【石原音樂台】【UNNATURAL】《拙作》原：米津玄師 - LEMON【粵語版】 ／ 主唱：黃瑋中Herman

[@singtosay]

坦白講呢首歌並唔係意譯LEMON或者記述UNNATURAL 當然三者有其關係，但我唔想著墨太多解釋歌詞，大家有興趣嘅話可以聽我講下自己嘢～ ---------------------------------------------------------- 呢首歌我係想填比我嫲嫲聽嘅 嫲嫲無論係咩時候都當我係幾歲嘅細路仔 我一話想食D咩，佢一定會話全家陪我去食 我同佢講拍拖，佢會笑住講：你細路仔點知拍拖係咩 當我同呀媽嘈果陣，佢一定會出聲：細路仔姐唔緊要啦 係佢眼中我好似咩都唔理解，永遠唔會大個咁 所以無論我去邊度，做D咩，佢都會事事擔心 而可惜嘅係佢無機會睇到我唔洗佢擔心果一日 嫲嫲好縱老豆同我 以前次次請我地去酒樓食飯，佢都一定會叫龍蝦伊麵 自己夾少少就會話飽，叫我地食 其實係知我地鍾意食龍蝦伊麵但嫌貴，所以專登叫比我地食 食飽嘅時侯，佢一定會話：想食雞，不如叫多半隻雞 實情係驚我地唔夠飽 佢總係用呢種唔直接嘅方式表達佢有幾錫我地 嫲嫲應該係呢個世界上最最最以我為榮嘅人 可能我彈一首最簡單嘅月亮代表我的心，佢都會話有酒店鋼琴手嘅水準 可能我細個用木顏色畫幅"抽像"畫，佢都會覺得靚過曬其他小朋友 可能我唱首歌唱到走音邊緣，佢都會聽到一線歌手嘅水平 雖然我從來都知自己喺咩位置，但嫲嫲眼中我永遠係第一，係最叻仔 幾年來，無數次從人地口中聽過，話我做嘅嘢係垃圾，毫無意義 講過呢種說話嘅人，除咗果班口德分高企嘅乜登物登仔以外，仲包括我父母同女朋友 最親嘅人講呢種唔理解嘅說話，其實真係難聽過粗口千倍萬倍 果種個心比嘢壓住嘅無力感我無時無刻都記得 無計㗎，鬼叫我廢咩? 有時會諗，如果嫲嫲仲在生，佢會唔會係唯一一個唔會責備我嘅人 嫲嫲已經過咗身幾年，而佢臨離開果半年我地一家人幾乎日日都陪住佢 有陪佢返鄉下探親，有買佢最鍾意食嘅鵝掌翼比佢食 有聽佢講返以前嘅威水史，有幫佢按摩，有同佢傾計 但原來當你想珍惜時間果陣，你先會發現時間太少，時間唔夠 我果陣第一次感受到咩係倒數 唔係新年數完十秒笑住走人果種倒數 而係每一次見完面都會諗仲可以見多幾多次 每一日都要有心理準備第二日唔可以再傾計 我到咗今日依然好後悔嘅係，佢走果日嘅下午我無去到探佢 而夜晚我地接到電話趕去療養院果陣佢已經離開咗 請大家原諒我打呢段嘢雜亂無章 其實我想講嘅係無論個世界點變，"聽日"始終會嚟 好多時候我地以為無事，發現有事嘅時候已經太遲 好多嘢我地好執著，但到頭來所有執著都亳無價值 離別係人生必經嘅事，無可能唔傷感，無可能唔流眼淚，但我地都要學識接受 最令我耿耿於懷嘅係嫲嫲從來無睇過我寫嘅歌詞 睇唔到胡杏兒偷小幸運 睇唔到你的名字三部曲聖戰 聽唔到想要重演一次 聽唔到嚐蛋餅做公主 而經營呢個頻道，偏偏係我人生入面僅餘一個自選而自豪嘅抉擇 所以我好想佢會睇到 記得有人講過，意識喺人離開之後都存在，可能係離開咗身體，去咗生前想去嘅地方 我時不時會掛住嫲嫲，夢到嫲嫲 我亦相信佢會喺世界某一個角落睇到我地，記掛住我地 希望第日佢再嚟我夢入面探我嘅時候 我可以比佢聽下呢首"拙作" 雖然我寫歌詞從來唔出色，我個頻道依然名不經傳 但我希望嫲嫲會同以前一樣，以我為榮 ----------------------------------------------- 不免俗，如果聽完首歌 你覺得呢個頻道值得支持 希望可以比個LIKE同SHARE，等我行落去 因為你地已經係我得到嘅最大動力

[@愛情雙子]

挽歌之聲 可否可以改不愛我就拉倒？！

[@關丼]

加油 呢個世界好多嘢都好似好冇意義 但總會默默地啟發到人 唔知點解你會做呢個頻道啦 但係我一次都相信你作嘅词 總有一日會被賞識 可能未可以以一個歌手的身份 但我都聽得出你從以前cover大雄或其他歌 到最近cover後來 係有好大嘅突破同進步 自己最深愛的人 講一啲難聽嘅說話 的確好hurt 但點都要記住有一班巴打絲打支持住你

[@Victor2016100]

一訓醒就眼角失守整喊我....

