獅吼記丨尹光/李鳳丨尹光粵曲會知音演唱會

available on:
iTUNES: itunes.apple.c...
KKBOX: www.kkbox.com/...
WorldStar Music Int'l Ltd. All rights reserved.
Please subscribe to WSMmusichk : / wsmchannel
獅吼記　
合唱：尹光 / 李鳳　
曲：古曲　詞：佚名　編：周熾佳
Copyright Controlled　
旦白：怨一聲來恨一聲　傍月何需立小星
莫說婦人多善妒　自是男兒太薄情呀
旦唱：鶯辭柳去隨風影　驟惹酸風還未靖
花溪路徑　伏有風流兵　小冤家　違背了閨房令
紫簫聲　卻伴那風月唱和兩三聲
花外去偷偷用情還有題紅詠　笑似花間蝶
又話情根乃是前定　一諾千金債要清
禁城郎夜歸未乞我饒命　為怕王郎負桂英
為免沉迷花月徑　冷落家花尋野草
莫非錦陣勝花營　我願作花魁
獨掌花權柄　願借朱門繡戶
做一所鐵壁金屏　結柳為藩　下一度森嚴禁令
生白：哎吔　唉
生唱：未進蘭房驚雀噪　柸弓蛇影倍心驚
待我輕輕移步進蘭房　猶幸未聽閻王　吆喝令呀
生白：好彩
旦白：呀乜季常咁夜都仲未返嚟呢　返嚟你就知
生白：哎吔　死啦
生唱：入門未問榮枯事　魂斷香閨起雷霆
待我強顏端帶整衣冠　今宵苦樂都由天定呀
生白：呀夫人
旦白：番嚟啦
生白：夫人晚安
旦白：相公晚安呀
生白：夫人請坐呀
旦白：相公請坐
生白：請坐　夫人　為夫今日應東坡之約
去踏雪遊春　至令夫人呀　你冷落香閨
待為夫奉上香茶一盞　聊表齊眉之敬
生白：飲茶
旦白：哎吔　呢柸茶唔應該你遞俾我飲
生白：應該　應該嘅
旦白：我話應該由嗰個女人遞俾我飲至岩　開講都有話啦嗎
妾侍斟茶大婦飲　又何須你私自綢繆代小星呢
生白：唉　夫人　我　我見你把面一沉　嚇得我心如絮亂
夫人你把青梨杖放下　待我慢慢稟上呀
旦白：季常夫呀　今日蘭亭之內　可有婦人在座呀
生白：冇呀
旦白：真係冇
生白：冇　冇哩
旦白：哦　咁着藕色衣裳嗰個係邊個嚟嘅
生白：呀　這　這
旦白：乜借番嚟嘅咩
生白：夫人　你唔好嬲至得架　夫人　你聽我講啦
生唱：今日風雪漫天桃林靜　黃山小路甚孤清
有一個過路　過路　過路
旦唱：梗係有個過路姑娘驚隻影　佢逃風避雪入蘭亭
生白：係呀　係呀　呀夫人　真係聰明架　係呀係呀
旦白：呢啲唔係聰明　係人之常情姐
生白：人之常情
旦白：我冇怪錯你囉
生白：唔緊要　我慣咗啦
旦白：請坐啦
生白：你坐呀夫人　我坐　夫人
旦唱：夫妻好比同林鳥
生白：係係
旦唱：歡笑原無咒駡聲呀
生白：唔緊要呀夫人
旦唱：郎君還我碧玉錢　燈前共把痴心證
生白：玉錢
旦白：還我玉錢來
生白：這　這
旦白：吓　乜又借咗比人呀
生白：哎吔　夫人　唔係呀　夫人　哎吔　夫人哎吔
旦唱：碧玉錢乃物證　對夫妻有嚴重性
生白：哎吔
旦唱：今晚借碧玉作盤問　淚眼淚眼涕淚凝　怒撻冤家你盡改性　
生唱：千拜萬拜　我品德查實極端正
一心愛戀卿　待我泣訴嬌妻聽
旦白：講呀
生唱：恨我失去相思證　深深一拜拜玉娥念吓情　
旦唱：我罵句郎無情　花間細語自有人代我偵　
御賜媒錢贈情人求下聘　心酸心酸咒玉郎負了情　
鞭撻力更未輕　酸風來愈勁
#尹光 #粵曲 #粵曲會知音演唱會 #環星娛樂 #環星音樂 #wsmmusichk #演唱會

