سلامي بردة وافية يا خيار القوم | عبدالرحمن بن خويتم وأحمد الناصر| ١٤٠٠ هـ (عنيزة)

[@almo3ana]

رحم الله الشاعر القدير أحمد الناصر الشايع واطال الله عمر الشاعر القدير عبدالرحمن بن خويتم العصيمي بصحة وعافية.

[@رفيقالصمت-س1ك]

رحم الله العملاق الخلوق احمد الناصر ويطول بعمر بن خويتم على العز والطاعه . وبيض الله وجهك يا راعي القناة جهد تشكر عليه

[@almo3ana]

اللهم آمين ،، والشكر لك على المرور والدعوة الجميلة ،، ووجهك أبيض يالغالي.

[@abonaif629]

*الله يطول بعمر الشيخ عبدالرحمن بن خويتم العصيمي شاعر علَم وصيت رفيع ومنبع طيب* ^^ *ورحمة الله على الشاعر الكبير أحمد الناصر* ^^

[@almo3ana]

اللهم آمين ،، ولك الشكر أخوي أبو نايف على مرورك وتعليقك الجميل.

[@khl3470]

مشكور على الاختيار الجميل النادر ونشكرك ايضا على اختصار وقت المحاوره وماقصرت

[@almo3ana]

العفو يالغالي ،، والشكر موصول لك على المرور والتعليق الجميل.

[@محمدعبدالله-ب5ث4ظ]

محاورة بين الشاعرين: عبدالرحمن بن خويتم العصيمي العتيبي وأحمد الناصر الشايع، عام 1400هـ في عنيزة. عبدالرحمن: سلامي بردّه وافية ياخيار القوم تحية على وضح النقا نورها بادي ألا ياأحمدالناصر عليك الخطا واللوم علامك تروح لسوق صنعاء وبغدادي أحمد: هلا مرحبا ترحيب ياصلك بأول سوم عدد ما اشتعل بارق وما حَن رعّادي أنا يوم اجي بغداد ادوّر خبر وعلوم وكم طير يارجّال بالفخ ينصادي عبدالرحمن: يدوم البقا مار العرب رمحهم مرسوم عليك العرب حطَّوا جواسيس وارصادي ترى اللي يغطّ البحر الابيض يعرف يعوم ولا انته بصايد قوم ياوَلْد الاجوادي أحمد: أنا طول عمري ما كليت البصل والثوم ولا لي بمقعاد المناقيد مقعادي اثر واحدٍ معطى واثر واحدٍ محروم واثر واحدٍ مَشْيَه عن الدرب متحادي عبدالرحمن: ترى الثوم لاهْلَه وانت لقمه ورا البلعوم أظنّك تخلّي مهبط الشرب والزادي أنا ما احسب إن اللي سواتك سرى منجوم ترى اللي غدى بالليل ماعنه نشّادي أحمد: أحسب الجراد بْمَاقَعَه وامس مثل اليوم واهاديك يارجّال مار الله الهادي لو إنك تطير بريش ما لك عن المقسوم أمُرّك بمحداري وامُرّك بمسنادي عبدالرحمن: أحَسْبِكْ ولد عمّي واحَسْبِك عقيد الروم لكن انت عندك موترٍ دون عدّادي ترانا رجالٍ ما نحب الخطا والزوم ليا جيت في حَدّك ترى حَدّي البادي أحمد: أبا امسي خلا ماني بظالم ولا مظلوم وهذاك ميعادك وهذاك ميعادي ألا ياجماعتنا بعير الظهر معدوم ولا به بعيرٍ يرغبه كل كدّادي عبدالرحمن: ليا امسيت وَسْطْ القوم يكثر عليك الحوم تعيّد عليك القوم قدّام الاعيادي عليك الحمول مثبّـته والبلد محكوم عسى الله يسلّم لك عريبين الاجدادي أحمد: أنا ما نويت أبْرِم على سِلْكِك المبروم وانا اخاف من منقود حامد وحمّادي رُبَوْك النشامى بالعصا ما رُبَاكْ رخوم وَلَكَنّ سيل الضلع خلّه مع الوادي

[@khl3470]

شكرا لك على كتابة المحاوره

[@almo3ana]

ألف شكر أخوي محمد علة تعليقك ،، وكما عودتنا بمجهودك في كتابة الأبيات ،، ممتن لك .

[@سنامالعزالعز]

عبدالرحمن بن خويتم كان مدير احوال حايل وقد تقاعد منها ؟ولازال قيم فيها الله يعطيه الصحه ابو نايف.. واخوه الشاعر عبدالله بن خويتم وكان مدير احوال جيزان ومن ثم انتقل للداخليه كامفتش وتقاعد ومات ضماء بعد تعطل سيارته بين الافلاج وديار العصمه حيث كان يسلك طريق بري...عليه رحمة الله

[@almo3ana]

الله يطوّل عمره على الطاعة ،، وأشكرك على الإثراء الجميل والمشاركة الرائعة.