Рет қаралды 61,988
Kalapu Huolanga 'o Kolomotu'a
Heilala 2020
Maa'imoa Ta'ahine Kuini Salote Tupou III
1. Lave mālie mai matangi taulua
Talanoa he masani mo e seti ‘o Suva
Loto leva keu hopo ‘o fakafolaua
Keu luva ki ha Adi ‘a si‘oto leipua
Pango ē manatu kuo fakatu‘a
Tafesino‘ivai ‘ea ‘oe Hala Vuna
Samipeni fiefia ko si‘ete koula
Hangē si‘a ‘ofa ‘oku kei talamuka
2. Letiō sasala ‘a e ongo ‘o ‘Apia
Tapa he po‘uli hono kasa ‘uhila
Tuha ‘o e tafitonga pō ne fetu‘u‘ia
Fie‘eva ‘ihe solo mātā ‘o ni siva
Kae mele kuo taungasino ‘iate kita
‘A si’oto leihuni fio moe fāhina
Muimui hoku loto kā hopo ē māhina
‘A Nuku‘alofa moe veili siliva
3. Koe laulōtaha taulanga Pape‘ete
‘A Tahiti kei taku koe Sōsaiete
Koe hauhau tofe tuku ko ‘enau pele
Kete hekasia mai hono matangi lele
Ka neongo ia kuo fakatauele
‘Ae ‘ofa ‘oku tapu ke toe movete
Ki he ‘ōlive ‘oku kapa tu‘umalele
Kanokato ē lelei ‘oku ongo kehekehe
4. Fola ‘i he nusipepa tala ‘o Hauai‘i
Fakalata ‘ae hula hiva ‘ene vanaiki
Ko e fānifo‘anga ‘oe fili Vaihi
‘Ise‘isa hoto loto fie laka he taimi
Kā kuo lī taula ‘a ‘ofa ‘alovili
Ve‘eve‘e heilala ko ha ‘inisēnisi
Vetekina ai si‘i ‘atamai ‘oku fihi
Sai pē si‘i Tonga siueli Pasifiki