احسن ايباد تشتريه في 2024

#ايباد #ipad #ايباد_برو #ipadpro
Become a Patron! www.patreon.com/bePatron?u=71...
اي حد دلوقتي بيفكر يشتري ايباد قدامه قرار مش سهل علشان يختار الاصدار المناسب ليه وخصوصاً دلوقتي علشان فيه 5 اصدارات مختلفة مش بس واحد ولا اثنين.. في الفيديو ده انا بقارن ال 5 اصدارات مع بعض:
1. الـ Basic iPad 10.2" (9th generation)
2. الـ iPad mini 8.3" (6th generation)
3. الـ iPad Air 10.9" (5th generation)
4. الـ iPad Pro 11" (3rd generation)
5. الـ iPad Pro 12.9" (5th generation)
وهديلك فكرة عامة علي مبدأ تناقص القيمة واللي هيساعدك في شراء اي جهاز الكتروني مش بس ايباد, The idea of Diminishing Returns
والمبدأ ده اتكلم عنه Ali Abdaal في مقارنة الايباد
ايباد برو ولا ايباد اير ولا ايباد ميني؟ - iPad Pro vs iPad Air vs iPad mini
اقسام الفيديو
---
المقدمة 00:00
الملخص مقدماً 01:10
مبدأ تناقص القيمة 04:00
مميزات وعيوب الـ Basic iPad 06:31
مميزات وعيوب الـ iPad mini 10:32
مميزات وعيوب الـ iPad Air 12:55
مميزات وعيوب الـ iPad Pro 11" 16:10
مميزات وعيوب الـ iPad Pro 12.9" 20:30
الخلاصة 22:11

[@user-zk1to5ow4z]

بصراحة اذا استمريت بهذا الاسلوب وبهذا الجهد في انتاج محتوى بهذه الجودة وبهذا الكم من المعلومات الشاملة ف قريباً راح تنافس كثير يوتيوبر مشهورين في نفس مجالك .

[@BishoyGerges]

بحاول علي قد ما اقدر، بس فعلاً انتاج الفيديو بيكون متعب جداً جداً وخصوصاً اني مش متفرغ تماما للموضوع.. بس اشكرك علي دعمك وتشجيعك 🌹

[@lila8291]

تقريبا انت الوحيد في كل يوتيوب اللي عملت فيديو زي كده.. بجد مجهود خرافي في البحث وترتيب المعلومات.. بجد شكرا علي مجهودك

[@BishoyGerges]

ههه شكرا جدا لتشجيعك 🌹

[@subzero6163]

باشا انا مش محتاج اتفرج علي فيديوهات تاني لاي ايباد.. انت قولت كل حاجة محتاج اعرفها

[@BishoyGerges]

مبسوط ان الفيديو ده ساعدك 🌹

[@atheeralothmani7480]

صراحة افضل فديو شفته للمقارنه بين الايبادات شامل جميع المعلومات اللي احتاجها

[@BishoyGerges]

سعيد جدا ان الفيديو عجبك 🌹 قررت انه iPad اللي مناسب اكتر؟ 😉

[@nisrinkhalidah6985]

انت اكتشاف بجد يابني.. ربنا يوفقك.. ياريت تعملنا فيديو عن الماوس اللي موجود جنبك ده

[@BishoyGerges]

ههه اشكرك جداً.. وحاضر هحضر فيديو عن الماوس ده

[@a100ify]

أنا كنت مستني منك فيديو زي دة ، انت عالمي

[@BishoyGerges]

شكرا جدا لتشجيعك 🌹

[@reklessingaming6238]

احييك علي المراجعة دي و اتفرجت علي كذا مراجعه العرض مفصل و وافي استمر بحيادية كدا و ربنا يوفقك

[@BishoyGerges]

اشكرك جدا

[@nadasami3555]

محتوي حضرتك مميز جدا بجد و متعوب عليه و باين جدا انه شغل نضيف .. بتمنالك كل التوفيق و ان شاء الله القناة تبقي رقم ١

[@BishoyGerges]

شكرا جدا يا فندم لتشجيعك 🌹

[@hope_flower.]