[@--oldmusicchineseii6731]

江门台山的上川岛，台山是我的家乡，疫情的影响下好久没回去了，想念❤

[@kklui3084]

👍

[@wsmmusic]

生白：哎吔　哎吔　夫人　唔好打啦 夫人　我認啦　我認啦　唔好打囉我認囉　夫人 生唱：偷一次未為多 生白：哎吔　攞命呀真係 旦白：豈有此理　偷一次都重話唔夠呀　你想偷幾多次呀 生白：夫人　一次之嗎　有啲人偷好多次架 旦白：人地係咁　我唔准呀 生白：夫人 生唱：錯一次猶可恕　聖人皆有錯　何況艷福自天成 旦白：好艷福咩你 生唱：花染落　陽紅　薄醉御春風　亭外挑琴 頓失我矜持性　此亦走馬看花 過後不留緣份也　鶯啼春夢　醒後不留形 夫人　我醉中遺失了碧玉錢　且待他日索回相思證呀 旦白：你都算抵死啦你 生白：我唔敢架啦　夫人　你唔好嬲啦　攞命呀咁鬼大枝 旦白：貼了玉金錢　薄幸難否認 唔怪得話天下男兒皆賊性　偷完還要表忠誠 我妒花防草終年病　體弱何堪守禁城 剩餘都只有三分命　今宵留待與郎拚呀 生白：唔好嬲啦夫人 旦白：常言頑石都尚點頭　點解你六年都未改你嘅風流性 生白：哎吔　夫人　夫人唔好打啦 我知錯啦　我知錯啦夫人　唔好打啦夫人 你玉手纖纖　而且打在我身就痛在你心 不如　不如唔好打啦夫人好啦嗎 旦白：你都唔止錯一次嘅啦　想我唔打你都得 生白：咁點呀 旦白：我要你跪在柳池靜中思過到天明 生白：又要跪呀　 旦白：跪唔跪呀　唔跪就打 生白：跪　跪 旦白：跪啦　 生白：夫人　你睇吓階前露濕　俾個鴛鴦枕墊吓膝頭哥都得掛　 旦白：欠奉　跪唔跪呀 生白：跪跪跪跪　搵個地方跪先得架 旦白：你跪慣嗰到啦　凹咗架啦　跪啦 生白：娶老婆呀

[@wsmmusic]

旦白：陳季常　想我入你陳門　曾有三章約法 說道你娶婦歸堂之日　就係我下堂求去之時 你敢唔敢寫下休書一紙　共我斬斷恩情呀吓 旦白：寫唔寫　敢唔敢寫 生白：寫咪寫 生唱：一紙休書容易寫　我怕你覆水難收都已斷情呀 旦白：咁衰 生唱：夫人不若你准我娶個琴操添雅興 旦白：我唔准呀 旦唱：搗芳心　平地起雷霆　蘭房一向奴當 正我要百年獨佔枕邊情　寫休書　來判定 斬斷情絲　用管成　四寶文房　來擺定 旦白：寫啦 生白：寫咪寫　你估我唔敢寫呀 生唱：胭脂虎　嚇壞俏花榮　話出斷難成幻影 相爭難以說和平　寫休書顯盡男兒性　黑書白紙寫分明 旦白：寫啦　寫啦嗎 生白：寫咪寫囉 旦唱：何須勒馬臨崖嶺 旦白：講得出做得到係男人大丈夫　講得出做唔到嘅 係閨中牛馬咋　你唔敢寫就唔好寫啦 生白：寫　寫咪寫囉 生唱：不過要想休書內裏情 生白：我諗吓點樣寫呀　你估我唔敢寫呀 旦唱：講乜嘢血氣男兒多烈性 旦白：寫啦嗎 生唱：呸　斷難功敗在垂成　烈火燃眉　心火盛呀 旦白：寫啦　哎吔　佢真係寫喎　死囉 生白：驚呀呢　啦 旦白：你個負心人呀 生白：驚呀呢 旦唱：一紙休書存在手　要你頂上烏紗喪前程 生白：混帳 旦唱：一別如同陌路人　此後相逢莫再將奴認呀 生白：玉娥　玉娥　你去邊度呀 旦白：嘿　去邊關你咩事呀　我都未犯七出之條 你就寫下休書　我去刑部府堂告你呀 生白：你未犯七出之條 旦白：梗係啦 生白：唔通我寫錯 旦白：錯就冇寫錯　不過漏左啲嘢姐

