შალვა კარმელი - "სემირამიდის ბაღი" |

თბილისი © 2021 / Tbilisi © 2021
🇬🇪 ყველა ლექსის სანახავად მიჰყევით ბმულს!
🇺🇸 To see all the poems, please, follow the link!
🌐 bit.ly/2OEekS8
FB Page: bit.ly/2H12tHA
FB Group: bit.ly/2Zsf7L5
Blog: bit.ly/2Np6czO
გადმოკიდულა ციდან
სემირამიდის ბაღი,
გულია ერთი ციდა
და მთის ოდენა დაღი.
შენს ცრემლს ნუ ეტყვი ნურვის.
არ ვკვნეს დაჭრილი გალლი.
მე ვერ მომიკლავს წყურვილს -
სამარიელი ქალი.
მივყვები ფრანსს და ფლობერს:
ომებს, ტირილებს, კვდომას
და კართაგენი მოჰბერს -
სხვა ტრფიალების ნდომას!
მივე სალამბოს ფიცი,
თაისს - ლოცვები ლალის,
მაგრამ შენ გქვია, ვიცი:
ყველა სახელი ქალის.
ვარდებს აქ სხვები ჰკრეფენ...
ჩვენ კი ვართ მტრები თავის:
მე - ბალთაზარი მეფე,
შენ - დედოფალი სავის!
კითხულობს შალვა ბერიანიძე.

[@magnumopus7502]

ერთ-ერთი ყველაზე დიდი ცისფერყანწელი იყო, ჩემი აზრით, რასაც ჰქვია ელიტარული პოეტი.. დახვეწილობა, ინტელექტუალიზმი, ვერსიფიკაციული ოსტატობა...სულ რამდენი წლის იყო არადა... სირცხვილია, რომ მის ლექსების კრებულს სანთლით ვერ იპოვი მთელ ქვეყანაში.