shay mire dacar faras | shay mire dacar sida faras | shay mire dacar lyrics | sida faras bulaalo

HEESTA: Xoodaamo/ Sida faras bulaaloo
ERAYADA: Abwaan Ismaaciil Cagaf
LUUQDA: AUN Shay mire dacar
XASUUSTII: AUN Cabdi Tahliil Warsame
LYRICS: DHUGMAAL LYRICS
QORAALKA HEESTA ( LYRICS )
Sida faras bulaaloo
Aan xaaluf aragoo
Nugaal xays ka daaqoo
Baruur dhabarku xoodmoo
Ama xalin fadhiyayoo
La xanaanin jirayoo
Xudunta iyo feedhaha
Farawguu xardhoo
Oo xuub dhacsadayoo
Sayntu dhulka xaabtoo
Oo aan xajiiniyo
Wali mudan xasiiqoo
Oo xariirta shaalkiyo
Xakamihii la sudhayoo
Koore loo xambaaroo
Xog'ogaale fuuloo
Oo xuufta boodada
Xawaarada la yaaboo
Oon orodka xiiqayn
Qaarbaa baa xarraamee
Marka aan xaggaagiyo
Xubnahaaga eegaba
Xiisoodayee
Xadantoodayayeey
Xoodaantayayee
Sida xiita geeloo
Xiligii gu'gii
Inta ay xergeeyeen
Odaya ay ka foofsheen
Ama wiilal xoog'lihi
Inta ay xambaareen
Xirarkii hagoogane
Xeryo uga oodeen
Ama ay xayaabiyo
Banaanada xalxaliseed
Kayn laba naq xaadheen
Nirguhu ugu xidhan yihiin
Oo xamaska dooguna
Xagashaada gaadhoo
Roobna uu xuluushoo
Wadhantahay xareedii
Oo ay xabtiisiyo
Xigtiisaba taaloo
Oo ay weelka xoorkiyo
Caanuhu xarfanayaan
Sida geesi xididkiyo
Xigtadiisu jeceshoo
Oo xubinta hadalkiyo
Xaajada yaqaannoo
Oon xuma sokeeyiyo
Lagu xaman bakhaylnimo
Oo xoola bixin iyo
Deeqsinimo ku xeeldheer
Oo loo xubeeroo
Sida xuladka nooloo
Xaaja aan la dhaafeyn
Halka uu xariiqoo
Ama sheekh xadiiskiyo
Xaqa diinta sheegoo
Xag ilaahey mooyee
Tii kalaba xooroo
Oo ay xertiisiyo
Dadkoo idil ku xoomaan
Oo ay xuural'ceyntiyo
#dhugmaal_lyrics #dhugmaallyrics
Jannadii xusuusteen

[@deeqcraxmaanfaarax4672]

Allh unaxariisto fanaankeeni Shay mire dacar runtii wuxuu ahaa fanaan umada soomaaliyeed ay jecelyihiin

[@ahmedahmed-e6r]

Fananki qarniga shay mire dacar ❤❤❤❤❤❤

[@MohamedeqAli]

Sida faras bulaalo wye, Sida xulalo maahn

[@iftinabdullahi7115]

hi