（慎入）球壇解密ep.13l 黑哨？極醜惡？英超球證難題l 足球 故事 廣東話 中字 | swaghk852

今天不說教練、也不說球員
談一下你們最厭惡的角色-球證
聽到這裏也許你們已經一臉嫌棄的
又是那個無論如何都有免死金牌
無論犯多少錯、都老是常出現的人物？
當然我有時也對球證的裁決摸不着頭腦
有時都會好奇英超球證質素參差
這也不算是一日半日的事
但為什麼始終沒有辦法解決呢？
而既然這個問題不單是近年衍生的
那麼只討論今年的案例也沒有意義
反正他們的解釋最多都是大同小異
那麼倒不如說說為什麼有這個現象？
他們為什麼可以做得這麼差
為什麼不引入外國的球證？
VAR到底起了什麼正面和負面的作用？
到底為什麼來來去去都好像沒有後果
當然我知道這段片可能會引來很大迴響
可能我又會被罵得狗血淋頭
但如果因為怕就唔做、不敢說的話
那麼和can't do anything 的英超球證有咩分別？
- - - - - -
0:04 intro
1:25 PGMOL(職業球證有限公司)
4:46 英超裁判標準不一的解釋
8:00 VAR帶來的影響
10:45 英格蘭裁判不用被罰的原因
14:27 引入外國球證的難處
17:48 措施與結尾
#英超 #球證

[@user-gx6wd8ix3t]

唔使驚俾人鬧，仲有我哋撐你

[@tsecarl972]

多謝你做呢條片, 最少可以理解多啲英超球証做緊啲乜, 睇左咁多年波, 全球計, 真係服既球証數黎數去都係得哥連拿同瑞士既美亞, 有時都會諗, 做球証全場係咁跑,咁既狀態再去留意賽事同做決定根本好難 (你試下一路跑步一路計數, 辛苦到傻, 唔好講要做90分鐘) 最後想講下公開VAR錄音, 長遠應該係好事, 起碼坐var房果班都一齊問責, 日後要做裁決前會有更多sop去跟

[@takejason9678]

我會覺得係球證如果本身係識踼波去執法一定會理解球員點解會犯規既原因

[@frenki5612]

呢條片好有水準、公道中肯。多謝你為我地提供多個角度去睇球證，繼續加油！

[@MoMo-vn4pt]

Ryan仔呢舖我撐你吖😂你夠膽講大家心底果句😂

[@SwagHK852]

其實係我自己都有嘅問題😂只不過係我有時間搵答案然後同你哋講

[@rayfan1802]

感激你付出時間做呢條片，我都對你作出左實質嘅支持

[@SwagHK852]

多謝你❤️🙏🏻🙏🏻

[@indyyeung6762]

應該好似排球咁只能每隊挑戰兩次睇VAR，而唔係VAR決定，所有判決交番比球證，越位就交比自動越位系統

[@kennethkeung9077]

感謝分享🎉雖然睇完條片多了解一班球証背景,但呢個更解釋佢哋由保護本地就業變成本地山頭文化,我讀書唔多唔識咁多大道理,但正正用傳統而簡單球迷心態,我看到的卻是一班智障唯我獨尊地一再犯錯,其實我們只需要VAR幫助覆查兩件事1）越位 2）有否嚴重犯規,如果給予足夠時間,像澳職試過就算當時比賽已過了好幾分鐘仍然可吹回,有追朔性令人感覺不是草草了事,因為看了那麼多地方联賽,英超給人感覺錢駛最多技術理應最先進但偏偏寃案一單又一單,如果佢哋不從自我規則中改善,就算俾最先進科技幫助只要球証唔睇而VAR團隊又話言語上誤會又話唔記得通知球証.咁樣所有笑話仍然會無限loop

[@kimchan0802]

感謝你出片講球証👍👏

[@tszyuyuen3732]

正呀,我覺得可以仿效法甲啲球證,法甲球證係youtube出過片可以睇下

[@techui03]

高質！👍

[@Takeagoodshit]

