سكودا فليشيا 🇩🇪 صاحبه المبيعات و الانتشار القوي - تفاصيل كامله مميزات وعيوب | SKODA FELICIA .

#سكودا فيليشيا تفاصيل كامله مميزات و عيوب .
بعد انضمام شركه اسكودا اوتو لفولكس فاجن اطلقت الشركه اصدارات مختلفه زي اسكودا فيوفوري وفارما واكتافيا و كومبي والعربيه ال هنتكلم عنها النهارده كانت واحده من اول و اهم الاصدارات وهي اسكودا فليشيا من اوائل السيارات ليها وبالتحديد سنه ١٩٩٤ وهي سكودا فليشيا
سنه ١٩٩٤ تم انتاج اسكودا فليشيا و ال استمر انتاجها ل ٨ سنين وسنه ٩٨ كانت السنه الاهم في تاريخ الفليشيا ودا بسبب حصولها علي سياره العام دا مع تحقيقها انتشار قوي في الاسواق العالميه
اتميزت الفليشيا في وقت صدورها بتصميمها المتميز و الجذاب فالعربيه كانت بتيحي بكشافات عريضه في الجزئ الامامي مع شبك تهويه في المنتصف وبالاسفل كشافات شبوره اما الجنبين بتتميز الاسكودا بمساحات زجاجيه كبيره مع اوكر بسيطه في الابواب وبالاسفل صداد بلاستيك بعرض العربيه و الجزئ الخلفي فالعربيه هاتشباك وانا واحد من محبي الهاتشباك في اي موديل لكن من رأيي الفليشيا لو تصميم الجزئ الخلفي اتحسن عن كدا كانت هتبقي افضل خاصه وان شكلها من الجزئ الخلفي تقليدي شويه بالنسبه لعربيه هاتشباك لكن برده مميز وناس كتير بتحب فيها التصميم بشكل عام والتصميم الخلفي كان بييجي بكشافات صغيره اسفل الزجاج وتحتهم الاكصدام الفيبر التقليدي
نتيجه للتناسق في الشكل العام و الابعاد
فالعربيه كانت بتيجي بطول ٣ متر ٨٥
عرض متر ٦٣
ارتفاع متر ٤١
مساحه الشنطه الخلفيه بتوصل ل ٢٧٢ لتر تقرييا
مع تانك بنزين ٤٢ لتر
باستهلاك ٦ لتر لكل ١٠٠ ك وبيختلف الاصتهلاك علور معفي حسب لو في وزن او اعطال او مع طريقتك في السواقه
تسارع ١٣ ثانيه
سرعه قصوي ١٦٠ ك في الساعه
اما بالنسبه للمواصفات الميكانيكيه فالفليشيا كانت دفع امامي مع موتور كاربيراتير ١٣٠٠ cc ٨٠ هورس باور مع فتيس مانويل ٥ سرعات
اسكودا فليشيا زي مقولتلك انتشرت انتشار واسع وحققت شهره كبيره وكانت سبب من اسباب نجاح اصدارات اسكودا ولو رجعنا للسبب هنلاقي مميزات مختلفه اتميزت بيها الفليشيا
اولها الاقتصاديه فالعربيه موفره بشكل كبير في استهلاك البنزين وزي مذكرتلك بمعدل ٦ لتر لكل ١٠٠ ك ودا معدل ممتاز للاستهلاك ضيف غلي ظا بقي تكلفه الصيانه الرخيصه وسعر قطع غيارها المعقول دا غير انها بتقبل قطع غيار بديله
بذكر قطع الغيار فميزه تانيه بتميز الفليشيا وهي انتشار قطع غيارها بشكل كبير .
المتانه ونظام التعليق
سكودا فليشيا بتتميز بشكل كبير بالمتانه في الصاج فهتلاقيه قوي جدا وبالاضافه للمتانه ميزه كمان وهي العفشه عفشتها قويه وتتحمل ودا بشهاده اغلب الناس ال جربوها
الاتزان القوي الفليشيا ثابته مع السرعات بشكل كبير ودا تايجه لتناسق الوزن مع الابعاد
السعر سعر سكودا فليشيا في المعقول اوي وتناسب بشكل كبير الفئه الاقتصاديه و الناس ال عايزه عربيه عمليه
