طريقة ضبط اوتوماتيك موتور المياه - الطريقه الصحيحه للضبط

[@ahmedalshaabiny3603]

اقسم بالله انت راجل جامد و ظبط الماطور احسن من السباك السباك اللي بيجيلنا

[@shebo_mono3at]

بارك الله فيك وشكرا لك

[@magdyhassan7936]

ممكن تليفون حضرتك ​@@shebo_mono3at

[@mohamedali8283]

انت محترم ومحترف جداً .... شرح مبسط وسهل

[@shebo_mono3at]

شكرا لك وبارك الله فيك

[@ibrahimmahmoud5073]

شرحك فوق الممتاز جدا انا ف الدور التامن علوي ومركب موتور واحد حصان وللعلم ان ف بجانب موتوري موتورين كل واحد منهم حصان ونص كنت عايز اعرف أقصى حد لزيادة البار قد ايه

[@shebo_mono3at]

اهلا بيك اولا -- موتور واحد حصان كويس لشقه واحده في الدور الثامن موضوع زيادة البار مش نحسبه على اكبر واقوى جهد احنا بنحسب حسب امكانية وصول الماء للشقه وعلى مدى قوتها ممكن تكون عندك لحد 6 بار وممكن تكون عند حد تاني 8 بار وطبعا زيادة جهد البار على الموتور ممكن يخلي الموتور ميفصلش موتور كالبيدا واحد حصان بيرفع لحد 55 متر اهم حاجه ان المياه تكون عندك كويسه ولما تشغل الموتور مع الحنفيه يشتغل معاك ولحد ما يصل للضغط المظبوط لحسب الدور بتاعك يفصل لوحده

[@سعدخلفالله-ح5ز]

شكرا لك علي تبسيط الشرح انت انسان فاهم

[@shebo_mono3at]

بارك الله فيك

[@mohamedabdeen5527]

شكرا للمعلومات القيمه اشكرك ألف شكر

[@shebo_mono3at]

بارك الله فيكم

[@ahmedelmasrey2946]

الله ينور عليك يا هندسة

[@shebo_mono3at]

بارك الله فيك

[@mohyabdelaziz]

اشكرك على شرحك الوافى السهل وقناتك المفيده عند من فضلك سؤال انا عاوز اطول مدة فصل الموتور اعمل ايه الخطوات وانا شاكر فضلك

[@shebo_mono3at]

مدة فصل الموتور معتمده على وجود البلونه وعددها لو عندك بلونه مدة الفصل مثلا 40 ثانيه لو عندك 2 بلونه 2 دقيقه ده ميثال عشان تخلي الموتور مريح اطول فتره ممكنه وتكون المياه شغاله عادي في الحنفيه لازم يكون عندك بلونه واثنان وممكن تخليه يفضل فاصل اطول فتره ممكنه بوجود بلونه واحده برضو وكمان ممكن تخليه يفضل فاصل اطول فره ممكنه من عند الاوتوماتيك بس هيجي على حساب ضغط الماء وده لو انت هويت وفكيت شويه صامولة المسمار الكبير بس ضغط الماء هيضعف معاك ده كلها الحجات اللي تطول فترة فصلان الموتور فو عندك بلونه مجرد ما يملا البلونه بيفصل ويفضل فاصل لحد ما البلونه تخلص انشل تقعد البلونه ساعه عقبال ما تخلص هيفضل فاصل فمتقلقش

[@mohyabdelaziz]

@@shebo_mono3at الف شكرك على اخلاقك الراقيه بالرد على متابعيك يعنى افضل اشترى بلونه تانيه الموتور عندى ٢ حصان وشديد على اربع ادوار فهل البلونه التانيه احسن ام اطول الفتره الاوتوماتيك واسف جدا على الازعاج

[@shebo_mono3at]

​@@mohyabdelaziz لا مش محتاج تطول فترة فصلان الاوتوماتيك بس اربعد ادوار على بلونه واحده طبعا ده بيخلي البلونه بتخلص المياه اللي مخزناها بسرعه جدا وعشان كده مش بيلحق يرتاح عشان كده انا لو مكانك اجيب بلونه ثانيه وبكده يكون عندي اتنين بلونه يعني اتنين خزان ده هيديني وقت اطول شويه عقبال ما يخلصو هما الاتنين فلو بلونه واحده بتخلص في 30 ثانيه كده البلونتين هيقعدو 60 ثانيه ده مثلا يعني فهات بلونه ثانيه ده افضل

[@mohyabdelaziz]

@@shebo_mono3at اشكرك ادام الله عليك علمك ونفعت به غيرك فاثابك الله عليه خير الجزاء

[@shebo_mono3at]

بارك الله فيك

[@saharhasnin3181]

جزاك الله خيراً احسنت والله

[@shebo_mono3at]

بارك الله فيكم

[@Rooby-h7r]

الله ينور احلى شرح ❤❤

[@shebo_mono3at]

بارك الله فيكم شكرا

[@abdowahed5149]

هو لازم افصل كهرباء الماتور قبل ما اضبط الاوتوماتيك ولا عادي

[@shebo_mono3at]

لا عادي وهو شغال ممكن نظبطه هنشغل الموتور وهات البنيه وهو شغال ظبط الضغط بس بالطريقه الصحيحه لو شقه واحده هنفتح حنفيه واحده ونظبط قوة الضغط والفصل عليها لو كذا شقه على الموتور هنظبط على أبعد شقه وهنفصل محابس الشقق الثانيه عقبال منظبط الضغط على أبعد شقه وبردو هنفتح حنفيه واحده فقط فيها ونظبط الضغط وبعدين باقي الشقق تفتح المحبس تبعتها تاني

[@nourel-dinahmed8291]

الشرح أكثر من ممتاز

[@shebo_mono3at]

بارك الله فيك وسعيد بردك وشكرا لك

[@hassanhanine8744]

روعة ما شاء الله شكرا جزيلا

[@shebo_mono3at]

بارك الله فيك وشكرا لك

[@Amun_20]

معلومات مهمة وشرح وافى ومتابعة التعليقات والردو تدل على شخصية محترمة الف شكر

[@shebo_mono3at]

بارك الله فيك وتحت امرك في اي وقت

[@abdalftah4693]

شكرا على الشرح الرائع ده بس معلش عندي سؤال انا دلوقتي ظبط الاوتوماتيك وتمام بس انا دلوقتي لما باجي افتح الحنفيه الموتور اتشغل معايا ولما بقفلها الموتور بيفصل وللعلم انا شقه واحده اول بلكونه شغاله على موتور بس واحد حصان وي مركب بلونه كمان فانا خائف ليكون كده غلط على المتور والاوتوماتيك انا عايز افهم اما هو بيعمل كده امال ايه لازمه البالونه الرجاء الرد على سؤالي وشكرا❤

[@menasamy9635]

تسلم ايدك وطرقتك جميله جدا شكرا ليك

[@shebo_mono3at]

شكرا ليك وتحت امرك في اي وقت

[@منوعاتريهامومحمد]

‏شرح ممتاز استفدت كتير من حضرتك ممكن رقم التليفون للاستفسار

[@shebo_mono3at]

01551407345

[@ahmedsaed2984]

الله ينور عليك

[@shebo_mono3at]

@@ahmedsaed2984 بارك الله فيك

[@rabieelsawah1418]

شكرا انت استاذ محترم ومعلم فاضل وبتعرف توصل المعلومه ولكن لي استفسار الاتوماتيك لا يعمل إلا بعد الضغط على الريشه وبمجرد تركه يفصل وضغط المياه كويس على الماتور ولو حتي فصلت المياه عن الماتور فلا يعمل الاتوماتيك أيضا

[@shebo_mono3at]

شوف انا فهمت الجزء الاول كويس ان لاوتوماتك لا يعمل الا بضغط الريش وبمجرد وصول الضغط الى المستوى المطلوب يفصل الاوتوماتيك عايز افهم قصد من اول كلمة--- وضغط المياه كويس على الموتور الى اخر الكلام مش فاهم قصدك كويس

[@fatmanassar8053]

شكرا جدا جزاك الله خير

[@shebo_mono3at]

بارك الله فيكي

[@mozayer]

جزاك الله خيرا كثيرا وزوجك ابكارا كثيرا

[@shebo_mono3at]

بارك الله لكم وشكرا

[@اممحمد-ط8ه7ك]

حضرتك ممكن تحدد لكل دور كام بار إذا كان بالبلونه أو من غيرها

[@shebo_mono3at]

@@اممحمد-ط8ه7ك لا مينفعش نحدد كام بار ده بيعتمد على المياه اللي دخلالك هل قويه هل ضعيفه هل معدومه مش بتيجي الا بالموتور مثلا سعات

[@shebo_mono3at]

مثلا سعات الدور الاول تكون المياه كويسه وتمام عند 2 بار وممكن تكون عند 2.5 ده بيعتمد على المياه اللي دخله من المواسير العموميه وكمان احنا بنظبط ضغط المياه لما يناسب الدور بتاعك وحسب قوة المياه اللي وصلالك وكمان بيعتمد على قوة الموتور يعني مينفعش موتور حصان يرفع للدور 12 عشان كده مفيش حاجه ثابته كل دور كام بار يحتاجه

[@ahmadzenhom992000]

أجيب منين مفتاح ربط الصامولة اللي حضرتك بتستخدمه بدل الزرادية

[@shebo_mono3at]