[@waterking9059]

加油呀挽歌！永遠支持你！

[@marcusma3114]

挽歌之聲 始終，冇人識欣賞你，終究會有些失落，但是請你回眸過去，你嫲嫲無論你有多不中用，她仍為你撐起雨傘，渡過風雨。 你之所以這樣感觸，是因為甚麼？是否她在生時，你不珍惜她？

[@1FT8ChenYauHei]

我認識竹馬八年，爺爺離開已許多天， 保護了妹妹七年，愛護了奶奶十多年， 守護了好友四年，愛惜了同學一年多， 最後卻只有奶奶，仍然回頭看那抑鬱的我。 謝謝你

[@cch8378]

到左今日 聽到呢首歌既歌詞重都係會好感動 真係寫得好好 🙏🏻

[@AstroLok2011]

一直都好怕睇呢類劇，因為好怕自己會遇到，學識珍惜真係好重要。但當你遇到既時候總會覺得唔夠珍惜。題外話，挽歌既詞未必好好，但絕對係用心之作，只能講作為一個觀眾我好欣賞挽歌既作品。今時今日既網絡世界太少支持只剩下批鬥，希望挽歌有朝一日捱出頭來。

[@singtosay]

捱出頭就未必喇:( 希望你下年仲見到我啦巴打

[@Ming-et2ii]

@@singtosay lm一年後仲喺度

[@iancheng6861]

畀個提議你： 去睇動漫後宮番 絕對唔洗驚自己遇到🤣🤣

[@A4サイズのスマホ]

I love Cantonnese！ From Japan(*^^*)🇯🇵

[@leungandrew1026]

❤️

[@who_clemence867]

Awww thanks that’s so nice of u!

[@yanwinglam2289]

I love Japanese too From HK😂😂❤️

[@thatguynamekay]

Thank you ❤︎

[@VENTI.S-DOG]

我最初聽的時候沒有什麼共鳴, 慢慢思想歌詞過後, 內心的難過湧上心頭, 終於看懂了歌詞, 我對你身上發生的傷心事感到可悲, 希望五年後的現在, 你可以釋懷...😔

[@ruby92656976]

睇到個故事差啲喊咗出黎😭眼淚都出晒黎。 “我輕撫你額角 淚已不揮霍”好有畫面😭😭😭

[@singtosay]

ruby:) 多謝你喺國外都KEEP係支持我呀:)!!!!!!!

[@jackyfong7620]

石原真係好靚女🤤🤤🤤🤤🤤

[@singtosay]

係呀.睇劇果陣講得最多就係呢句說話

[@Miniz_z]

廣東歌詞 實在打入心

[@singtosay]

可能因為係母語 (嘿

[@marcusma3114]

除此之外，經歷過摯愛離開的人，聽過這歌及詞後，已不禁下淚。 如果你看過《沒有道別的再見》這書後再聽，肯定眼淚能填滿三個游泳池

[@fongcuury4254]

Marcus Boon 67p

[@pubg2304]

…….sb

[@ms.2605]

