SIMULASI ULAON TARDIDI, dohot pasahathon Ulos Parompa.

[@jonggijonggi4323]

Mauliate di acara latihan simulasi napinatupa ni pomparan ni Ompunta nasangap i Silahisabungan

[@mangadongbatubara4127]

Mauleate akka Amang, ngaboi belajar makdok Hata, sae di pagok halak Amang ma akka na Songon on asa boi Hami akka naposo on boi belajar makdok Hata di tarop, Sae ditambai Tuhan i pasu-pasu tu halak Amang dison, asa Unang didok akka hula" i akka Songon Hami naposo on DALLE,Mauleate godang

[@SahalaSinurat]

Mauliate di simulasi acara tardidi. Tambah parbinotoan...❤

[@marselinusbennito2478]

Paten jadi pelajaran buat kami anak muda

[@majusimanjuntak3894]

Mauliate ma di hamuna Amang

[@toguhs5236]

sangat mengedukasi,dan apresiasi dari kami..masukan sedikit, agak terganggu karena narasi dari narasumber agak sangkot-sangkot..🙏

[@richardsilalahi4440]

Mantab dan luar biasa

[@rinsonsihaloho4664]

Parhata Ni Suhut : “Mauliate ma Rajanami. Dipatupa boru nami pe hombar naung tahatai nangkin.” “Boru nami! Asa patupa hamu ma dipudi hombar naung dihatai nangkin. Molo hurang antus asa marpanungkun hamu. Mauliate ma.” Boru ni Suhut : “Nauli Rajanami….dihobasi hami pe!” Naung niulahon antar songonon ma (parjambaron) : Osang, Namarngingi parsiamun, somba-somba = tu horong ni hula-hula dohot Tulang Soit : Dongan parsahutaon dohot pariban namarngingi Parhambirang : boru/bere Ihur-ihur : Hasuhuton Panghataion : Naung niulahon saleleng on gabe langsung do hula-hula na gabe manungkun/manise, jala hasuhuton pe nunga hira masiaturan hian ise na gabe mangalusi Parhata Ni Hula-Hula : “Dihamu amang boru nami, manghatai ma hita”: Parhata Ni Suhut : “Nauli rajanami” Parhata Ni Hula-Hula : “Asa serser inna mula ni tortor, sise inna mula ni hata. Gongkon sipaimaon, jou-jou siadopan. Digokkon dohot jou-jou muna tu hami hula-hula muna, nunga marnatampak hami. Bangkona doi amang boru molo sobinoto ba siseon ma antong. Jadi namanise ma hami nuaeng : Asa jolo ninangnang inna, asa ninungnung. Jolo nipangan inna, asa singungkun Nunga bosur hami mangan indahan na las, sagat marlompan juhut dohot minum aek sitio-tio. dohonon ma " Dia ma unokna, dia ma lak-lakna, dia ma nidokna, dia ma hatana" Tangkas ma dipaboa hamu!“ Parhata Ni Suhut : “Ima tutu rajanami, taringot sipanganon nosadia i dohonon nami dope : "Godang sibutong-butong, otik sipir ni tondi Tung songonon dope naboi tarpatupa hami, sai pamurnas mai tu daging saudara tu bohi, sipasindak panaili mai, sipaneang holi-holi jala sipadomu tahi. Disungkun-sungkun ni Raja i, alusan nami ma panggabean parhorasan do raja nami.” Parhata Ni Hula-Hula : “Mauliate ma di Amanta Debata pardenggan basa i, sigabe-gabe do hape angkup na horas, asi ma roha ni Amanta Debata , tumpak ma roha ni uhum dipasaurhon ma tu hita sigabe-gabe sihoras-horas. Asa dohonon nami ma : "Bagot namarhalto, niagatan di robean, horas ma hami namanganhon, tugandana ma dihamu namangalean. Antong amang boru Asa tangkas ma uju purba, tangkasan uju Dangsina. Asa tangkas hita maduma, tangkasan hita mamora Tangkas ma