呢條片真係講得好公道 球證要交出高水平幾乎冇犯錯聽落好公道 但如果對比翻球員 即刻係絕代雙驕 美斯都會交失波 C朗都會射飛機 所以球證無論幾高水平都冇可能幾乎唔犯錯 其實唔止人一定有錯呀 大家打fifa都一定知 尤其今集eafc更加明顯 連電腦都成日判錯 有時兩個隊友炒埋一齊都判12碼 有時射完波先掂到人又照吹12碼 所以係因為足球每場都有無限嘅可能性 先導致冇可能做到完全正確或者完全果判 但球證水平下降係事實 好嘅球證係值得更多嘅尊重 最重要係希望多啲人成為球證 令球證嘅人選有得揀 有競爭 同球員一樣 先可以提升水平 （除左加人工同頒獎我都諗唔到可以點😂）

[@cheukyintang8056]

師兄但係而加係佢哋錯左都可以理直氣壯一句近乎無賴嘅解釋, 仲要今日足總宣佈會懲罰阿迪達 ，我覺得太荒謬

[@Takeagoodshit]

@@cheukyintang8056 我明啊 所以球證嘅事後處分都好緊要 次次say sorry就冇事只會令佢地繼續求其落去

[@Tch139]

一日有賭波呢樣野.一日都唔會改到或肯改.........簡單正係改所有關入波合唔合法既判決.就算一開始判錯都好,.只要吹完場雞前VAR都可以叫球證判番岩,,,但咁樣既話賭波莊家就可能輸多好多錢.....

[@enghse888]

條片做得幾好，根據報導，他們每年根本有10萬磅，未計其他福利和part time, 人工不吸引應該不會，但做裁判會被問候母親亦是事實，覺得适當引入外援是個可行方案 Ps個澳洲裁判最初我見到他時，他吹epl昇班副加賽，其實好mama, 感覺跟波太慢，後來才知他是assie

[@SwagHK852]

要花嘅時間可能去到10年，即係要10年俾人鬧😂所以又係一個問題，我都同意引入外援應該係最快嘅方法

[@enghse888]

​​@@SwagHK852想講gillett其實在澳洲十分高班，但來吹英冠和副加賽都力有不足，因epl這聯賽速太快同太多身體對抗(亦可以話裁判允許，令到人為出錯率大增， ths s core of the problem

[@SwagHK852]

@@enghse888 exactly😂呢個都係英格蘭足球嘅特別之處

[@user-xj3ck8sd2z]

屌 搵集講安東尼泰萊就得

[@SwagHK852]

今日會提到佢😂

[@user-xj3ck8sd2z]

@@SwagHK852 身為車迷嘅我 見到肥普咁樣沖出去話佢 個心好爽

[@SwagHK852]

@@user-xj3ck8sd2z 😂😂😂

[@arlanchoi677]

@@user-xj3ck8sd2z肥普咪又係中回力鏢😅

[@user-dx5fc8th2r]

@@SwagHK852想睇吓你對奧利華嘅睇法 佢同安東尼

[@tung27ko50]

期待做一集香港球證🎉

[@analysistalk9169]

Ryan..首先多謝你去製作呢條片，辛苦了。睇咗你都一段時間，無奈講句，可能你仲要啲時間去發揮你既強項同表達得更好👍🏻 個人愚見你有啲片例如一啲球會/球員介绍片你係做得好好既，嗰啲片你建基於你揾到既資料再storytelling ，睇完係令人覺得多謝你，哦，乜原來佐敦軒達臣、摩迪佢哋有啲咁既故事，了解左更多。（係有時你加埋一啲卡通片字眼去描述一個球員或者用球員第一身去講，就會令人睇完都唔知睇左啲咩…但大部分片大致上都係維持到高水平。） 不過係一啲足球事件或分析上，個人愚見係你既軟肋，第一個問題係你太簡單就想將兩樣野甚至多樣野連結埋一齊，導致出現咗舖排唔夠、轉接太突然既問題。唔知係咪因爲片長所限呢？近近地曼市雙雄、電話門既片等等都有“下，咁突然”、“咁就解釋左？”既情況。至於呢條片，我覺得內容上係冇問題既，冇可能所有人睇法同你一樣，想講咪講囉！不過你太有包袱了，又想講，講左又驚得罪人，結果表達出嚟就係正係度死撐球證但又要扮中立。 絕對明你既顧慮同難處，加油吧。

[@user-it5qc4ls9x]

當C朗隊艾拿斯都可以話俾張外卡佢參加歐聯，成個歐洲足協都可以用錢俾掂，班英超球證個個禮拜去中東高薪做part time，要收賣佢哋偏幫紐同mc又有幾出奇？你唔幫手吹㚱d咪冇‘’free躝屎‘’做囉，高幾倍人工一場你唔睇僧臉都要睇佛臉啦

[@SwagHK852]

研究吓呢part先

[@cylee8729]

多角度研究及分析無人才既原因，very good

[@UnChauStreet]

引入VAR 令我最好奇係.....最簡單既每人對Boot加晶片, offside改例全部用Boot最準則, 咪唔洗VAR成日浪費時間去畫線....

[@dustinhung]

Thanks for the baggio video

[@kalvinchan3845]

感謝你的製作，令我想到幾點思考一下 1. 永遠只會聽到人說「XX的球證出名廢」，那麼有沒有「XX的球證出名好」？ 2. 人類就是會犯錯的。如果不肯接受球證犯錯，是不是要用科技全面取代人類做球證？（科技都可以被質疑受干擾、會有bugs之類） 3. 球迷追求對犯錯零容忍，那麼世界盃期間用半自動系統判斷越位，又為甚麼要被質疑體毛越位、趾甲越位？ 4. 到頭來，用了VAR這些科技產生了更多爭議令質疑者更振振有詞。是不是應該取消VAR走回頭路？

[@MH-vz4je]

上年世界盃同今年歐聯決賽個球證Szymon Marciniak出名好, 同埋老實講有一部分球迷好明顯係輸打贏要😂

[@casecase6246]

七手八腳, 三個和尚冇水食, 我就係由 day 1 都反對引入 VAR, 睇完呢條片我又多個理由反對 VAR, 唔係呢條片講出嚟我都諗唔到呢個理由, 就係個個球證既尺度都唔一樣, VAR 房有三個球證, 場中間有一個球證, VAR 房三個球證可能尺度唔一致, 好喇, VAR 房三個尺度唔一致既球證得出一個結論, 呢個結論又可能同場中球證尺度唔一致, 咁樣邊個話事? 你話場中球證話事, 即係 VAR 係多餘, 你話 VAR 話事, 即係場中球證係多餘, 呢個係先天問題, 根本冇得解決, 要呢個問題唔存在, 就要 VAR 唔存在.

[@aaronlam2005]

Good video!

[@nate151482]

我想你講嫁 好期待哥迪奧拿第3集啊

[@J_C88]

正👍🏻👍🏻

[@rob7463]

簡單嚟講, 有左VAR之後球賽透明度準確度高左, 但爭議性就肯定大左好多, 因為有晒時間慢鏡畫線討論俾四個人參與, 即係話如果四個人嘅最終決定同絕大部分電視觀眾睇到嘅事實係相反嘅話, 咁都可以判錯就真係無得原諒, 5050就無得講, 但如果100%睇到有問題就真係令人覺得會係刻意影響球賽, 果隻無形之手到底係博彩公司, 定抑或係英超賽會本身?