من عند بتوع العدد مفتاح او بتوع الحدايد والبويات النكيه او مفتاح بلدي اهم حاجه تخلي بالك وانت بتربط عشان متتكهربش يفضل لو تغلق الموتور من الفيشه وانت بتربط على الصاموله عشام ممكن تتكهرب لو المفتاح لمس السلك عشان كده بعمل بالزرديه عشان اكون مطمن

[@beshoatef7797]

تسلم يا غالي شرحك حلو بس مشكلتي ان ميه بشتغل جامد وبعيدين خط ضعيف وتزيد واقل عطلول دة ظبط اتوماتيك ولا بلونه انا في دور ١١

[@shebo_mono3at]

لا ده اوتوماتيك وكمان لو المياه ضعيفه في الماسوره العموميه ممكن يعمل كده وكمان يفضل يكون في اثنين بلونه او اكتر بسبب الادوار العاليه -- قوة الموتور يفضل تكون 2 حصان وعشان ابعد الخط الضعيف اللي بتشوفه من المياه ده لازم ازود شويه من الصاموله الكبيره وازود من الصاموله الصغيره يعني شغل حنفيه واحده فقط وخلي حد يقف امامها وانزل تحت افتح غطاء الاوتوماتيك واربط لفتين على الصاموله الكبيره واربط لفتين على الصاموله الصغيره وطبيعي ان المياه تضعف شويه لان المياه اللي متخذنه في المواسير بتقل وكذلك اللي في البلونه عشان كده بنخلي الاوتوماتيك اول ما المياه تقل في المواسير يشتغل على طول ويضغط مياه تاني فمشتجد المياه عندك بتقل كده تاني في الحنفيه

[@beshoatef7797]

شكرا لردك يا غالي هو ماتور واحد ونص بس علي شقه واحدة وبلونه تيبولس

[@shebo_mono3at]

@@beshoatef7797 تمام فقط اذا كانت المياه عندك كويسه في المايوره العموميه فقط زود اربط لفتين من الصاموله الكبيره ولفتين من الصاموله الصغيره وجرب كده

[@honeybees1304]

هل له حماية من run on dry. للمحرك يعني لما ليس فيه ميا يوقف المحرك

[@shebo_mono3at]

لا الحمايه اللي موجوده في الموتور حمايه حراريه لما يسخن لدرجه معينه يفصل الموتور عشان متتحرقش الملفات بتعته بتسمى حمايه حراريه اما الحمايه اللي بتتكلم عليها موجوده في جهاز الفلوماك بديل الاوتوماتيك والبالونه بس لو انت مركب اوتوماتيك وبالونه ومش عايز تجيب الفلوماك ممكن تجيب جهاز زي الاوتوماتيك اسمه جهاز قياس الضغط المنخفض او اوتوماتيك مقلوب وبنركبه لما مكان النؤشر الو بنركبه في جانب الفارغه بنشيل احد طبات الهواء من الفارغه ونركب الجهاز ده

[@honeybees1304]

@@shebo_mono3at يا ريت تعمل فيديو تطبيقي لهذا.

[@abdounoanna8181]

حضرتك عندي بيت٥ دور اجيب فلوماك ؟ عشان البلونة اتخرمت كذا مرة

[@shebo_mono3at]

لا نصيحه لا هات بالونه نضيفه كويسه الفولوماك مش عملي غير للدور الارضي والاول فقط ده من وجهة نظري

[@Musa-b7y]

الشرح اوضح من واضح

[@shebo_mono3at]

الحمد لله وبارك الله فيك

[@KNawnaw]

فين البلونة حضرتك هو الماتور ينفع يشتغل من غير بلونه

[@shebo_mono3at]

طبعا ينفع يشتغل من غير بلونه البلونه فائدتها أنها تريح الموتور اطول فتره ممكنه وكمان عامل زي الخزان الصغير وكمان البلونه بترفع المياه والموتور مطفي لحد ما تفضي اللي حولها يبدأ الموتور يشتغل تاني

[@ibrahimmahmoud5073]

هل البلونه والاتوماتيك يعطي مياه شديده ع عكس لو شغلت الموتور من غير بالونه و اتوماتيك يعطي مياه ضعيفه شويه ارجو الإيفاده شكرا

[@shebo_mono3at]

اولا مينفعش اشغل الموتور من غير اوتوماتيك هيتحرق على طول ثانيا ينفع اشغل الموتور من غير بلونه - البلونه بتساعد شويه على رفعل المياه وكمان بتساعد على اراحة الموتور من التشغيل المستمر دي عامله زي الخزان الصغير مجرد ما المياه في المواسير تقل بدل ما يشتغل الموتور البلونه بتفضي المياه اللي داخلها الاول فبدل ما الموتور يبقي مرتاح 20 ثانيه مع وجود البلونه بيريح 40 ثانيه وده افضل للموتور من اجل سلامته بس البلونه بتساعد شويه في شدة المياه بس مش بشكل رئيسي قوة الموتور هي الرئسيه في قوة المياه

[@Magdy_AboSalem_TV]

ممتاز

[@shebo_mono3at]

شكرا

[@AhmedMohamed-js8eh]

السلام عليكم افضل ضغط لعمارة 8 ادوار هو على كام بار؟

[@shebo_mono3at]

حسب انت في الدور الكام بس لو في الدور الثامن والمياه مش يتيجي غير بالموتور هات واحد ونصف حصان لو المياه بتيجي للدور الثامن من غير موتور بس ضعيفه هات حصان وموضوع البار انت بتظبط حسب المكان بتاعك وقوة المياه من وجهت نظرك بس اعتقد 4 او 5 كويس بار

[@mgkoltas6011]

كنت عايز اعرف رأيك بمنتهى الشفافيه والوضوح العلمى ف الفكره الجديده. إللى هى إلغاء البالونه وعمل مواسير عل شكل مريع او مستطيل يمر خلالها المياه وتذهب للشقق وياريت بأقصى سرعه ان أمكن لان البالونات العاديه بقت خراب بيت دلوقتي

[@shebo_mono3at]

طبعا البلونه ليها اهميه وكبيره كمان وحكاية المواسير بشكل مربع او مستطيلملهاش اي علاقه بالبلونه - البلةنه مهمه لانها بتريح الموتور وفي نفس الوقت بتكون عامله زي الخزان الصغير وعدم وجود البلونه بيخلي الموتور يستهلك اكتر هقولك ميتال على كلامي - الموتور من غير بلونه يشتغل ويفصل في الدقيقه 20 مره اما بوجود البلونه 8 مرات تفتكر من افضل ومن اللي بيخلي الموتور يريح في الجهد اكتر هنا بتكون فيدة البلونه بتريح الموتور اطول فتره ممكنه

[@mgkoltas6011]

الف شكرا لاهتمامك وزوقك العالى والرد المقنع العملى والعلمى

[@shebo_mono3at]

@@mgkoltas6011 شكرا ليك وبارك الله فيكم

[@bassemnady3054]

لوسمحت ممكن اعرف البلونه ليها فايده ولا ملهاش عشان شفت الفيديو من غير بالونه وانا في الدور الخامس ينفع اشيل البلونه

[@shebo_mono3at]

لا مش هيكون كويس انا هنا شايل البالونه لاني كنت بجيب واحده جديده دلوقتي لو شوفت الفيديوهات الجديده عنجد البالونه راكبه.... أما بخصوص أن البالونه ليها فائده طبعا ليها فوائد أو بتعمل عملية تنظيم لضغط المياه في الحنفيات كمان بطول فترة راحة الموتور كمان بتكون خزان اضافي المياه والموتور ... أما بخصوص ينفع مركبهاش لا الصح تركبها خصوصا انك في دور عالي لو في الارضي مفيش مشاكل اما الدور الخامس لا مش كويس لازم تركبها

[@mostafarizk224]

هو ينفع يركب الاتوماتيك من غير البالونه

[@shebo_mono3at]

ينفع بس البالونه لازما مع الاوتوماتيك عشان مشوار الفصل والتشغيل من غير البالونه هيفصل ويشتغل على فترات سريعه اما البالونه هيعطي وقت للفصل والتشغيل وكمان لتنظيم منظومة المياه

[@mostafarizk224]

@@shebo_mono3at اظبط ضغط البالونه ع كام لو سمحت

[@shebo_mono3at]

ضغط الهواء على 28 بتاع البالونه

[@AamirKhan-km8xm]

Motor working Sir I tite big scrow automatic switch but water slow not high pressure how to increase high water Sir plz reply

[@shebo_mono3at]

The large screw is responsible for increasing the water pressure in the pipes, as well as for the rise of the water. In order to do this, the large screw must be turned clockwise - but the motor power must be sufficient to do that. If you are at a height of more than five floors, the motor must have a power of one and a half horsepower

[@hossamkhadr3864]

السلام عليكم لو سمحت عندى الاتوماتك لتيفصل حتى لو ربط المسمار الكبير اة فكوه لازم احركه يدوى عشان يقفل وعند زيادة الضغط يروح شغال من غير فصل

[@shebo_mono3at]

هل تقصد أن الاوتوماتيك عندك مش بيفصل حتى لو ربط على الصاموله الكبيره ولازم تغلقه يدوي ولما ليزيد الضغط مش بيفصل هو ده قصدك من السؤال ارجو التوضيح

[@elarapy1390]

