SHREE CHATURBYUHA NARAYANHITEE BUDDHA PUJA ll 8 CHAITRA 2081

SHREE CHATURBYUHA NARAYANHITEE BUDDHA PUJA ll 8 CHAITRA 2081
VIDEO EDITED & NARATION BY : LALENDRA SHAKYA
#budhha puja#_#narayanhiti#_#dharmakriti#_#nepal bhasa#
श्री चतुर्व्यूह नारायणहितिइ बुद्धपूजा
येँया नारायणहिति राजदरबार नापंस च्वंगु नारायण द्यःथाय् बुद्धपूजा जुइगु जूगु दु ।
थेरवादी गुरुमांपिन्सं बुद्धपूजा तिथि कथं व विहारय् न्हियान्हिथं धयाथें यानावयाच्वंगु दु । तर, येँया नारायणहिति राजदरबार नापं च्वंगु नारायण द्यःथाय् धाःसा बिस्कं हे कथंया बुद्धपूजा ज्याझ्वः जुइत्यंगु दु ।
नारायण द्यःया पलिस्था जुयाच्वंगु व वहे नामं नारायणहिति दरबार नामांकन जुयाच्वंगु खः ।
थुम्ह नारायण द्यःयात श्री चतुर्व्यूह नारायणहिति कथं नां बियातःगु दु ।
नारायणहितिया थुगु नारायण द्यःथाय् हनुमान द्यःनिसें कयाः ससुद्यःतक व थीथी द्यःत पलिस्था यानातःगु दु । तर अन नेपालय् बूम्ह महामानव भगवान बुद्धया द्यः धाःसा छुं दिं न्ह्यः जक पलिस्था जूगु खः ।
वंगु फागुन २५ गते येँ महानगरपालिका १ वडाया प्रमिला मानन्धरं थः जहान शिवदास मानन्धर मदुगु लुमन्तिइ तःधिकःम्ह बुद्धमूर्ति पलिस्था यानादीगु दु । उगु बुद्धमूर्तिया शिलान्यास तत्कालीन रक्षामन्त्री भिमसेन दास प्रधानं यानादीगु खःसा दशकर्मादी प्रतिस्था चक्रेश्वर प्रा.डा. नरेशमान बज्राचार्यं यानादीगु खः । बुद्धमूर्ति अनावरण पुलांम्ह उपप्रधानमन्त्री कृष्ण सिटौला यानादीगु खः ।
श्री चतुर्व्यूह नारायणहिति नारायणस्थान द्यः नेवाःतय्गु नितिं नं अतिकं ऐतिहासिक महत्व दूगु थाय् खः ।
नेपाल मण्डल कान्तिपुरया चन्द्र लखुतीर्थ व दिपंखा यात्राया लागा नं खः । थुम्ह द्यःया लागा अतिकं धार्मिक सहिष्णुता दूगु थाय् कथं नं कायेछिं ।
आः थथे बुद्धया मूर्ति तयेवं नारायण द्यःया थुगु थाय् नेपाःया थीथी धर्मय् आस्था दुपिनिगु मंकाः थाय् खनेदूगु दु ।
धर्मकीर्ति विहारं थ्वहे खँयात वाःचायेकाः नारायण द्यःथाय् न्हूम्ह पलिस्था याःगु बुद्धमूर्तिया क्वय् बैशाख ८ गते शनिवाः सुथसिया ७ ता इलय् बुद्धपूजाया ज्याझ्वः ग्वसाः ग्वयातःगु दु ।
थुगु बुद्धपूजा नांजाःम्ह गुरुमां धम्मावती गुरुमांया मू उपस्थितिइ जुइत्यंगु दु । नारायणहिति दरबारया नापसं जवय् लाःगु चतुर्व्यूह नारायणहिति नारायण द्यःथाय् थुगु दिं बुद्धधर्मय् आस्था दुपिं सकलसित बुद्धपूजाय् झायेत , बिज्यायेत धर्मकीर्ति विहारं इनाप याःगु दु ।