Рет қаралды 120
عمرك سمعت صوت تنقيط ميه من التكييف وانت قاعد كده بالليل قبل ما تنام والجو هادي.
السلام عليكم ورحمه الله وبركاته اهلا بكم في فيديو جديد ومعاكم هاني
النهارده هنعرف مع بعض ايه سبب الصوت ده، بس قبل ما نبدا الفيديو، شرفونا بالاشتراك في القناه وفعلوا علامه الجرس واضغطوا لايك، ويلا بينا.
اول حاجه هتيجي في دماغك لما تسمع صوت تنقيط الميه ده
ان التكييف بيوقع ميه من الوحده الداخليه في الاوضه
هتقلق وتخاف وهتقوم تجري وتشغل النور وتقف تحت الوحده الداخلية
وتبدا تدور هي فين الميه اللي وقعت واللي انا سامع صوتها دي.... راحت فين،، انا مش شايفها.
بس هقولكوا نصيحه كده جانبيه بعيدا عن موضوع الفيديو
دايما خلي خرطوم الصرف غير ملامس لاعلى نقطه ممكنة لسطح الميه في الجردل، يعني خرطوم الصرف ما يكونش في متناول الوصول لسطح الميه مهما عليت
علشان لو الجردل اتملى للاخر الخرطوم ما يسحبش منه وتقع عليك جوه الغرفه من الوحده الداخليه، وكفايه انها تقع بره في المكان اللي الجردل محطوط فيه على الارض... وللعلم في تكييفات مهما كان الخرطوم منغمس جوه الميه ما بيسحبش لجوه، زي تكييف شارب مثلا، بس لازم تبقى عامل حسابك.
نرجع بقى لموضوعنا وهو صوت الميه ده جاي منين
ببساطه كده وعلشان ما نطولش في الفاضي التكييف بيجمع الرطوبه اللي موجودة في الهوا عن طريق تكثيفها على الكويل في الوحده الداخليه
والميه دي بتنزل من على الكويل في شكل نقط في قلب حوض التكييف اللي بيكون فيه ميول صغير وبسيط ناحيه خرطوم الصرف اللي واصل لجردل الصرف... في ناس لو ما عندهاش جرد صرف هتقول لك ان انت بتقول كلام غلط.
ونزول الميه من الكويل على الحوض هو ده اللي بيعمل صوت التنقيط والصوت ده بيزيد جدا في الايام اللي فيها رطوبه عاليه، خاصه اواخر شهر 7 وكل شهر 8 واجزاء من شهر 9، لدرجه ان عندي انا شخصيا كل يوم بيخرج من التكييف عندي 10 لتر ميه، والتكييف واحد ونص حصان.
وصوت التنقيط ده بيكون واضح جدا قبل النوم لانك بتكون مطفي كل حاجه ومقفل الاوضه باحكام
وبالتالي لو الابره وقعت على الارض هترن
بالظبط نقطه الميه لما بتقع في حوض الصرف بتاع التكييف بترن هي كمان
اظن الموضوع بسيط وأصبح واضح اكتر
وبالتالي اظن اننا نستاهل اللايك قبل ما تخرجوا من الفيديو، وختاما شكرا ليكم والسلام عليكم ورحمه الله وبركاته