الفيديو مش موضح حاجه غير الربط والفك للزيادة والنقصان, اهم شئ لم تذكره وهو افضل ضبط مثلا لثلاث ادوار والبلونة راكبه اخلي الموتور يرفع لحد كام بار ويفصل , 3 بار ولا 4 بار ولا اقل ولا اكثر؟ وكمان اخليه بعد فتح الحنفيه يبدأ يشتغل لما البار ينزل لحد كام؟

[@shebo_mono3at]

طيب مفي فيديوهات بعد كده كتير بتتكلم عن الحجات دي وعن الضبط والبالونه راكبه وموضوع البار ده مش ثابت احنا بنظبط على الدور اللي متوصل عليه الموتور البالونه بيكون عليها بيانات القدره بتعتها بالبار مثلا بيكون اخرها 8 بار وفي 10 وفي اقل بس احنا بنظبط المياه على الشقه ممكن عندك تكون في الثالت وصلت 2 بار واحد تاني وصلت 4 بار مش مقياس المقياس اني اظبط على الدور والمؤشر بيبين البار الالي وصل اليه

[@saggaayoub7317]

السلام عليكم بالله عليك جاوبني ممكن أركب البلونة بعيدة عن الاتوماتيك

[@shebo_mono3at]

معملتهاش قبل كده بس الصح تركب على الموتور وده اللي بنشتغل بيه

[@mahmoudyoussef9810]

انا ضابط الضغط فى المسمار الكبير على ٦ عشان انا فى السابع والماتور بيفصل خلال تسع ثوانى والميه كويسه هل كده خطر على الماتور

[@سامحالصادق-م9ي]

ينفع الاوتوماتيك يشتغل بكفاءه من غير البالونه

[@shebo_mono3at]

هيشتغل بكفاءه بس ليه اضرار من غير بالونه وكمان البالونه لتساعد في تنظيم ضغط الماء ممكن متركبش بالونه لو دور ارضي او اول بس غير كده مش كويس الافضل بالونه عشان نحافظ على عمر الاوتوماتيك وكمان الموتور

[@mohamedabdel-mohsen4040]

شكرا

[@shebo_mono3at]

بارك الله فيك

[@naderyahia2379]

هو ازاي شغال من غير بلونه وهل يتحمل كده شغل

[@shebo_mono3at]

@@naderyahia2379 هو شغال من غير بالونه عشان دور اول بس ده مش كويس لان فترة راحته بتكون صغيره وفي الوقت اللي انا كنت بصور الفيديو كانت البالونه تالف وبعد كده جبت واحده جديده طبعا الصح اني اركب بالونه بس انا عشان دور اول فقط مكنتش بستخدمها وبعدين جبت بالونه

[@emadhamin]

لو سمحت شرح اكثر من ممتاز عندي سؤال ليه البالونة عندي بتتخرم بسرعة كل 4 شهور نجيب واحدة تيوبلس هل في حل او نوع افضل

[@shebo_mono3at]

خليك في البلونه العاديه افضل

[@Mr.Mo.Rabe3]

يعني حضرتك اقدر اركب اوتوماتيك للموتور بدون بالونة

[@shebo_mono3at]

تقدر بس للدور الارضي والاول بس فوق كده الموتور هيفصل ويشتغل كل شويه ويجهد كتير وهيسخن مع الوقت البالونه بتريح الموتور وتنظم ضغط الماء انا هنا مش مركبها عشان انا في الدور الارضي وكانت تلفت بس بعد كده جبت واحده جديده --- النصيحه انك تجيب بالونه افضل سواء كنت في الارضي او لا

[@mahmoudtahoun5445]

لو سمحت الاتوماتيك بيشتغل 5 ثوانى و بيفصل عادى ولا كده غلط على الاتوماتيك و للعلم المياه بتوصل كويس و مش بتضعف بتفضل كويسه و لو غلط على الاتوماتيك اعمل ايه والف شكر

[@نرجسحكيم-ك2ن]

هل رد عليك؟والرد كان ايه؟

[@SASaid-uu8jd]

اشتري اتوماتك ضغط عالي ولا واطي انا دور رابع علوي

[@shebo_mono3at]

@@SASaid-uu8jd عادي

[@SASaid-uu8jd]

@@shebo_mono3at يعني اي عادي مش فاهم

[@shebo_mono3at]

@@SASaid-uu8jd الاوتوماتيك بيكون عالي وعادي هتجيب اتوماتيك ضغط عادي الموتور كام حصان

[@shebo_mono3at]

@@SASaid-uu8jd الاوتوماتيك بيكون نوعين عالي وبيكون من السادس أو السابع وانت طالع والاوتوماتيك العادي بيستخدم لحد الخامس والسادس

[@SASaid-uu8jd]

@@shebo_mono3at حصان

[@dudedude2009]

سؤال, هل نوع الاتوماتيك ليه علاقه بقدرة الماتور؟

[@shebo_mono3at]

في بعض الاوقات بيكون ليه علاقه بيه يعني الاتوماتيك نوعين عادي وعالي ضغط عادي يصل إلى اربعه او خمسه بار وضغط عالي يصل ثمانيه واكثر فلو موتور حصان ممكن نجيب عادي او ان الموتور للدور الارضي حتى الخامس فوق كده بفضل نجيب اوتوماتيك عالي عشان نقدر نرفع المياه اكبر قدر ممكن - يعني سعات ليه علاقه

[@dudedude2009]

@@shebo_mono3at اولا شكرا على ردك و عدم تجاهل تعليقي مثل بعض القنوات. ردك وافي و كافي. ياريت تعمل لنا فيديو عن أعطال الاوتوماتيك و تصليحها.

[@shebo_mono3at]

@@dudedude2009 بس كده الفيديو اللي انت عايزه جاهز اتفضل الرابط بتاعه kzbin.info/www/bejne/eH6ZZat4q652kLs

[@khadigadiga2858]

ألف شكر لحضرتك يا بشمهندس ليا إستفسار لو تكرمت عندى ماسورة الطرد ٣/٤ بوصة وموصلة بعد ذالك على ١/٢ بوصة داخل الشقق فما هو الضغط المضبوط الذى يجب الضبط عليه مع العلم أن الموتور يرفع للدور الخامس وهو أعلى دور بالمبنى وشكرا جزيلا

[@shebo_mono3at]

ليس هناك حد للضبط المعروف ان البار وحدة الضغط للموتور البار بيساوي 10 امتار احنا لما بنضبط المياه لازم نتاكد من بعض الاشياء الاول زي البالونه فيها هواء على ضغط 28 ونتاكد من مضافة الاوتوماتيك لما نحب تضبط الموتور لو الموتور على شفه واحده بنغلق جميع الحنفيات ونفتح حنفيه واحده فقط ونشغل المياه ونشوف اذا كانت قويه تمام ولما تيجي تقل تقل سنه وبعدين تشد تاني والموتور يفصل لما الضغط يشد ويشتغل لما ضغط الماء يقل اوتوماتيكي كده بيكون تمام سعان بنجد الماء ضعيفه بنزود من المسمار الكبير في الاوتوماتيك اتجاه عقارب الساعه زبالزرديه عشان الكهرباء ونشوف لحد ما تشد

[@khadigadiga2858]

@@shebo_mono3at ألف شكر لحضرتك يا بشمهندس وجزاك الله خير الجزاء على التوضيح

[@shebo_mono3at]

@@khadigadiga2858 بارك الله فيكم

[@khaledali106]

هو ينفع اركب اتوماتيك من غير بلونة؟

[@shebo_mono3at]

ينفع بس مش حلو كده البالونه ليها ميزه بتنظم عمليه ضغط المياه وكمان بتطول فتره راحة الموتور وكمان بتكون زي الخزان الصغير على الموتور

[@MrMedop502]

يعطيك العافيه يا باشا مهندس.... ممكن بس لو تسمح عندي سؤال.... عندي ماطور واسطوانه الي فيها البالون والاوتوماتيك بتاع فصل الكهرباء عن الماطور.... المشكله انه ضغط الماء في مؤشر psi موشراضي يثبت عند ضغط ٦٠ طول الوقت نازل والماطور شغال على طول.... هل المشكلة في البالون. او في أسطوانة الضغط... مكان التنفيس في الاسطوانة مفهاش هواء داخلها.... ولك الشكر والتقدير والاحترام

[@MrMedop502]

انا منزل فيديو في قناتي علا المشكله...

