Shihemi ne gjyq - Cudia e borxhit mes shokeve (25 Korrik 2021)

#EDielaShqiptare nga #ArditGjebrea prej vitit 2008 në #TvKlan, programi më popullor në të gjitha familjet shqiptare çdo të dielë. Një program i cili përfshin një fashë orari maratonë, prej 6 orësh transmetim.
Rubrika “Shihemi në Gjyq” në “E Diela Shqiptare” nga Tv Klan kishte në qendër konfliktin e dy ish-miqve, Janit dhe Gëzimit. Ai që e ka kërkuar seancën e ndërmjetësimit është Gëzimi. Ai e nis tregimin e tij për rastin duke e cilësuar si një brengë në lidhje me Janin.
10 vite më parë, Jani ndodhej në një gjendje të rëndë shëndetësore e cila i rezultoi edhe në koma, i ka kërkuar para hua Gëzimit për të kryer një operacion. Gëzimi asokohe ishte vartës i Janit dhe shprehet se nuk ka asnjë ankesë ndaj Janit si punëdhënës lidhur me atë kohë. Megjithatë, huaja e pakthyer ka çuar në acarimin e marrëdhënieve të tyre. Vlera e parave që i nevojiteshin Janit për operacionin e këmbës ishin 25 mijë euro të cilat Gëzimi ia kërkon mbrapsht, ndërsa Jani mohon marrjen e tyre.
Gëzimi: Ndenji shumë kohë në koma. Ndenji 123 ditë në koma.
Eni Çobani: E keni diskutuar përpara kësaj seance me njëri-tjetrin këtë bosht? E ke takuar ndonjëherë zotin Jani?
Gëzimi: Ka shumë vite që s’e kam takuar.
Jani: Për mua këto janë gjëra të kota. Se këtë faqe nuk e ka nxirë njeri. Unë kam pasur punë në Greqi.
Gëzimi: Edhe kur u takuam para 3 muajsh…
Jani: Ku më gjete ti mua? Ku jemi takuar? A të thashë “hajde me mua”?
Gëzimi: “Unë e dija që m’i dhe dhuratë këto lekët”.
Eni Çobani: Pra, të ka thënë “dhuratë”? 25 mijë euro dhuratë?
Jani: Nuk bën vaki në botë. Vetëm gënjen e mashtron. Unë t’i kem marrë atij lekë? Nuk ka shanse, nuk bën vaki.
Gëzimi: Unë nuk shkova te noterja se ky më tha “do të ta shpërblej”.
Jani: Ik ore, s’të vjen turp. Haram të qofshin paratë e mia.
I vetmi njeri që është në dijeni të këtyre parave, sipas Gëzimit, është një zonjë që kujdesej për Janin, e quajtur Eleni. Dokumentet e saj të identifikimit i ka Jani, pasi thotë se ajo ka qenë me të në momentin e aksidentit, por zonja në fjalë nuk dihet ku ndodhet.
Rastit nuk iu gjend një zgjidhje pasi palët nuk arritën të binin në dakordësi me njëra-tjetrën për të gjetur një rrugë të përbashkët./tvklan.al
SUBSCRIBE to “RTV KLAN” on KZbin for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tvklan mund t’i ndiqni edhe në faqen tvklan.al/programe/