შშმ და სსმ პირებთან ქცევის და კომუნიკაციის ეტიკეტი

როგორ იქმნება ინკლუზიური სოციალური გარემო?
შეზღუდული შესაძლებლობისა და საგანმანათლებლო საჭიროებებისადმი მაღალი ცნობიერება გულისხმობს იმას, რომ ადამიანი არის ინდივიდის შეზღუდული შესაძლებლობისადმი ყურადღებიანი, ითვალისწინებს ფიზიკურ თუ სოციალურ გარემოში არსებულ ხელისშემშლელ და ხელის შემწყობ ფაქტორებს იმ მიზნით, რომ იურთიერთოს, ითანამშრომლოს მასთან ეფექტიანად, სტერეოტიპენისგან და დისკრიმინაციისგან თავისუფალი დამოკიდებულებებითა და ქცევებით.
ყველაზე დიდი ბარიერი შეზღუდული შესაძლებლობის, თუ საგანმანათლებლო საჭიროების მქონე ადამიანებისთვის და მათი ოჯახის წევრებისთვის საზოგადოების მხრიდან უარყოფითი დამოკიდებულება, ცრურწმენები და სტერეოტიპებია, ანუ იმ სოციალურ კონტექსტებში, რაშიც ისინი ყოველდღიურად ცხოვრობენ.
ეს დამოკიდებულებები კი მათ და მათი ოჯახის წევრების, - მშობლების, დედმამიშვილების მიმართ უარყოფით ქცევებში გამოიხატება ( შეცოდება, გაუცხოება, აგრესია, გადაჭარბებული/ზედმეტი ზრუნვა და მსგავსი)
ვებინარზე მშობლებისთვის (და არა მხოლოდ) ვისაუბრებთ:
1. რა არის ეს მაღალი ცნობიერება და რა არის მისი მთავარი მაჩვენებელი?
2. რა რეკომენდაციების და რჩევების გათვალისწინება შეიძლება, რომ ჩვენი დამოკიდებულებები მეტად ინკლუზიური, მგრძნობიარე და მხარდამჭერი გახდეს?
3. რა გავლენას ახდენს ჩვენი დამოკიდებულებები ჩვენს შვილებზე, ჩვენს ირგვლივ მყოფ ბავშვებზე?
4. როგორია სპეციფიკური კომუნიკაციისა და ურთიერთობის ეტიკეტი სხვადასხვა საჭიროების მქონე პირებთან?
5. როგორ შევცვალოთ დამოკიდებულება და ქცევა, რომ განვავითაროთ მაღალი ცნობიერება ზოგადად შშმ და სსსმ ინდივიდებისადმი და როგორ გავხდეთ მათი და მათი ოჯახის წევრების მხარდამჭერები, მგრძნობიარეები?
6. რა ფორმებით შეიძლება ჩვენს ირგვლივ მყოფ ბავშვებთან ერთად შევქმნათ ინკლუზიური სოციალური გარემო? რა შეიძლება ვისწავლით ბავშვებისგან? რა შეიძლება ისწავლონ ბავშვებმა ჩვენგან შშმ თუ სსსმ თანატოლის და მათი ოჯახის წევრის ღირსეულად მისაღებად?
7. რას ცვლის (ანდაც, რას ქმნის), როდესაც მშობლებს აქვთ კონკრეტული საბაზისო ინფორმაცია ამა თუ იმ მდგომარეობის შესახებ, დახმარების სტრატეგიების, ურთიერთობისა და კომუნიკაციის ეტიკეტის შესახებ; რა გავლენას ახდენს ეს ინფორმაცია მათი და მათი შვილების ღირებულებებზე და ამ ღირებულებებზე დაფუძნებულ ურთიერთობებზე შშმ და სსსმ ბავშვებთან და მათ მშობლებთან?