[@MrMedop502]

kzbin.infoMQnmVK1-cBg?feature=share

[@shebo_mono3at]

اولا اهلا بيك -- اولا هل البلونه تيوبلس ام البلونه العاديه المدوره -- ثانيا لازم البلونه يكون جواها هواء عشان يعمل ضغط للماء داخلها ويرفع الماء فوق -- هل الموتور على شقه واحد ام عدد شقق

[@younsfarouk5944]

الماء لغاية الدور الرابع تمام... الخامس والسادس ما فيش الا بعد فصل مفتاح الماتور اللى في الشقة اكثر من مرة

[@shebo_mono3at]

زي ما جاوبتك في الهاتف كمان ممكن يكون في رواسب داخل الزور الداخلي في غرفة الموتور ومحتاجه تتنضف

[@younsfarouk5944]

@@shebo_mono3at جزاك الله خير الجزاء.... تمام... نفذت توجيهاتك وظبط معانا والحمدالله..... لكن لو سمحت سؤال لجاري وصاني اسالك لو اوتوماتيك فقط راكب ونفس المشكلة بتاعتي يعمل ايه؟

[@shebo_mono3at]

هيزود شويه المسمار الكبير مع تنضيفه من الرواسب او ممن يكون من الداخل محتاجل يتنضف من الرواسب من عند الزور اللي داخل الغرفه الاماميه للموتور ويفضل انو يجيب بالونه لو هو بعد الثالث في الادوار @@younsfarouk5944

[@ahmedmaghraby3879]

أنت برنس

[@shebo_mono3at]

شكرا وبارك الله فيك

[@ReligiousChants]

طيب ارجو الرد احنا الدور الرابع والماتور مش بيفصل استخدم انهي مصمار

[@shebo_mono3at]

المسمار الكبير هوي الصاموله شويه عكس عقارب الساعه بس يكون الموتور شغال عشان واحنا بنهوي على الصاموله هيفصل معنا

[@Z.prince]

لو سمحت انا الاتوملتك عندي لوحده بيفصل ومايشتغلش تلني ولازم انزل تحت اعمل ريسيت وعشان يشتغل ايه المشكلة

[@shebo_mono3at]

لو اوتوماتيك عادي زي اللي في الفيديو كده محتاج انو يتفك ويتنضف كويس من الرواسب ونركبه تاني ونشغل ونجرب كده بعد تنضيفه وعشان تعرف ازاي يتنضف افرجوا على الفيديو ده من قناتي kzbin.info/www/bejne/hZvZlH-Bjbaijc0 وكمان الفيديو ده بيبين ازاي نفكه ونركبه ونوصل الاسلاك kzbin.info/www/bejne/Z5uWpquka9yFoK8

[@ibrahimmahmoud5073]

ايه اللي هيحصل للموتور ف حالة هواء انخفاض هواء البلونه

[@shebo_mono3at]

في حالة انخفاص البالونه لو حاجه بسيطه مفيش تأثير بس لو انخفض كتير عنجد ان الاوتوماتيك بيشتغل ويفصل اسرع مع عدم انتظام ضغط المياه في الحنفيات بشكل مظبوط وكمان لازم يكون ضغط الهواء في البالونه 28

[@ahmedm9438]

من فضلك لو انا ف الدور السادس وخليت ضغط المياه ٥ بار .في مشكلة علي العلم ان لسة مغيرة ساقية الموتور وفي مشكلة في رملي....

[@shebo_mono3at]

مفيش مشكله بس احنا بنظبط ضغط المياه على قوة المياه وقوة الموتور والعلو بتاع الشقه وكمان لازم لما الضغط يوصل للبار اللي انت مظبط عليه يفصل الموتور لوحده سعات لما نزود الضغط اكتر من اللازم الموتور ميفصلش لا لوحده ولا عند غلق الحنفيه عشان كده لو حبيت تظبط الضغط اغلق جميع الحنفيات الشقه وافتح حنفية حوض الوش او حنفية المطبخ واحده فقط وشوف المياه في الحنفيه عند تشغيل الموتور اذا كانت كويسه وكمان شوف الموتور هيفصل بعد شويه ولا لأ وشوف لما تغلق الحنفيه بيفصل بردو ولا لأ اذا حصل كده كويس مفصلش لوحده ولا عند غلق الحنفيه هنقلل الضغط شويه

[@ahmedm9438]

شكرا لحضرتك جدا..الصنياعي ظبطه علي ٤ وشرطين يعني ٧٠ متر..تمام..وبقي يشتغل مع قفل وفتح الحنفية ولكن بعد لقيت الاوتوماتيك..الموتر بييفصل لوحده وانا مشغلة المياه ولما تيجي عي ٥٥ متر ارتفاع يشتغل تاني...ايه الحل

[@nourel-dinahmed8291]

من فضلك مواسير الميه تتحمل كام بار سؤالي عشان الأدوار العليا اللي فوق العاشر

[@shebo_mono3at]

اعتقد لحد 8 بار بس اهم حاجه نوعية المواسير واعتقد ان افضل الانوع للتحمل مواسير p r

[@eslammohamed-jr7pq]

طب لو المايه ظغتها كويس بس بتفصل خالص اكنها قطعت وبعدين تشتغل بعد شويه انا الدور الخامس ماتور كالبيدا 1 حصان

[@shebo_mono3at]

بص يا سيدي -- انا عايزك تجيب الذرديه او البنسه تمام وتلف الصاموله بتاعة المسمار الكبير تربطها شويه يعني لفها 3 لفات ربط تمام --- وتيجي على الصاموله بتاعة المسمار الصغير تربطها لفه واحده فقط جرب ومستني الرد

[@ibrahimmahmoud5073]

لو هويت الصاموله الصغيره والسوسته بقت مهويه ايه اللي هيحصل ف عملية التشغيل

[@shebo_mono3at]

ولا اي حاجه ما دمت في الادوار من الارضي لحد 4 او 3 ملهاش اي تأثير احنا بنربطها للادوار العاليا عشان تطول وقت ضغط المياه بس ده من اول الدور 5 لحد فوق

[@nooornooor5286]

لو سحمت انا عندي الماتور بعد البلونه لم تملي ويفصل الاوتماتيك بيعمل زي صوت رجه عالي علما ان الماتور مثبت جيدا ومش بيتهز وقت الصوت

[@shebo_mono3at]

معلش السؤال مش مفهوم كويس ممكن بس نوضح شويه اكتر

[@nooornooor5286]

الموتور لما الاوتاماتيك بيفصل بيعمل صوت عالي زي هبد وبيعمل نفس الصوت لو فصلت الكهرباء

[@محمدابوزياد-ل4ث]

‏‪السلام عليكم يا غالى اوتوماتيك بيفضل شغال تكتكه صوت عالى ده مشكلته ايه

[@shebo_mono3at]

المقصد ايه هل بيفضل. شغال يفصل ويشتغل مع نفسه واراء بعض بصوره سريعه

[@كمالصدامارحيمجاسم]

السلام عليكم اخي الكريم عندي اوتماتيك لا يعمل الى بعد الضغط على احد المسامير الاربعة الموجودة على يسار الفيديو ؟

[@shebo_mono3at]

كده السلك مش راكب كويس في المسامير افصل الكهرباء كويس وبعدين لف طرف السلك على الاووظ المسمار واربط المسمار كويس وكمان لازم تكون موصل الاسلاك صح اقصد اطراف الاسلاك لازم تكون موصلها صح

[@kirlosraafat4679]

يا هندسه الاوتوماتيك عندى مش شغال لازم ادوس ع السوسته بتاعته عشان يشتغل و لما بدوس ع السوسته بتاعت الاوتوماتيك مش بيفصل بيشتغل دايريت و مبيفصلش ايه الحل

[@shebo_mono3at]

كده هنفك الاوتوماتيك ونضفه كويس وهنمسح نقاط التلامس بسلك مواعين ناعم جاف وهنفط ضهر الاوتوماتيك ونسلك الفتحه الخلفيه ونضفه الكاوتشه وهنسلك الففتحه بتاعة المشترك النحاس وهنفك البالونه ونكشف عليها وعلى الهواء بتعها يكون على 28 ضغط هواء ونتاكد انها مش بتنفس ولا مخرومه من الداخل

[@hossin_mahmooud]

شكراً لك على شرحك الوافي .. عندى سؤال عندى موتور كان الاوتوماتيك بتاعه باظ جبت الفنى وقالى أن البالونه عايزه تتغير ( تيوبلس) لأنها مليانه مياه والاوتوماتيك والموشر هيتغيروا وحاجه تانيه اسمها ( اوول سي ) المهم اخد منى 1200 جنيه ولم يغير البالونه وقال إن ثمنها وحدها 800 جنيه ... ما رايك ؟؟

[@shebo_mono3at]

لا صعبه اوي 800 جنيه دي الاول سي ده عشان المياه اللي بتخرج من وسط الموتور من جانب الاكس عامل ذي الجلبه تمنع تسرب المياه من الخروج من جوار الاكس وده بيحصل كتير طبعا البلونه التيوبلس لو باظت بتتغير عكس البلونه العاديه بس بجد الراجل ده ظالم جدا طيب جاب اوتوماتيك جديد واخد منك كام في الاخر -- وبعدين ممكن تجيب بلونه عاديه

[@aligamal8419]

اذاي اعرف ان البالونة مظبوطة وعندي السخانات اللي في البيت كله بتعمل صوت عالي لما الماتور بيشتغل اي السبب المتوقع

[@shebo_mono3at]

اعرف ان البالونه مظبوطه لما اجد كبس المياه كويس في الحنفيات مع توقف الموتور لازم تكون علي 28 ضغط هواء ومش بتسرب

[@aligamal8419]

@@shebo_mono3at وأي سبب الأصوات العاليه في السخانات

[@AhmedAhmed-h1t8q]

انا عندي ماتور كالبيدا اصلي واحد حصان عندما افتح الحنفيه اجد تقطيع في وصول الماء الي الخلاط بصوت عالي مع التقطيع مالعيب ارجو الرد

[@shebo_mono3at]

كده ممكن يكون واخد هواء الموتور هنفصل الموتور ونفك البالونه وهنجد هواء خرج هنفتح حنفيه الشقه واحده فقط ونجيب كوز مياه ونحطه في فتحة الموتور مكان البالونه مبتركب ونضغط بادينا ونشغل الموتور كام ثانيه ونشيل ايدينا نعمل كده لحد ما المياه تطلع من الفتحه اللي ضغطين عليها بادينا جامد سعتها نركب البالونه بس نتاكد انها مليانا هواء على 28 ضغط هواء ونركب وتمام كده