التصميم تصميم الفليشيا مع الاهتمام بيها جميل جدا ودا كان سبب من اسباب انتشار العربيه في اسواق مختلفه
اعاده البيع نتيجه للسعر و المميزات ال ذكرناها اعاده بيعها جيده ومش هتركن معاك زي عربيات كتير لكن دا بيتوقف علي مدي اهتمامك بيها و السعر ال انت عارضه
زي م كان في الفليشيا مميزات ساهمت بشكل كبير في انتشار وشهره العربيه الا ان كان في عيوب ظهرت مع الاستهلاك و الوقت
اولها الموتور صوت الموتور عالي الي حد ما ودا لان سير الكاتينه ليها جنزير معدن مش كاوتش فيرغم ان المعدن اعتمادي جدا ويكاد يكون مبيتغيرش لكن نتيجته بتبقي في الصوت العالي للموتور
اما تاني عيب وفي الموتور برده وهو السخونه ودا هتلاقيه في اصدارات كتير من الفليشيا و المشكله دي بتبقي بأسباب مختلفه منها ان عدم تناسق وزن العربيه مع عزم الموتور ف الموتور ١٣٠٠ cc وحجم ووزن العربيه كبير فبالتالي العزم ضعيف وبيأدي لسخونه تاني سبب للسخونه وهي ان دوره التبريد للعربيه مغلقه فأي تنفيث او او تسريب هيأدي لسخونه لحظيه مع الموتور اما تالت سبب بييجي نتيجه للتعامل الخطأ في حاله ظهور مشكله و العربيه جابت وش سلندر في ناس بتعالج القديم وتشيل الهيكل الامامي منه ودا غلط جدا ولو حصل كدا ف الافضل انك تغير وش السلندر بالكامل وتجيب حاجه استيراد .
الكهربا كهربه العربيه مش عيب فيها واعطالها مش كتير لكن المشكله ان مش اي صنايعي يقدر يشتغل في كهرباها بسهوله فبتحتاج حد مختص للفليشيا عشان عكس كدا وصنايعي مش فاهم اشتغلك فيها وارد جدا يظهر عيوب تانيه
تجربه القياده زي مذكرتلك العربيه اتزانها مقبول جدا علي الطريق مع السرعات العاليه لكن بتنزل من غير باور فلو انت سايق في المدن و الشوارع الضيقه السواقه مش هتعجبك لو متعود علي عربيات باور تاني عيب بالنسبه لتجربه القياده هتلاقيه بشكل واضح في الطلعه فتسارع العربيه من صفر ل ١٠٠ في ١٣ ثانيه ودي حاجه ممله عشان تاخد سرعتها بالاضافه لعزمها الضعيف
التجهيزات ووسائل الامان
العربيه بتيجي بتجهيزات بسيطه جدا و متواضعه ولو فكرت تشغل عليها تكييف هتلاقي الموتور في حاله غير مستقره اما وسائل الامان فالعربيه معدومه منها اللهم الا الصاج القوي والاتزان ع الطريق .
طيب الخلاصه كدا سكودا فليشيا تمام وتستاهل انك تجيبها ولا لا
من رأيي وبصراحه عربيه بسعر الفليشيا في الوقت دا يديها قيمه كبيره مقابل سعرها ودا بسبب مميزاتها ال ذكرناها حتي العيوب ال موجوده فيها سهل جدا تتاقلم معاها
واصعب عيب فيها بيتمثل في السخونه و الحل موجود في حاله انك غيرت المروحه لمروحه تانيه ٦ ريشه ممكن من الريجاتا او اللانوس او انك غيرت الريدياتير بريدياتير اكبر دا مع متابعه دوره التبريد
ومع حل المشكله دي واهتمامك بيها فالفليشيا هتبقي ممتازه معاك وفعلا تستاهل فلوسها
دا كان فيديو سكودا فليشيا
متنساش اللايك و السبسكرايب
سلام ي وحش