以下係個人對歌詞的剖析同體會，不喜輕插 希望有助聽者更容易體會歌詞既意境 世界怎變樣 怎不變樣 天色悄然放亮 （感傷世事變遷，但又慨嘆變化多端的世界冇可能會一見如故，世人對無常既變化已經司空見慣，就好似見到每日既夕陽一樣普通） 曾預判 勝敗的仗 確定無恙 而始終抱恙 （歎息明明曾經勝券在握既事情，最終還是不如人意，有滿盤皆落索之感，呼應上句世事無常；勝敗的仗又可形容為人與死神的搏鬥，明明上一秒病情已輕緩，下一秒卻突然惡化，最終還是不敵病魔而喪命，生命就如同世事一樣不能揣測） 怨懟怎見諒 怎不見諒 彷彿了無氣量 （明明上文說到既然人生在世變幻無常，生命顯得更短促，與人之間的怨懟自然微不足道，可是儘管知道這個道理，仍難以放下對人的怨恨，還未能看破紅塵） 誰淡說 天意多無常要感激 分開與碰上 （於是憶起故人曾說過的話，而這個故人應該有一定的人生歷練，才能看透世事，放下執著恩怨，反倒感謝上天） 最痛的晚上 普通晚上 鑲起故人肖像 （在一個對他人而言平凡普通的一天，卻是作者最心痛難忘的一夜，因為故人離開了） 喬木處 碎步瞻仰 最後模樣 失聲叫嚷 （喬木借代棺材，即梓，喬木處比喻放著棺材的範圍；作者拖著沉重的小步走到棺材之前，恭敬地看著故人的遺容，而故人最後的模樣令作者失聲痛哭） 再美的印象 空得印象 不得永留世上 （此景令作者腦中浮現起與故人生前美好的憶記，以美好的回憶襯托死寂的喪禮，感歎只留下虛無縹緲的回憶，但真實的故人卻不得長存世上） 猶在耳 哼過的悠長老歌他朝總會再唱 （故人的聲音仍縈繞耳邊，悠長老歌在一次暗示故人為年長之人；第二，悠長老歌亦可暗指與故人久遠的回憶，雖時隔多年，仍會“再唱”，表示回憶不會磨滅） 離別接續別離的傷 存活一生總要一嚐 （才剛經歷了生離死別，對於故人離去的傷感仍無法抹去，痛楚與傷痛在喪禮後接踵而來，但這無法避免，人總要經歷訣別） 勉強聽懂了難勉強 世事無逆向 （能從上文“悠長老歌”的歌詞中有所感悟，在經歷訣別後能細味出當中的道理，但奈何仍難以接受，更遑論改變事實，“無逆向”正如人無法違背時間洪流，世上無令時間倒流的法術(想起灰原哀XD)） 我輕撫你額角 淚已不揮霍 （上文明明多次提及作者仍未能灑脫放下，但此時卻“淚已不揮霍”，也許時間已推延至多年後作者掃墓的情景；作者輕撫墓上故人照片，時隔多年，此時已將故人離去一事放下，所以已不像當年喪禮一樣失聲痛哭） 既把體魄視作 暫借的軀殼 （隨著年齡增長，經歷時間磨煉，作者已變得成熟灑脫，將血肉身軀視為靈魂的“軀殼”，血肉之軀會隨時間腐朽成腐肉，但靈魂卻能不朽(有胡鴻鈞化蝶之感XD)） 你聲音與輪廓 遂已鎖進回憶深處待我追溯 （呼應上文，離故人的逝世已隔了一段時日，所以故人的回憶亦被作者放在內心深處，雖爛在心裡，卻不敢遺忘） 痛澆熄了脈搏 讓意識轉駁 （時間又重回故人離世那天晚上，在醫院的經歷，那位故人難以承受疾病帶來的痛楚和折磨，最終失去脈搏和心跳，心電圖形成一條直線；意識從軀體中脫離，轉移成靈魂，名登鬼錄，化為故人仙遊） 流螢循著燈火穿紗亂撲 （將“流螢”比喻為故人的靈魂，在華燈初上、佈滿燈光的城市內流連，不肯離去，對世俗仍念念不忘，仙魂遊蕩在人間，就如失去棲身之所的螢火蟲在夜間飛行無定，人在死後就如浮斷根的萍） 昐望來日你飛返我夢裡談起舊寄託 （於是作者希望故人的仙魂能在夜間暫且將他的夢境當做寄託之處，在夢中相會，談起以往故居的回憶） 我定沿用你的見聞伏案寫一首拙作 （希望故人將生前或在陰間的經歷告知作者，讓作者能藉此寫下懷緬故人的詩，又或為故人在塵世間留下一點曾活過的痕跡） 驟看心顫動 心不顫動 呼吸器無作用 （前句表示作者瞥見病床上的病人，病容令作者的心哆嗦，然而中後句表示病人已無心跳，生與死形成鮮明對比） 塵定了 揹著驚恐 腳步沉重 簽收惡夢 （“噩夢”喻指死亡證明書） 夢語早欠奉 體溫欠奉 雙手已然棄用 （故人離別之時，連如同喃喃夢語的呼吸亦消失，體溫已驟降，曾為作者苦幹的雙手已不能再動） 床畔那 苦笑的孩童喪失最好的聽眾 （孩童喻指作者本人，在故人眼中作者永遠都是一個小孩，以苦笑掩飾悲痛，聽眾的簡短兩字表現出故人與作者之間長久而深厚的關係） 遊歷既定路程之中 無力驅趕雙眼通紅 （再次感歎生離死別早已既定，人類渺小無法改變，只能以情緒抒發傷痛和無奈） 餞送的總會被餞送 要煉成大勇 （再次想到世事無常，人生短促，也許數十年後就輪到自己，要煉成視死如歸之勇） 遙遠的你來過吧 潛伏身邊張望嗎 微笑的你來過吧 攔路把傷心淨化 （即使故人離開多年，作者仍能感受他仿佛在身邊） 無言無語的你來過吧 提著鮮花賞俗雅 （墓之處每年放著鮮花，作者相信即使故人不能說話，但都會細賞這束鮮花，掃墓的花以白色為主，這種潔白與污濁的塵世形成顯明對比，即雅俗之別，亦暗示故人在作者心目中是純潔、至高無上的存在，作者在墓前欣賞故人的照片） 人人懷緬的你別記掛 杯酒浅斟再飲好嗎 （作者了解故人，知道故人難放下尚在人間的親人，於是勸勉故人不要再記掛，去到自己該去的地方；“杯酒浅斟”除了暗指讓故人借酒消愁，消除人生苦短的傷感外，亦寄託了來生再與故人一同促膝長談的願望） 你輕撫我額角 視線多真確 既將心語付託 未刺激知覺 （此為作者與故人的回憶，我亦將此想象成兩人訣別的一刻間，病床上氣若游絲既病人對作者說出存放心底的遺言） 我聲音與輪廓 遂已鎖進時光深處任你追溯 （如同作者一樣，故人亦不會忘懷作者） 祭出一套棱角 渡世間險惡 （社會早已將當年的“孩童”琢磨成有心計的大人，但到了此時此刻，作者想以當年純潔無瑕的孩童身份陪伴故人走完最後一程，有如“超度”故人，就讓經歷過的險惡如同故人一樣常埋黃土，或燃燒殆盡） 沿途乘著清風走訪異國 （清風喻指清淨澄明，俗世的反義，異國喻指世外桃源，表示作者想懷著清澄的心靈，隨著清風脫離塵世，到與世無爭的美好國度(有涉江之感)；故人的離去有令作者開竅，最重要的人已不在，作者亦無心爭奪功名權利） 約定來日你飛返我夢裡談起大探索 （希望在夢裡與故人相會；亦知道多年後與故人一定會重逢，於是約定故人來生再見） 會用詳述你的彩色角落來傳承歡樂 （作者會將故人曾為他帶來的美好傳揚，呼應上文為故人留下曾活過的痕跡） 你別來無恙嗎?請你陪我細聽這首拙作