@@BishoyGerges ممكن بعد اذن حضرتك تقول السعر بالمصري بعد ماتقول السعر بالدولار😂

[@BishoyGerges]

صعب لسببين.. اولا فيه متابعين كتير للقناة من دول عربية غير مصر فالاسهل ليهم التحويل من الدولار ثانيا سعر الدولار قصاد الجنيه مش مستقر وده مخلي الاسعار بالجنيه كل يوم في تغيير علشان كده الافضل يكون بالدولار 😉

[@muhammeddaif738]

فيديو جميل وثري تسلم والله

[@barrakq8804]

بصراحة وبكل حيادية من افضل الاشياء في اليوتيوب قناتك وتشرفت في الاشتراك لمتابعتك كمية معلومات واستفادة استمر يابطل تحياتي من الكويت 🇰🇼

[@BishoyGerges]

اشكرك جدا جدا وتحياتي لك ولكل اهل الكويت 🇰🇼

[@ahmedezzat3191]

شرح كافي ووافي ❤️❤️ شكرًا لمجهودك ❤️

[@BishoyGerges]

اشكرك جداً

[@Elhenawy_Talks]

شكرا علي الفيديو 💛

[@BishoyGerges]

شكرا ليك. 🌹 مبسوط ان الفيديو عجبك

[@ahmedkandil7428]

اول مره اتفرج عليك وبجد طريقتك ف المراجعه بالتفصيل الملل واسلوبك عجبني تحياتي❤️

[@BishoyGerges]

اشكرك جدا يا احمد ويشرفني اشتراكك 🌹

[@kamilsaid333]

انا مش من عادتي اني بعلق علي الفيديوهات بسهولة، بس بجد المجهود اللي انت عامله في الفيديو ده بجد يستحق الاحترام والتحية.

[@BishoyGerges]

شكرا جدا يا باشا علي تعليقك 🌹🌹

[@Abdohagag74]

مش عارف اوصف فيديوهاتك ازاي بصراحة الكلام لا يعبر عنك لانك بتقدم محتوي التيك بشكل مختلف ❤️

[@BishoyGerges]

اشكرك جدا

[@6666mode]

احلى اشتراك..والسبب ان اسلوبك جميل مثل وجهك+اسلوب القائك الممتع..تحياتي لك.

[@jjam1614]

شغل جامد ومحتوى مميز.. انت رائع

[@BishoyGerges]

اشكرك جدا 🤩🤩

[@techtimei6091]

23:51 نصحية ذهبية يا بيشوي .. ربنا يصلح حالك ويهديك أنت إنسان محترم فعلا ... تحياتي يا أبن بلادي

[@BishoyGerges]

حبيبي.. شكرا جدا 🤍

[@djelloulgourari9344]

شكرا مراجعة ممتازة

[@BishoyGerges]

اشكرك جدا.. انه ايباد لاقيته مناسب ليك اكتر؟

[@oneworld643]

مقارنة ولا اروع بجد

[@BishoyGerges]

اشكرك جدا 🌹

[@user-zk5eq5ge9w]

استمر ياوحش احسن طريقه في شرح الفديوهات

[@BishoyGerges]

حبيبي 🤍

[@mondy6707]

يا بيشو يا بيشو.. ايه الجمال والمتعة ديه.. انت جاوبت علي كل حاجة في الفيديو ده

[@BishoyGerges]

حبيبي.. شكرا جدا ليك 🌹

[@eben_aliraq2023]

انتة مبدع استاذ ربي يوفقك اتمنى بالمستقبل تكون قناتك افضل قناة عربية تكنلوجيا ❤

[@BishoyGerges]

اشكرك جدا اخي العزيز 🤍

[@kafkaesque.6976]

اني هواي شفت مقارنات بين اجهزة ايباد من ابل ، لكن هذا الفديو افضل فديو بينهم واكثر فديو مفيد واستفاديت منه ، شرح منطقي ومفصل لكل حالة ، تحياتي عمار من العراق🤍

[@BishoyGerges]

اشكرك جداً لتعليقك ويشرفني متابعتك 🌹حابب اعرف انه جهاز ايباد عجبك اكتر؟

[@kafkaesque.6976]

@@BishoyGerges ال basic ipad مستبعدة لان الحواف مزعجة والقلم مزعج بالاستخدام ، فالخيار بي الاير والبرو ، والاير ٦٤ ما اعرف اذا كانت تكفيني او لا احتاجة دراسة وممكن احمل فيلم او مسلسل واشاهده واحذفهم ، احتمال احمل كم لعبة ، وحاب اتعلم مونتاج ورسم فوتوغرافي ، ودراستي طب يعني لمدة ٦ سنين ، اعتقد ما تكفي ٦٤ صح؟😆 ، فممكن اخذ برو ، لكن برأي حضرتك انتظر ينزل برو ٢٠٢٢ حتى ينزل سعر ال٢٠٢١ ولا كيف؟

[@user-yy9uk5rk5r]

رائع كالعادة بالتوفيق ان شاء الله

[@BishoyGerges]

اشكرك جدا 🌹

[@ramyraafathabib6894]

شكرا على مجهودك في المحتوى الرائع ... كنت عاوز أعرف رأيك في Samsung Tab A8

[@BishoyGerges]

