أسهل طريقة تخلي أولادكم يكرهوا الدين!! 🤔 إيه الحل؟

[@emanabuhajar6025]

لا إكراه في الدين يعني في اعتناق الدين الإسلامي لكن طالما دخلت هذا الدين يجب عليك الإلتزام بتعاليمه

[@HebattallahHosny]

أشكر حضرتك على توضيح معنى الآية بالنسبة لك. تفتكر إللي اتولد مسلم، يبقى أهله يجبروه على الالتزام بالدين؟ ولا يقنعوه بالحسني؟ أنا وضحت بالأمثلة عواقب الضغط والإجبار. احنا هنحاسب يوم القيامة لإن ربنا إدانا حرية الاختيار.. الآباء دورهم الإرشاد وليس السيطرة. في آية كريمة ذكرت صنف من المؤمنين "خلطوا عملا صالحا وآخر سيئا عسى الله أن يتوب عليهم." الكمال لله وحده عشان كده كان الأمر الرباني المغلف بالرحمة وإدراك طبيعة البشرفي قوله تعالى: "فاتقوا الله ما استطعتم". وبالتالي اسمح لي أتحفظ على فهمك للآية إللي بيقول يجب الالتزام بكل التعاليم لإنه يناقض آيات كريمة أخرى فيها سعة ورحمة من الله بعباده "ألا يعلم من خلق وهو اللطيف الخبير" - صدق الله العظيم أشكرك على اهتمامك بالتعليق.

[@DjamilaBoucherit]

بعني رمضان عبد الرزاق اجبرابنته على الحجاب فتمردت بعطيك العافية.

[@HebattallahHosny]

أنا قلت إن في واحدة جت لي في جلسة كوتشنج واشتكت إن لما أهلها أحبروها تتحجب خلعت الحجاب من وراهم. أنا ذكرت الجزئية دي قبل ما أجيب سيرة الشيخ رمضان. الهدف من الفيديو إني أتكلم بصفة عامة إن إكراه الأبناء ممكن يخليهم يكرهوا الدين والشيخ رمضان كان مجرد مثال من ضمن أمثلة أخرى عرضتها. أشكرك على اهتمامك بالتعليق.

[@روما-محمد]

والله لما هو مش مسول بيمرنا ليه ويقول الراجل اللي بنته ومراته مش محجبه ما يبقاش راجل مش ده كلامه اتامرون الناس بالبر وتنسون انفسكم لا حول ولا قوه الا بالله

[@HebattallahHosny]

أنا مشفتوش قال الكلام ده تحديدا. حضرتك شفته قال الكلام ده بالصيغة دي؟ إذا عمل كده، يبقى كلامه بيناقض فعله. عموما أنا بتكلم بصفة عامة إن إكراه الأبناء ممكن يخليهم يكرهوا الدين والشيخ رمضان كان مجرد مثال. أشكرك على اهتمامك بالتعليق.

[@fatmadera857]

الله المستعان على هكذا عقلية

[@HebattallahHosny]

أنا شاكرة جدا لاهتمام حضرتك بالتعليق. أنا قلت رأي وبينت أسبابه بأمثلة من القرآن ومن الحياة ومن الجلسات. إذا عند حضرتك رأي مختلف، يسعدني إني أعرفه.

[@selimbasha2163]

من فضلك اعرفى تفسير الآية الأول قبل ما تقعى فى حرام ..لأن تفسيرك لها غلط

[@HebattallahHosny]

أشكر حضرتك على اهتمامك بالتعليق. وأحب أعرف من حضرتك التفسير الصحيح للآية الكريمة من وجهة نظرك.

[@selimbasha2163]

@@HebattallahHosny التفسير مفهوش وجهات نظر. دة علم له علماء اختصاصهم التفسير ..حضرتك تقدرى تفتحى أى كتاب تفسير وإن شاء الله تلاقى اللى محتاجاه .

[@HebattallahHosny]

@@selimbasha2163 القرآن حمّال أوجه. عشان كده ممكن نلاقي علماء أجلاء بيفسروا نفس الآية الكريمة بطرق مختلفة ومن أشهر الأمثلة الآية الكريمة إللي اتكلمت عن الوضؤ واختلف فيها الفقهاء الأربعة اختلاف محمود. ده السبب إللي خلاني أسأل حضرتك عن التفسير إللي حضرتك قرأته ومقتنع به للآية الكريمة محل النقاش وإذا حضرتك عملت تفسير مقارن، أكيد هتلاقي اختلافات محمودة في الآراء بين العلماء. الحمد لله في موقع ممتاز فيه كل التفاسير المحققة أنا دايما برجع له وبعمل تفسير مقارن لنفس الآيات الكريمة وشفت اختلافات محمودة في أراء العلماء في التفسير. . رابط موقع التفسير: www.altafsir.com/ أنا لما ذكرت الآية الكريمة في سياق الفيديو، كنت أقصد إن إذا كان مفيش إكراه على دخول الدين نفسه ودي أهم حاجة فمن باب أولى ميكونش في إكراه على تعاليم الدين. الآباء وظيفتهم الإرشاد لإن الإجبار ممكن تكون له نتايج كارثية. دي الرسالة الأساسية إللي قصدتها من الفيديو. أشكرك على اهتمامك بالتعليق.

[@selimbasha2163]

@@HebattallahHosny بس مش دة الكلام اللى حضرتك قولتيه فى الفيديو..حضرتك هنا ذكرتى التفسير الصحيح أنه مفيش إكراه للناس لدخول الدين ..اللى حضرتك قولتيه فى الفيديو استنباطك انتى وهو استنباط خاطئ جملة وموضوعا..لأن مادام أنت مسلم يبقى تتبع تعاليم الدين وإلا ميبقاش فيه دين أصلا لما كل واحد على هواه !! ياريت توضحى دة فى الفيديو علشان ميحصلش لبس عند الناس ...وتنبهى أن الطريقة هى اللى تختلف فى تعاملنا مع الأولاد بالرفق واللين ..وإن لو بدأنا نعلم ولادنا من الصغر حيتعودوا عليه ويكون بالنسبالهم شئ طبيعى ..

[@HebattallahHosny]

@@selimbasha2163 اشكر حضرنك جدا على حوارك الراقي وعلى اهتمامك بالرد والتعليق. بعد اذنك انا مش فاهمة قصد حضرتك.من فضلك وضح ايه اللي انا قلته في الفيديو مختلف عن التعليق؟