[@singtosay]

有D人我就算解曬比佢聽佢都未必肯聽.講再多都係徒勞 如果我每一首歌都有好似kelly咁嘅聽眾肯睇得咁細心. 我諗點擊都唔係真係咁重要 當然每份歌詞解讀方法都有好多.視乎每個人嘅諗法同經歷..但kelly呢篇歌詞分析可以打滿分 多謝你 我會記住有人咁認真看待我寫嘅字

[@小森小心]

好用心

[@singtosay]

好失望 :( kelly竟然話睇得明月季花

[@chrislaicf01]

打上花火!! #yup# #yup#

[@李志杰-w3n]

Kelly Yu w

[@旺財浪子]

得罪講句 除咗林夕同wyman， 你真係我最鍾意嘅其中一個廣東話填詞人 有料

[@dllmtvb]

destiny Crused 林若寧 小克

[@wb4Kevin]

入埋周耀輝就係香港top3

[@遊戲武藤-l8h]

黃沾 都好中意~

[@hol52777]

晴天林

[@6e_14]

膠街架

[@9hoyinman]

睇完你寫依首歌既原因 再聽多一次 真係好感動 聽到眼濕濕 你既努力嫲嫲一定睇到 到再相見既時候 記得唱俾嫲嫲聽😊

[@宋賀祈]

一路聽一路睇挽歌段置頂位置 諗翻起自己大約半年前去世嘅嫲嫲 如同老挽嘅經歷 我亦系錯失左見佢最後一面嘅機會 嫲嫲仲在生個時因為年紀大所以身體好差 經常出入醫院 系佢過身前幾個星期我明明仲去探過佢 仲應承左佢話下次再離探佢 雖然因為記憶力衰退嘅緣故 嫲嫲其實根本唔記得我 但系我都系感覺到我去探佢個陣佢有幾開心 到左後來我知道佢過身嘅消息個陣完全唔明點解幾個星期前仲對住我笑嘅人可以就咁無左 呢次系我第一次近距離接觸死亡 我以為我自己可以理性咁控制到 但系無論系當見到啊嫲個幅掛系靈堂中間嘅相嘅時候 抑或系以親屬身份穿上孝服嘅時候 都不斷衝擊住我嘅心靈 甚至有逃避事實嘅舉動 覺得唔去睇佢火化就可以呃自己佢未死 可能因為我由細就系同嫲嫲一齊住 由嫲嫲帶大嘅 所以對於佢離開呢件事我嘅感觸會比家人更深 直到宜家 我都仲系好記得我細個成日嫌棄佢煮嘅飯 又鹹又油 完全唔好食 仲好唔健康 但系......我真系好想再有機會嫌棄一次 啊嫲 我好掛住你 你系個邊要過得比系呢度好 晚安

[@singtosay]

好開心你會肯喺度放低你嘅經歷同感受:( 其實有時諗番自己成日陪屋企人果陣都心不甘情不願:( 好想捉果陣時嘅自己出嚟打佢一獲:( 我相信佢見到你嘅信念:)

[@jack7473]

拙作是指一部作品只能加深思念，卻無力改寫生命，並藉此深化珍惜眼前人的主題，但它絕對是真正神作！

[@TerrY-uk5eu]

原本神歌，配上神劇，再神作詞翻唱 真。感動

[@crystal_tree]

歌詞太美，眼眶紅了

[@ytabcdefghijodie9203]

過咗咁多年仲好掛住我婆婆 仲記得婆婆啲餸咩味 仲記得佢聲線面容輪廓 個性喜好習慣 點教自己啲孫人生道理 仲好記得佢係醫院走果晚係boxing day第二日 一直係病房外徘徊 睇住佢血壓一直跌 由有知覺變到昏迷 到最後隻手無溫度凍冰冰 仲係忘記唔到出殯果日送佢火化果一下 原來㩒火化掣個下心會好痛好痛 仲想有多啲機會發夢見到佢 好想再同佢傾下計 好想陪佢去飲茶 去旅行 好想佢睇住我畢業 結婚 但係婆婆無可能係現實再返返黎😞

[@newbiessss]

估唔到聽聽下LEMON 會搵到你首歌, 仲睇到你嫲嫲既事, 我嫲嫲都走左無耐, 佢係細個比最多快樂回憶, 最鍚我既人, 我都好後悔好後悔起佢最後既日子, 無多D 探佢, 我希望佢會知道, 佢係我生命中一個最重要既人, 佢教既野, 我希望我會永遠記得

[@廖貞雅-g8m]

lemon這首歌只要音對就是神曲！！

[@singtosay]

LEMON好好聽喔!

