Рет қаралды 1,741
Shirin Rana
Barkanmu da wannan lokaci. Shirinmu na karfe biyu agogon Najeriya da Nijar na tafe da wadannan batutuwa:
Akwai karin bayani kann wani harin makami mai linzami da Rasha ta kai kann wani asibitin kananan yara a Ukraine, wanda ya haddasa asarar rayuka da jikkatar wasu da dama.
A Najeriya gwamnatin kasar ta amince da shigo da kayan abincin daga kasashen waje dangin masara da shinkafa da wake ba tare da biyan haraji ba, tsawon kwanaki 150.
A Jamhuriyar Nijar matakin da kungiyar raya tattalin arzikin kasashen yammacin Afirka ECOWAS ko CEDEAO ta dauka na yiwuwar kaddamar da tsarin amfani da takardar izinin shiga kasashe wato Visa, tsakaninta da kasashen AES na ci gaba da janyo muhawara tsakanin ‘yan kasar.
A Talatar nan ce za a fara wasan kusa da na karshe a gasar cin kofin kasashen Turai da ake gudanarwa a Jamus, inda Spain za ta fafata da Faransa a wasa mai zafi matuka.