[@jaychow7902]

一場波有幾多12碼同紅牌同準確執法係冇關係

[@samsonwong2688]

Hi Ryan，多謝你呢條片提供咗一個新嘅角度，你提到英格蘭球證要一步步爬到上可以執法英超有幾難，直接間接地造成唔夠人才嘅局面，所以揀無可揀都係得果幾條友，導致執法水準咁低。但想問點解其他聯賽好似就冇咁嘅情況？利申，主力睇英超，間中睇德意西甲。

[@SwagHK852]

再研究吓先，但冇記錯球證短缺呢個問題好似全個世界都係😂

[@samsonwong2688]

@@SwagHK852 所以似乎英格蘭的確做得比人差

[@SwagHK852]

@@samsonwong2688 同意，但我又會諗係咪我哋睇得多英超先係咁😶‍🌫️有機會再研究得再深入啲

[@samsonwong2688]

@@SwagHK852 我地睇得多英超就梗嫁啦，不過傳媒應該唔會放棄拎爭議判決嚟做文章嘅機會，但似乎講親呢啲判決，十居其九都係英超，所以我估未必關我地睇得多英超事。Anyway，加油，支持你💪🏻

[@catchnkill]

唔合理喎，層層晉升經歷十年先上到英超，咁應該呢班英超球證身經百戰，精英中精英啦，但點解吹出來又盲又聾成班廢柴咁嘅？咁佢地那十年點過的。唔合理，唔合理，唔合理。

[@Lazy......]

以前冇VAR，個人覺得最難嘅判決就係越位同埋D球員趁球證睇唔到偷偷松踭打人或者抽水，其他還好

[@20031167]

Ryan 分析得好好，但有利益輸送依樣野真係冇得解決

[@victorchu123]

同所有工作一樣 最直接嘅方法就係加人工 只要球證人工夠高 點俾人鬧都會有好多人做 不過錢從何來就係另一個問題

[@SwagHK852]

錢從何來係問題，但係如果做得差加人工一樣都招人話柄

[@danielcheng1107]

英超賺咁多唔明點解唔出多啲比球證，份糧人工高過出面自然多選擇,總會有人做球證比較出色,而且依家賭波彩金咁豐厚,一定有好大誘惑

[@yipming7112]

球證就係做波的一個重要棋子，除時幚莊家输变贏！

[@saiholee2896]

呀叔段片都比你揾到😂😂

[@Mr.Bonjour504]

高圖爾斯please 🙏🏻🙏🏻🙏🏻🙏🏻

[@darksonlui5989]

我唔識英文，睇唔明韋比，不過我選擇睇你😂😂😂，加油，盡做，做得好！

[@SwagHK852]

多謝你

[@jimmywuhk]

作為車迷 我只係唔想再俾個光頭佬安東尼泰萊吹有車仔嘅比賽。。。 次次都出事真係搞唔掂 但可以點。。。

[@SwagHK852]

誠心祈禱😶‍🌫️

[@SwagHK852]

或者期望其他球證做好啲，可以推翻佢落嚟

[@dung0610]

如果接受唔到人性化執法,咁就惟有利用AI. 不過我諗照舊有人鬧話有黑幕.

[@mrhang1984]

但係依家發展到今年VAR的確帶出咗好多問題

[@user-dr9cz6um3l]

最大問題同場亦無統一標準

[@simon_fung]

好多嘢事在人為，英超戰況激烈唔係球証做得差既藉口，有啲情況吹咗錯，咪寫清楚應該點判，逐少逐少減少錯誤，我覺得係可以提升球証質素同吹罰既一致性，至於英超賽會肯唔肯咁做就另一個問題。

[@SwagHK852]

一定可以做到的，但首先佢要放低架子

[@1988eternal]

4:59唔记得划线😂甘犀利的借口，都唔知点反驳😂

[@SwagHK852]

粗疏，簡陋😂😂😂😂自暴其短

[@1988eternal]

@@SwagHK852 😂

[@Heroes368]

可以接受"人為錯誤", 但問題太多錯誤都係"人為"

[@SwagHK852]

同意，半自動越位系統應該係一個好嘅開始

[@kcwong9486]

英超係一個大金蛋 根本上呢班咁嘅 英超 主球證 可能就係外圍嘅大莊家

[@FredGOAT.]

見你戴好多頭盔😂

[@SwagHK852]

大佬呀，唔做好安全措施會滅頂之災的，同埋大多數嘅疑問，我相信都係你哋嘅疑問

[@FredGOAT.]