[@AhmedAhmed-h1t8q]

يعني كده مالوش دعوة بالاوتوماتيك

[@منوعاتفىمنوعات-و1ع]

انا عندى الماتور حصان دور اول كل لمه يشتغل الميه تفصل وتشتغل تفصل وتشتغل اعمل ايه

[@shebo_mono3at]

تقصد الميه بتشتغل وبعدين بتقطع وتشتغل وبعدين تقطع ولا الموتور هو اللي بيشتغل ويفصل - المفروض انك اول حاجه هتفتح علبة الاوتوماتيك وتشغل حنفيه واحده فقط وتغلق الباقي وتخلي حده واقف امامها وتشغل المياه الموتور طبعا هيشتغل او لما تجد المياه في الحنفيه قلت شويه لازم الموتور يشتغل من نفسه لو مشتغلش لحد لما المياه قلت خالص وقطعت كمان كده هنزود من الصاموله الكبيره هنربط عليها لفتين ونجرب ولو في اي حاجه مش فاهماها اكتبها وانا هجاوبك

[@منوعاتفىمنوعات-و1ع]

@@shebo_mono3at بارك الله فى حضرتك كلك ذؤق بس هى الميه بتكون شغاله عادى بس الماتور نفسه الاوتوماتيك يشتغل ويفصل يشتغل ويفصل والحنفيه شغاله عادى

[@-saidamar9208]

@@shebo_mono3at بس الكلام ده غير صحيح هو بيشتكى من فصل وتشغيل فصل وتشغيل وده عيب بلونه مش اتوماتك خالص ده عيب عدم اتزان الضغط وده سببه البلونه وعلى فكرة الصاموله الصغيره مسؤلة عن تشغيل الماتور عند ضغط معين مش زى ما حضرتك قولت فى الفيديو

[@mh5448474]

الله يباركلك ، شرح ممتاز ،، سؤالي هل ممكن اظبط الاوتوماتيك بحيث انه يشتغل لما يبقى الضغط عند ١ بار مثلا ، حاولت معاه كتير ، دايما بيبدء التشغيل عند ٢ بار ، هل ينفع الكلام ده !

[@shebo_mono3at]

طبعا ينفع بس كده هتقلل ضغط المياه في الموتور -- يعني لو انت الضغط بيوصل عندك من 2 الى 3.5 يبقى المؤشر هينزل فقط 1.5 عشان كده لو عايزه يبدأ من 1 هيوصل عندك الضغط 2.5 لو فهمتني يكون تمام -- اقصد بلاش عشان متقلش ضغط قوة المياه عندك

[@mh5448474]

@@shebo_mono3at تسلم للافاده ؛ انا عايز اخلي الاتوماتيك يبدأ تشغيل الموتور عند ١ بار لاني مركب اتوماتيك تاني اسمه اتوماتيك ضغط منخفض، وظيفته انه يفصل دايره تشغيل الموتور عند وصول الضغط من ٠.١ إلى ١ بار ، ياريت حضرتك تعمل عنه حلقه لأنه مهم جدا، هو شغال عندي كويس في حالة أن الميه قطعت، لاكن الميه لما بترجع حتى لو قويه مش بيشتغل لوحده لازم اشغله يدوي

[@mohamedsamer9636]

السلام عليكم دلوقتي المياه بتطلع عندي ضعيفه وانا فى الرابع والموتور بيفصلش وعلي مراحل مرة كويسة ومرة ضعيف مع الرغم البيت علي نصفين وكل جانب مختص بالموتور بتاعه

[@essacsamir4131]

لو سمحت انا في الدور الحادي عشر والموتور بيشتغل مع نفسه ولما بخبط بايدي علي الاتوماتيك بيفصل وبعد كدا بيشتغل مع نفسة غيرت اكثر من اتوماتيك نفس المشكلة

[@shebo_mono3at]

لو بيشتغل مع نفسه كل فتره كده لاما في حنفيه بتسرب عندك لاما الشيك بلف تالف هنغلق المحبس العمومي بتاع الشقه وشوف كده الموتور هيشتغل مع نفسه ولا لا لو اشتغل مع نفسه كده الشيك بلف تالف اللي قبل الموتور طب لا و مشتغلش مع نفسه كده في حنفيه بتسرب عندك

[@hossamabdellatief3085]

المؤشر، قاري 2 بار؟ اية الحل

[@minamonir108]

لو سمحت انا مركب اتوماتيك الماتور بيشتغل شوية و يفصل و ياخد وقت طويل علشان يشتغل تاني حتي و احنا فاتحين حنفية الشاور و طبعا السخان بيفصل ايه اللي محتاج يتظبط؟

[@shebo_mono3at]

طبعا الطبيعي ان الاوتوماتيك يشتغل ويفصل يشتغل عند انخفاض الضغط ويتوقف بعد رفع الضغط للمستوى الطبيعي --- اما عندك التوقف الطويل ده للاوتوماتيك فلازم يتظبط شويه فقط -- افتح حنفيه واحده فقط واغلاق باقي الحنفيات - فك غطاء الاوتوماتيك وهات بنسه او زرديه ولف الصاموله بتاعة المسمار الكبير بتاع الاوتوماتيك لفها كأنك بتربط لفها لفتين كده وخلي بالموتور شغال في الكهرباء بس امسك الزرديه كويس متلمسش حاجه بأيدك عشان الكهرباء بتكون موجوده في الاوتوماتيك تمام لف الصاموله لفتين ربط مخلي النفيه شغاله هتجد الموتور اشتغل معاك لو لسه اديه كمان لفتين ربط على الصاموله الكبيره جرب ومستني ردك

[@moamonaem234]

@@shebo_mono3at ممكن رقم تليفون للتواصل

[@shebo_mono3at]

@@moamonaem234 اليوتيوب بيحظر ظهور ارقام التليفون يعني ممكن اكتبه بس يجيلي حظر على الفيديو بس ممكن التواصل على الفيس او تكتب السؤال بتاعك

[@-saidamar9208]

@@shebo_mono3at ده معنى كلامه الاتوماتيك فيه رواسب مسدود

[@aymenfayek5857]

الف شكر َممكن اعرف هو الطبيعي اني افتح المياه الماتور يبقى شغال ولما اقفل المياه الماتور بيفصل ولا فيه فيه طريقه تاني

[@magyawad6249]

انا الماتور عندي بيفصل وعلشان يشتغل لازم افصل الكهربا وبعدين اوصلها انا الدور السادس بس العداد ف الدور التاسع وبينزل ف الماصوره للدور السادس تاني

[@shebo_mono3at]

معلش مش فاهم كويس انا فهمت أن الموتور بيفصل وعشان يشتغل لازم نشيل الفيشه ونركبها تاني وانتم في الدور السادس باقي الكلام مش فاهمه - هل الموتور على شقه واحده وهل المياه بتطل جامده والموتور راكب على اوتوماتيك وبلوزه لازم اعرف الحجات دي

[@ibrahimmahmoud5073]

صباح الخير انا ف الدور التامن ومركب موتور بس مبقاش عارف إذ كان موتور بيفصل ولا لا هل ينفع اركب البلونه والاتوماتيك عندي ف المطبخ لمتابعة البلونه والاتوماتيك وعملية التشغيل والفصل الموتور يكون تحت

[@shebo_mono3at]

طبعا لا مينفعش لازم الاوتوماتيك والبالونه يتركبو عل الموتور ازاي هنركب البالونه والاوتوماتيك بعيد عن الموتور

[@m0000hamed]

هيطلع ماسورة للشقه عشان البالونه وكما كدا ضغط الميه هيزيد مع البالونه والمواسير اللى طالعه فوق ثانيا هيطلع مواسير بردوا عشان الاوتوماتك عادى هيركب بس المشكله هتبقى فى تكلفة المواسير ومشتقاتها الى ان تطلع الشقه فوق واجرة السباك الباهظه كانك مركب تلت مواتير على كميه المواسير اللى طالعه من الموتور وكمان سلوك كهربة الاوتوماتك هيبقى الموضوع مكلف جدا عليك افضل حاجه ركب خزان ميه بعوامه عاديه اول مايتملى الخزان الاوتوماتك يفصل

[@nabilhany8032]

من فضلك يا هندسه انا الماتور كان بيشتغل عندي ٢١ ثانيه تقريبا معرفش ايه اللي حصل بقى بيشتغل دقيقة كامله اتصرف ازاي افك الصاموله بتاعت المسمار الكبير شويه؟ الماتور واحد حصان شغال على الرابع والخامس بالونه تيوبلس

[@alaasoliman7389]

❤

[@ahmedatris1]

الله ينور ، طب لو الاتوماتيك بيخلي المتور بيعلق ومايشتغلش مع إن الاتوماتيك لسه جديد وكان المتور شغال كويس أول مركب وبعدين حصل كدا لما جه صنايعي ظبط الموتور ، ايه الحل ، وشكرا جزيلا

[@shebo_mono3at]

طيب عايزك تعمل حاجه شغل الموتور وافتح وش الاوتوماتيك وهات بنسه او زرديه - بس اهم حاجه تكون المياه شغاله كويس وافتح حنفيه واحده بس وشوف لو الموتور اشتغل وبقى بيفصل عادي ويشتغل خلاص متعملش حاجه لكن لو الموتور مشتغلش وانت فاتح الحنفيه مع ان في مياه في المواسير عادي هات البنسه وخلي بالك لتتكهرب واربط بالبنسه على صامولة المسمار الكبير شويه وشوف كده

