Рет қаралды 24,898
اسكندرية تانى و اه م العشق يانى و الرمل الزعفرانى ع الشط الكهرمانى و السحر اللى احتويته و البحر اللى احتوانى و البحر ابو الف موجه و الموج بالف حاله و انا المغرم صبابه باسكندرية يابا و فكرة كونى انسى فى حكم الاستحاله فى حكم الاستحالة
عشقت بحرك وغرقت فيكى
وصبحت عندك فى العشق حالة
و سمعت منك و عشقت بيكى
وعجبنى قربك على اى حاله
وعاشرت فيكي الخواجة ينى
اجريجى لكن مصراوى جنى
اسكندرانى عاشق اغانى
جعان يغنى شبعان يغنى
ويبات فحاله يصبح فحاله
وكونه ينسى دى الاستحاله
وسمعت صوت النديم نسايم
ع البحر صابحه و البحر هايم
وسمعت سيد بيقول يا مصرى
الدنيا صاحيه ليه انت نايم
ولما عاند و خانى عصرى
لا شد ضهرى ولا خد بنصرى
بنيت فى حضنك ع الرمله قصرى
وفتحت ع البحر حضن مصرى
ادى القضيه و ادى الرساله
وكونى انسى دى الاستحاله