@@SwagHK852 😂😂

[@wailunkong6166]

巴治奧條片pay唔到，係呢條片pay啦

[@widdonredfive]

你唔成日判錯,或者會改正,咪少D人投訴咯 判錯->球員投訴->比牌->球迷嬲->X你->唔想比人鬧所以笠水->唔做球證->要保護球證->由得佢繼續錯 喂大佬,要保護嘅係球賽唔係球證呀

[@SwagHK852]

呢個就係一個惡性循環😂

[@widdonredfive]

@@SwagHK852 我個人係贊成VAR的,咁都係幾年姐,梗會有錯,但你要認,唔好比人球會X幾句就去告人唔尊重,你比人話佢句就好SAD,人地可能損失左唔少喎。另外,正面D,好多時球證睇完VAR會收番個紅牌,笑笑口同球員SOR個RY,呢D報道其實少好多亦無乜人注意

[@starchoi7376]

犯規球證判決唔一致都算啦，因為正常唔同人有唔同睇法。但啲offside真係自己攞黎7

[@SwagHK852]

所以都期待半自動越位系統

[@nc5235]

反而我好like👍😂

[@Mi3ro6ku966six]

真心 無var先係 我愛嘅足球 誤判先係足球嘅一部分 鐘意就睇 唔鐘意就唔睇 仲黑囉

[@kennethchan88]

Ryan你應該要喺球證呢個字前加返"so called"或者"所謂"呢啲字眼

[@SwagHK852]

😂😂😂😂😂

[@LowB196]

其實好簡單，點解永遠得英超有問題，西甲又冇呢d問題，咁多聯賽入面西甲用得最好，佢地成套參考西甲未得，但係英超球證大部分都盲🤣🤣參考都冇用

[@SwagHK852]

我同意英超大部份球證都係盲的😂但西甲vini上年都出過事so sad

[@kelvinleung7307]

西甲一樣有

[@kiu1422]

@@SwagHK852但英超一星期都幾單 人地一賽季先幾次

[@ambroselam7888]

今集支持嘅 講埋西甲班球證仲正但係西甲班球證又真係比英超班球證高質

[@Jason-uw7kq]

​@@kiu1422球迷關注度差天共地+判罰標準同英超比輕好多（近似片中歐聯標準） 香港會追晒西甲每星期賽事嘅基數一定比英超低

[@talkplusmaluri88]

好多年前 FIFA 某位高層都🈶講過，誤判係足球⚽場上其中一個無法避免的事實 。

[@SwagHK852]

無可否認，呢個係事實

[@UnChauStreet]

...用VAR好似比以前仲多左"無法避免的事實".....

[@YSC430]

VAR幫手睇球證盲點，VVAR幫手睇VAR盲點，制造就業😂

[@jasonlai4505]

做var球証嘅重点工作之一就係劃線，話唔記得劃線即係等於做髮型師唔記得剪髮，做廚師唔記得煮野，做郵差唔記得派信，完全唔合理完全講唔通喎

[@SwagHK852]

我同意呀，嗰次係真係太過過分！我完全認同英超球證係有問題的❤️

[@jasonlai4505]

話唔係假真係好難相信，縱使我之前一路相信英超唔會假

[@wallacekong9116]

其實好簡單，好基本一個根本性問題 片中提及到英格蘭球證唔夠人，人工低，最簡單兩個方案，加人工同埋將球證呢門行業定性為專業人士，咁點會冇人去入行呢？

[@SwagHK852]

但你考慮吓依家個情況，如果球證仲加人工嘅話，咁咪就係做得差都有得加人工囉🥲

[@zyutdeoiseigi]

以球會對球員標準來對球證未幾簡單，只要你英甲表現半年好可以直升英冠，英冠表現好直升英超，表現與收入相關，完美表現咁未高薪，有幾次明顯錯誤爭議判罰未扣獎金咯，同進球或者贏球獎金一樣，表現係水貨未直接退休咯

[@justincheong4769]

应该系话，人是贪婪的，钱窝边个不要啊，我还是怀念光头球证

[@judyGor]

自你出依條片後 球證判決繼續都係奇形怪狀

[@SwagHK852]

