Soche Tha Bayan Kev Ak | Live Program | Singer Mir Ahmed Baloch | Lyricist Absar Baloch

نظم
سوچے تا بیان کیو آک دونو ای گڑاس افٹ
ہائ نا دا چوری تا حقاتن خلاس افٹ
بند کیو ھیروفا شکی ہا تینا خیالے
الے الے ای خیرات ندر شنک کنا گالے
بیست و پنچ اگست نا نن تارمہی تہاری ہس
روڈ شار گلی کوچہ چار کنڈ فراری ہس
جیونی نا دامان ہٹ مابتے دسیر شکریک
اوّلی کو ٹاکا نا کہ بنا کریر شکریک
جند ہنا تینا ایلم غیر کہ مورچہ بند اسر
تانہ سیٹی پاکو نا او جہی و ہند اسر
جٹ ہسیٹی قوضہ مس مورچہ غا تے تا دڑفیر
پنت تسرک اوفتے بس سلا تے تا ارفیر
اوکہ پد کہ حاوال ہس حملہ سینا بس بلو
چاپ ہٹی ہو دلداراک سُرنہ خلسہ ءِ قلّو
اٹکلاتو تسر جنگ بازءِ او مریفیرک
ٹول پلازہ او پولے او اشار دڑفیرک
اوکہ پد سما تما لوڑ بشے دا استین آن
داسہ دم تہ مسک بند ایت انار بے دین آن
وارثاک درتی نا خواجہ غاک دڑنگانو
راج ہنا امیداکو قوم ہنا او ارمانو
تکڑا پر ہنر والا گچ کوئے سلیمان نا
پوغ ہسینا وڑ تما دا پلیت ہنا جانا
روڈ ءِ نن درست توریر سیال مس سر چکّر
مڈی تے دروک انگا تسو گاڑے تے خاخر
توپچی او جنگول تا نی مریس گوا کولپر
دلبراک دمن ٹی نا راگ ءِ جنگ ہنا الکر
زارے تینا کشارک سیال ءِ الکرک گیگی
ترملیک غٹ ایلوک جوان خلکرک گیگی
او تفیر بارودہٹ پول ترغہ ورغہ مس
ٹیٹ لٹ کنگ اوڑئے موٹ سیکلی گشت ہس
ایکہ مچ آ کڈ کوچہ شور شار ہٹی تما
بُر غڑو آ دا دشمن ٹیٹ وار ہٹی تما
نیمہ تانہ ءِ الکر نیمہ روڈے توریرک
است ہنا کنا بنداک جنگ ءِ جوان ارفیرک
پال خلکرک لاڈیک نال کٹا قسمت ءِ
گولہ ہس ڈرون نا الک خزملی ہا شفقت ءِ
نوشکے ہٹ اِرا ہندا روڈ مچا بند اسک
قوم کل خنا روڈا دیدہ غا تے خوش مسک
بسر اندا نیامٹ وا گاڑی سیٹی پیراڑوک
باہ ملنگا توفک تا اوفتہ مس ارٹ ہس خوک
دروت الیوا ای ہڑدے ساہ و جان نا پلکاتے
خن تیا تخو تینا مکران نا پلکاتے
چار زانو ہس سمّو گل گلان ہس تربت
روڈ شار بازار ہٹ بل بلاکہ ہر سنگت
ہر گلی ٹی تربت نا سم تہ بس توار اسک
دشمناتہ ناپاکا مودہ آہ ءُ زار اسک
خوشی آن ہمر کپ بال است ژند بند انگا
جنگ جلوڑ ہٹی اسک خلکرک ڈرونس تا
ایکہ ہوت آباد ہٹ حوصلہ تہ کارون ہس
مس بنا کہ یلغار ہس روڈ مچ آ پتلون مس
باز خراب لگّا تہ ڈنگ ہکن نما گوری
گنڈا یار سنگت آک جنگ ہکن نما گوری
ای خناٹ ائے شام ہٹ جلوہ ءِ نما طور ہٹ
زرزروکا استاراک زرزرارا پنجگور ہٹ
خیسنا زرابا تہٹ روک ہس صفا سیوی
بادر انگا ملٹاتہ جوزہ اے خنا سیوی
فکر ءِ چنڈنک بر نن عشق ءِ مچ آ چپی کین
حرف حرف ءِ داغ ایتن خیال ءِ تینا ٹپی کین
اچ ادا مفک حق تاانت لکنک وس کین
است خواپک اچ لیکن نازیفنگ ءتا بس کین
پھل دا دانہ مروارد رنگ تسر ھیروفے
جہد ہنا خماری آک بنگ تسر ھیروفے
پانوان ہنا شتکا پھل بے بہا انگا
جوژ تس بارود ہٹ زند ءِ بادشا انگا
زیبدارا ائے رضوان آجوئ نا اس ضامن
مرگ ہنا مسافر تا دگ ہنا وہ مس ضامن
مس پلیت ہنا باخٹ چٹ کریکہ بے دادی
ترخفے تینے اوڑا گوادری ہا شہزادی
اف بدن ائے نازرکا کپ مس برنگا چٹ
ماہلو نا ائے رخسار خاخر ہٹ اشنگا چٹ
طیب و فضل گل تو پھل جنید و موہند جان
پارے اوفتے طالب جان کانبو سم تے تینا شان
است ہٹی اخس لاراک بند اسرا اٹ وخت
کوک ترسہ پیہاراک بر برک اڑے بدخت
بر اڑے عجب اینو مون پہ مون تمانس
خن تے کشنک نا بر باز مست گمراہ اس
بر اڑے نا ہمت اے کچ کینہ اینو نن
بر اڑے خنانس پا دونو خیسنو نی خن
بیلہ ٹی وہ بےغم ہس مزہ ٹی دن الکر تا
پھل ہا طالب و میرک ٹک کریر خلکر تا
انت کیو صفت پابو طیبی ہا غیرت نا
حوصلہ او بیداری تکڑئ او ہمت نا
ائے مخنگ و شایاری یارباش جنیدی جان
نیتو نن مرین یکجا یار کاش جنیدی جان
خن تے کیوا تر وخت ہس مونٹ اس فضل لاڈی
مشکلے خنو ولدا مٹ و نا بدل لاڈی
او مزاج ہتو سادہ منگچر نا مرجان ہس
خوش مزاجا آصف جان جی و جان جانان ہس
باوا ہم فدا مسک ناز کیک اوڑا خاک
غوزبشخ محمد بشخ میشدار ہنا ملٹاک
اچ مفک اسل لکھنگ یار جان لڑزنگے
کس پہے دم کنا وللہ جائ بند مننگے
کصہ غاک جنگاتہ دوست بریرا تو کُلے
مہر ہٹی الیک دروت ہس دیر مرگ ہنا ٹلے
گُڈار دا ابصارے یاد اٹی نما دڑداک
ناز اسے ٹی نازیفک سوب شام نُمے مڑداک
کیو اول ائے بڑز والا نا خدائ ءِ سجدہ
کیوا اوکہ پد ہڑدے ہر فدائ ءِ سجدہ
Ashobi Deewan
Live Program
Operation Herof
Mir Ahmed Baloch New Songs
Mir Ahmed Baloch Live Program Songs
Operation Herof Songs
Operation Herof
Mir Ahmed New Songs 2024
Balochistan
Mir Ahmed Baloch New Songs 2024
Ustad Meer Ahmad Baloch 2024 Songs
Mir Ahmed Baloch Live Program
Mir Ahmed Baloch
Meer Ahmad Baloch
Mir Ahmed New Songs
آشوبی دیوان
لائیو پروگرام
استاد میر احمد بلوچ
آپریشن ہیروف
میر احمد بلوچ
#mirahmedbaloch #liveprogram #balochistan #inqlabisongs #brahvisongs #balochisong #newsong #herofsongs