paboa hamu asa adong sibegeon ni sipareon jala sipeopon ni roha!” Parhata Ni Suhut : “Ima tutu rajanami, taringot disungkun-sungkun ni raja i tangkas ma antong paboaon siangkup ni nauli nadenggan i. Raja nami, ia anak nami ima pahompu/bere muna nasogot nunga manjalo pandidion nabadia sian bagas joro ni Tuhanta marhite naposoNa. Jala Margoar ma ibana "SAHAT MARULU TUA T" Mansai las situtu antong roha nami ala gabe partohap ibana di harajaon ni Tuhanta Jesus Kristus. Disiala las ni rohanami, hupatupa hami ma antong songon pesta ni si SMT, jala on ma dalan nami mangido pasu-pasu sian amanta Debata marhite tangiang dohot hata pasu-pasu sian hamu sude namanghaholongi hami tarlumobi anak nami on. jadi namangido tangiang ma hami tu sude hamu dongan tubu, dongan sahuta, boru tarlumobi ma sian Hula-hula dohot Tulang nami.” Parhata Ni Hula-Hula : “Ba ido hape!, antong mauliate ma ni pasahat tu Amanta Martua Debata. Hami pe sian hula-hula dohot Tulang muna dohot ma antong marlas ni roha ai nunga gabe partohap hape pahompu nami diharajaon ni Debata. Nuaeng pe nipasahat ma muse tu hamu amang boru asa hamu namangaturhon panghataion.” Parhata Ni Suhut : “Dihita na mardongan tubu/namarhaha maranggi, dongan sahuta, boru/bere nami tarlumobi di hula-hula dohot Tulang nami, hira songonon ma partording ni panghataion di ulaonta sadarion : Parjolo nipasahat ma tu hula-hula nami S, suang songoni Tulang nami N, Tulang rorobot Si asa hamu ma masiaturan raja nami. anggo hami namardongan tubu dohot boru/bere, jala dongan sahuta nami mangampu ma hami raja nami. Beha di dok rohamu raja nami?” Dung sidung Tulang rorobot Si, Tulang N pasahathon hata sigabe-gabe suang songoni hula-hula S (somalna antar gumanjang do panghataion sian hula-hula), sahat ma hula-hula S paulakhon hata tu Parhata Ni Hula-hula. Hula-hula S : “Songoni ma hata sian hami Hula-hula dohot Tulang, panghataion on pinasahatma tu Parhata nami!” Parhata Ni Hula-Hula : “Mauliate dihita hula-hula dohot Tulang…” “Songoni ma Amangboru ala nunga dipasahat hami hata gabe, hata pasu, partingkian on hupasahat hami ma tu hamu. Botima” Pasahat Piso-piso dohot Pasituak Natonggi Parhata Ni Suhut : “Mauliate ma rajanami didenggan ni pambahenanmuna tu hami, tarlumobi di anak nami ima pahompu muna. Asa aek marjullak-jullak, marjullak jullak sian batu tinahu tu tabu-tabu Pasu gabe, pasu horas naung nipasahat Tulang dohot hula-hula ampu on nami mai martonga jabu”. Andorang so diampu hami Rajanami, naeng ro ma hami mandapothon Rajai pasahat piso-piso dohot pasituak natonggi. Boha Rajanami nunga boi hami ro?” Parhata Ni Hula-Hula : “Nauli Amangboru, nunga mangarade hami.” Parhata Ni Suhut : “Songoni ma nang dihita ala tingkina ma hita mangampu hata nauli hata nadenggan naung nipasahat ni hula-hula dohot tulangta, alai andorang mangampu hita tu hamu anggi niba suhut asa pasahat hamu piso-piso dohot pasituak natonggi ni hula-hula dohot tulangta, gomos jalang hula-hula dohot tulangta i” Piso-piso pasahaton tu Hula-hula tangkas Pasituak natonggi (hira sude do horong ni hula-hula