تابلت رائع جداً للفئة المتوسطة.. مشكلته بس ان جودة الشاشة مش احسن حاجة بالرغم من مساحتها الكبيرة 10.5" وان البطارية وحشة.. لكن غير كده فهو تابلت مناسب جداً

[@naderebrhim5534]

شكرا جزيلا على المجهود رائع أستمر

[@BishoyGerges]

شكرا جدا يا نادر 🤍

[@bilalbitar622]

الفيدي ده فعلاً ساعدني جدا اقرر ان ال ipad air هو الجهاز المناسب ليا.. شكرا ليك جدا علي المقارنة المذهلة ديه

[@BishoyGerges]

اختيار موفق

[@weirdthoughts7302]

حبيبي يا بيشوي.. فيديو طويل بس شامل

[@BishoyGerges]

انا عارف انه طويل بس علشان اتكلمت فيه عن اكتر من جهاز.. اتمني يكون عجبك 😉

[@weirdthoughts7302]

@@BishoyGerges لا خالص انا كنت مستمتع بيه جدا.. شكرا ليك مرة تانية

[@hayderhameed6227]

استمر يا مبدع 👏👏

[@BishoyGerges]

اشكرك جدا 🌹 قولي انه موديل انت شايفه مناسب ليك اكتر؟

[@hayderhameed6227]

@@BishoyGerges ipad air 5.. انا طالب جامعة

[@BishoyGerges]

@@hayderhameed6227 احييك.. اختيار حلو

[@noooorshams2549]

شكرا للشرح الوافى والنصائح الامينه وحابب اخد راي حضرتك فى جهاز ماك بوك أير M1 لطلبه كليه فنون جميله لأعمال الجرافيك والتصميم والانيميشن تنصحنى بايه? مع الشكر

[@BishoyGerges]

بصراحة مقدرش ادي رأي اوي لأني مشتغلتش علي الجهاز بنفسي لكن معالج ال M1 رائع جدا جدا في الجرافيكس بصفة عامة

[@sarviaibrahim8953]

مقدرتش معملش اشتراك الصراحة 😍😍

[@BishoyGerges]

اشكرك جدا 🌹

[@YoussefAhmed-ph2gj]

اهلا استاذ بيشوى ممكن تعمل فيديو عن ازاى بتستخدم السيرفس برو ف يومك و افضل البرامج اللى بتزود الانتاجية ع الجهاز و ازاى تقدر تاخد اقصى استفادة من ميزة ٢ ف ١ مع نظام الويندوز اتمنى اكون وصلت فكرتى اللى هو ما يبقاش ريفيو للجهاز قد ما هو بتستفيد منه ازاى ف يومك من الصبح لبلبل حاجة زى a day in my life using the surface pro و لو ممكن كمان تصور لقطات من يومك بعتذر لو طولت بس اعتقد دى فكرة مميزة

[@BishoyGerges]

فاهم قصدك وفعلاً ديه فكرة رائعة جداً.. انا بس مجربتش اعمل موضوع day in life ده ومش عارف هيكون ليه اقبال مع جهاز زي السيرفيس ولا لأ بس هفكر في الموضوع حاضر.. شكرا جدا لتعليقك

[@shadinour6824]

انت عملت ٢×١ عملت مراجعة لكل انواع الايباد وفي نفس الوقت عملت مقارنة مابينهم وديه حاجة صايعة جدا وناس يوتيوبرز كبيرة معرفوش يعملوا زي كده. بجد برافو يابني

[@BishoyGerges]

اشكرك جدا 🌹

[@danaryan1343]

من أروع الشروحات وابسطها و أكثرها ثراء ومعلومات فعلا فعلا قيمة وما شاء الله حضرتك غطيت كل جوانب المقارنة انا هستني كل الرفيوز الجاية لحضرتك، ودا كله كوم و جودة التصوير والابداع ف تقديم المحتوي بطريقة مختلفة ومهضومة اوي بتمنالك كل التوفيق والنجاح ف الجاي❤️

[@BishoyGerges]

اشكرك جدا جدا علي كلامك المشجع 🤩

[@danaryan1343]

ممكن حضرتك تبقي توضح ليه هو لا يغني عن الابتوب، ف اي نقاط بالظبط؟ يعني الوورد هيفرق ايه مثلا بتطبيق عملي يوضح دا بيكون فيه ايه ودا فيه ايه

[@ahmedelmohmedy4986]

بيشوى بتقدم محتوى رائع ربنا يوفقك سؤال من فضلك مش فاهم حتت الكتابة بالعربي على الايباد يعنى ايه مش مدعومة اللغة العربية وحضرتك بتكتب بالقلم عربي على الايباد ولا حضرتك تقصد شئ ثانى