唔出奇，呢個問題唔會因為我出完片解決的😂😂

[@peter8192009]

英超球證工會嗰種高傲真係主因，次次都輕輕帶過就算。吹錯咩？sorry囉，官官相衛就係咁

[@cheukyintang8056]

認同依家佢哋就係覺得 吹咩 我係錯 你咬我食呀

[@Ben_Chengz]

❤❤

[@littlecat9413]

英超女足同歐聯女足仲未有VAR😢

[@SwagHK852]

早兩日車路士對皇馬好似都黑到癲

[@anthonyho4039]

當大家將依個賽季既執法失誤轉換成一個完善既過程就會感覺好啲😂

[@SwagHK852]

冇辦法，都係會嬲到仆街😂😂😂

[@YSC430]

完善英國社區幫到你？ 你可以參選做英球壇果啲咩咩會😂

[@YSC430]

更大嘅視角係，英超嘅明星球員攞嘅人工高到一個點係普通球證做十年都冇人地一年咁多… 英球證會叫得做limited 又居然冇權分多啲比賽各方面嘅收益。一場波難道可以冇球證咩！！ 表面上係經濟學問題，實際係政治鬥爭， 假如球證又窮又唔受人尊重，應該一早好似英國啲老師護士咁樣罷工抗爭左好耐。 但事實係，球證雖然人工低，但就可以好撚惡。英國佬叫呢啲做平衡😂 英超冇得救啦，全西歐最保守。

[@james-tp5ui]

都就嚟冇新人啦 引入啲外國球證都唔會打擊到，今日最有效方法就係var 全部由AI控制 咁就可以確保一致性判決

[@SwagHK852]

嗰個標準嘅又係一個問題😂到時England球證跟返舊例吹，新嗰班球證又跟歐洲吹，到時班球員又X到仆街

[@lamtony2287]

究竟VAR係萬惡 定係球証係萬惡先?

[@SwagHK852]

如果真係要咁分嘅話：科技係輔助，所以出問題嘅都係球證😂😂😂😂

[@zjalufi8152]

英超球證四大盲俠😂！

[@YSC430]

一句講曬，我只接受所謂有爭議嘅誤判。對於明顯錯誤，係需要有機制去改善。我已經身體力行，唔睇英超兩年，愛隊都唔去睇。

[@skchan9099]

哥連拿條片有哂答案

[@SwagHK852]

可惜世界上只有一個哥連拿🥲

[@cheukyintang8056]

其實可唔可以全部球隊團結集體罷踢

[@SwagHK852]

難啲😂

[@benson08kc]

球證犯錯可以接受。搞死場波係無可奈何。但係事後檢討完唔認仲要反咬批評者既......呵呵！

[@SwagHK852]

所以就係講緊其實係增加更多仇恨😂

[@samson1004]

明顯熱刺對利物浦要重賽啦 明明冇越位就判有越位

[@SwagHK852]

賽期唔會做到呢件事🥲 但利物浦係真係無辜

[@fredhui8988]

球證背景+出身+意屬球隊fans/忠愛，喱樣嘢真係好好笑😂，佢講又信，但就算信佢係小小兒時細球會粉絲，但每個球證都鍾意邊隊多啲，又或者討厭邊隊多啲，就講利物浦就係大把英格蘭球證偏向被針對既球會，佢哋都會偏向喜歡倫敦球會/或者曼市球會，喱樣已經做成不公平現象，最大問題係PGMOL永遠都用對佢哋有利既解釋去了結件事，明明係人爲錯誤，都無後果無責任先令人發火，道歉完又算了吧！ 罰完2-3場去英冠又返上嚟英超執法，又無罰佢哋錢，根本係鐵飯碗，迪沙比講得啱呀！成班英超球證都係垃圾。 #球員/領隊喺記者會或者social media講兩句又被人罰，你班球證有尊重過球員咩？PGMOL根本就係極權無限大。

[@YSC430]