dohot Tulang leanon i, jala gumodang ma tu nasumolhot, ai ido hira ganti ni dengke dohot ulos nabinoan nasida) Mangampu Songon hatorangan na diginjang antar songonon ma muse parjojor ni namangampu parjolo ma boru/bere (masiaturan ma nasida), dungi dongan sahuta, punguan marga manang parsaompuan jala panimpulina ima Suhut bolon Sian paidua ni suhut : “Mauliate ma tu amanta martua Debata nasai tong mangalean ari natiur dihita saluhutna boi denggan ulaonta on mardalan sian namamuhai sahat tu tingkion. Sude mai holan sian asi dohot holong ni rohaNa, turlumob ma di anggi niba ama SMT dohot inang br.S. Dihamu saluhutna haha - anggi nami, dongan sahuta tarlumobi hula-hula dohot Tulang nami, mauliate ma nipasahat tu hamu siala haradeon ni rohamu mangoloi gokhon jala dohot angka pambahenan nauli nadenggan. Dang tarbalos hami sude, alai sai na dapot muna doi sian amanta Debata. asa songon hata ni situa-tua dohonon nami : Tampulan sibaganding, di dolok pangiringan horas ma hita namarhaha maranggi, ala tongtong masipairing-iringan Tu hamu hula-hula dohot Tulang nami, mauliate disude nauli nadenggan naung nipasahat muna tu hami tarlumobi tu anak nami si SMT ima pahompu/bere muna. Dipasahat hamu dengke simudur-mudur, dengke sitio-tio dengke sahat dohot ulos siganjang rambu ima ulos parompa dohot angka ulos holong. Anggiat ma antong asi roha ni Tuhanta sahat ma tuhami tarlumobi tu pahompu/bere muna angka hata pasu-pasu marhite tangiang muna i. Molo tung mardomu sirang pe hita annon sian bagas on, tangiang nami di hamu hula-hula dohot Tulang nami sai didongani Tuhanta ma hamu sahat tu bagas muna ganup marsada-sada. Angka hata nauli hata nadenggan, pasu gabe pasu horas i, abing ma i antong di abingan nami, tuat di abara nami jala hot mai antong di simanjujung nami. Asa songon hata ni situa-tua ma dohonon : Turtu ma inna anduhur, tio-tio inna lote Hata nauli hata nadenggan naung pinasahat muna, sai unang ma muba unang mose. Jadi di anggi niba ama SMT dohot inang br. S sahat ma tu hamu pangampuon.” Inang br. Si (menyampaikan ucapan terima kasih semua yang hadir terlebih kepada hula-hula dan Tulang) Ama SMT (ucapan terima kasih kepada semua undangan terlebih kepada hula-hula dan Tulang) dan diakhiri dengan umpasa : “Naung sampulupitu, jumadi sampulu ualu. pasu gabe, pasu horas naung pinasahatmu, huampu hami ma antong martonga nijabu. turtu ma inna anduhur, tio-tio inna lote. Hata nauli, hata nadenggan na pinasahat muna, sai unang ma muba unang mose. botima!” Ulaon ditutup ma dohot tangiang naniuluhon hula-hula S alai jolo marende ma Hatorangan na jempek taringot pasituak natonggi : Molo godang do hula-hula dohot Tulang na mangulosi, isarana dohot angka namarhaha-maranggi. Songon ulak ni ulos hula-hula tangkas, digoari mai "Piso-piso" (humapal do isi na), tu hula-hula nahumolang digoari mai "pasituak natonggi. Dang sigararon ni boru nian ulos naung nipasahat ni hula-hula ai kewajiban do i, alai atik jolo maradian nasida dipardalanan jala minum di lapo paimahon kendaraan. ………………….Horas….Horas….Horas……………………………

