Рет қаралды 15,910
💡აზიაში სილამაზის სტანდარტები რომ ჩვენგან განსხვავებულია, ალბათ გექნებათ გაგონილი. ამ ვიდეოში ქართველი მამაკაცების ფოტოებს ვაჩვენებ გამვლელებს და ვთხოვ 10 ქულიანი სისტემით შეფასებას. ვიდეოს ბოლო ნაწილში კი ვთხოვ, რომ დაახასიათონ, მათი აზრით, როგორ უნდა გამოიყურებოდეს სიმპატიური მამაკაცი.
💡სულ 5 ქართველის ფოტოები გამოვიყენე და, სიმართლე გითხრათ, ყველა სიმპატიურობის მიხედვით არ შემირჩევია. უფრო მეტად მინდოდა, მსოფლიოში ცნობილი ქართველები გაეცნოთ. ვიდეოში შემდეგ ქართველებს აფასებენ:
📌ნიკოლოზ ბასილაშვილი - უდავოდ მიმზიდველი და წარმატებული სპორტსმენი, თანაც პეკინში ჩოგბურთის ტურნირიც აქვს მოგებული.
📌ლაშა ტალახაძე - ლაშა შეიძლება საქართველოში ტოპ სიმპატიურ მამაკაცად არ ითვლება, მაგრამ მსოფლიო დონის სპორტსმენია, ჩინეთში გარკვეული ნაწილი იცნობს და მინდოდა კიდევ უფრო მეტისთვის მეჩვენებინა.
📌კახა კალაძე - ქართულ ინტერნეტსივრცეში რეიტინგებში აღიარებულია ერთ-ერთ სიმპატიურ ქართველ მამაკაცად. აქ ფეხბურთის მოყვარულებმაც იციან მისი სახელი. გარდა ამისა, იმის ხსენებით, რომ ამჟამად თბილისის მერია, მინდოდა ჩვენი ქვეყნის დედაქალაქის სახელი დაემახსოვრებინათ.
📌დემნა გვასალია - "ბალენსიაგა" ძალიან ცნობილია, ბევრსაც აქცვია. მაგრამ დემნას ბევრი ვერ ცნობს და მითუმეტეს არც ის იციან, რომ ქართველია. ამიტომ ვიფიქრე, რომ მისი ჩართვა კარგი იდეა იქნებოდა.
📌"ამხანაგი" სტალინი - სტალინის ჩართვა ჩემს გვერდზე არსებული კომენტარების გამო გადავწყვიტე. ყოველთვის, როცა ხაზს ვუსვამ, რომ ჩინეთში საქართველო არაა ცნობადი ქვეყანა, ბევრი გაკვირვებას გამოთქვამს: როგორ შეიძლება ჩინელები არ იცნობდნენ სტალინის სამშობლოს. წინა ვიდეოზეც მეკითხებოდნენ, რატომ არ ვახსენებ სტალინს. სიმართლე გითხრათ, ვერიდები ხოლმე ხსენებას, რადგან მგონია, რომ ბევრად უკეთესი მხრიდან შეგვიძლია ჩვენი თავის წარმოჩენა და არ მინდა საქართველო მუდმივად სტალინთან იყოს ასოცირებული. და რეალურად, შუა ასაკის და ხანდაზმული საზოგადოება უფრო ცნობს სტალინს, ახალგაზრდები იმდენად არა. ვინც ცნობს, ვერ ვიტყვი, რომ ყველა დადებითადაა განწყობილი. გარდა ამისა, რომც ცნობდნენ, ბევრმა მაინც არ იცის, რომ საქართველოდან იყო. ამ ვიდეოში ეს ძალიან კარგად ჩანს.
💡გამიზიარეთ თქვენი მოსაზრებაც. კიდევ რომელი პიროვნების წარმოჩენა იქნებოდა კარგი? თუ გაქვთ საქართველოს ჩინეთში პოპულარიზაციის ხელშესაწყობად იდეები, დიდი სიამოვნებით მოგისმენთ ❤