啱呀，做人嘅野係互相尊重。英球證會根本冇尊重過球員教練同球迷。 但就要我哋去尊重佢哋，鬧下就罰。屌你，真係以為自己係英國法官呀！司法獨立呀？英國人宜家變斯文左咋，如果咁嘅水平喺南美洲，死撚左十世啦！ 好心英國政府就管理呢啲業界私竇啦，香港似撚十足佢哋，咩高球會，南華會啲私人會所，用1蚊租政府地，居然唔L使俾平民入去使用。

[@widdonredfive]

會唔會因為球證表現得好而稱讚佢????? 會,哥連拿! 另外,表現得好或者合格 係應該的 尤其現代足球,各大聯賽 背後有幾多人努力,洗左幾多錢 比你吹到無哂 然後一句SORRY就無事? 你話佢兩句就趕你出場 有權力但無責任 ANYWAY,都多謝你做今集

[@SwagHK852]

數左10幾年都係得1個🥲 所以改革係必須的，我完全同意

[@nicholasang2392]

手多多，就应该罚

[@user-dr9cz6um3l]

最簡高薪搵外援

[@ggkevlin6250]

不如大家乖乖地去做球證 特別幫下自己的愛隊領三分 個成就感真係難以形容

[@SwagHK852]

好似最近真係開放做VAR球證😂😂😂

[@user-ng4il9gv9h]

當一個可以係國際A級賽執法既A級球證，但係佢唔可以直接係英超執法，已經係一個笑話

[@EC10000]

首先你要同流合污

[@438700]

要插就要插個制度

[@yujial.3557]

个人愚见：其实同标准一唔一致貌似关系唔系太大，关键系距地d判罚无论系普通犯规定关键犯规大过50%嘅概率都系有问题/争议。依个我觉得先系大部分人唔中意英超球证嘅关键

[@garictse5593]

冇人想入行 咁加人工咪得...

[@SwagHK852]

到咗嗰陣時又會問….做得咁差都加人工？？？？冇天理！

[@widdonredfive]

我一直都唔支時阿仙奴,情感上唔太想佢拎冠軍 但今次好支時阿迪達 因為係大事大非

[@noelaves8092]

2:37 睇上去越黑就越大粒

[@joetan3680]

PGMOL is the problem. They never got punished.

[@HoHoHoKin]

Sorry, 睇晒都覺得係藉口。 夕陽行業就冇人入行，英超係夕陽行業嗎？球員夠競爭大，又唔見冇人踢波？制度唔得錢唔到姐。做頂級球証可以同中游球員搵一樣咁多錢就一定有人做。 有VAR唔敢吹個度仲好笑，你以前點吹而家咪點吹囉，VAR提你姐麻，怕比VAR執返轉頭人地質疑你既水準咩？而家就係你水準唔得先有VAR😂 最後講澳洲球証個度更凸顯係制度問題，講到乜都冇得改咁比第二個做吧啦。而家英超都成七隊踢歐洲賽，大把球員響其他歐洲地方黎，唔適應真係好好笑

[@SwagHK852]

大部份同意，不過如果加頂級球證人工其實又會有一個邏輯問題，係咪即係就算佢吹得差都可以加人工呢😂

[@EC10000]

球證點會人工低 大把油水

[@HoHoHoKin]

@@SwagHK852可以有賞有罰，無出錯有獎金都得嫁

[@ASUM06]

英超第二十一支球隊：降班區

[@castorwmh]

球隊喜好😅甸恩？

[@SwagHK852]

佢申報Tranmere Rovers

[@castorwmh]

@@SwagHK852 咁其實都可以講無咩用？

[@SwagHK852]

@@castorwmh 可以咁講嘅，佢係咪講真話都係一個問題😂

[@arichan1957]

香港係咪同全世界一樣，球證都係俾人鬧到冇人入行？🤔唔知英格蘭嘅低組別係點，但香港，甲乙丙組、青年賽事嘅球證，都係成日俾球員、教練、家長鬧，香港嘅文化會唔會仲差？🫨

[@anddgaym684]

應該廢除球證 用AI同robot執法最一了百了

[@SwagHK852]