[@KayuLaut-lv2id]

Mauliate di hamu amang Rinson Sihaloho. ❤❤❤

[@anduhurtoba6463]

Bobangon leak ni hula mulai...manjahape dang lancar. Loja iba mambege😆

[@lisaaja6078]

Horas amang, ijin manukun molo hula-hula holan membawa ulos paropa dan dekke do amang? Atau harus membawa tandok dan dongan tubu hula-hula ikon membawa ulos sada-sada?

[@sahalaoloan382]

Mauliate ma

[@rinsonsihaloho4664]

Aspek Physicomotor dari belajar adat adalah dengan cara simulasi.

[@KennedySitorusP]

Manjaha pe Dadap".

[@sahalaoloan382]

Molo boi dikirim ma file konsep acara tardidi on, mauliate

[@rinsonsihaloho4664]

ULAON TARDIDI (BAPTIS) DOHOT PASAHAT ULOS PAROMPA Molo tardidi anak lumobi ma anak buha baju, olo do dibahen sada pesta partangiangan jala nigokhon ma angka tutur dohon Dalihan natolu. Molo sahat do ulaon i tu Dalihan Natolu tardok ma ulaon i nunga ulaon nabalga. Jadi tudu-tudu ni sipanganon pe ingkon lengkapma dipatupa (dohot somba-somba). Andorang so sahat dope barita nauli (Injil) tu tano batak, ulos parompa dipasahat tingki martutu aek/mangalap goar di pansur nihuta, nuaeng on ala naung kristen hita dang adong be ulaon martutu aek/mangalap goar, jadi tingki tardidi ma dipasahat parboru (ompung/tulang ni dak-danak i) ulos parompa tu pahompuna/berena. Asa ummura niantusan nibahen ma rekayasa : Dikeluarga T/br.S nunga tubu sada dakdanak baoa jala dung marpiga-piga minggu/bulan diboan natorasna ma si ucok tardidi jala dipabotohon ma tu hula-hulana S, tulangna N, Tulang rorobotna Si, jala dipasahat do tu punguan T/b/b dohot dongan parsahutaon Suhut : T/br.S Hula-hula : S Tulang : N Tulang rorobot : Si Punguan dongan sahuta Teknis pangulahonna dohot ruhut panghataion di ulaon pasahat ulos parompa, hira songononma nanipaihut-ihut saleleng on : Dung hira singkop sude angka naginokhon diatur ma parhundulna. Hundulma suhut T dohot inang boru S dohot angka T namarhaha-maranggi/ompung martinodohon marsiadopan ma dohot hula-hula S nang Tulang N dohot Tulang rorobot Si. Dongan tubu punguan T, boru/bere hundulma disiamun ni hasuhuton, molo tung so siat boima dihambirangna alai dialap hata ma naung disiamun ni hasuhuton ma i. songoni ma tong punguan parsahutaon. Molo boru ni Suhut boima mangarade/marhobas. Paidua ni Suhut : “Loloan namarlas ni roha, dihita namardongan tubu ra ianggo sian hita dang adong be sipaimaon ate? Songon i ma nang dihamu Hula-hula nami S, Tulangnami N, Tulang rorobot nami Si, Beha rajanami nga boi mulaanta? manang adong dope sipaimaonta?” (Hira intor dialusi horong ni hula-hula i ma, "mandapoti ma angka naso haru sahat dope") boima udutani paidua ni suhut! Paidua ni suhut : “Diari nauli bulan nadenggan apala disadarion, anaknami pahompu muna/bere muna si ucok nasogot nunga manjalo pandidion nabadia marhite naposo ni Tuhanta di gareja.......... Mauliate ma tutu di Tuhanta Parasi roha i siala nunga gabe parjambar ibana diharajaon ni Tuhanta. Alani las ni roha nami, las ni rohanta hupatupa hami ulaon on. Rajanami ala naeng mulaanta ma ulaon on, tarsongon on ma konsep sian hami : Catatan : Parboru pasahathon upa-upa horas tu pahompuna/berena, dua