Рет қаралды 15,223
Բարձրագույն խմբի 12-րդ տուրի՝ Արարատ-Փյունիկ խաղի սկանդալային ընթացքը ֆուտբոլի ֆեդերացիայի կարգապահական կոմիտեի օրակարգում է: Միջադեպը գրանցվել է 67-րդ րոպեին, երբ Փյունիկը պարտվում էր 1-3 հաշվով: Գնդակի համար պայքարում Արարատի ֆուտբոլիստ խախտել է կանոնները Էրիկ Վարդանյանի նկատմամբ. Փյունիկի ֆուտբոլիստը հարվածել է մրցակցին:
Սակայն այս ոչ սպորտային արարքն ու դրան հաջորդած կարմիր քարտը այնքան չէր քննարկվի, եթե չլիներ Էրիկ Վարդանյանի էմոցիոնալ պատասխանը: Դաշտից հեռանալիս Փյունիկի երիտասարդ ֆուտբոլիստը հայհոյել է երկրպագուներին ու միջնամատ ցույց տվել:
Գոլառատ խաղում Արարատը հաղթել է 4-2 հաշվով և շարունակում է 25 միավորով գլխավորել մրցաշարային աղյուսակը: Նույնքան միավոր ունի նաև Շիրակը: Պարտությունից հետո Փյունիկը 7-րդ տեղում է, իսկ միջադեպի վերաբերյալ որոշումը կկայացնի ֆուտբոլի ֆեդերացիայի կարգապահական կոմիտեն: Այսպիսի դեպքերում, ֆուտբոլիստին սպասվում է երկարաժամկետ որակազրկում: