Рет қаралды 587
شەوی یەڵدایە, یا دەیجورە ئەمشەو
کە دیدەم دوور لە تۆ، بێ نوورە ئەمشەو
دڵم وەک حاکمی مەعزولە ،قوربان
خەڵاتی وەصلی تۆی مەنظورە ئەمشەو
دڵیش مایل بە دیدەی تۆیە، بۆیە
لە من وەحشی و رەمیدە و دورە ئەمشەو
کە تۆی شای کەچ کوڵاهی دیدە مەستان
چ باکم قەیسەر و فەغفورە ئەمشەو
لە خەو هەڵساوە ،یا ئاڵۆزە چاوت
هەمیشە وایە ،یا مەخمورە،ئەمشەو
سوروشکم نەقشی چاوی تۆ دەکێشێ
جێگەم سەر دارەکەی (مەنصور)ە ئەمشەو
موسوڵمانان دەپرسن حاڵی (نالی)
لە کونجی بێ کەسی مەهجورە ئەمشەو