[@BilalAhmid-m6k]

دل کو چیر دینے والے داستان سلام شہداء ہیروف کو شہدائے بلوچستان کو فدا یوں کا اس مرتبہ پروگرام میں تصویر نہیں رکھا ہے اپریشن زیر بہا زک کا فدا یوں کا بھی تصویر نہیں رکھا تھا

[@HanniJaan-f7r]

Salamt baty ustad Jan

[@BilalAhmid-m6k]

❤❤❤❤❤❤❤❤❤❤❤❤❤

[@Baloch-p2z]

گشاغاں سامراجارا کفر کل نظامارا۔ معورمۓ تنگو تیلا۔ معور مۓ تنگو تیلا۔ تھا واڑتوبیتھاغۓ ہیلا چڑتو بعض کتھۓ میلا۔ معورمۓ تنگو تیلا۔ معورمۓتنگو تیلا۔ ناحقا مارا کشتو داتھئے جیلا۔ نا حقامارا کشتو داتھئے جیلا۔ ہرچیۓ برۓ زورا نیں خیرات نیں تورا۔ ہمیرنگا وش نیاں چورا سنبھالن وتھی چییا۔ معورمۓ تنگو تیلا۔ معور مۓ تنگو تیلا۔ مخاں جنگا مڑائیا پرو خوش کاں بغائیا۔ معور مۓ تنگو تیلا۔ معور مۓ تنگوتیلا۔ معورمۓتنگو تیلا۔