tempat ma inganan ni dekke, sada ma pinggan pasu namarisi sada dengke, jala sada nai namarisi 3 dekke sipasahatonni parboru tu paranak. Intor mangihut ma muse ulos parompa dohot angka ulos holong Paranak pasahatton tudu-tudu sipanganon tu hula-hulana Dia do parjolo na dua on?.................Pengalaman: Sipata do parjolo Hula-hula pasahathon upa-upa tu pahompuna/berena, mangihut ma muse napasahathon ulos parompa dohot ulos holong napinasahat ni Angka Tulang Alai sipata do muse parjolo paranak pasahathon tudu-tudu ni sipanganon tu hula-hulana ido na tingkos inna nadeba. (sahat tu tingkion ndang pola tangkas nadia do sian nadua on nadumenggan………..Aek godang tu aek laut, dos ni roha sibahenna na saut) Ala si Ucok do nagabe pusat ulaon, ibana ma nagabe siupaon ni hula-hula, baru suhut paranak pasahathon tudu-tudu sipanganon. Direkayasa parjolo ma hula-hula pasahathon upa-upa tu pahompuna/berena. (Sai intor disungkun hula-hula i do ise goar ni pahompu/berena i), rekayasa goar ni natardidi i ima : SMT Paidua ni suhut : “Molo tung adong nanaeng sipasahaton tu pahompu/bere muna asa parjolo ma dipasahat raja i, laos ima annon songon dalan nami pasahathon sipasahaton nami na laho pasangaphon hamu rajanami. Beha dirohamu raja nami, tiroi hamu hami! horas jala gabe!” Parhata ni Hula-hula S : “Mauliate ma dipartingkian nadipasahat muna tu hami Amang boru.” “Antong borhat ma hita pasahathon sipasahatonta”! Hula-hula tangkas S pasahat dengke dohot ulos parompa hata na pasahat dengke : "Songoni ma di hamu pamoruon nami, lumobi dihela/boru songoni di pahompu niba si SMT, "dison hupasahat hami upa-upa ima dengke sitio-tio, asa sai tio ma antong panggabean parhorasan dihamu. Dengke simudur- mudur asa sai mudur-udur hamu mangalului angka ngolu-ngolu siapari laho pature-ture pahompu nami on, sai saur ma antong ibana laho jumujung goar nai, imbur-imbur magodang sahat saur matua tumpahon ni Tuhanta pardenggan basa i. Botima laos diuduti ma dipasahat ulos parompa ni pahompuna dohot angka ulos holong sian Tulang, Tulang Rorobot Hata Pasahat Ulos Parompa : On pe inang dohot hamu amang hela, sai tangiang ma bahen hamu ondolan ni ulaon muna, hipas hamu jala didongani Tuhanta nang dinapature-ture pahompu nami on. Jala tu ibana pe antong dohonon nami ma : Dangka ni hariara ma, tanggo pinangait-aithon. Simbur ma ibana magodang, tongka panahit-nahithon Tubu tambisu, di dolok ni sipoholon Sai anak na bisuk ma ibana, anak sipatujoloon Naung sampulu sada. jumadi sampulu dua. Sai siboan sangap ma ibana, jala siboan tua. botima Laos diuloshon ma parompana tu pahompu i sian jolo. Mangihut ma muse napasahat ulos holong sian angka Tulang N dohot Tulang rorobot S. Paidua ni Suhut : “Mauliate ma rajanami, diangka nauli nadenggan napinasahat muna tu hami tarlumobi ma tu anak nami ima pahompu muna. Sonari pe rajanami naeng ro ma hami pasahathon tudu-tudu sipanganon. Boha rajanami, nunga boi hami ro?” (ala ro do Tulang napitupulu jumolo ma suhut mangalap hata tu nasida ja didok ma : Dihamu Tulang nami N, santabi molo tung tu hula-hula S pe apala di ombason hasahatan ni tudu-tudu ni sapanganon, pos rohamu Tulang, sogot haduan na adong do tingki nauli napasahaton nami tu hamu, ate Tulang?) Parhata ni Hula-hula S : “Naulima Amangboru, nunga rade hami.” “Songoni ma dihamu haha parhundul nami suang songoni nang Hula-hula nami, asa rap ma hita manjalo tudu-tudu ni sipanganon sian parboruonta!”