[@user-xi7kd5hl3f]

بحب اوي فيديوهات استمر يا اخي ❤

[@muhamedawad8193]

#سينما_السيارات ❤️❤️

[@mostafahosame52]

ممكن فيديو عن كيا برايد

[@muhamedawad8193]

بأذن الله #سينما_السيارات ❤️

[@user-qs4kz1fs5s]

ياريت ترد عليه الله يكرمك هي حاليا تعمل كام وتكون بحالة جيدة م؛مش محتاجة مصروف يعني اركب وأمشي

[@muhamedawad8193]

السعر بيبتدي من ١١٥ الف ل ١٦٠ الف تقريبا ودا علي حسب سنه الاصدار للموديل و الفئه و حاله العربيه مع العلم السعر ممكن يختلف علي حسب الشخص و الوقت ال هتشتري فيه #سينما_السيارات ❤️

[@user-yk3lc4pg6q]

هي ولا سيات إبيزا سيستم بورش موديل ٩٢

[@muhamedawad8193]

سيات ابيزا عصريه و ا ممتعه في القياده بشكل اكبر لكن في تفاصيل كتير محتاجه فيديو خاص #سينما_السيارات ❤️

[@salahel-deenmohamed5920]

فيها تمييف وهى افضل ولا اللانوس

[@muhamedawad8193]

تكييفها ضعيف ومش موجود تقريبا في كل الاصدارات و بالتأكيد اللانوس افضل #سينما_السيارات ❤️

[@adelaboud6059]

هيا ولا الاونو

[@muhamedawad8193]

الفليشيا اكيد #سينما_السيارات ❤️

[@minamoawad9330]

هى ولا السويفت

[@muhamedawad8193]

من رأيي اسكودا #سينما_السيارات ❤️

[@Mostafa_Ali-Farouk]

هيا ولا هيونداي اكسيل

[@muhamedawad8193]

هيونداي اكسيل اكثر اعتماديه #سينما_السيارات❤️

[@fadyatef8653]

حيران بينها وبين الشاريد أرجو الإفادة

[@muhamedawad8193]

الشاريد اعتماديه اكتر و تجربه القياده ليها افضل لكن الفليشيا اعاده بعها افضل و قطع غيارها متوفره بشكل اكبر فشوف الانسب ليك واتعامل #سينما_السيارات ❤️

[@fadyatef8653]

@@muhamedawad8193 حقيقي حضرتك مصدر ثقه والواحد استفاد كتير من معلوماتك بعيد عن الهبد المنتشر،، بس انا لسه متفرج علي فيديو بيجو 405،، واحسسها افضل من الاتنين فى الاعتماديه ويمكن على كلام حضرتك هي الافضل في نفس الفئة السعرية اكتر من الاكسيل والتمبرا.. علي قد فهمي من فيديوهاتك وريفيوهاتك فى الكومنتات

[@muhamedawad8193]

@@fadyatef8653 اتشىرفت بمتابعتك #سينما_السيارات ❤️

[@hossamahmed6048]