[@BishoyGerges]

شكرا يا احمد ليك.. قصدي في موضوع العربي انه مش بيحول الكتابة باليد لنصوص مكتوبة زي مثلا تابلت سامسونج (هتلاقي مراجعة ليه هنا في القناة) واللي يقدر يحول الكتابة باليد لنصوص

[@A-Sh-71]

اشكرك استاذ جرجس. وياريت لو تعمل مقارنة بين Samsung tab S8 و ipad pro11 2022 لأن هذين الجهازين في مقدمة اللوحيات المتنافسة. وياريت لو تركز على التطبيقات (المجانية منها وغير المجانية) ومن حيث الأداء بالإضافة الى الصوت والصورة ...الخ.

[@BishoyGerges]

انا بالفعل عامل المقارنة ديه بس مع تابلت سامسونج الالترا: kzbin.info/www/bejne/oIbHqKmDityUaNE اتفرج عليها وقولي لو لسة محتاج حاجة

[@samsuilona1702]

اجمل وأروع شرح.. ممكن رابط شرح ايباد السامسونج

[@BishoyGerges]

اشكرك جدا بس تقصد ايه بايباد السامسونج؟ قصدك تابلت سامسونج؟

[@mohamednageh2888]

شرح ممتاز

[@BishoyGerges]

شكرا ليك جدا 🌹 انه موديل لاقيته مناسب ليك اكتر؟

[@amrayed8093]

بصراحه عرض ممتاز

[@ibgad]

شرح اكتر من رائع بس ارجو توضيح الكتابة بالقلم باللغة العربية فى الايباد لأنك مررتها بسرعة.ياريت توضحها وشكرا

[@BishoyGerges]

هتلاقي النقطة ديه اوضح شوية في الفيديو السابق اللي بقارن فيه الايباد بتابلت سامسونج.. خد نظرة عليه من هنا: kzbin.info/www/bejne/oIbHqKmDityUaNE

[@haythamaladdin3666]

تاني 😉😉

[@BishoyGerges]

حبيبي.. يارب يكون عجبك 🌹

[@elhadary22]

استاذ بيشوي لو سمحت هل فيه برنامج على الايباد اقدر اكتب عليه بالقلم ويعمل scribble للغة العربية

[@BishoyGerges]

للأسف لأ.. الايباد مش بيدعم التعرف علي الكتابة العربية

[@techtimei6091]

المفروض تعمل فديو جديد تتكلم عن الايباد الجديد والكيبورد الجديد

[@BishoyGerges]

ممكن مع البرو القادم

[@TECHMohammedsalama]

فيديو رائع انا ليا صديق معاه ipad 9 th وفاتح بيه قناه لببجي لعب وتسجيل شاشه ومنتاج والجهاز مكمل معاه وداخل علي ست أشهر وادائه ثابت في تجربه الاستخدام عشان كدا انا اشتريته فا انا شايف انه هيستحمل معاه اكتر في الاستخدام التقيل وممكن الشخص يشتريه عشان الاستخدام الثقيل برضو

[@BishoyGerges]

الحق يتقال ان اجهزة ابل كلها تمتاز باعلي جودة فعلا واطول عمر حتي علي مستوي اجهزة الماك اللي الناس يتغيرها علشان زهقت من الجهاز وعايزة تغيير اكتر من ان علشان الجهاز بقي بطيئ معاها 😄

[@marwafadle7380]

لو سمحت ممكن طرق التواصل ؟

[@zainabmoussa2955]

سوال هل كيبورد سامسونغ يدعم الكتابة باللغة العربية وايباد و هل ممكن ان اصل بالسامسونغ تاب ماوس؟؟

[@BishoyGerges]

ايوة ينفع

[@Abd-allah923]

انا جبت ايباد اير 6 ال 13 بوصه كويس ولا لا انا بستخدمه علشان المسلسلات و الرسم و المونتاج ❤

[@user-xh9gv3dl7d]

حضرتك تعرف قد ايه الجمارك اللي ممكن يحطوها على ايباد اير لو شحنت مصر ولا اشحن على السعودية افضل

[@BishoyGerges]

لو اشترتيه عن طريق موقع امازون بيطلعوا السعر ي يشمل الجمارك والشحن مفروض

[@elhadary22]

استاذ بيشوي لو سمحت انا بافكر اشتري ipad pro12.9 للمذاكرة وللشغل وانا شغلي كله معتمد على office فهل الجهاز دا يكون مناسب ليا وهل هاقدر اقسم فيه الملفات زي الويندوز