[@TheMikotoable]

"無言無語的你來過吧" 聽到眼淚自然盈溢而出

[@黑豆拍拍]

其實我無睇過套劇，係睇歌禁入來。詞真係填得好好，我聽十次喊十次，只要一用心留意歌詞，眼水鼻涕就會唔受控禁流。成首歌詞，句句都好精警，寫出左對逝者已逝的無力感和傷痛，完全能體會填詞人的心情。

[@wormyee]

一路睇住你段文字一路聽一路喊 首詞好重 正正因為咁 我知道，呢首詞係好出色嘅詞 所有感受都好真好近 😢👍🏼

[@108rr]

未㩒入黎之前心諗一定吾會特別好聽啦原曲咁正，點知聽左第一句已經淪陷 啲詞好好😭

[@singtosay]

我聽第一句果陣都比佢catch咗..全部都係主唱HERMAN嘅功勞!

[@IchiroSkywalker]

眼眶已通紅，閉目無淚流

[@singtosay]

我個人而言就感謝有歌把心境道破...

[@tang1140]

其實LEMON 係米津玄師記念佢阿爺過身而寫, 是對逝者的追思,以及活著的人心裡已死的部分,而忍不住流下淚, 生死觀瞬間歸零,有種越來越混亂的感覺, 原版聽起來有些突兀的[喂]聲, 我既解讀係佢阿爺話俾佢聽會常伴左右, 不耍太難過, 如LEMON的味道, 初初很酸, 但時間越耐越忘記唔到此味道, 但中文版聽唔到呢個感覺.

[@singtosay]

Tang Chi Li 聽唔到就好了

[@pc2740]

好野真係唔駛太多讚美嘅詞彙，我已經默默咁loop左成百次🤤

[@singtosay]

台詞組六號

[@TheHinoro]

我定沿用你的見聞伏案寫一首拙作 依句有股莫名的感動！

[@kayingchan768]

睇埋挽歌置頂果段，配埋首歌真係有少少眼濕濕，比起原本嘅歌詞，感覺挽歌呢份詞更加令人感動，可能係因為係歌詞裡面嘅感情好真、好打入到自己嘅心 呢首點會係拙作啊，係佳作就真！！！

[@singtosay]

ka ying chan 無諗過咁多朋友肯睇我打嘅嘢，多謝你支持，創作者應該永遠視自己作品喺拙作，努力做好下一首嘛😀

[@JB-tl1eb]

世界怎變樣 怎不變樣 天色悄然放亮 曾預判 勝敗的仗 確定無恙 而始終抱恙 怨懟怎見諒 怎不見諒 彷彿了無氣量 誰淡說 天意多無常要感激 分開與碰上 最痛的晚上 普通晚上 鑲起故人肖像 喬木處 碎步瞻仰 最後模樣 失聲叫嚷 再美的印象 空得印象 不得永留世上 猶在耳 哼過的悠長老歌他朝總會再唱 離別接續別離的傷 存活一生總要一嚐 勉強聽懂了難勉強 世事無逆向 我輕撫你額角 淚已不揮霍 既把體魄視作 暫借的軀殼 你聲音與輪廓 遂已鎖進回憶深處待我追溯 痛澆熄了脈搏 讓意識轉駁 流螢循著燈火穿紗亂撲 昐望來日你飛返我夢裡談起舊寄託 我定沿用你的見聞伏案寫一首拙作 驟看心顫動 心不顫動 呼吸器無作用 塵定了 揹著驚恐 腳步沉重 簽收惡夢 夢語早欠奉 體溫欠奉 雙手已然棄用 床畔那 苦笑的孩童喪失最好的聽眾 遊歷既定路程之中 無力驅趕雙眼通紅 餞送的總會被餞送 要煉成大勇 我輕撫你額角 淚已不揮霍 既把體魄視作 暫借的軀殼 你聲音與輪廓 遂已鎖進回憶深處待我追溯 痛澆熄了脈搏 讓意識轉駁 流螢循著燈火穿紗亂撲 昐望來日你飛返我夢裡談起舊寄託 我定沿用你的見聞伏案寫一首拙作 遙遠的你來過吧 潛伏身邊張望嗎 微笑的你來過吧 攔路把傷心淨化 無言無語的你來過吧 提著鮮花賞俗雅 人人懷緬的你別記掛 杯酒浅斟再飲 你輕撫我額角 視線多真確 既將心語付託 未刺激知覺 我聲音與輪廓 遂已鎖進時光深處任你追溯 祭出一套棱角 渡世間險惡 沿途乘著清風走訪異國 約定來日你飛返我夢裡談起大探索 會用詳述你的彩色角落來傳承歡樂 你別來無恙嗎?請你陪我細聽這首拙作

[@0624-g2s]

有遺憾，反而會一直記住記住

[@singtosay]

係:( 好多嘢我都記住曬

[@niconico5992]

本身已經好中意呢隻歌，挽歌填埋詞真係錦上添花

[@singtosay]

多謝nico鍾意:) 聽多幾次SHARE比朋友仔呀!!

