შენ ჩემო ახალციხე - ვაჟა ნიკოლაშვილი სიმღერა

ის ნამდვილად დააკლდება ყველას - ასე ეხმაურება მესხეთის სახელმწიფო თეატრის მსახიობი ანი ხუბუტია ამავე თეატრის მსახიობის ვაჟა ნიკოლაშვილის გარდაცვალებას. ანის თქმით, იგი ერთ-ერთი პირველი იყო, ვინც მესხეთის თეატრის დაარსების დღიდან ამ სცენაზე დგას.
"ბატონო ვაჟა იყო ის პირველთაგანი ვინც დაარსების დღიდან მოვიდა მესხეთის თეატრში, ის იყო მთელი ქალაქის და მესხეთის უსაყვარლესი მოქალაქე. კეთილი, დიდი იუმორის მქონე და საოცრად მუსიკალური. ის ნამდვილად დააკლდება ყველას" - ამბობს ანი ხუბუტია.
ვაჟა ნიკოლაშვილი 1949 წლის 9 ოქტომბერს, გარდაბანში, სოფელ ნორიოში დაიბადა. დაამთავრა თბილისის 107-ე, რვაწლიანი სკოლა. სკოლის დამთავრების შემდეგ, სწავლა ხალხური შემოქმედების კულტურულ-საგანმანათლებლო სასწავლებელში, თეატრალურ ფაკულტეტზე გააგრძელა.
ხუთი წლის იყო როდესაც სცენაზე პირველად დადგა ფეხი და სიღერა შეასრულა. 17 წლიდან კი ცხოვრება მსახიობის პროფესიას დაუკავშირა.
მესხეთის თეატრში მოღვაწეობის 55 წლის განმავლობაში ასობით მთავარი როლი და უამრავი დასამახსოვრებელი პერსონაჟი შექმნა.
საქართველოს დამსახურებული არტისტი, ღირსების ორდენის კავალერი და მესხეთის სახელმწიფო დრამატული თეატრის წამყვანი მსახიობი, კახეთიდან მესხეთში ჩამოვიდა და სიცოცხლის ბოლომდე ერთგულად ემსახურა.
მსახიობს თბილისში, 26 თებერვალს დაკრძალავენ.
გთავაზობთ ვაჟა ნიკოლაშვილის სიმღერას ახალციხეზე, რომლითაც მესხეთში კიდევ უფრო შეიყვარეს.
"მეცხრე არხი" მწუხარებას გამოთქვამს და უსამძიმრებს გარდაცვლილის ოჯახს.

[@zuraivanidze4716]

ჯიგარი ხარ ვაჟა.

[@user-qf1dh6nj9s]

ღმერთმა ნათელში ამყოფოს შენი ლამაზი სული ჩემო ქორწილის მომღერალო როგორ მეწყინა შენი წასვლა ამ ქვეყნიდან 😭😭😭😭

[@user-hr2cn9yq2g]

😰

[@badrikavelidze4051]

0 პ

[@badrikavelidze4051]

0

[@badrikavelidze4051]

0