[@BishoyGerges]

تجربة الاوفيس افضل بصراحة علي اللابتوب من التابلت.. لكن لو عايز حاجة خفيفة بمساحة شاشة كبيرة ممكن تفكر في الجلاكسي تاب S8.. بص اللينك ديه فيها فيديو مقارنة هيساعدك جدا تختار: kzbin.info/www/bejne/oIbHqKmDityUaNE اتفرج عليه وابعتلي علي تويتر @MrBishoyGerges

[@whoami5462]

فيديو جميل جداً ♥️. فعلا ال ipad air هو أفضل خيار للطلاب عموماً لكن مشكلته في المساحة. لو أنا حبيت ازود المساحة ل 256 هلاقي نفسي قربت من ال ipad pro 11 inch فده من رأيي أفضل خصوصاً إنه هيفضل معاك وقت طويل . ايه رأي حضرتك ؟

[@BishoyGerges]

هو ده رأيي فعلا اللي ذكرته في الفيديو ان ال air رائع جدا لكن مشكلته المساحة

[@whoami5462]

@@BishoyGerges فعلاً

[@sabdraouf6410]

لوسمحت أنا عندي iPad Air Ios 12 هل ممكن يتحدث إلى iOS 16 ولا خلاص

[@BishoyGerges]

الجهاز اللي عندك انه اصدار؟

[@hpx2342]

شو وضع الاكستينشين على سفاري في الايباد خاصة ad-blocker, هي بنفس كفائتها على كروم؟

[@BishoyGerges]

في الحقيقية مجربتهاش علي ال iPad

[@hpx2342]

@@BishoyGerges تنصحني بتابليت يكون فيه امكانيات desktop web browser, وليس تطبيق موبايل ؟ جربت hp x2 بنسختين ويندوز و كروم ، التجربة كانت سيئة و الجهازين كانت بطاريته ضعيفة و المعالج مع الويندوز يقلب فرن حرفياااااا

[@mohamednageh2888]

Xمعلومات قيمه جدا

[@BishoyGerges]

حابب اعرف انه اصدار عجبك اكتر؟

[@ismailgoni7118]

لو سمحت تكلم عن لابتوب hp

[@BishoyGerges]

انه واحد؟

[@SaylaKatcha-uc6oz]

@@BishoyGerges اخر اصدار ل hp و dell

[@mondy6707]

انا هشتري ال ipad air عن اقتناع تماما بعد الفيديو ده

[@BishoyGerges]

هو ده الكلام 🤩🤩

[@Abdohagag74]

ممكن تقولي بتصور ب ايه ؟

[@BishoyGerges]

Canon M50 mark II

[@user-xh9gv3dl7d]

لو هجيب ايباد اير دلوقتي موجود ٥ هينزل على موقع ابل في شهر عشرة استنى لما ينزل ٦ علشان ٥ يرخص ولا هيشلوه من موقع ابل الامريكي

[@BishoyGerges]

مش معروف لسة ميعاد اكيد للايباد اير ٦.. ممكن يكون في اكتوبر او في مارس السنة الجاية.. عامة غالبا الاجهزة القديمة مش بتتشال بسرعة من موقع ابل امريكا

[@user-xh9gv3dl7d]

بما ان مش متاح بيع ايباد من امازون امريكا برا امريكا علشان ابل لها فروع ووكلاءفي كل مكان بس ممكن تقولي من اقل في الجمارك أو القيمة المضافة مصر ولا السعودية وايه الفيزا اللي اعملها و النسبة المضافة من التحويل من جنيه لدولار كام في المية

[@BishoyGerges]

للاسف معنديش معلومات كفاية عن النقطة ديه

[@user-un8cl7dy5s]

ممكن حضرتك تقول رأيك في Huawei matebook E؟ لاستخدام طلاب الجامعة. وهو شغال بنظام ويندوز.. ف هل هو حاله زي أي لابتوب ويندوز يعني صح؟ ولا هيكون متأثر بشكل أو بآخر بالحظر بتاع جوجل مع شركة؟ Huawei

[@BishoyGerges]

لا هو زي مقولتي بيشتغل بويندوز 11 فملهوش علاقة خالص بحظر جوجل

[@reklessingaming6238]

مميز

[@BishoyGerges]

اشكرك 🌹

[@beno2003]

طريقة طرح المعلومات رائعة برأيي التاب اس8 بلس هو الافضل للدراسة، سعره ارخص من الايباد، الكثير من المميزات تتيح للطالب سهولة الاستخدام افضل من الايباد

[@BishoyGerges]