[@niconico5992]

啱啱係車到已經loop左成程車，本身自己好鐘意米津玄師，好難得有人將佢啲歌填詞，已like已share,加油！！！

[@ritayeung3913]

聽你日文歌翻做粵語版係最冇違和感(其他好多翻唱都有少少唔啱音/唔係咁耐聽) 特別之前聽你唱嘅戀，我loop次數同原唱差唔多，好鍾意你填詞嘅版本 睇完你置頂留言覺得首詞更加有感覺

[@lb1003]

RITA YEUNG 頂

[@singtosay]

儘量唔改音一直都係我嘅原則..多謝你欣賞我同HERMAN嘅作品!!!

[@asiakeiip4329]

世界怎變樣 怎可變樣 天色突然暗弱 曾預算 最後一仗 鐵定無恙 而始終兩樣 怨句怎見諒 怎可見諒 目光已無法亮 誰曾說 天意多無常要珍惜 點心再夾上 最痛的晚上 普通晚上 鑲起去年肖象 靈木處 碎淚沾上 最後模樣 瑟瑟叫嚷 再美的印象 只得印象 怎可補償世上 猶在耳 哼過的悠揚老歌 可否跟我再唱 離別接續別離的傷 共你一刻可否加長 勉強聽懂了難勉強 逝事無逆向 我想撫你額角 淚洩不揮霍 記憶深處埋葬 漸冷的軀殼 你聲音與輪廓 早已鎖進回憶深處待我追溯 痛燒斷了脈搏 讓意識轉駁 流螢化作燈火衝我亂撲 昐望明日你飛返我夢裡聽我的創作 我願來為你的笑顏伏案寫一首寄托 話語早無用 體溫變動 雙眼依然閉目 塵落了 背著驚恐 腳步沉重 沾濕惡夢 驟看心顫動 心不顫動 呼吸器無作用 床畔那 苦痛的孩童喪失最好的聽眾 遊歷既定路程之中 無數身影都也消融 接送的總會無法送 要煉成大勇 我想撫你額角 淚洩不揮霍 記憶深處埋葬 漸冷的軀殼 你聲音與輪廓 早已鎖進回憶深處待我追溯 痛燒斷了脈搏 讓意識轉駁 流螢化作燈火衝我亂撲 昐望明日你飛返我夢裡聽我的創作 我願來為你的笑顏伏案寫一首寄托 遙遠的你來過吧 在我身邊看望嗎 微笑的你來過吧 沿路將傷心淨化 無言無語的你來過吧 提著點心不餓怕 人人懷緬的你別記掛 香片浅斟再飲好嗎 你輕撫我淚角 視線不真確 既將心語付託 漸散的知覺 你聲音與輪廓 早已鎖進回憶深處待我追溯 找出一副菱角 味美都不覺 沿途乘著清風走訪異國 渴望來日你飛返我夢裡談起大探索 約定沿用你的彩色菜籃來傳盛歡樂 你別來無恙嗎? 請你陪我細聽這首拙作

[@aiyo711]

離別接續別離的傷 勉強聽懂了難勉強 先生大才妙筆生輝

[@天斧央十]

真㗎,呢兩句真係寫得好好 人到中年,感覺人生真係咁

[@holun3276]

再美的印象 空得印象 不得永留世上 成首寫得咁好又唱得咁好。唔like唔得👍🏻

[@singtosay]

好想同大家講媽媽係女人嘅道理...因為大家成日都唔記得

[@uncerta1n]

真係好屈機，冇估到改做中文都咁好聽😍😍😍

[@singtosay]

HERMAN每一次都係救咗份詞果個人

[@jasonlam3004]

"遙遠的你來過吧 潛伏身邊張望嗎" 好中意呢段 keep fighting bro

[@singtosay]

有時好多事都係講信念

[@kafufu2978]

聽左10個鐘 太好聽啦 每次睇一次挽歌既詞 都覺得d詞填得好靚 太神啦

[@singtosay]

希望KEEP住以後每一次你都鍾意!

[@kafufu2978]

一定會 !

[@ring_a6110]

石原短頭髮屈機到！！！ btw 詞好好

[@elmobubu]

第一次聽覺得係一首好普通既中文LEMON 睇完你置頂既留言諗起我上年7月走左既貓貓 再聽一次既時候細味歌詞就一開始已經眼濕濕 最中意你句「盼望來日你飛返我夢裡談起舊寄託」 希望你會夢到你麻麻, 我都希望我都夢到我隻貓 係夢入面可以同自己掛住既人傾下依家既生活狀況 我諗已經係好好好滿足既事 共勉之。

[@adrin825]

周同學多謝你

[@Yukyixd]

感謝你這首拙作 讓我淚水不斷揮霍！ 感謝你！你每一首詞都好有感覺！ 好多好多回憶都因為你嘅歌詞帶翻上黎！ 有青春有心動！依家哩首又令我心痛！ 好正啊！原本聽日文原版 要睇歌詞先有戈種心痛嘅感覺 依家有你哩首廣東話詞 直接聽就已經好銳心！ 加油 繼續努力 帶多d動聽嘅廣東話歌我地 支持你！

