Рет қаралды 24,997
पेशवाईच्या काळात काका मला वाचवा म्हणणारा, नारायणराव पेशवा आपल्याला माहित आहे. मात्र अलिकडच्या काळात काका मला वाचवा, ऐवजी काकाला दाखवतोच... चा ट्रेंड वाढलाय. महाराष्ट्राला काका-पुतण्याची लढाई नवी नाही. बीडच्या मुंडे घराण्यापासून ते थेट बारामतीच्या पवार कुटुंबापर्यंत अनेकदा महाराष्ट्राने ती पाहिलीय. सत्तेच्या सारीपाटात स्वतंत्र अस्तित्व निर्माण करण्यासाठी काका-पुतण्याचा संघर्ष महाराष्ट्रात अनेकदा घडलाय. अशीच काका- पुतण्याची लढाई दहा महिन्यांपूर्वी श्रीगोंद्यात घडली. आ. बबनराव पाचपुते यांची साथ सोडून त्यांचा पुतण्या साजन पाचपुते यांनी वेगळी चूल पेटवली. भाजपची साथ सोडून ठाकरेंच्या शिवसेनेत प्रवेश केलेल्या साजन पाचपुते यांना सध्या आमदारकीची स्वप्ने पडू लागली आहेत. त्याचे कारणही तसेच आहे. कारखानदारांचा तालुका म्हणून श्रीगोंद्याकडे पाहिले जाते. मात्र गेल्या काही वर्षांत तरुण मतदार वाढल्याने व सत्ताधाऱ्यांसह सगळ्याच राजकारण्यांना कंटाळलेल्या जनतेने यंदा वेगळा निर्णय घेतल्याचे बोलले जात आहे. त्यात अनुषंगाने आज साजन यांच्या जनसंपर्क कार्यालयाचे उद्धाटनही होत आहे. थेट संजय राऊतही या कार्यक्रमाला येण्याचे नियोजन करण्यात आले आहे. काकांशी वाद, ग्रामपंचायतीत सत्तांतर, कामाचा डोंगर... असं सगळ्या प्रकरणात चर्चेत असणारे साजन पातपुते नेमके कोण, आणि त्यांची हवा नक्की का होतोय, हेच आपण या व्हिडीओतून पाहूयात...