الجهازين حلوين جدا لكن علي حسب ال ecosystem اللي انت مرتاح فيها.. اتفرجت علي مقارنة الايباد مع الجلاكسي تاب علي القناة هنا؟

[@beno2003]

@@BishoyGerges فين القى الرابط

[@BishoyGerges]

kzbin.info/www/bejne/oIbHqKmDityUaNE

[@jamalzogby9563]

كيف يمكن التواصل معاك؟

[@BishoyGerges]

ابعتلي علي تويتر @MrBishoyGerges

[@mahmoudabdelall1308]

ممكن ترشيح تابليت للدراسة والجيميز في حدود 7000 ج

[@BishoyGerges]

مجال دراستك ايه؟

[@user-ng8su5nz4m]

ممنون منك

[@BishoyGerges]

🌹

[@BlackGaming-ce7vf]

بس سؤال هو الايفون ليه نسبه شحن بطاريه هل الايباد ليه نسبه شحن بطاريه زي الايفون

[@BishoyGerges]

قصدك يبين فاضل قد ايه في الشحن؟

[@Eagle_Jona]

بالنسبة لموقع الكاميرا عاجبني جدا ما بحب الصورة المواجهة

[@BishoyGerges]

بس هو للاسف بيكون مش مريح في المكالمات الفيديو

[@Eagle_Jona]

@@BishoyGerges ما بحب اتصور لذا مناسبة لي انا بسبب انني ما احب الظهور بصراحة خجول لذا بفضلها

[@BishoyGerges]

اها.. تمام فهمت وجهة نظرك

[@darck3676]

شنو رايكم بايباد ٩ للدراسة وببجي وهل عمرة طويل؟

[@BishoyGerges]

ايه نوع دراستك؟

[@osamaelbaz370]

👏👏👏👏👏

[@BishoyGerges]

🤩🤩🤩

[@thecandel5479]

بتمنى من الله عز وجل لو شاهدت هذا المقطع قبل يوم واحد فقط ، لأنه أرسلت ابني يشتري آيباد متطور جدا ، مع إنه زي ما تفضلت ٩٩٪ مش رايحين يحتاجه إمكانيات الآيباد برو أحدث نسخة مع ارتفاع سعرها. قدر الله وما شاء فعل. استمر وبالتوفيق والنجاح الدائم اللهم آمين يا رب العالمين 🤲❤

[@techtimei6091]

يا بيشوي حاول تحسن جودة الصوت لان الصوت سيء .. المفروض تشتري حاجة كويسة للصوت زي بوز .. لازم لازم لو عاوز القناة تنجح الصوت والصورة مينفعش فيهم تنازل .. ولكن الفديو شامل وجميل ومليء بالمعلومات والنصائح الهامة جدا والافادة مش الابهار .. حاجة جميلة جدا يا بيشوي .. أستمر أنت أحسن من ناس كثير في المجال ده علي اليويتوب حاليا .. وياريت فديو تعريفي عنك.. هل أنت ساكن في مصر ولا في الولايات المتحدة ازاي سافرت .. ايه مجال شغلك الخ ..

[@BishoyGerges]

اشكرك جدا عالنصيحة.. انا لسة بتعلم وبحاول احسن شوية بشوية.. الفيديو ده بالرغم من ان الصوت باظ فيه لكن قررت انزله علشان بحاول اتغلب علي مشكلة ال perfectionism 😄.. الفيديوهات الاخيرة الصوت اتحسن شوية

[@techtimei6091]

@@BishoyGerges تعرف لما تشوف مثلا فديو ليوتيوبر انجليزي ولا امريكي مفيش عندهم تنازل في الاخراج والمونتاج والجودة علشان كده الواحد بيتفرج عليه بانبهار وبيكون الفديو مسليء حتي لو داخل اتسلي .. ده اللي ينقصنا كعرب ومصريين اننا بنبدا الحاجة كويسة اوي وبنبقي احيانا احسن من الاجانب بكثير ولكن بنبوظ الطبخة علي بقرش ملح .. او مش بنقفل شغلنا صح ..

