Рет қаралды 820
Eylədi vəsf könül ârizi-cânânı qələt,
Oxudu tifl bu məktəbdə "Gülüstân" ı qələt.
Sandı güldə tapılır nəfxeyi-zülfi-siyəhin,
Etdi hər fəsldə dil seyr bu "Bustân" ı qələt.
Səfheyi-ârizinə kâtibi-qüdrət o gülün,
Bîməqâm etdi rəqəm, ol xəti-reyhânı qələt.
Sandılar kim, düri-dəndânına həmtây olur,
Saldılar məğlətəyə, gövhəri-qəltânı qələt.
Bâğdə açdı yüzündən o güli-tazə niqab,
Çaşdırıb bülbül özün, eylədi əlhânı qələt.
Qaşların "Nuni-qələm" zülfünü "Vəlleyl" dedim,
Dedilər kim, oxudun Ayeyi-Qur'anı qələt.
"Qâb-qövseyn" oxudum əbruyi-yârı, Seyyid,
Vây o gündən ki, müfəssir verə mə'nanı qələt.