其實可能真係唯一一致嘅方法

[@vincentchau1942]

香港嘅球證水準仲高過英國嘅球證

[@enghse888]

坦白，聯賽水平，速率和身體接觸差太遠

[@judyGor]

LEE 美臣炒左又請番黎培訓球證 安東尼泰萊都廢事講 根本就可以玩野又冇後果, 所謂嘅死局全部都係佢地自設嘅制度造成

[@SwagHK852]

😮‍💨

[@tamowen3391]

var 更好去操控賽果 , 越位 條線任佢畫 橫鏡定格 冇越位 只要用斜畫面拉線 唔越都可以畫到越 , 禁區波打手 鐘意吹就吹 唔吹就唔吹 , 互拉 鐘意吹邊個就吹邊個 , 角球係小禁區邊頂入 12點有人互拉 唔影響到入球 一樣可以吹 , 任何運動都係一樣 賽會控制賽果 決賽戲碼夠好睇 咁先賺到錢 , 羽毛球網球個天眼 慢鏡明顯線外 天眼可以線內 , 依家d運動全都係同錢掛釣 冇公平可言

[@i_thoing]

睇番webb每集d所謂公開錄音個節目就知點解英超球証咁西， 主球証同var房d 對話又膠又隨便， 只要當中一個人先抛左個諗法係犯規定冇犯 唔洗俾佐證理由， 對方都一定回 係啊/ ok /好哦 之類既廢up就當確認完畢。 兩者根本唔係一個有相互輔助/改正用途既關係，更似冇人敢去反駁令對面冇面。 柒完仲有個節目由var阿頭頭同on9主持奥雲冇腦支持番你係冇錯冇問題Ga. 就算你錯到貼地， 線故意唔畫 有人突哂出黎都話冇越位， 藉口都揾唔到， 上季被人革左職半年唔洗又重新番去仲可以升職埋做VAR指導， 咁既小圈子 邊個會去做出頭鳥想去完善d問題

[@i_thoing]

上年車刺d離譜判罰， 後面var果位後面出黎公開訪問講點解唔提醒/糾正主球証場上入球錯誤/有紅牌行為發生， 佢居然解釋執法大戰已經好大壓力 唔忍心去同主球証講佢判錯左， wtf可以咁厚臉皮講得出自己咁On9 同完全唔職業既行為就知依個小圈子既離譜

[@user-dr9cz6um3l]

為什麼英超球証水準之低、連世界杯方無英超球証，最荒謬搵偉比做球証阿頭本身亦無公信力認受性。

[@BBSQQ]

錯就係錯，照屌冇面俾，唔想俾人鬧就專業啲，唔專業學咩人做球證，又唔係冇工資，依啲係球證應有既責任

[@casecase6246]

七手八腳, 三個和尚冇水食

[@andyleung6890]

你講個兩個「明星」球證係最有問題個兩個

[@SwagHK852]

所以我俾咗三下烏鴉聲佢😂

[@aw112001]

挑, 邊個批評既, 叫佢去做囉, 再唔係既, 取消球證丫笨。

[@SwagHK852]

我又覺得批評係可以嘅，但唔好諗到個問題咁簡單😂

[@apple-on5pq]

英國唔會搵外援 你睇英格蘭隊執教都係搵返英國人就知

[@SwagHK852]

當年雲加嚟到已經俾人蝦到癲😂

[@zyutdeoiseigi]

體制固化問題，根本問題係利益，無能力就要踢走，有能力洗鬼學咁多課程同不斷評分先可以上位，一個商業聯賽居然唔可以學球會咁有能力就上場無能力直接放走，球員又未係從細學踢波，花費錢財時間少嗎，但如果球員學球證咁評分學習先可以一級一級踢業餘職業傻仔先去踢波

[@waihungau6836]

跟本就係英超賽會落order咁做. 唔係點有話題.點有新聞. 講到尾咪又係商業.

[@yiu23451819]

$$$$$$$$$$$

[@user-kw8dr7ut8t]

❤😊🙏👏🙌⛽👍