[@ahmedatris1]

@@shebo_mono3at تمام، بص حضرتك هو الموتور اشتغل لما رفعت الريش بتاعة الأتوماتيك وبقى يفصل ويشتغل عادي وضاغط ميه كويس للسابع وتاني يوم علق تاني ، كدا المشكلة في ايه بالظبط ،

[@shebo_mono3at]

@@ahmedatris1 تمام لو انت في السابع هتعمل كده اربط على الصاموله الصغيره لفه واحده وكمان فك الاوتوماتيك ونظف مكان الفتحه بتعته من الرواسب

[@ahmedatris1]

@@shebo_mono3at جزاكم الله خيرا ، هاظبط واقول لحضرتك على النتيجة، شكراً جزيلاً

[@حبيبيتكودلعيمطبخك]

السلام عليكم كنت عايزه اسال عن البلونه عندي بتطلع مايه من البلف في هيا كده باظت( البلونه تيوبلس ) والماتور بيفصل ويشتغل هل انا لو شيلت البلونه وحطيت طبه الاتومتيك هيشتغل طبيعي ولا لاء ولو حبيبت اظبطه ازي عشان يفصل ويشتغل بدون بلونه وانا في الدور السابع

[@shebo_mono3at]

كده البالونه باظت لأنها الكاوتشه من الداخل انقطعت وفصلانه كل شويه يستغل ويفصل على فترات سريعه ده بسبب البالونه ولو حطينه طبه بردو هيفضل ويشتغل على فترات سريعه وممكن نزود فترة التشغيل بس الفصل هيكون قليل عشان مفيش بالونه الافضل هنجيب بالونه عاديه مش تيوبلس

[@nourhannady248]

عندى ماتور واصل على مياه طلمه المياه شديده فى الادوار العليويه اول ما اشغل فى الارضى المياه بتضعف ولو شغلت الارضى بس المياه ضعيفه

[@shebo_mono3at]

بصراحه دي حاجه غريبه فعلا المفروض ان الدور الاول تكون المياه قويه مش ضعيفه كده هنحتاج نزود وقت الضغط هنربط على صامولة المسمار الصغير في الاوتوماتيك لفتين ونتأكد ان الحنفيات مفيهات اي رواسب لان مياه الطلمبه غالبا بتكون فيها رواسب بتسد الحنفيات

[@antoniojoo4092]

سؤال لو سمحت عندى الماتو ر شغال مع بالونة بس الاول كانة وقت التشغيل والفصل كويس دلوقتى وقت تشغيل الماتور بيشتغل حوالى 10 ثوانى ويفصل ويريح حوالى 10 ثوانى ويشتغل تانى هل دة ممكن ياثر على الماتور واية الحل لو سمحت. للعلم ان ضغط المياة الحمد لله كويس

[@shebo_mono3at]

@@antoniojoo4092 البالونه فكها وفضي المياه منها واملاها هواء على 28

[@antoniojoo4092]

@@shebo_mono3at عملت كدة وبرضو لسة المشكلة موجودة وفكيت الاوتوماتيك ونظفتة من الرواسب وبرضو

[@arsh3030]

فين الفيديو التانى يا هندسه ؟

[@shebo_mono3at]

الفيديو الثاني kzbin.info/www/bejne/oIGti4mFj7xjmpY&ab_channel=%D9%85%D9%86%D9%88%D8%B9%D8%A7%D8%AA%D8%B9%D8%A7%D9%84%D9%85%D9%8A%D8%A9

[@amalsabry3578]

شكرا لحضرتك انا فى الدور ١١ وعملت موتور خاص بشقتى ايطالى بأتوماتيك والسباك والمهندس ظبطولى كل حاجة .. بس بلاحظ ان الميا فى حنفية حوض الحمام والبانيو اقوى من حنفية حوض المطبخ ممكن يكون ايه السبب؟؟ وسؤال اخر هو المفروض بعد ما اخلص احتياجاتى من الميا اقفل موتور الميا من عندى فى شقتى ؟ لاننا كل شوية بنغلقه ، هل ده فى خطر على الموتور ؟ وهل لو سبنا الموتور مفتوح عادى كده الميا بتاعت شقتى مش بتتسرق من الشقق الاخرى ؟ او بتوصلهم بطريقة او بأخرى ؟ ارجو الرد مع جزيل الشكر

[@shebo_mono3at]

أولا أهلا بيكي في قناتي -- شدة المياه في بعض الحنفيات بترجع لنوع الخلافات بتاعة المياه يعني خلاط البانيو اقوي من حوض الوش بسبب الفتحه بتاعته الداخليه ممكن تكون صفاية حنفية حوض المطبخ فيها رواسب فكي الصفايه الصغيره إللي في حوض المطبخ ونضفي الرواسب اللي فيها دي بتقبل المياه نصفيها وهتجديها قويه ---- غلق الموتور مش بياثر على الموتور ومفيش منه خطوره بس لو سبتيه مفتوح بعد متخلصي احتياجاتك عادي اهم حاجه يكون بيفصل لوحده موضوع المياه بتتسرق من شقتك لا مش بتتسرق ما دمتي عامله عداد لوحدك وعلى ماسوره لوحدك يعني لو الموتور الخاص بيكم لشقتكم بس وليكم عداد خاص بيكم متقلقوش بس يهمني أن الموتور بيكون بيفصل لوحده

[@amalsabry3578]

@@shebo_mono3at بجد شكرا حقيقى على الرد الوافى هو احنا عاملين موتور ومواسير لشقتى لوحدينا .. لكن العداد لسه ماتركبش بسبب شركة الميا ، كل شوية يقوللنا لسه مافيش عدادات .. ولما جه السباك والمهندس يركبوا المواسير والموتور قالوا لنا انه اتوماتيك يعنى لما بنفتح الميا الموتور يشتغل ولما نكون مش مشغالين الميا الموتور بيكون مش شغال .. زى السخان كده فأيه رأى خضرتك .. مع جزيل الشكر 🌺

[@shebo_mono3at]

@@amalsabry3578 الموتور راكب عليه بالونه ولا راكب عليه فلوماك والفلوماك عباره عن جهاز صغير ليه شاشه صغيره ايه اللي راكب على الموتور عندك

[@amalsabry3578]

@@shebo_mono3at جهاز صغير وليه شاشة صغيرة

[@shebo_mono3at]

ده اسمه فلوماك ده كويس فقط في حماية الموتور عند انقطاع المياه المفاجيء يحمي الموتور انو يتحرق أما للدور العالي ده مش حلو الافضل الاوتوماتيك العادي وبالونه عليه او اتنين بالونه

[@alqari_albaraa_azema]

حضرتك انا جبت بلونه جديده وركبتها بنفسي والموتور اشتغل وبعد 15 ثانيه فصل وزي الفل انتظرته يشتغل تاني مرضيش😢 قومت بالمفك ضغطت على ريشة الابلتين عشان يشتغل تاني. للاسف مش بيشتغل لوحده..لازم انا اضغط علي ابلاتين التلامس عشان يشتغل..انما بيفصل لوحده كويس خالص. ايه بقي المشكله ؟

[@shebo_mono3at]

فقط محتاج انك تظبط الاوتوماتيك هنجيب الزرديه ونيجي على صامولة المسمار الكبير ونلف لفتين اتجاه عقارب الساعه وشغل الموتور وشوف كده

[@papozazo5503]

السلام عليكم انا ساكن في الدور السادس وظبط الاوتوماتيكا من الصمولتين وبردك المياه مش طلعة ونظفت مكان الفتحات وزى ما هو ايه الحل

[@shebo_mono3at]

طيب محتاج شوية تفاصيل -- المياه بتطاع للدور الخامس ولا لأ - وهل المياه كانت كانت بتطلعلك قبل كده ولا لأ - طب حصل وغيرتو حاجه زي الموتور زي محابس - طب المتور على شقه ولا كذا شقه - لازم اشوف الاول الحكايه ايه - حاول تديني التفاصيل وانشاء الله اجاوبك

[@وائلالسويفى-ي1و]

المياه عندي ضعيفة و انا فى الدور الثالث و الماتور خاص بيا بس يعني انا لوحدي على الماتور ارجو حل المشكله

[@shebo_mono3at]

طيب كده هنعمل كام حاجه الاول الاول هنتأكد ان البالونه منفوجه هواء مظبوط هناخد البالونه عن بتاع كاوتش العربيات وننفخها على 28 ونتاكد ان مفيهاش مياه من الداخل - سعات بيكون المياه في الخط العمومي ضعيفه في بعض اوقات اليوم - عايزك تجيب البنسه وتلف صامولة المسمار الكبير لفتين وصامولة المسمار الصغير لفه واحده في اتجاه عقارب الساعه - كمان سعات بيكون السبب في ضعف المياه ان الزور الداخلي للموتور مليان رواسب او ان الساقيه الداخليه فيها رواسب - عايزك بعد متجرب اللي قولت عليه تشوف المياه هتظبط على مدار اليوم كله وتكون كويسه ام لا - كمان عايز اعرف هل الموتور كام حصان وهل مركب بالونه ام فلوماك وهل مدخل العماره في مواتير تاني ام لا

[@احمدأبوتريكة-ت1س]

اول مابفتح المية بتكون شديدة بعد دقيقتين بتكون ضعيفه عندي جدا جدا يا ريت تساعدني وشكرا

