შეხვედრა ლიტერატურათმცოდნე ლევან ბრეგაძესთან

ელენე დარიანის ფსევდონიმის უკან მდგარი პოეტის ვინაობის შესახებ ლიტერატურულ წრეებში ორი განსხვავებული მოსაზრება არსებობს. ტრადიციული განმარტებით ელენე დარიანი იყო პაოლო იაშვილის ლიტერატურული მისტიფიკაცია, რომელსაც პოეტმა თავისი თოთხმეტი ლექსი მიაწერა. ალტერნატიული შეხედულებით, ელენე დარიანი იყო რეალურად არსებული პიროვნების, ელენე ბაქრაძის, ფსევდონიმი. ამ უკანასკნელს პაოლო იაშვილთან რომანტიკული და შემოქმედებითი ურთიერთობა ჰქონდა და ლექსები, რომელთა ავტორადაც პაოლო იაშვილი მიიჩნეოდა, ელენე ბაქრაძეს ეკუთვნის. სწორედ ამ პრობლემური საკითხის შესახებ გვიზიარებს თავის მოსაზრებას ცნობილი ლიტერატორი ლევან ბრეგაძე, რომელიც შეეცდება ვებინარის მსვლელობაში პასუხი გაგვცეს შეკითხვაზე: ელენე დარიანი - პაოლო იაშვილის მისტიფიკაცია თუ რეალური პოეტი ქალი?