攝影記2｜30年後我又轉回了Nikon｜我的3個轉回Nikon理由｜NikonZ6III｜Z28_400VR｜大埔滘｜初試影相拍片｜方便行山隨意拍攝｜

攝影記2｜30年後又轉回Nikon｜我的3個轉回Nikon理由｜NikonZ6III｜Z28_400VR｜大埔滘｜初試影相拍片｜方便行山隨意拍攝｜
讀書年代我第一部單反係影攝佳Yashica FX103，之後出黎做野第一部菲林單反就係Nikon F70 + Tarmon 28-200mm，之後用過Nikon F80s，當時可以將光圈快門資料記錄係菲林與菲林之間，睇番拍攝數據十分好用，依家當然係理所當然必備既基本功能。最後一部Nikon就係F100，之後因為要拍攝飛鳥BIF Bird in Flight的原故，而當時只有Canon 大炮先有IS防震技術，再加上當年屋企遇上爆喊水喉浸曬當時D Nikon 鏡，反而EOS1V + 70-200/4 無事，驅使我加快轉曬用Canon。之後20多年其間一直由菲林年代既EOS 1V到第一部數碼相機EOS 10D, 1DM2, 1DM3, 1DM4, 5D3, 5D4, R5。最後估又回到Nikon既懷抱，好似當年第一部既Nikon F70 + Tarmon 28-200mm咁，依家就係 Z6III + Nikon 28-400mm，對我個人來講，呢30年一個循環都幾有紀錄價值。
點解30年後又轉返去Nikon呢，應該有３大原因
１、較高的性價比：對於我一個以攝影為興趣，主要係行山、做運動、旅行先至影相拍片紀錄下生活同埋風光，但又經常想用最新既攝影工具，就會考慮到性價比。如果買新機新系統新鏡頭群，會從價錢、性能、同埋自己能力要求係咪匹配，呢點Nikon係呢一刻應該對我係唔錯既選擇。其實都有朋友問點解唔轉SONY呢，性價比應該更高？咁原因可能係第２點。
２、30年的情意結對功能MENU既熟習成本
另一個我考慮無反相機既最重要因素係熟習學習成本，雖然機身選擇、鏡頭性價比Nikon可能唔係最高，但係幾年前用過一輪SONY機身Menu，當期時澳洲拍夜景時搵唔到相關功能影唔切運河來緊既船，當期時感覺好難適應。而且Nikon一些基功能名稱仍很有歸屬感，例如對焦、測光系統既AFS AFC、距陣測光等，而我當年學攝影都係睇書，而書本既啟蒙老師係John Shaw，佢主要由就係用Nikon，所以我一直很懷念當年用Nikon既日子。
３、便攜性既體積和重量
近年影相都用上智能手機、拍片都用運動拍片相機，真係好方便，差不多我已放棄了大機，只係需要長炮拍攝飛鳥、大光圈影銀河先會用上，疫情過後很少拍攝呢Ｄ題材之下上年把心一橫賣清曬所有C系機身鏡頭與周邊設備。最近留意到Z6_3既拍片影相既高端平衡性，呢幾年又多了拍片，加上留意到年初推出既z28-400mm天涯鏡，Z63+Z28 400加埋都係1.5-16kg，實現好好的便攜性和相對運動相機較高既畫質，好適合我帶上去行山、旅行時用，如果咁岩遇上野生動物，更可以cover到用作為基本野鳥和生態拍攝之用，日後亦可考慮180-600甚至663等影返BIF。早前又做緊特價送$2000超市禮劵和送256g CF Express卡，所以購入熟習功能作為日後未來行山旅行之用。
最後，我不是一個喜歡收集器材既人，我既攝影工具換代後基本上都會更換賣清，由於每個人既選擇不一樣，我既決定唔一定匹配到他人既背景同埋需要。我只希望未來可以用多Ｄ部機紀錄更多行山、旅行甚至做運動時既風光景色同埋旅程紀錄，為自己留更多一點美好回憶。
背景音樂 Background Music by Bensound
License code: AFYCW7WSA8PFFWFV