. Alusni Tulang dohot Tulang Rorobot : “Dosma rohanta naung rap manjalo ma hita disi. Botima” Hata-hata Sipasahat tudu-tudu sipanganon : “Dihamu hula-hula nami dison hupasahat hami tu hamu tudu-tudu ni sipanganon di pesta ni pahompunta si SMT siala naung manjalo pandidion nabadia ibana marhite naposo ni Debata. Molo tung songonon pe na boi hupasahat hami, las ma rohamu. Songon hata ni situa-tua ma dohonon : Huta tano bato, parasaran ni leang-leang. Horas ma dihamu namanjalo, horas di hami namangalean. Botima! Marsipanganon Paidua ni Suhut : “Di hamu amanta Raja dohot hamu inanta soripada parmanganonta sistim prasmanan do.” “Di hamu Hula-hulanami, ala laho marsipanganon ma hita, pinasahatma tu Raja i namamilang tangiang mangan!” Parhata Ni Hula-hula : “Mauliate ma Raja ni boru! Ninna Roha nami, ala hamu do naparade sipanganon, sian hamu ma namamilang tangiang, dipangujungi na annon hami ma. Botima Amang Boru.” Paidua ni Suhut : “Na denggan angkup nauli Raja nami. Onpe pinasahat ma tu Amanta.....mambahen tangiang laho marsipanganon hita. Botima..... (Sibahen tangiang mangan laos mangkatahon huhuasi ni sipanganon)....Amen “Punsuni jabi-jabu, Tu punsuni simarlasuna. Songoni pe natupa, Sai Debata ma pasahat pasu-pasu-Na.” “Marjomuk ma hita laos marsipanganon.” Tingki na marsipanganon i diseati ma : ate-ate, jantung, usus dohot aliang-aliang. (boru t ma namarhobas tu si) Parhata Ni Hula-hula : (Dung sae marsipanganon Parhata ni Hula-hula manungkun partording ni Tudu-tudu ni Sipanganon) : “Di hamu Amangboru nami! Andorang so tapungka mangkatai, nangkin nunga dipasahat hamu tudu-tudu ni sipanganon tu hami. Namanungkun ma hami tu hamu, tarsongon dia ma partording ni on, Amangboru?. Songoni ma jo sungkun-sungkun tu hamu. Botima, mauliate.” Paidua ni Suhut : “Olo ma tutu Rajanami! Nunga tutu hupasahat hami tudu-tudu ni sipanganon i tu hamu, ninna roha nami, asa raja i ma namangaturhon. Botima Raja nami, mauliate ma.” Parhata Ni Hula-hula : “Mauliate ma Amang boru ala diparsangapi hamu hami jala tong-tong do hami sangap dibahen hamu.” “Alai na ro do hami hu luat muna on Amang boru, asa didok roha namasa diluat muna on ma ulahon hita. Botima Amang boru, mauliate.” Paidua ni Suhut : “Mauliate ma ma Raja nami. Andorang so diseat raut jumolo ma diseat hata, konsep ma sian hami molo adong nahurang rajanami, naboi do hita marsipaunean. Botima.” (patorangon ma parjambaran namasa diluat i manang di marga i) “Boha Raja nami nunga suman di rohani Raja i?.” Parhata Ni Hula-hula : “Gabe jala horas, nga na uli i. Ulahon hamu ma.” .........bersambung........

[@reygamingsihombing0571]

Nga manjaha tong dadap- dadap.

[@forumadattarombo1281]

Ai namarsiajar doi sebagian besar Amang, jadi proses belajar do simulasi naditampilhon on. Maklum ma Damang.