[@shebo_mono3at]

سؤال جميل وكويس الطبيعي أنها تشد وبعد شويه تقل بس مش اوي كده وبعدين تشد تاني بس الاول الموتور على شقه واحده وفي الدور الكام

[@احمدأبوتريكة-ت1س]

ياغالي في الدور الأرضي الماتور بيبقى شغال وبعد ١٥ ثانية المياه بتقل جدا جدا

[@احمدأبوتريكة-ت1س]

يا غالي الدور الأرضي الماتور بيبقى شغال وبعد ١٥ ثانية المياه بتقل جدا جدا

[@kamal200046]

عندي الاتوماتيك علي طول بيلدع كهرباء علي الريشه ويفضل معلق ده بسبب اي

[@shebo_mono3at]

عايزك تتفرج على قائمة فيديوهاتي عن الموتور ومشاكله رابط القائمه kzbin.info/aero/PLvt6ngk1RtTlHoTL-yUHOM06ABc-wgi2B اما مشكلة جنون الاوتوماتيك ده فيديو خاص بيه kzbin.info/www/bejne/gWbccqqdgd2MeNU اما عدم فصل الاوتوماتيك kzbin.info/www/bejne/m3jUknqefbKFY7c شوف الفيديوهات دي ومستني الرد

[@asma.shabayk]

حضرتك انا السباك فك الماتور وغير رمان بلي واولسيه ولما ركبه شغال كويس بس في عيب اولا الماتور بيشتغل وممكن يفصل والمايه مفتوحه لازم اقفل الزرار واشغله تاني علشان يشتغل والعيب الاخر السخان بيتكتك عند فتح المياه ده عيب ايه هو في اوتوماتيك مش بلونه

[@shebo_mono3at]

طيب وايه المشكله لما يفصل الموتور والمياه مفتوحه هل لما بيفصل الموتور بتكون المياه موجوده وشغاله في الحنفيه ولا بتقطع لان الموتور لو فصل والحنفيه موجود فيها المياه شغاله ده عادي عشان كده عايز اعرف لما الموتور بيفصل والحنفيه بتكون مفتوحه هلى سعتها المياه بتكون شغاله ولا بتكون قطعة - اما السخان هل هو كهربا ام غاز

[@asma.shabayk]

@@shebo_mono3at السخان غاز لا المياه بتقطع طبعا ومش بترجع غير لما اطفي الزرار واشغله تاني

[@shebo_mono3at]

@@asma.shabayk كده حضرتك عايزك تركزي في كلامي كويس من ناحية السخان مش هعرف افيدك اوي لاني خبرتي في السخانات قليله بس ده ممكن يكون راجع لضعف المياه في المواسير بسبب ضغط الموتور بس الكلام ده مش اكيد انا بخمن ده من ناحية السخان -- اما من ناحية الموتور عايزك تركزي في كلامي وتنفذيه كويس وانشاء الله تنجح الطريقه اغلقي كل الحنفيات بتاعة الشقه حتي السيفون كمان وافتحي اكتر حنفيه بتحتاجيها بس حنفيه واحده فقط وبعد ما تفتاحي الحنفيه انزلي فكي الغطاء بتاع علبة الاوتوماتيك وهاتي زرديه او بنسه عشان متتكهربيش زي الفيديو كده وبعدين لفي صامولة المسمار الكبير 3 لفات اتجاه عقارب الساعه ولفي صامولة المسمار الصغير لفه واحده اتجاه عقارب الساعه وبصي بعد كده على الحنفيه اللي انتي فاتحاها شوفي كده هتجدي ان المياه شغاله كويس واول ما تدأ تضعف هتشد تاني وتقوى واول ما تغلقي الحنفيه الموتور هيغلق على طول او بعد 10 ثواني شوفي كده ومستني الرد بعد التجربه

[@asma.shabayk]

@@shebo_mono3at تمام هجرب اللي حضرتك قولته بس ليه السباك يعني ميعرفش يعمل ده محدش عارف السبب منين

[@shebo_mono3at]

طبعا كل يوما بتحدث حجات كتير وفي حجات ممكن تكون اول مره نتعرض ليها في شغلنا فممكن الواحد ميعرفش المشكله فين اللي بالتجربه انشاء الله المشكله تنحل بس جربي وربنا يلها انشاء الله

[@aymangamil7809]

عندي الماتور اسير إيطالي ٣ حصان بيغذي ١٤ شقة لغاية الدور ال ١٤ و الأوتوماتيك تشيكي و ظبطت ضغط المياه علي ٦.٢ بار عشان يرفع مياه للدور ال ١٤ و اللي تحتيه و بيشتغل و بيفصل و كله تمام ، و مركب جهاز فصل حراري و مظبوط علي ٣٥ درجة ، بس الماتور بييجي ساعات يفصل خاالص أبص عليه ألاقيه سخن كاموتور و موبينا فبيفصل و بياخد وقت عقبال ما يبرد و يرجع يشتغل تاني و مش عارف إيه السبب ، و في ٢ ماتور تاني راكبين في البرج بس قبل ماتور الصف بتاعي ممكن يكون ليهم تأثير عليه ؟ مع العلم إنهم مواتير صيني بس نفس القدرة ٣ حصان ( يعني البرج كله في ٣ ماتور بواقع ماتور لكل صف )

[@shebo_mono3at]

الموتور عليه كام بالونه الغطاء الخلفي راكب بتاع المروحه لو راكب عايز نشوف المروحه سليمه ولا فيها كسر في الريش تبعتها كمان هل الموتور صوته ناعم ولا صوته عالي ومزعج

[@aymangamil7809]

ممكن رقم تليفونك أفضل لو معندكش مانع ،،، ثانياً الماتور عليه ٢ بالونة تيوبليس جلوبال أصليه أفضل نوع و صوته ناعم مش مزعج بس لو تواصلنا فون هيكون كويس

[@mohammedseddik8675]

هو مكان حضرتك فين محتاجك تظبطلي اتوماتيكي موتور

[@shebo_mono3at]

@@mohammedseddik8675 ايه المشكله عندك في الاوتوماتيك انت في الدور الكام والموتور كام حصان وبيغذي شقه ولا اكتر

[@mohammedseddik8675]

@@shebo_mono3at الموتور ٢ حصان وبيغذي ٣ شقق اخر شقة في الدور السابع بس فيه كذا موتور في العمارة المشكلة لما حد بيشغل من الادوار اللي تحت التالت او الخامس المياه بتوصل عندي ضعيفة جدا في السابع ومبتشغلش سخان

[@shebo_mono3at]

مركب شيك بلف قبل الموتور ومركب بالونه صح طيب الشقق في الأدوار الكام

[@mohammedseddik8675]

@@shebo_mono3at مركب شيك بلف وبالونة الشقق في التالت والخامس والسابع

[@A17351]

ماتيجي ياريس شوفلنا الماتور بتاعنا

[@shebo_mono3at]

ه‍ه‍ههههههههههه نفسي ههههههه ايه المشكله بالظبط

[@احمدأبوتريكة-ت1س]

واول ما بكبس بيدي على الحنفية المية تزيد اسيبوشغال عادي المياه تضعف

[@shebo_mono3at]

طبعا لو مبينا على الحنفيه المياه هتشد لأننا عملنا عملية حبس للمياه بس ده طبيعي جدا ملهاش علاقه بحمايه ضعف المياه وشدتها بس زي ما قولت الدور الكام والموتور على شقه واحده ولا اكتر من شقه داخلين في نفس الموتور

[@OlaElkholy-zv2gj]

السلام عليكم الموتور عندي لما افتح الحنفيه استني كتييير لحد المايه ماتوصل تقريبا تلات دقايق مع ان انا دور اول والخزان تحت الارض اعمل ايه من فضلك

[@shebo_mono3at]

هفك غطاء الاوتوماتيك وهنجيب البنسه وهنلف صامولة المسمار الكبير اتجاه عقارب الساعه هنربط عليها والموتور بيكون شغال وانت بتعمل كده هتجد ان الموتور اشتغل معاكاو ما بشتغل متلفش الصاموله حلاص كده

[@omnyakamal9878]

لو سمحت بعد ازنك انا عندي اتوماتيك اسر الاصفر ، اول فتره كان الحمدلله شغال كويس ، انا ف الدور الرابع ، حاليا بفتح كل الحنفيات وبفضل حوالي نص ساعه ومبيشتغلش غير لو حد شغل. ف الادوار الي تحتي ، ايه العمل بالله عليك ، مع العلم انه ماشاء الله بيشتغل معاهم ع طول

[@shebo_mono3at]

تقصدي انك مركبه فلوماك الجهاز اللي بشاشه صغيره وفي كام لمبه المشكله غالبا بتكون في ضغط المياه ضعيف فلما المواتير التانيه بتشتغل بتشد المياه فلنعمل ضغط فبتخلي الفلوماك يشتغل بس الاول عايز اتاكد أن انتي مركبه جهاز الفلوماك صح كده. جهاز الفلوماك لما يحدث فيه عطل بيكون صعب تصليحه لنحاول ننضفه فقط العمل ايه هنفك الفلوماك وهنضف الفتحه بتاعة دخول المياه هنصفها من الرواسب وكمان فتحة الموتور اللي بيركب عليها الفلوماك وان كان الأفضل نجيب بالونه اوتوماتيك عادي ده افضل وكمان لو نعرف ننضف الفلوماك من الداخل يكون افضل المشكله بتكون في الرواسب اللي طالعه مع المياه أو الصدأ المتكون من المياه بيسد شويه الفتحات وبيخلي الحساسات بتاعة الفلوماك مش شغاله كويس لو نصفنها انشاء الله تنحل وان كان الأفضل الاوتوماتيك العادي والبالونه

