Sh’eriyat Malham

#sheriyat
Malham
Bizning eshik doʼst eshigi,
Kirganga jonimiz qurbon.
Salom - muhabbat beshigi
Berganga jonimiz qurbon.
Havas qilganimiz bulbul,
Mosuvodan qoldi koʼngul,
Oʼzimiz bogʼ, soʼzimiz gul,
Terganga jonimiz qurbon.
Hayot ajoyib bir naqsh,
Goho tushish, goh yuksalish,
Maʼrifat maʼnoga boqish,
Bilganga jonimiz qurbon.
Hasad maraz, sevgi sanʼat,
Yurak qaynaydi har soat,
Kimsasizlarga qoʼl-qanot,
Boʼlganga jonimiz qurbon.
Kerak oshiqlar yordami,
Ogʼir Mahbubiyning gʼami,
Yaramizga ishq malhamin,
Surganga jonimiz qurbon.
Bizning eshik doʼst eshigi,
Kirganga jonimiz qurbon.
Salom - muhabbat beshigi
Berganga jonimiz qurbon.
©️ Аbdurrahim Karakoʼch
©️ Tarjimon Mahbubiy
©️Аbror Muxtor Аliy
#abdullohabuamr #etihad_uz