Рет қаралды 4,573
ថ្នាក់ដឹកនាំខេត្តនិងប្រជាពលរដ្ឋក្នុងខេត្តសៀមរាបទទួលអំណរសាទរ បុណ្យចូលឆ្នាំថ្មីប្រពៃណីជាតិខែ្មរ ឆ្នាំខាល ចត្វាស័ក ព.ស២៥៦៥
នាព្រឹកថ្ងៃទី ១៤ខែមេសា ឆ្នាំ២០២២ ត្រូវនឹងថ្ងៃ ១៣កើត ខែចេត្រ ជាថ្ងៃដ៍នក្ខតឬកនិងជាថ្ងៃទី១នៃថ្ងៃចូលឆ្នាំថ្មីប្រពៃណីជាតិខ្មែរ ស្របនឹងខេត្តសៀមរាបមានរៀបចំព្រឹត្តិការណ៍សៀមរាប-សង្ក្រាន្ត នៅថ្ងៃទី១៤ ដល់ទី១៦ខែ មេសា ឆ្នាំ២០២២ផងដែរ ។ ក្នុងពិធីទទួលទេវតាឆ្នាំថ្មីនេះ យើងសង្កេតឃើញវត្តមានអញ្ជើញចូលរួមរបស់សម្តេចពិជ័យសេនាទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និង ជាប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តសៀមរាប រួមទាំងឯកឧត្តម លោកជំទាវសមាជិកព្រឹទ្ធសភា រដ្ឋសភា និង ប្រធានក្រុមប្រឹក្សាខេត្ត អភិបាលខេត្ត រដ្ឋលេខាធិការ ព្រមទាំងឯកឧត្តម លោកជំទាវជាសមាជិកសមាជិការក្រុមប្រឹក្សាខេត្ត គណៈអភិបាលខេត្ត អាជ្ញាធរជាតិអប្សរា ប្រធានការិយាល័យអគ្គកុងស៊ុលចិនប្រចាំខេត្ត អស់លោក លោកស្រីជាថ្នាក់ដឹកនាំមន្ទីរ អង្គភាព អាជ្ញាធរក្រុង ស្រុក និង មន្ត្រីរាជការ រួមទាំងបងប្អូនប្រជាពុទ្ធបរិស័ទ អញ្ជើញចូលរួមក្នុងពិធីទៅតាមបែបវប្បធម៌ ប្រពៃណី សាសនានិងជំនឿ ដែលបានបង្កប់នៅ ក្នុងជីវិតរស់នៅរបស់ប្រជាជនកម្ពុជា ។
ក្នុងឱកាសចូលឆ្នាំៗនេះ រដ្ឋបាលខេត្ត សហភាពសហព័ន្ធយុវជនកម្ពុជាខេត្តសៀមរាប និងអាជ្ញាធរជាតិអប្សរា បានរួមសហការរៀបចំឡើងវិញនូវ សៀមរាប-សង្ក្រាន្ត នៅប្រាសាទចៅសាយទេវតា និង នៅក្នុងក្រុងសៀមរាប បន្ទាប់ពីពិធីនេះត្រូវបានអាក់ខានអស់រយៈពេល២ឆ្នាំដោយសារតែវិបត្តិជំងឺកូវីដ-១៩ ។ ក្នុងឱកាសចូលឆ្នាំថ្មីឆ្នាំនេះ រួមជាមួយនឹងព្រឹត្តិការណ៍សៀមរាប-សង្ក្រាន្ត ផងនោះ គេសង្កេតឃើញមានក្រុមកម្លោះ ក្រមុំ ចាស់ក្មេងប្រុសស្រីសប្បាយរីករាយ ទឹកមុខស្រស់ស្រាយ ញញឹមផ្តោះផ្តងសួរសុខទុក្ខគ្នាបង្ហាញពីក្តីនឹករលឹកបន្ទាប់ពីរងផលប៉ះពាល់ដោយសារតែវិបត្តិជំងឺកូវីដ-១៩អស់រយៈពេលជាង២ឆ្នាំ ពួកគាត់នាំគ្នាលេងល្បែងប្រជាប្រីយ៍ បោះអង្គុញ ចោលឈូង ទាញព្រ័ត្រ វាយឆ្នាំងដី លោកបាវ និងរាំសប្បាយផងដែរ។
បងប្អូនប្រជាពលរដ្ឋបានសម្តែងនូវការអរគុណនិងដឹងគុណយ៉ាងជ្រាលជ្រៅ នូវគោលនយោបាយឈ្នះឈ្នះ របស់សម្តេចតេជោ ហ៊ុន សែន នាយករដ្ឋមន្ត្រីដែលបាននាំមកនូវសន្តិភាព ពេញលេញនិងការរីកចម្រើនលូតលាស់ឈានឡើងជាលំដាប់របស់ប្រទេសជាតិយើង ជាពិសេសសមិទ្ឋផលថ្មីគឺហេដ្ឋារចនាសម្ព័ន្ឋផ្លូវ៣៨ខ្សែ នៅខេត្តនេះបានសាងសង់រួចរាល់និងត្រូវបានសម្តេចតេជោ ហ៊ុន សែន នាយករដ្ឋមន្ត្រី បានប្រសិទ្ឋនាមខេត្តសៀមរាបថាជាតារារះទិសឧត្តរទៀតផង ។ អ្នកទេសចរណ៍ក្នុងស្រុកនិយាយថា អរគុណសម្តេចតេជោ ដែលបានផ្តល់ជូនវ៉ាក់សាំងចាក់ដោយឥតគិតថ្លៃជូនដល់ប្រជាពលរដ្ឋកម្ពុជា ចាប់ពី ដូសមូលដ្ឋានរហូតដល់ដូសជម្រុញ ផ្តល់នូវយ័នការពារយ៉ាងសាកសិទ្ឋិគឺ វិធានការ៣កុំ និង៣ការពារ ទើបពួកខ្ញុំមានឱកាសបានជួបជុំនិងដើរកម្សាន្តនាពេលនេះ ។ ដោយសារតែកត្តាសន្តិភាព និងការខិតខំនាំយកវ៉ាក់សាំងមកចាក់ជូនប្រជាពលរដ្ឋនេះហើយ ទើបប្រជាពលរដ្ឋនៅគ្រប់មជ្ឈដ្ឋាននៃព្រះរាជាណាចក្រកម្ពុជា ក៏ដូចជាភ្ញៀវបរទេស មានឱកាសបានអញ្ជើញមកចូលរួមក្នុងព្រឹត្តិការសៀមរាបសង្រ្កាន្ត លើទឹកដីខេត្តសៀមរាប៕
#SIEMREAP
#KBTRAVELS