས་ཀྱི་ཞག་བདུན་ཕྲག་བདུན།

བདག་ཅག་གི་སྟོན་པ་མངོན་པར་རྫོགས་པར་སངས་རྒྱས་པའི་རྗེས་ཀྱི་ཞག་བདུན་ཕྲག་གི་སྐོར་མདོ་ཙམ་ཞུས་ན།
༡༽ དེ་ཡང་ཞག་བདུན་ཕྲག་དང་པོའི་གནས་སྐབས་སུ། བྱང་ཆུབ་ལྗོན་ཤིང་ཉིད་ཀྱི་འོག་ཏུ་སྐྱིལ་དཀྲུལ་མ་བཤིགས་པར་བཞུགས་པ་དང་།
༢༽ བདུན་ཕྲག་གཉིས་པའི་སྐབས། བྱང་ཆུབ་ལྗོན་ཤིང་ལ་སྤྱན་མི་ཛུམས་པར་གཟིགས་པ་དང་།
༣༽བདུན་ཕྲག་གསུམ་པའི་སྐབས། རིན་ཆེན་ཟམ་པར་ཡར་མར་ཕེབས་པ་དང་།
༤༽ བདུན་ཕྲག་བཞི་པའི་སྐབས། རིན་ཆེན་ཁང་བཟང་དུ་ཆོས་མངོན་པའི་དོན་མཉམ་པར་བཞག་པ་དང་།
༥༽ བདུན་ཕྲག་ལྔ་པའི་སྐབས། ཤིང་ར་སྐྱོང་ནྱ་གྲོ་དྷ་ར་སྐྱོང་གི་གནས་སུ་བཞུགས་པ་དང་།
༦༽ བདུན་ཕྲག་དྲུག་པའི་སྐབས། ཀླུའི་རྒྱལ་པོ་བཏང་བཟུང་གི་གནས་སུ་བཞུགས་པ་དང་།
༧༽ བདུན་ཕྲག་བདུན་པའི་སྐབས། ཤིང་ར་ཛ་ཡ་ཏ་ནའི་འགྲམ་དུ་ཚོང་པ་ག་གོན་དང་བཟང་པོ་སྐྱབས་སྡོམ་གནང་།