Սիսիան-Գորիս ավտոճանապարհը մերկասառույցի պատճառով անանցանելի է․ ձյան բարձրությունն անցնում է 1 մետրը

Рет қаралды 105,354

6 ай бұрын

Այսօր՝ հունվարի 16-ին, արտակարգ իրավիճակ է ստեղծվել Երևան-Մեղրի ավտոճանապարհի Սիսիան-Գորիս հատվածում։
Ինչպես Սյունիքի մարզից հայտնում է ֆոտոլրագրող Գագիկ Շամշյանը, տեղացած առատ ձյան հետևանքով Սիսիան Գորիս մոտ 17-կմ-ոց ճանապարհահատված ամբողջովին մերկասառույց է։Տեղում ուժեղացված ծառայություն են կատարում ՀՀ Ներքին գործերի նախարարության ոստիկանության Պարեկային ծառայության Սյունիքի մարզի գումարտակի պարեկները՝ գումարտակի հրամանատար Գևորգ Զաքարյանի և ՀՀ ՆԳՆ Փրկարար ծառայության Սյունիքի մարզային փրկարարական վարչության Սիսիանի և Գորիսի հրշեջ փրկարարական ջոկատների փրկարարները՝ մարզային փրկարարական վարչության պետ Դավիթ Հովհաննիսյանի գլխավորությամբ։Երթևեկությունը կտրականապես արգելվել է։ Եթե Սիսիանի ճանշինը, որի ղեկավարը Հրայր Գաբրիելյանն է «մատը մատին չի խփել» ճանապարհը ձյան շերտից մաքրելու և մերկասառույցը աղ ու ավազով մշակելու ուղղությամբ, ինչի համար էլ վարորդները «ամենաքաղցր» խոսքերն են ուղղում նրա ղեկավարած կառույցին, ապա Գորիսի ճանշինը, որի ղեկավարը Սարգիս Սարգսյանն է, երեկվանից հսկայական աշխատանքներ է կատարել ու շարունակում է կատարել իրենց կողմից սպասարկվող ճանապարհահատվածը ձյան շերտից մաքրելու ուղղությամբ։Գորիսի ճանշինականները մաքրում են հատուկ տեխնիկաներով ճանապարհները, սակայն բուքը իր «սև գործ»-ն է անում։
Մանրամասները՝ shamshyan.com/hy/article/2024...