Tiu Bobore Mannu - Tenore San Gavino di Oniferi - sottotitoli

Tiu Bobore Mannu
Tenzo ottant’annos, fizos mios caros,
e su meu vivire nd’est ja passau,
ma l’ischit Deus si nd’apo provau
in sa vida de tribulos amaros.
Jaiu 'ostru, babbu meu santu,
mortu l’aian pro una venditta;
deo piseddu fia ancora in tita
e no apo connotu cussu ispantu.
E mi fachei a mannu orfanu, solu,
sena mai bogare allegru mutu,
connoschinde a mama sempere in lutu
e i sa domo piena de dolu.
In mes’e tant’isventura e tant’anneu
su coro si pieneit de tristura;
e andende in su monte a s’avventura
giurabo de vendicare a babbu meu.
A babbu chi deo mai l’apo connotu
e téteru e nieddu intro unu sacu
nde l’an batiu mortu e istracu
supra de unu ramu de ilighe trotu.
E los apo connotos sos nemicos
chi an fattu viuda a mama mia,
chi fin cun nois sempere a marrania
dae tempos famosos e anticos.
E una die falei a su cuile
issoro, cun sa canneta istrinta in manu,
fit una die 'e ferias de beranu,
propriu a Pasca Santa de aprile.
Jubanne, su pius malu 'e s'areu,
cuntentu iscannaiat un anzone.
L’abbochineit: “Mira, attentzione!
a oe giompet sos annos babbu meu!”
Jubanne cun sos ateros pastores,
intendende sa forte 'oche mia,
si pesein che canes cun furia
ma cun sa cara de milli colores.
E deo inchietu che porcavru in tana
fia pro dare focu a sa canneta,
cand’assustrada dae sa pinneta
besseit una giovana galana.
E pianghende e currende a facu a mie
mi nareit: “Pro cantu siet feu
su coro tuo a babbu, a babbu meu
non bocas pro sa santa e bella die
chi Deus a sos chelos est artzau
pro saludare a sa Mama Maria!
Ecco, o Bobore, sa pessone mia!
ma non toches a babbu meu amau.”
Sa cara sua fit che i sa luna
e nieddos sos ojos che mura:
deo olvidei s’antiga isventura
e mi passeit s’ira tot’ind’una.
Istei gai firmu e isturdìu
casi 'irgonzosu poi apo esclamau:
“Tando perdono, ca tue as precau,
culumba confidente, in custu nidu!”
E perdonei pro non prosichire
sambene supra sambene e venditta
supra venditta in custa malaitta
gherra de odios malos a finire.
E cussa giovana, fiza de sa nostra
ratza nemiga, antiga e odiada,
cussa s’isposa mia est diventada,
sa bona e amorosa mama bostra.
E dae ue prima essian sas gherras
e sas discordias malas e timias
dae cue sas festas sun bessidas
e cust’ischera de homines fortes.
Pro cussu, o fizos mios, odiade
'onzi mala discòrdia, 'onzi brutu
odiu vanu chi non batit fruttu,
e vivide cun pache e amistade!

[@salvatoremasia3122]

Superiori ❤

[@PieroFlorePierluig-h3x]

Pura poesia...manna emozioe ❤❤❤

[@sergiovargiu7981]

Bellissima poesia di Montanaru. Impeccabile il coro a Tenores S.Gavino di Oniferi

[@massimopu69]

Una poesia con un grande significato.👏👏

[@owl7623]

Poesia pura.

[@davidepuligheddu2689]

Sa thudda! Bette vohe!🔝🔝

[@giuseppemarrante4081]

Tra i più belli di sempre

[@nicololai750]

Bellu su tenore

[@gianpierosanna8316]

Troppu bellu 👍👍👍👍👏👏❤️

[@carlofoddis9765]

A sa mamujadina... 👏👏👏👏❤️

[@antonellomurtas5759]

Siete troppo forti e auguro buona Pasqua in ritardo n

[@giovannisedd7684]

Trattu.unicu

[@su_trighinu9281]

Bellu po esse bellu

[@mattiaagus752]

❤️

[@dgisindahouse]

bella...anzi bellissma

[@robertodelrio6823]

Francesco potrebbe insegnare in conservatorio. Tenore bellissimo

[@giovannisedd7684]

Franziscu.atta.unu.tratu.nobile.belloso.

[@cravadincitincello]

per assicurarsi che non facesse vendetta si è legata a lui. Itta chi viada leggia meda! :)

[@bruttocheffo]

Estasi

[@nurache3891]

Pro pagos e no pro tottu

[@lambertougnutu7701]

Per fortuna noi siamo i"pochi"

[@nurache3891]

Siete veramente bravi. Vi faccio tantissimi complimenti

[@lambertougnutu7701]

Sono molto bravi !!! Cantano senza sforzo minimo come quando parlano ... Il 🔝🔝

[@pierangelamassaiu1917]

❤