[@BishoyGerges]

بس لو اتفرجت علي فيديوهات الناس دول في البدايات هتلاقيها كانت متواضعة جدا.. انا الفيديو ده كنت لسة بادئ بقالي كام شهر.. ولغاية دلوقتي انا لسة بتعلم لأني انا اللي بعمل كل حاجة لوحدي ومعيش حد يساعدني

[@techtimei6091]

@@BishoyGerges فعلا ام كي اتش في كان عامل موبيل مصوره بموبيل نوكيا باين ههههههه فعلا ولكن احنا دلوقت اليوتيوب اتملي قنوات فعلشان انجح لازم اعمل كل اللي عليا وزيادة شوية علشان اعمل ابهار .. تعرف مين اللي شاطر في اليوتيوبر العرب بس مش قوي يعني لانه مش بيعمل مشاهد خارجية او تصوير خارجي هو عمر دايز .. تعرف انا المفروض كنت عملت قناة من سنين وسنين ولكن مكسل ههههههههه ولكن اللي بيسمع نصيحتي بيكسب

[@BishoyGerges]

لما تبدا في الموضوع فعليا هتعذر الناس صدقني في موضوع الكواليتي ده بالذات فب البدايات.. انت مش متخيل كمية الوقت الرهيب اللي بيروح في الموضوع ده وفي الوقت اللي العائد اللي بيجي منه كلام يضحك حاليا.. ولأني لسة مش قادر اعمل "ابهار" بجودة المحتوى فاللي اقدر عليه حاليا هو اني بحاول ادور واقرأ كتير قبل ما اعمل فيديو علشان يكون المحتوي نفسه مفيد مش مبهر.. وطبعا عمر دايزر في حتة لوحده فوق وهو مجتهد جدا.

[@aymannabawi2233]

مساء الخير أستاذ بيشوي بعد إذنك يا ريت توضح لي كيفية معرفة إن كان أي جهاز آيباد جديد أو مستعمل أو مجدد ... إلخ؟ شكراً للإفادة

[@BishoyGerges]

اعتقد افضل حاجة انك تشتري من مصدر موثوق.. فيه معلومة ممكن تساعد وهي ان لو Serial number بتاع الجهاز بيبدأ ب F فالجهاز ده اتعمله Refurbished عن طريق ابل نفسها، لكن ماقدرش اقول ان اللي مش بيبدأ ب F مش مجدد لأن ممكن ناس تعمل كده برة ابل خالص

[@aymannabawi2233]

طيب هل مواصفات الشرق الأوسط أفضل، أم المواصفات الدولية؟

[@BishoyGerges]

@@aymannabawi2233 لأ الكلام ده مش في الايباد.. ماتقلقش

[@aymannabawi2233]

أصل لاحظت إن على موقع نون إن في آيبادات مكتوب في الوصف بتاعها إنها مواصفات دولية، وأخرى شرق أوسطية، وفي معظم المحلات أيضاً، والسعر على نون فيه فروق، فأيهما أختار

[@BishoyGerges]

ممكن تبعتلي اللينك ابص عليها واقولك؟

[@rebirthedsoul3185]

ايه المكان المعتمد اللى يبيع الايباد وبسعر غير مبالغ فيه وايه احسن هارد ديسك خارجي يصلح للايباد والاندرويد بردو ؟

[@BishoyGerges]

الوكيل في مصر هو شركة تريدلاين بس ممكن تلاقي علي olx ناس بتبيعه مستعمل في حالة جيدة او شبه جديدة باسعار اقل شوية من تريد لاين لكن هيكون بدون ضمان خلي بالك.. وبالنسبة للهارد ديسك فانا باستخدم Western Digital SSD

[@nahlaelshamy4443]

@@BishoyGerges ليه مش بيظهر التعليق كامل

[@BishoyGerges]

@@nahlaelshamy4443 انه تعليق مش فاهم قصدك؟

[@ibgad]

👍👍👍👍👍👍👍

[@BishoyGerges]

🤩🤩🤩

[@naoufel7330]

مساء الخير انا كطالب طب هل يناسبني ايباد برو ؟

[@BishoyGerges]

انت مش محتاج تعمل شغل تقيل تحتاج فيه البرو.. في رأي ال iPad Air ممكن يكون انسب لك

[@naoufel7330]

@@BishoyGerges طبعا عشان الملاحظات و ادرس منه .. شكرا جدا ليك ❤

[@hebamohamed3628]

انا كنت مقررة اشتري الايباد اير بس الفكرة ف المساحة صعبة اوي انا طالبة طب ومحتارة بين الايباد اير والبرو عشان المساحة هل هينفع اجيب الايباد اير 64 واضيفله ذاكرة خارجية ولا اجيب البرو هيكون اريح ف الاستخدام من حيث المساحة ؟ والفيديو تحفة حقيقي وكافي ووافي من حيث النصائح والمعلومات شكرا لحضرتك ❤️❤️

[@BishoyGerges]

اشكرك جدا يا هبة.. للاسف مش هينفع تضيفي مساحة خارجية. لو انتي محتاجة مساحة اكتر يبقي يا اما هتروحي للبرو او هتعتمدي علي ال cloud storage

[@markfee3740]

@@BishoyGerges هل يمكن نقل المعلومات بفلاشه ؟

[@amagdyoussef]

