Рет қаралды 4,357
Əsgəri ilə birlikdə şəhid olan baş leytenant - Baku TV
Ərazi bütövlüyümüz uğrunda döyüşərək qəhrəmanlıq göstərən, düşmənə xeyli sayda zərbə vuran, əsgəri ilə birlikdə şəhid olan baş leytenant Murad İbadov 1993-cü ildə Qobustanda anadan olub. Orta məktəbi bitirdikdən sonra Heydər Əliyev adına Ali Hərbi Məktəbdə təhsil alıb. 2016-cı ildə həmin məktəbi başa vuraraq, N saylı hərbi hissədə xidmətə başlayıb.
Üç bacının bir qardaşı olan Murad İbadov fədakar, qayğıkeş, ailəcanlı övlad olub, ailəsinin yükünü çiyinlərində daşıyıb. Həmçinin hələ uşaq yaşlarından böyükdən-kiçiyə hər kəsin hörmətini qazanıb.
Qəhrəmanımız sonuncu dəfə müharibədən bir neçə gün əvvəl evə gəlib, sanki geri qayıtmayacağını hiss edirmiş kimi ailə üzvləri ilə görüşüb, sağollaşıb.
Oktyabrın 15-dən 16-na keçən gecə Ağdərə istiqamətində qızğın döyüşlər başlayıb. Həmin döyüşdə Murad öz bölüyü ilə bir çox ərazini işğaldan azad edib. O, düşmən postuna daxil olaraq bir neçə ermənini məhv edib, özü də yaralanıb. Lakin qarşıya qoyulan vəzifəni tam yerinə yetirmək üçün döyüşməyə davam edib və içdiyi anda sadiq qalaraq, torpaqlarımızın bütövlüyü uğrunda qəhrəmancasına şəhid olub.
Döyüşlərə böyük ruh yüksəkliyi ilə qatılan Murad İbadov həm öz əsgərlərinə nümunə olub, həm də daim onları qoruyub. Elə Zahid adlı əsgərini düşmənin açdığı atəşdən qorumaq üçün qucaqlayaraq, onunla birlikdə şəhadətə ucalıb.
Aprel döyüşlərinin də iştirakçısı olan Murad İbadov o zaman fəxri fərmana layiq görülüb. Vətən müharibəsindən sonra isə Prezident İlham Əliyevin sərəncamı ilə ölümündən sonra "Vətən uğrunda ", "Suqovuşanın azad olunmasına görə" və “Döyüşdə fərqlənməyə görə" medalları ilə təltif olunub.
Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.
Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.
Facebookda səhifəmiz:
/ www.baku.tv
/ __baku_tv__
baku.tv
Kanalda bütün müəllif hüquqları qorunur.
#BakuTv #Azerbaycan #trend