[@singtosay]

yuki我都多謝你成日留言支持 我成日覺得好奇怪點解大家要多謝我..明明我先係最需要多謝大家嘅人 做咁多歌如果無大家聽同鍾意的話.我真係無動力做 你地句"加油"係實實在在幫咗我好多 希望以後可以寫到更多touch到你嘅文字

[@wongkevin1584]

依首唔系拙作 系神作

[@singtosay]

Wong Kevin 拙作咋拙作咋

[@humilam4808]

睇完挽歌段留言真係聽到眼濕濕 :'( 今次嘅詞都係一如既往咁好，加埋LEMON本身又係首好曲, perfect :)

[@singtosay]

humi lam 距離完美仲有十萬八千里呀，多謝你肯聽，我地會再加油㗎

[@loplop1250]

又一夢幻傑作！

[@yxcvbnm7067]

听这首歌心里真的会一直想某个人

[@粟米-e8v]

聽到我係咁喊 希望在夢裡真係見到過左身既人.淨化傷心

[@rayallen305]

我好鐘意呢首歌 更加鐘意呢首歌嘅歌詞 唔係講笑我而家腦海裡面日日都哼住呢首歌 幾時先有下一首作品。。

[@singtosay]

應該好快有歌..但唔係熱門歌...

[@libbyc]

聽到眼濕 我都好掛住婆婆 多謝你寫左呢首歌

[@AYAKInyan]

一位好敬愛嘅長輩琴晚離開左，突然諗起依首歌 好感謝你填左依首詞，希望終有一日能夠「煉成大勇」，唔會再令佢感到擔憂

[@jasonon8135]

咁講啦，冇人做任何野都第一日做好，鐘意既野唔一定係自己擅長，但堅持同努力，一定唔會係最差，做人最緊要問心無愧，努力左就算失敗都起碼要對得起自己。 點都好起碼我鐘意，因為詞意唔差。

[@Joeson0304]

大愛Lemon，粵語版更like

[@singtosay]

全靠HERMAN唱得好好

[@jackiechoi2644]

寫得好好，歌詞好催淚，跟套戲的劇情超配合，差點哭出來，未睇的人要快啲睇😭 雖然你係寫俾嫲嫲(剛剛發現)，但係人生確實如此，不分你我，加油。

[@JB-tl1eb]

「初聞不知曲中意, 再聽已是曲中人. 」

[@petyer137]

多謝挽巴同herman又為大家送上一首好歌

[@singtosay]

巴打唔好咁講:) 我地多謝你支持!!

[@kirc8229]

聽過你哋好多首歌，嚟首系我最鐘意，歌詞最有味道嘅一首:)

[@chanfelix5455]

你嫲嫲有你呢個孫一定會好驕傲!!! 繼續努力!!

[@setgoalget2906]

d 歌詞真係。。 又一佳作！ 好波挽歌

[@singtosay]

希望第日再寫好D!

[@cheangsengfong4584]

之前聽過你改編既"前前前世"同"戀", 我都覺得你改得好好, 亦唱得不錯. (當然我都同意下面有D網友既留言, 唱功仲有改善空間) 今次首"拙作", 對我黎講係有少少美中不足, 尤其係中段部分, 我覺得唱得有點"lur", 唔係太聽得清楚歌詞。不過歌詞係改得好好, 我一路聽住, 再一路睇番unnatural d片, 都有被感動到。 見到你既留言, 都想同你講聲加油。縱使有人抨擊, 但亦都會有支持既聲音。希望你唔好因此放棄創作!

[@MrHyesin]

爸爸今早離開了....... 多謝挽歌改出這首歌陪伴我 聽著可以放聲大哭出來很舒服......

[@singtosay]

巴打節哀順變.保重!

[@gillgill1995]

由夢想系已經留意Herman ,唱得越來越好👍🏻👍🏻 挽歌呢首歌詞好催淚，諗起過身嘅婆婆，佢係呢個世界上最鍚我嘅人......亦都係我永遠最愛嘅人

[@singtosay]

回憶總係人生入面最重要嘅一塊

[@割白尼]

二零一九年十一月八日，願周梓樂同學安息

[@atiR.19]

你同我諗既一樣...

[@LittleShibaUwU]

RIP 周梓樂

[@saladn4124]

Rest in peace...

[@TheMrjason1226]

RIP

[@iroilam1167]

R.I.P.周同學😭

[@ansonho4228]

雖然依家先第一次聽 但係真係好好聽 d詞好leng 加油

[@charles0246]

可唔可以唔好咁正👍🏻電話就黎無電都逼我開KZbin 聽幾次

[@singtosay]

多謝你咁支持! 下次一樣加油.聽爆手機

[@taylorblake6223]

聽到起雞皮😣又想睇多次💕

[@applecider8721]

聽完首歌，睇埋挽歌個故事，我唔小心喊左😢

[@singtosay]

APPLE!! 多謝妳又支持! 今次記得妳性別喇:) 估唔到大家覺得催淚:(

[@applecider8721]

挽歌之聲 😏挽歌出歌，點可以唔支持，同埋其實你個經歷已經唔止催淚，係感動🤷🏻‍♀️。仲有仲有，多謝你記得我個性別同埋又寫左首咁正嘅詞先😋❣

[@Freshfreshcow]

係我繼 戀 之後第二首成日loop 嘅改歌 👍👍

[@singtosay]

多謝巴打...做一首令人LOOP嘅作品一向都係我地嘅追求!