[@غاويرياضيات]

تركيب موتور فقط من غير اوتو ولا بالونه فيه مشكله

[@shebo_mono3at]

لا الموتور لازم يتركب بالاوتوماتيك وكمان الافضل يكون معاه بلونه عشان البلونه بتخليه ياخد فترة راحه

[@Ahmed-lt6rr]

انا عندي في الدور الخامس لما بشغل الموتور الاوعوماتيك بيشتغل حوالي ١٠ ثواني بيفصل والمياه بتوطى المفروض اربط على المسمار الصغير

[@shebo_mono3at]

لو عايز الموتور يفضل شغال اكتر من 10 ثواني اربط على المسمار الصغير لفتين واربط نصف لفه للمسمار الكبير

[@Ahmed-lt6rr]

@@shebo_mono3at اربط مع عقارب الساعة مشكدة يا كبير؟

[@shebo_mono3at]

ايون الربط اتجاه عقارب الساعه -- بارك الله فيكم

[@Ahmed-lt6rr]

@@shebo_mono3at الله يعزك

[@سميرنصري-ذ6خ]

عندي الماتور واحد حصان وشغال بالونه لما تكون المياه شغاله بيشتغل ويزود المياه ولكن لما بتقطع مبيجبش مياه؟ ايه السبب؟ والعطل؟

[@m0000hamed]

الميه مقطوعه هيجيب ميه منين؟

[@manoyoutuber2004]

الموتور عندي شغال طول ما الماية شغالة ويفصل بعد مااقفل المايه ده طبيعي ولا ممك يحرق الموتور

[@m0000hamed]

طبيعى طبعا وهو دا اساس ظبط الاوتوماتك

[@يوسفعبدالستار-م7د]

المتور والاتوماتك مش شغال حشنا الكهراب من الاتوماتك وثناء في المتور مباشر شغال المتور العيب في الاتوماتك اي المشكلا وشكران

[@shebo_mono3at]

في حجات ممكن تعمل كده عشان نحل هنمشي بالخطوات دي الاول هناك الاوتوماتيك من السلوك وهناك الاوتوماتيك من المشترك النحاس هنسلك الفتحه اللي كان راكب فيها الاوتوماتيك في المشترك النحاس وكمان هناك ضهر الاوتوماتيك هنفك الست مسامير اللي في الضهر بتاع الاوتوماتيك وهنضف الكاوتشه الداخليه هنمسحها من الرواسب وكمان هنسلك فتحة الغطاء اللي فكيناه وبعدين هنركب الضهر تاني وهنركب الاوتوماتيك في المشترك النحاس تاني وهنوصل الاسلاك بالطريقه دي المسمار الاول والثالث هندخل فيهم طرفين الكهرباء العمومي والمسمار الثاني والرابع هندخل فيهم طرفين كهرباء كابينه الموتور وهشغل المياه وهنشوف لو مشتغلش هنجيب الزرديه وهندوس على حساس الرفع والنزول اللي هما الصباعين اللي بينزلو وبيطلعو اذا اشتغل كده فقط محتاج نربط شويه على صامولة المسمار الكبير ربط اتجاه عقارب الساعة

[@ربيعكابو-ك4ث]

عندي المايه في الدور الخامس المايه مبتوصلش لازم افتح تحت علشان تطلع فوق وبزود المسمار ال تحت ولما المايه توصل للخامس مبيفصلش والمسمار الصغير مهويه خالص

[@shebo_mono3at]

الاول هنفك الاوتوماتيك وهنفك القاعده الخلفيه وهنضفها كويس من الرواسب وهنضف الفتحه اللي في المشترك النحاس اللي بيركب فيها الاوتوماتيك وهنكشف على البالونه على ضغط هواء 28 ونتاكد ان البالونه مش محوشه مياه داخلها بين الجسم والكاوتشه الداخليه وبعد نفخها نخلي بتاع كاوتش العربيات يكشف عليها في البانيو من اي تسريب لو تمام ركب وجرب كده ومستني الرد

[@abdullahmansour8702]

صديقي، انا عندي الماتور، من الخزانات للمنزل، من اعلى الى اسفل، والماتور بشتغل وبفصل بشتغل وبفصل بشتغل وبفصل... وهكذا اثناء فتح الحنفية، وبالفعل المي تشد وتقوى تشد وتقوى... الخ

[@abdullahmansour8702]

شو حل انه يكون سلوك المياه مستقر، هل اخفف ضغط الماتور عن طريق فك المسمار الكبير شوي

[@shebo_mono3at]

الطبيعي ان المياه اول ما يقل ضغطها بيشتغل الموتور عشان كده بتجد ان المياه في الحنفيه بتقل وبعدين بتشتغل والطبيعي ان الموتور طول ما انت فاتح الحنفيه يشتغل فيشحن المياه للضغط وبعدين يفصل لحد ما يقل الضغط وبعدين يشتغل ودي الدوره الطبيعيه للموتور بس ممكن نخلي سلوك المياه مستقر لحد كبير بحيث لن تلاحظ ان المياه قلت وشدت الا لحظه فقط -- هنشغل حنغفيه واحده فقط وهنخلي وهنيجي على مسمار الاوتوماتيك الكبير ونربط لفه كامله اتجاه عقارب الساعه وبعدين هنربط نصف لفه المسمار الصغير اتجاه عقارب الساعه ايضا وانشاء الله يكون تمام

[@skywanter315]

السلام عليكم عندنا الاتوماتيك اتغير 4 مرات و هو سليم و دا لانه بيشتغل يوم او اتنين بالكتير و بعدها لما نفتح الميه يظل متوقف ولا يبدا العمل ممكن اعرف السبب و حل المشكله دا للدور ال ١٦

[@shebo_mono3at]

اولا شرفت القناه -- ثانيا توقف الاوتوماتيك عن العمل ثم العوده مره اخرى للعمل لوحده لي اسباب -- عايزك تفك الاوتوماتيك وتنظف مكان الفتحه بتاعة الاوتوماتيك وكمان الفتحه اللي بيركب عليها الاوتوماتيك سعات بيكون هناك رواسب في الفتحتين --- عايزك تتأكد ان لو عندك بلونه رابه على الموتور او عددة بلونات تأكد ان البلونات مفيهاش مياه جواها فكها ورجها وشفها فيها مياه او لا لو فيها فضي المياه اللي جواها وانفخها من جديد وركبها ده في البلونات القديمه اما التيوبلس متعملش فيها حاجه -- ده اولا ثانيا -- لو الاوتوماتيك راكب على شقتك فقط اغلق كل حنفيات الشقه وشغل حنفيه واحده فقط وشوف كده الاوتوماتيك هيشتغل معاك وهيفصل ولا لا بس لازم تعمل الخطوات اللي قبل دي كلها بالترتيب -- ومستني ردك بعد التجربه واناء الله تنجح وعندك ازاي تظبط الاوتوماتيك في ضبط الضغط في الفيديو بس الاول اعمل اللي قولت عليه وبعدين ظبط الضغط زي الفيديو لان كل دور ليه نظام معين في الضبط احنا بنديك المعطيات وانت بتمشي عليها حسب بعد الدور

[@skywanter315]

@@shebo_mono3at جزاكم الله خيرا

[@shebo_mono3at]

وجزانا واياك الخير كله وانشاء الله تنجح

[@-saidamar9208]

@@shebo_mono3at عمره ما هيشتغل ده ارتفاع عالى جدا المياه اللى فى الماسورة اللى واصله بالشقه كفيله انها تفصل الاتوماتك دايما استحاله يتظبط

[@emadthabet2949]

عندي ماتور مياه بدون بالونه ولكن لا يعمل إلا عند تشغيله بالمفتاح ولكن بيفصل دايما فأطر لفصل المفتاح وتشغيله من جديد لكي يعمل من جديد أيه الحل

[@shebo_mono3at]

انت مركب فلوماك الفلوماك وظفته ان المياه لو انقطعت فجاه يفصل الموتور وكمان لما تفتح الحنفيه يشتغل ولما تغلق الحنفيه يفصل ،،،،،،، سؤالي هل لما تفتح الحنفيه بيفضل فاصل مش عايز يشتغل ولازم تغلق المفتاح وتشغله تاني ،،،،،، شوف ممكن يكون ضغط المياه ضعيف أو صدا داخلي للفاوماك مخلي الضغط ضعيف فلازم افصل الموتور واشغله عشان يدي دفعه قوه ،،، في حجات كتير بتحيرنا احنا كمان عشان نعرف السبب الاساسي بس الافضل الاوتوماتيك العادي بالبالونه ،،,, كمان سعات بيكون العيب بعيد عن الفلوماك بيكون في الموتور نفسه بيفصل وميشتغلش الا لما افصل المفتاح واشغله تاني وده بيكون بسبب سخونه الموتور بتاع موتور المياه وعشان تتأكد حط ايدك لما تجد الموتور مش عايز يشتغل حط ايدك على جسم موتور موتور المياه لو وجدته سخن جدا كده نظام الحمايه هو اللي بيفصل الموتور بسبب السخونيه