[@wsmmusic]

生唱：我跪向花間咒罵兩聲　花也絕冇情　吐　 旦白：哎吔　吐我添吓呀　 生白：唔係呀　我唔係吐妳呀夫人　我吐啲花之嗎　 生唱：怒煞初更塑風太無情　吹花更弄影　整晚未有停　呸　 旦白：哎吔　重話唔係呸我　 生白：唔係　我唔係呸妳呀夫人　我呸啲風之嗎　 呀咁衰喎　成晚係咁吹　 旦白：你好辯駁呀你　 生唱：雨濕更值風淒露勁　 旦白：真係翻風添喎 生白：翻風好凍呀 旦白：我都要高床暖枕瞓覺啦 生白：咁我呢夫人 旦白：係到跪　跪到天光 生唱：唉　鬼叫我背嬌妻　宿債未說清　暗中兩訂情　朦朧迷路徑　 罰我跪池罪太輕　怨聲老蘇靠害人　 災瘟撮合星　險致斷赤繩　攪到我罰跪冷宵暗自悲　孤影 生白：愈夜就愈凍　成日係咁罰　足足跪咗六年呀 跪到凹晒　真係攞命　唉 我記得啦　呀東坡兄今日同我講過 佢話黃洲鄉例　立有七出之條　其中有云　凡女子嫁夫 五年無所出者　其夫得立偏房　倘若拒夫立妾　得而休之 哼　佢分明犯咗七出之條　好　我一於唔跪 生唱：東坡吐盡揚眉話　季常回復丈夫形 待我一聲吆喝坐堂前　步入房中把威風逞 生白：玉娥　開嚟 旦白：哎吔　閨中都尚未有命　你因何回房不跪呀 生白：我以後都唔跪架啦　你聽住呀 旦白：咁叻呀 生白：梗係啦　不孝有三　無後為大 我要正正式式娶個偏房　你答應定唔答應 旦白：季常夫　你講真呀抑或講假架 生白：真　珍珠都冇咁真 旦白：真係嘅 生白：係

[@半癡-w2y]

繼情挑肖姐，鳳姐及光哥續有精彩演譯……！此乃唐滌生戲寶，難得兩人熟記 曲譜，鳳姐是港產花旦，逑姐離開咱們更顯她珍貴……。本人給予兩人評分8O。❤❤✌✌

[@wsmmusic]

生白：漏咗乜野 旦白：漏左乜嘢一陣至話你知 而家問你　你可有兄弟呀 生白：一共八個 旦白：子侄呢 生白：子侄就成群啦　冚扮爛都係囉 旦白：好　等我將黃洲鄉例讀清楚比你聽啦 生白：讀啦 旦白：黃洲鄉例立有七出之條　凡女子嫁夫 夫無叔伯子侄　五年無所出者　得立偏房 倘若拒夫立妾　得而休之　你就係漏咗冇叔伯子侄嗰句呀 生白：吓　夫人咁我唔寫啦　比番我啦 旦白：爛開呀你 生白：我唔算呀 旦唱：已成陌路不容情　告上府堂　將罪定呀 旦白：因住嚟 生白：夫人　講下笑咋嗎　哎吔　死啦　比呀蘇東坡累死啦呢次真係　唉 生唱：此回欲了心頭願　誰料木匠担伽要受刑呀  

[@tinkwok1269]

[@evaho1579]

，