Рет қаралды 1,491
Abone OL: goo.gl/W99fFm
Copyright © ARB Şəki
Sayt: goo.gl/NfKDu5
Facebook: goo.gl/XVhVzG
Vətən dedi və onun uğrunda şəhid oldu. 40 yaşlı Şəhid Məmmədov Soltan Akif oğlu 27 sentyabr tarixində, vətən müharibəsi başladıqda şanlı Azərbaycan igidləri kimi o da, ön sıralarda döyüşlərə qatılır. Vətən müharibəsində N saylı hərbi hissədə ehtiyat taborunun komandiri olan şəhid polkovnik leytenant Soltan Məmmədovun döyüş yolu Suqovuşan istiqamətindən başlayır. 1981-ci ildə Yevlaxda dünyaya göz açan Soltan uşaqlıq yaşlarından hərb sənətinə həvəsli olur. Elə bu həvəsi onu orta məktəbin 8-ci sinifindən hərbçi olmağa yönəldir. Belə ki, 8-ci sinifdə oxuyarkən Cəmşid Naxçıvanski adına hərbi liseyə imtahan verən Soltan elə həmin il liseyə qəbul olur. Zabitliyinin ilk günlərindən isə ancaq ön xətlərdə xidmət etməyi özünə borc bilir. 22 illik hərbçi həyatında Soltan istər öz əsgərləri qarşısında istərsə də zabit yoldaşları arasında böyük hörmətə sahib olur. Hərbidə olan nizam intizamı, tələbkarlığı isə ailədə heç də hiss olunmurdu. Yoldaşının sözlərinə görə Soltan ailədə sanki bir başqa insane idi. 2 qız 1 oğlan atası olan polkovnik leytenant Soltan Məmmədov hər zaman yoldaşına deyərdi ki, işğal altında olan torpaqlara ilk addım atanlardan olmaq istəyir. Dedi və etdi. Belə ki, Soltan Məmmədov döyüşlər başladıqda, Talış və Suqovuşan istiqamətində gedən döyüşlərdə fəal iştirak edir və həmin ərazilərə ilk addım atan zabitlərdən olur. Soltanın ən sevdiyi məşğuliyyətlərindən biri isə balıq tutmaq idi. Qardaşlarının sözlərinə görə hər zaman məzuniyyətə gəldikdə dərhal onunla balıq tutmağa gedərdi. Talış, Suqovuşan istiqamətində ilk cəbhə xətlərini yaranlardan biri olan Soltan 10 oktyabr 2020-ci il tarixində Suqovuşan istiqamətində gedən döyüşlərdə şəhid olur. Göstərdiyi igidliklərə görə isə şəhid polkovnik leytenant Soltan Məmmədov ölümündən sonra, “Azərbaycan bayrağı” ordeni, “Vətən uğrunda” medalı ,”Suqovuşan və Laçının azad olunmasına görə” medalları ilə təltif olunub.
#GünəDoğru #şəhid #SoltanMəmmədov