مشكله الايباد معايا سواء basis او air ان مساحتهم ٦٤ جيجا وده مش كفايه لكن الايباد برو ١١ بوصه و١٢٨ جيجا شايفه افضل فى كل حاجه خصوصا لو واحد مش بيغير اجهزه كتير او كل فين وفين وهيضمن التحديث واى جديد لسنين طويله

[@BishoyGerges]

لو كان فيه 128 جيجا في ال iPad Air كان هيبقي مثالي، بس Apple عارفة كده وده اللي خلاها تحصر المساحة ديه في البرو

[@amagdyoussef]

@@BishoyGerges مش سهله شركه ابل دى انا شايف أن ipad pro m1 ال 11 inch بمساحه ١٢٨ جيجا هيبقى افضل حاجه على الرغم من أنه غالى

[@BishoyGerges]

المساحة ديه هي السبب الوحيد في رأيي اللي يخليك تجيبه بدل ال ipad air

[@amagdyoussef]

@@BishoyGerges بالظبط والله يا هندسه عشان غير كده اجيب air وخايف استنى m2 ينزل عشان m1 يرخص خايف الدولار يزيد تانى فى مصر واتسوح قولى رايك بعد اذنك

[@aymannabawi2233]

شكراً جزيلاً أستاذ بيشوي أحيك جداً على الحياد وموضوعية العرض وفعلاً الفجوة الرهيبة بين 64 و256 جيجا أشكرك انك وضحتها الحكاية إن آبل مقررة تستحوذ على أكبر حصة من السوق أما المقاس الـ 12.9 فيها ميزة بالنسبة لي وهي وضوح كبر الحجم مش مجرد جمال الألوان فقط، إضافة إلى وضوح وظهور أكبر كم من المعلومات في الـ Multi Tasking دون الحاجة لإجراء scrolling بشكل متكرر ومع شاشة اللاب توب الأصلي لدي واللي حجمها 15.6 وجد إن الفرق كبير مع الـ 11 بوصة، ولكن مع الـ 12.9 الفرق مقبول شوية بالنسبة لي نظراً لارتفاع الاستجماتيزم لدي

[@BishoyGerges]

اتفق معاك في ان المقاس ال 12.9 اكتر عملية فعلا من ال 11 بوصة بالرغم من الفرق الكبير في السعر، وفعلا مقاس الشاشة الكبير ده احدي نقاط قوة الجهاز ده.. اشكرك جدا استاذ ايمن للمتابعة والتعليق 🌹

[@aymannabawi2233]

شكراً جزيلاً على جهدك

[@Eagle_Jona]

المهم عندي اكبر ذاكرة داخلية لان اخترت ايباد دون غيره ان ليس له ذاكرة خارجية

[@BishoyGerges]

هو مشكلة في الايباد فعلا عدم وجود مكان لذاكرة خارجية بس اكبر مساحة بتوصل ل 2 تيرا

[@Eagle_Jona]

@@BishoyGerges ما نوعه ارجوك أخي بيشوي انا محتار بينه وبين الفولد 4 لشوف اللي يناسب في السعر اي نوع يلي 1 تيرا

[@BishoyGerges]

@@Eagle_Jona الايباد برو متاح منه مساحة كبيرة لغاية 2 تيرا.. الفولد ده تابلت وموبايل مع بعض فحين الايباد تابلت فقط لكن كمان مساحة الشاشة في الايباد برو اكبر طبعا من الفولد

[@Eagle_Jona]

@@BishoyGerges تسلم أخي الحبيب ربنا يعطيك العافية، هو بصراحة بفضل الشاشة الصغيرة لاجل الالعاب بس حجم الذاكرة تخليني اتنازل عن الشاشة مقابل الذاكرة

[@abdullah-kr5ns]

انا اشتريت الايباد برو2022سريع وحلو بس احسو كؤتون خفيف كتير عندي الايباد7احس الخامات افضل منو مين يوافقني الرأي

[@BishoyGerges]

تحسوا ايه؟ مش فاهم

[@abdullah-kr5ns]

@@BishoyGerges خامات الايباد7 احس انه خامات اقوى بكتير من الايباد برو ايباد برو احسه خفيييف كرتون

[@S2ahr2005]

انا شريت تاب S8 Ultra جهاز عالمي هو 💫هاتف 🏅تابلت 👌لابتوب.... كمبيوتر مصغر🧐 بشاشة عملاقة✋مريح جدا بالاستخدام بمعالج عالمي وبطارية عملاقة.

[@BishoyGerges]

مبروك عليك 🤩🤩 احكيلي ايه رأيك في تجربة الكتابة بالقلم واستخدامه كريموت 😉