[@Terry2020]

好夾的歌詞，支持，加油~~

[@HKerhaha]

我發現挽歌d詞真係愈黎愈靚，比起現時某d歌，好好多。一直支持挽歌兄係無錯嘅👍🏼 Btw出歌慢係因為慢工出細貨👍🏼

[@singtosay]

無話邊個好過邊個.但巴打鍾意我就最開心

[@kevinkung]

歌詞寫得很好窩，仲好押韻添，俾個LIKE 光復香港，時代革命！

[@plajanenox]

有感動到,, 諗起一位已過身朋友 好歌 挽歌加油!!

[@singtosay]

如果你相信 終有一日可以再見

[@jerryho4199]

我愛挽歌改D歌❤️

[@singtosay]

Jerry Ho 多謝jerry又一次咁支持

[@alexwong1998731]

聽左老挽開台親自唱同Herman唱 真心覺得Herman把聲真係好屈機 有d音老挽上唔到既herman都係輕鬆上 不過可能係老挽未開聲啦 #adore

[@singtosay]

sosad 下次唱好D囉sor sor haha

[@BillBill-ni9ve]

我覺得老挽係唔夠信心 之前首擱淺個高音唔知係咪意外但唱得好靚

[@singtosay]

其實唔關事.OBS成個伴奏delay咗半秒.不過無所謂啦

[@kinleungwong657]

好鬼好聽

[@violetc6032]

Unnatural 超好看 差不多每集都在哭🌚特別是播這首歌的時候

[@hntzkmywifes8756]

真的!😅

[@bcbees]

Wow, really touching! RIP for your beloved one!

[@Neroia]

喜歡這劇這歌很久，至今是第一次聽改詞COVER，有驚有喜。 歌詞有直白有留白，既能附合劇情亦能獨立抽離，優異之作。 惟美中不足之處，是唱腔似有羞怯躊躇。乍聽下去，似是努力背誦歌詞而未有太多感受聯繫，未能帶出曲詞中的人來人去生離死別那種瀟灑淒楚之感。若然能夠再放開一點，接近原唱那種腔調，應該更有味道。

[@deerclaudia]

估唔到釋成中文都可以咁好聽♡而且釋得好到位

[@fattyneal7396]

睇完置頂知道同套戲無沒關係，但係已經吾知第幾次比你地噶歌吸引去煲劇，逃恥同埋未聞花名都係聽完你地改編就走去睇，其實我係懶得追劇噶人。😂😂BTW 歌詞真心正！！

[@singtosay]

其實唔係無關係.只係無意做劇情描寫. 多謝巴打鍾意首歌!

[@jameslo6626]

存活一生總要一嚐 正

[@joergensmoergeniii5071]

好聽

[@singtosay]

因為主唱真係好勁!

[@tszhanwong1000]

啲詞好靚啊~

[@singtosay]

絕對稱唔上係靚.但希望可以講到自己想講嘅嘢!

[@cheunglala8445]

好感動

[@ms.2605]

竟然會改呢首！好感動 TAT

[@singtosay]

Kelly Yu 成日都同大家講話會出呢首haha

[@arsgunner57720]

無限期支持阿挽

[@victorlung1683]

非常高質！

[@InsuDog0701]

一首好歌需要唱出感情 一奏良曲需要牽動靈魂 一訣美詞需要製造影像 加油

[@Choi.ly_]

好贊👍🏿

[@singtosay]

感謝!!!

[@hksunkids]

總覺得你終有一日會成為下一個香港詞壇最top既人，加油

[@singtosay]

連我自己都無呢個諗法:(

[@yali5324]

本身唔係幾好日文歌翻做粵語歌，但可能因為呢一年自己有啲類似經歷，聽完呢首粵語版覺得您填呢首詞好到位。多謝挽歌，加油寫多啲靚詞！

[@lckong6394]

我系大陆粉丝 好中意你d歌词 每次都Like&Share哈哈

[@singtosay]

LC Kong 多謝,見到咁同地方嘅朋友都咁支持真係好感激

[@yuini4307]

LC Kong ＋1

[@yuini4307]

LC Kong ＋1

[@natsulucy1006]

好好聽

[@singtosay]

me agree!!

[@andyzheng966]

型神兼备，很不错的改编！加油 BTW 石原真系好靓

[@sleepingbearOI]

第一句已經超正🤤

[@singtosay]

HERMAN哥功力又大增咗

[@_maisy2795]

每次聽都好想喊..

[@sing753]

很棒的歌詞

[@無口-t3x]

百聽不厭

[@szetungmelodic]

終於等到你哋翻唱啦

[@singtosay]

SOR呀下次唔洗等咁耐!!

[@leonlee7247]

演算法帶我入黎 希望唔好介意我咁講，原歌雖然都係一首悲歌，但始終聽唔明，但你既中文詞，起碼聽完會係一個故事，詞寫得幾好，唱果方面見人見志啦，但我覺得你唱得好聽，繼續加油

[@vickyha581]

頂 好感動😢

[@singtosay]

自己打段字果陣都忍唔到