مع احترامي لحضرتك كل معلوماتك مختصرة في المنتشر بين الناس بالغلط وهي موضوع السخونة واللي كلو موضوع بسيط جدا أول حاجة مهمة حضرتك ماذكرتش انها بتنزل ب كذا موتور ومعلومة تانك البنزين بتفرق لو العربية انجكشن او كربراتير لو انجكشن التانك 42 و 6 احتياطي كربراتير 47 و 6 احتياطي معلومات عن فيليشيا ونحاول نصحح معلومات كتير غلط عنها الأول تعرف انها بموتورين 1300 كرابريتر و 1300 انجكشن وفي 1600 و 1.9 ديزل منزلش مصر في موديلات بتنزل باور تكييف ومرايات كهربا و Abs وAirbags وسخانات كراسي أمامية ايموبلايزر (نظام مانع السرقة) الفيليشيا من94 ل 2001 في موديلات ستيشن بيتقال عليها كومبي (شنطة العربية أكبر وحجم العربية أطول من الهاتش باك) وفي موديلات بيك اب نقل مميزات العربية : 1صالون واسع ومريح والكنبة واسعة مساحة الشنطة تكفى الغرض لحد كبير 2 موفرة في البنزين خصوصا الانجكشن 3 ثبات ممتاز وعفشة مريحة جدا 4 عربية عضم ناشف 5قطع غيار جديد و استيراد وفي حاجة مهمة جدا في الفيليشيا في ناس كتير بتفتي فيها اول من اول بتسخن لحد كلمة دي موديل قديم مش فاهم قديم ازاي وهي 2000 او حتى 95 في عربيات موديلات 80 ممتازة ده غير موديلات ال 70 كلو على حسب الصيانة والاستهلاك الصح اخيرا هي أفضل عربية من عربيات جدا بالنسبالي في حدود السعر بتاعها وماتتحطش في مقارنة مع ماروتي ولاا اونو ولاا برايد ولاا العربيات الصيني byd و geely اخر حاجة العربية دي دخلت سباقات رالي رسمية مع سكودا وكسبت مركز اول ولحد دلوقتي بتدخل رالي اليويتوب عليه كل حاجة بكل التواريخ اكيد مفهوم يعني ايه عربية تدخل رالي

[@muhamedawad8193]

جميل واضح ان حضرتك نقلت مقال زي مهو للعلم ومع احترامي ليك لو متابع فيديوهاتنا هتلاقيني باكلم عن الموديل الاكثر انتشارا في مصر مش اوروبا ولا شرق اسيا ٢ . كل معلومه بنذكرها بتبقي من مصادر موثوقه جدا ومن ناس ملاك للعربيه او فنيين اشتغلو عليها و الموديل ال نزل مصر كان بنسخه واحده غير كدا ممكن يكون وارد خارج ودا نادر . ٣ . مذكرتش في الفيديو تفاصيل عن اذا كانت السعه الليتريه كام يبقي ليه بتتكلم عليها . . مذكرناش مقارنه بينها وبين الصيني حضرتك بتتكلم بناء علي اي . اخر حاجه وباكد عليها مصادرنا من ملاك وفنيين و مش عارف اذا كان حضرتك دي معلومه شفتها وبتنقلها ولا عن تجربه و بم انك جبت معلومه ي ريت تسيب مصدرها #سينما_السيارات ❤️

[@hossamahmed6048]

​@@muhamedawad8193 الكلام ده بوست انا اللي كاتبه كله بالحرف والمعلومات دي انا عرفتها مع الوقت مش دخلت نقلت كلمتين عشان انا ماسك جروب فيليشيا مصر دخلة كلامك مش حلوة واضح انك ناقل مقال زي ماهو مش عشان انت عملت كدا ونقلت غلطت فا كلو بيعمل زي حضرتك.. العربية معايا بقالها عشر سنين ده كفيل اني اعرف الكلام ده مش انقل كلمتين واجي احطهم عندك ماحدش هايديني فلوس على الكلام ده والله انا حبيت أوضح لحضرتك وانت خدت الموضوع بطريقة تاني حسب نيتك

[@muhamedawad8193]

@@hossamahmed6048 نتشرف بحضرتك في اي كومنت تكتبه لكن شوف ردالكلام ال في الكومنت و راجع الفيديو هتفهم ملخص الكلام . و الفرق م بين فليشيا ال في السوق المحلي او ال في السوق الاوروبي و موديلات تانيه في بلاد مختلفه علي حسب الوكيل #سينما_السيارات ❤️